مُشكلتي مع يمآ

[مشكلتي]

السَلآمُ عليْكُمــــــ وَرحمَـــــةَ الله و بركآآتُه
مُشكلتي رآهي تعيي فيآآآ بزآآف فأُمي اللي نورمآلمون تحفزني و تفوخ بيآ قدآم الناس رااهي ديمآآ تحرجني في العائلة خاصة قدام بنات عمتي اللي يستشفآو فيآ ديمآآ تقول للناس باللي أنا مانرحمهآش ومآنديرش شغل الدآر و فنيآنة لكن الشآهد ربي على مآ أقول مكاش نهآر فات بلا مانعاونهآآ و لا بلا ماندير شغل الدآر مرآت كي نطيب حوايج جدد تحير منين جبتهم ) و آخر مرة دآرتلي عفسة اللي خلاتني نكره..... صآحب خويآ حب يخطبني وبعث يمآه و ختو باه يتفاهمو مع يمآ وقتآش يجو قاتلهم غير مايشقاش بنتي ماشي مرا تآع دآر ومآزال مآتعرف وآلو وكي هدرت معايا أخت الطفل قاتلي يماك ماتحبلكش الخير .... قعدت حايرة وآش ندير معآها

[لجين امنيتي]

يا ابنتى امك تحب لك الخير مهما كان الحال اى ام لا تحب الشر لبناتها انا عندى 5 بنات الرابعة منهم مثقفة تعمل فى ميدان جد هام تزوجت و انجبت طفلين و كانت لا تدخل المطبخ ابدا و لاكن انا مفتخرة داءما بها من بين اخواتها المطبخ ليس كل شى و مع الوقت تعلمت و الان هى ربة بيت ماهرة فامك تحبك من داخل قلبها و لذا تتكلمى على امك هكذا فالام كما يقول الشاعر اذا اتبعت نضاءحها ستنجحين فى نياك و المستقبل امامك فدا الشاب الدى تتكلمين عنه ربما ليس هو من مكتوبك و لكن تدكرى ان سيجى يوما وتكونى اجمل عروس للشاب من نصيبك فحب امك اليك اتجدينه ابدا و مهما كان الحال صدقينى يابنيتى و كل ام فى هدا الدنيا نفس الكبد وشكرا بنيتى

[blanche rose]

بانتلي يماك عندها عقلية عجايز بكري
ما يشكروش بناتهم باش يشطارو
وهي فكرة غالطة

بصح باش تهدر هكذاك مع أهل الخاطب أمر غير طبيعي
بانتلي عندها عقدة نفسية من دارهم بكري..

حاولي تهدري معاها وحكيلها على الامهات كيفاش يديرو
حاولي تعرفي السبب وراء تصرفاتها

كي تصادفك مشكلة قولي الحمد لله
وتقربي لله وادعيه بزاف

ربي يفرج عليك

[بشـرى]

صدقيني يا أختي لا يوجد في العالم قلب أحن عليك من قلب أمك ، حتى وإن تظاهرت بالقسوة
احكي معاها وحاولي تفهمي منها سبب التصرف تاعها معاك ، هي أمك وأنت أعلم بها

[thorpe]

ساعفيها وخلاص خصوصا اذا راهي كبيرة فالعمر
بعض الامهات ربي يهديهم صح
مي انت ساعفي برك
ربي يعين

[حنين فتـاة]

يا اختي انا نظن امك راهي دير هكدا باش تحفزك تزيدي فاشطارة حتى انا امي كانت هكك بصح منزعفش منها
حاولي تصادقيها وتصاحبيها باش تكسبيها

[fouadioux]

الله المستعان
مهما سألتي و استشرتي
الاحابة ستكون واحدة لا غير
امك ولازم تساعفيها
حياة صعبة
ربي يهديها و يحنّن قلبها
و انتي ربي يعينك و يعطيك قوة تحمّل و صبر لا يفنى

[GOFRANEKRABI]

هههه اسناي سع وعليكم السلام ، والله ختي راكي غالطة مك تحبك ومحال تحبلك الشر هدي غير نحيها من دماغك ، هكا كنا نفكرو انا وخواتاتي والله العضيم كي كنا صغار هكا كانت ديرلنا ما ههه تخيلي حنا مزال مناش تاع زواج وهي فعقابنا مزوجتوش وشكون لي رايح يديكم وراكم خايبات ونتاجكم زوجو وبولادهم ، المهم تروح عند الجيران وتقولهم بناتي خايبات ، هههه والله كي نتفكر ، المهم ضرك زوجنا كامل وقعدت فرغت عليها دار ولات تتحصر على يامات كنا دايرين بيها ، كنا منخليوها تقيس والو حبوبتي ، ربي يحفضها ويحفضلك ميمتك متخميش راي غير محطاش فكرة تبعدي عليها راي ديرلك هك باه ديرلك القلب وتفحالي كتر ، من هك ، متخميش

[نسيم الريح ش]

ادعي ربي يحببها فيك ويخلييهالك

[حضنية28]

يا اختي الفاضلة هذه امك ومستحيل انها تكرهك
ساعفيها وامشي معاها بالشوي
واكيد هي قاتلك هكذا باه تزيدي تشطاري
صراحة يعني الامهات راهم كامل هكذا