خاطب

[مشكلتي]

السلام عليكم
والله إخوتي نحن في حيرة
تحدثت بنت مع أختي وسطى في الجامعة وقالتلها باش يجيو يخطبوها
ورانا حايرين إذا نقبلوا ولا لا
يعني حاجة جديدة علينا ماشي موالفين فيمواضيع هاذي
وزيد ختي مانيش نحس فيها مليحا شغل خايفة ومقلقة لاخاطر معارفاش واش دير
وزيد ماما الله غالب ماهيش موالفة ماعرفة تقولها إيه ماعرفة تقولها نو كل مرة كيفاه
صلاة صلاة الإستخارة ومازالت كيفكيف ؟؟
تعيشوا راييو عليااا
أدعو معاي إذا فيهم خير يتيسر الأمر ويسهال وإذا العكس ربي يبعدهم علينا
وتخلاص لعقدة هذي بالخير

أنا صاحبت موضوع الخاطب
http://www.djelfa.info/vb/showthread.php?t=1885577

لم أوضح جيدا
المقلق أن المستوى تاعنا وتاعهم بعيييييييييد بزااف هوما كامل خذامين وقااارين وحنا مازال حتى واحد فينا ما خدام غير بابا وخويا لكبير ولزوج يخدموا فالنجارة
من عائلة غنية وقارية كاامل بما فيها الأب والأم
ونحن العكس يعني لبنات كامل فالجامعة و خوتي نو مقارينش والوضع المادي تقدر تقول متوسط وأب وأمي مقرينش بابا يخدم نجار
والخاطب قاري ويخدم مقاول وختي جامعية ماستر
ما رأيكم خايفني تتعاير ختي منبعد ولا متتفاهمش الأسرتين والله اعلم ؟؟؟

[mino 13]

نرمال يجو تهدرو معاهم وتشوفو هدا الانساان ما يعمل .سكن ..الخ
وتقولولهم دوك نردو لكم الخبر بعد اسبوع
هي مدة لي تسالو فيها على الخاطب
بالتوفيق

[أنور]

نرمال يجو تهدرو معاهم وتشوفو هدا الانساان ما يعمل .سكن ..الخ
وتقولولهم دوك نردو لكم الخبر بعد اسبوع
هي مدة لي تسالو فيها على الخاطب
بالتوفيق

مثلما قال الأخ تماما

[ZINEDINE_kaka8]

مقاول في الجزائر اجتنبوه

[RB59711]

بالنسبة للمستوى الاجتماعي عادي لانو اختك هيا لي رايح تعيش عندو وزيد راهي قارية تاني وزيد الخاطب اكيد راهو عارف كلش و هو لي جاكم . ماكان حتى مشكل . سقسو عليه مليح ادا كان متدين ومتخلق لتم يبدى الحديث والمفاهمة .بالتوفيق

[مناد بوفلجة]

السلام عليكم

أحيانا كثيرة تجد العائلات ذات الحالة الإجتماعية الجيدة أو المستوى الثقافي الجيد
تجدهم بسطاء في حياتهم و تعاملاتهم أكبر من بساطة بعض
العائلات البسيطة التي تكلف نفسها عناء الظهور بمظهر حسن

و لماذا القلق

لي فيها الخير ربي يجيبها

[صرخة ألم]

بالاك ربي سبحانه رزقها و انتم حابين تعقدوها و تغلقوها بالسيف ياخي فرضا واحدة فقيرة جدا حرام عليها تتزوج بوضع احسن و تتحسن امورها
الحمد الله ربي سبحانه لي يرزقك اذا متخلق فعلا اخطيكم من حكاية يعايرها و ما يعايرهاش كلها وساوس خليها تستخير و لي فيها الخير ربي يسرلها

[الطيب الشريف]

اذا جاءكم من ترضون دينه وخلقه فزوجوه

[سجل أنا جزائري]

لماذا كل هذه تسألات ؟!

مادام الراجل راه حاب يخطب و عائلته معنتها راه عارف وضعكم اجتماعي كيفاه و راه سقسى عليكم مليح ما تخافوش

و ثاني وضعكم متوسط و بنت تقرى في جامعة يعني هي ثاني قارية ما فهمتش علاه تعقتدتو من هذا الشيء

حاجة فقط لاز تسقسو عليها هي أخلاق العائلة و خاصة الشاب و مستوى الدين هنا صح اذا كاين فارق كبير تكون مشكلة اما اذا رجل لاباس به و اخلاقو دينو لاباس به ما عندكم حتى سبب للرفض

[صفيان 11]

