قاطو الطابع و مادلان من وصفات امي الحبيبة

[fella987]

قاطو الطابع احلى مرافق لقهوة الصباح و لعشية مهما يتنوعو انواع القاطو و يخرج الجديد بصح يبقى هو المفضل عندي
مع مادلان اقتصادي جدا من عند ماما
اذا عجبوكم نحطلكم الطريقة
سلاااااام

[nono-nono]

ياعمري الله يبارك خيار الحلوى راني جاية نشرب قهوة يعطيك الصحة يسلم دوك اليدين يارب

[fella987]

ربي يحفظك و يسلمك انتي تاني حبيبتي مرحبا بيك و الله على العين و الراس

[missami]

يعطيك الصحة....

[hamidanad]

الطريقة باه نديرهم ل ولادى

[aya ayouya doudou]

اللهمّ صلّ وسلّم وبارك على محمّد وعلى آله وصحبه أجمعين

[fella987]

يعطيك الصحة....

شكرا على المرور اختي بارك الله فيك

[fella987]

اللهمّ صلّ وسلّم وبارك على محمّد وعلى آله وصحبه أجمعين

عليه الصلاة و السلام

[ام اسماء82]

ربي يخليلك الحبيبة ممكن الوصفتين

[fella987]

الطريقة باه نديرهم ل ولادى

على بركة الله نبداو بقاطو الطابع
انا نخدمو بالكيلة و انتي شوفي باش موالفة تكيلي يعني يقدر يكون كاس او غرفية صغيرة او اي حاجة تكيلي بيها المهم كلش يكون بكيلة وحدة
كيلة بيض
كيلة زيت
كيلة سكر عادي
قشور الليمون
مغرف كبيرة حليب غبرة
الخمارة ندير مقابل كل زوج بيض 1خمارة " يعني اذا درتي 4 بيض ديري 2خمارة "
فرينة
خلطي البيض و السكر مليح ثم ضيفي الزيت بلعقل ثم قشور الليمون و خلطي ثم الحليب غبرة و مبعد الخمارة و نبدا نلم العجينة بالفرينة حتى نتحصلو على عجينة طرية ما تيبسناش بزاف باسكو رايحين نزيدو فرينة كي نبداو نطبعو فيها
مبعد تدي كمية من العجينة و تفتحيها و تطبعي بالشكل اللي تبغيه و ديري صفار بيضة مع شوية فاني ولا نيسكافي و اطلي كل حبة و ديريلها من لفوق فرميسال الملونة والا سكر احرش و بالصحة عليكم

المادلان :
2 بيض
كاس زيت
كاس سكر عادي
فانيلا او قشور الليمون او البرتقال على حساب الذوق تاعك
2خمارة
2كيسان فرينة
كاس حليب
خلطي السكر و الزيت و البيض مع بعض مليح مليح باش يجيك خفيف ثم الفاني ثم ضيفي زوج كيسان فرينة و 2 خمارة و خلطي شوية مبعد عمري نفس الكيس اللي بديتي تخدمي بيه عمريه حليب و ابداي تضيفي فيه و تخلطي في نفس الوقت حتى تتحصلي على خليط كيما نتاع الكيك ما يكون جاري بزاف مايكون ثقيل ، ديري لي مول نتاعك و ديري كيسات نتاع مادلان عمريهم فالنص على الاكثر و دخليهم الفور يطيبو من تحت ثم من فوق ، بعد الطياب زينيهم بواش عندك ، شوكولا سكر ناعم كيما تبغي
نتمنى جربيهم و يعجبوك

[ام اسماء82]

شكرا حبيبتي على الوصفتين

[histolitika]

baraka aallah fik ala l wasafat w jari tajrib in chaa allah

[القناعة كنز]

بصحتكم فلة امممممم

[حبيبة امها]

بارك الله فيك وفي الوالدة الكريمة على الوصفات في ميزان حسناتكم إن شاء الله

[idron0]

ربي يجازيك كل خير على المجهود المبدول

[محتاجة لعفو الله]

يعطيك الصحة الله يبارك خرجولك شابين

[Oum Habouba]

جزاك الله كل خير نتي وماماك وشكرا على الوصفة والصور تشهي اممممم الله يعطيكم الصحة جزاكن الله كل خير

[جنة الفردوسْ]

حطيلنا الوصفففففففففة

[saraa25]

ربي يجازيك كل خير على المجهود المبذول