كيف تؤثر التقلبات المزاجية للام على الجنين

[jawada22]

السلام عليكم و رحمة الله و بركاته

اخواتي اني تاثرت بهذا الموضوع اكثر من اللازم وبحثت في النت فزاد توتري و اضطرابي لاني مررت بفترة كلها بكاء و اضطراب في الفترة الاولى من حملي فقرات الكثير عن هذه الحالة ما زاد خوفي عن جنيني فكانت الاراء كثيرة .. فاردت ان استفيد من تجاربكن

رجاءا شاركوني هذا الهم الذي يكاد يقضي علي وكل من مرت بتجربتي و نجى طفلها من كل مرض او تشوه او اعاقة لا قدر الله فلتنجدني و تفدني وتنصحني لانني بكيت بزاف في الثلاث شهور الاولى و زعفت بزاف و راني خايفة من النتائج

يا رب ارزقني بذية حسنة الخلق و الخلق و لكل متشوقة بالمثل يا رب


افيدوني بتجاربكن:sdf:

[ibtihal18]

اختي جوادة ما تقلقيش روحك نهائيا الحالة النفسية للام و هي حامل هي اللي تاثر على الحالة النفسية للطفل فقط مش تسببلو اعاقة او تشوه و ليس كل ام تبكي او تغضب سوف يكون لابنها نصيب من الغضب و التشاؤم هناك احتمال فقط انو يتاثر الجنين بحالتك النفسية و ننصحك اختي ما تعمريش راسك نهائيا خليها على ربي برك و ادعيه يرزقك طفل سليم و بصحة جيدة فقط و ما تظليش فالنث تقراي على الامور هذو لانو رح يوليلك وسواس
مثال عني فقط ولدت و توفاتلي بنتي و حزنت و جاتني كابة حتى اني كرهت نفسي و كل شي و الحمد لله فاتت الفترة و الان راني نحوس نحمل و نظل فالانثرنت نحوس على الاسباب و نطلع على حالات مشابهة لحالتي و اسبابها و نائجها و توسوست نهائيا و وليت نسترجع فالشي اللي صرا معايا و نتخيل انني ممكن ما نزييدش نحمل و ممكن يكون بيا شيء خطير و لما شافني الزوج تاعي فالحالة هذيك قعد معايا و دارلي درس كبير و قالي ما نزيدش نشوفك تشوفي فالمواضيع هذو نهائيا و من تما الحمد لله ما وليتش نخمم فالموضوع هذا و خليتها على ربي سبحانو القادر على كل شي

و نزيدك مثال عن اختي عندها مابكات و هي حامل و عندها ما غضبت و كانت عندها لاطونسيون و الما ناقص في كرشها و الطفلة ضعف نبض قلبها و قالولها احتمال تموت البنت و هي تولد بالعملية و هذا واش زادها اكتئاب و ياس و زادت راحت فيها خلاص و لما بقالها 15 يوم على ولادتها راحت ماما عندها ولات ارتاحت و ماما تخدم و هي تاكل و ارتاحت نفسيا و بالاضافة لدعواتنا كامل كي درات اخر راديو قالتلها الطبيبة الماء راه ارتفع و البنت قلبها راه ينبض عادي و ولدت طفلة ماشاء الله و بدون عملية و ما عندها حتى مشكل الحمد لله
ربي يتمملك اختي و ديها نصيحة من عندي ما تخمميش فالامر هذا بزاف لانو اغلب ما يصيبنا يجي من العقل الباطني تعنا و و واش رانا نخممو فيه اذا تفاءلنا جانا الخير و اذا تشاءمنا جانا الشر

[jawada22]

الله يحفضك اختي ابتهال و يتمملك ما في بالك و يرزقك بالذية الصالحة و يطمن قلبك كيما طمنتي قلبي و الله غير ريحتيني ربي يريحك و يحفضلك كل غالي يا رب

[ibtihal18]

امييييييييييين اختي ربي يحفظك و يحفظلك البيبي تاعك

[djouda20]

kathiren sahhhhhhhhhhhhh

[raboha]

يا ختي علاه عليك ذا الشي و تقلقي في روحك و تعبي فالبيبي
و الله البيبي يخرج سليم و شباب و بوبون
و أنا كي قتلك متتقلقيش و متبكيش لخطرش حالتو النفسية تتأثر
و متخافيش على حالتو النفسية بمرور الوقت يروح كلشي
ربي يتمملك و قيسي من راسك هذي الأفكار
راكي تعبينا في روحك و الله نتقلق معاك و ملي قريت موضوعك راني نخمم فيك
كلشي و صحتك و صحة البيبي
إن شاء الله كي اليوم نلقى موضوع حاطة حلويات نفاسك و نطلب منك وصفاتهم
أيا فالأخير إدعيلي من قلبك ربي يزيد يرزقني بأخ لخياتو

[مجدى بدوى]

جزاك الله بكل خير على هذا المجهود الرائع

أسأل الله أن يجعله في ميزان حسناتك
ونسئل الله العلي القدير ان يرفع شانكم ويعينكم على عمل الخير

[jawada22]

يا ختي علاه عليك ذا الشي و تقلقي في روحك و تعبي فالبيبي
و الله البيبي يخرج سليم و شباب و بوبون
و أنا كي قتلك متتقلقيش و متبكيش لخطرش حالتو النفسية تتأثر
و متخافيش على حالتو النفسية بمرور الوقت يروح كلشي
ربي يتمملك و قيسي من راسك هذي الأفكار
راكي تعبينا في روحك و الله نتقلق معاك و ملي قريت موضوعك راني نخمم فيك
كلشي و صحتك و صحة البيبي
إن شاء الله كي اليوم نلقى موضوع حاطة حلويات نفاسك و نطلب منك وصفاتهم
أيا فالأخير إدعيلي من قلبك ربي يزيد يرزقني بأخ لخياتو


الله يجازيك الف خير و يرزقك اللي في بالك الله يحفضك

[holiday4u]

موضوع رائع