اختي صلي الاستخارة و ربي يجيب الخير
2 اهم شي لا يكون مغرور او من عائله معروف عنهم الغرور لانك مهما تفعلي راح يشوفوك
دايم اقل منهم و انقلك صراحة اهربي منهم فو الله هد العالم راني عايش فيه غير تولو الكل كيما راكم تحت سيطرتهم بحكم عندهم المال دوك يعونو ابوك و خوك الخ منباعد تولي معندك حتى قيمة يديرو فيك واش يحبو لي انهم اشتروكم بي مالهم و الله غير راني انشوف بعيني ابناء اعمامي كيف يعاملو زوجاتهم و نسابهم الدل و الرخس فحداري اختي ميغركش المضهر كم من فتاة تزوجت بي غني و ندمت

[mounir moon]

حسب رأي الخاص
اهم شيء طالما ان مستواكم المعيشي متفتاوت هو معرفة جوهر الفتاة و شخصيتها جيدا جدا لانها لو كانت من النوع المتكبر لا قدر الله فلن تكون الامور جيدة مستقبلا
اذا اطلعتها و صارحتها بكل تفاصيل حياتك و انك من عائلة ميسورة و وجدت فيها روح الايمان و الصبر و التوكل على الله فهي من تصلح بحالك
بالتوفيق و لا تتردد في طرح سؤالك عن اهل العلم و الافتاء

[جنى الجنتين]

روحي قولي ليماك توجد روحها للاستقبال و تتكل على ربي

[زبدة ذايبة]

لازم تحاولوا تعرفوا دواعي هذا الزواج

يعني علاه قصدكم انتوما بالذات هذ الإنسان بالذات ؟؟؟؟؟

ياهل ترى أختك بارعة الجمال لدرجة أن هذا الإنسان تنازل على المكانة الاجتماعية اللي راهو فيها على جالها ؟ ولا كاين شيء مخبي

أصحاب المال والشهادات الجامعية العالية غالبا ما يتوجهو لناس كيما هوما في المستوى المادي والعلمي والاجتماعي

لكن لما تحصللهم المشاكل يرجعوا يتنازلوا على أمور كثيرة كانوا يشوفوها مقدسة

لهذا من رأيي لازم تعرفوا الدافع اللي خلاه يجي لعندكم

أفهميني مارانيش نقلل من قيمتكم ولكن من كلامك عرفت أنكم ككل الجزائريين البسطاء والرجل على مايبدو فاحش الثراء

مرت بينا حكايات مشابهة كثيرة

تكون العائلة غنية ويجيبوا لوليدهم وحدة بسيطة حتى وإن كانت متعلمة

وبعد فترة تظهر المشكلة في الإبن أنه غير طبيعي أو ماشابه وحبوا يجيبولوا وحدة اللي بعد ماتكتشف المستور ماتقدر دير والو

حتى حق المحامي ماتلقاش باش تخلصوا إذا طلبت الطلاق.

أنا مارانيش نقولك بالضرورة كاينة حاجة لكن كيما نقولوا اللي خاف اسلم

لازم تسقسيوا على هذا الخاطب

الزواج صعيب بزاف

الدخلة فيه ماشي كيما الخرجة غير اللي يحفظو ربي من عندو

انتوما سقسيوا عليه ماشي ساهل هذا النوع من الزواجات

الأخلاق والدين هوما الفيصل اللي يخليكم توافقوا ولا لالا

البيوت معمرة بالأسرار ويكتشفها الإنسان بعد الزواج

خذوا وقتكم في السؤال على الرجل قبل ماتعطوا رايكم

ومهما طلبوا أهل الرجل تسريع العرس ماتمشوش معاهم حتى تتضحلكم الصورة جيدا

نتمنالكم التوفيق

[النجمة القطبية]

يا اختى ما فهمتش عقدة هدا الشعب من الاغنياء
ومن وقتاش حنا في الجزائر عندنا الطبقية تاع الغني والفقير
اما علاه الغني يخطب الفقير وميديش من مستواه
عندي مثال قد يوضح الصورة
عندي قريبتي غنية جداا ولله الحمد على النعمة وعندها ابن
صارحتي انها حبت تخطب فلانة من الفتيات وهي فقيرة وانا الفتاة كانت عاجبتنى اصلا
فقلت لها خير ما اخترتي لكن هي من اسرة فقييييرة
جاوبتنى جواب مقنع جدااا قاتلي وانا واش نعمل بالمال الحمد لله
لكن حبيتها لانها فتاة طيبة من اسرة طيبة وخفت على ابني من بنات هدا الزمان
يعني باختصار جوابا على صاحبة الموضوع
بالاك شافها بسيطة وطيبة بنت ناس محترمين خاطيهم المشاكل والمظاهر
شافها تع دار
علاه الوساوس تع الشيطان اتكلوا على ربي الزواج نصيب
ومكاش فرق بين غني وفقير الا بالاخلاق اللي ترفع اشخاص وتخفض اخرون
وبالاك شاف بنات الاغنياء متكبرين مدللين ماشي تع فتح بيوت وهدا منتشر
المهم اتكلوا على الله وربي يوفق