فيما يخص لعرايش بالعجينة السحرية

[محتاجة لعفو الله]

بسم الله الرحمان الرحيم
السلام عليكم و رحمة الله و بركاته

حبيت ندير لعرايش بالعجينة السحرية تاع أم أماني بصح ما عرفتش المقادير قيس 60 حبة فقط ما نيش حابة يجيني قل و لا كتر
يعني شحال حجم الكيلة اللي نعبر بيها السمن و الزيت و لحليب و شحال تديلي الطلية من سكر قلاسي و شحال نستعمل من الكوكاو في العقدة .
اللي موالفة بالقاطو و عارفة تقريبا حجم المقادير تقولي و بارك الله فيكم و جزاكم الله خيرا .

[ام سيرينا]

انا والله منعرف بصح اناشاء الله يعاونوك لبنات

[محتاجة لعفو الله]

انا والله منعرف بصح اناشاء الله يعاونوك لبنات

معليش اختي راكي كيما انا مشكورة على الرد
راني نستنى فلي يعرفوا ، ان شاء الله يعاونوني نحتاجها ضروري.:sdf::sdf::sdf:

[raboha]

ختي أنا خدمتهم بصح العبر و الله ماني عاقلة شحال خرجلي
درت عبرت كل المقادير بعلبة ماني تاع 500غ المهم خرجت ياسر و مديت فالسنيوة قريب 50 حبة و بقاتلي العجينة مكملتهاش
بالاك تخرج حتى 60حبة بصح أنا كبرت الحبة
و الطلية جبت 2كيلو و قعدلي منو و بالاك بقالي كيلو لخطرش القلاصاج مداليش و عبرت بالفنجال و خرجلي بزاف
درت فنجال حليب فنجال زيت و فنجال عصير قارص و فانيلا و السكر من الأحسن تسيرييه
هاك رابط تاعي و شوفي عرايشي و كاش سؤال راني هنا
و الله هذي العجينة و الطلية يبقاو طراية حتى على مدة طويلة
خسارة لقيت الصور راحو المركز اللي حملت منو مطولش المدة
نسايي نحملهم ونوريهملك

[محتاجة لعفو الله]

ختي أنا خدمتهم بصح العبر و الله ماني عاقلة شحال خرجلي
درت عبرت كل المقادير بعلبة ماني تاع 500غ المهم خرجت ياسر و مديت فالسنيوة قريب 50 حبة و بقاتلي العجينة مكملتهاش
بالاك تخرج حتى 60حبة بصح أنا كبرت الحبة
و الطلية جبت 2كيلو و قعدلي منو و بالاك بقالي كيلو لخطرش القلاصاج مداليش و عبرت بالفنجال و خرجلي بزاف
درت فنجال حليب فنجال زيت و فنجال عصير قارص و فانيلا و السكر من الأحسن تسيرييه
هاك رابط تاعي و شوفي عرايشي و كاش سؤال راني هنا
و الله هذي العجينة و الطلية يبقاو طراية حتى على مدة طويلة
خسارة لقيت الصور راحو المركز اللي حملت منو مطولش المدة
نسايي نحملهم ونوريهملك

يعطيك الصحة اختي ربي يعطيك ما تتمناي و يوفقك في الدنيا و الآخرة ان شاء الله .
بانتظار الصور ان شاء الله .

[titina]

تفضلي

http://www.djelfa.info/vb/showthread.php?t=1411561

[raboha]

إسمحيلي طولت و الله محبوش يتحملو حتى بالسيف

http://cdn.top4top.co/i_4095e4b3e50.jpg

http://cdn.top4top.co/i_31490e35030.jpg

هذو اللي خدمتهم و كاش سؤال راني هنا

[ام احمدي]

حنونة روباح خدمتيهم بالعجينة السحرية وساعفوك في الطياب يعني مفسدش الشكل تاعهم
كاينين اخوات قالو العجينة السحرية متصلحش للعرايش
اختي راجية العفو منين تديريه خبريني الا صلحلك بلييييز

[raboha]

حنونة روباح خدمتيهم بالعجينة السحرية وساعفوك في الطياب يعني مفسدش الشكل تاعهم
كاينين اخوات قالو العجينة السحرية متصلحش للعرايش
اختي راجية العفو منين تديريه خبريني الا صلحلك بلييييز

أختك أم لميس و لجين
واه خيتي خدمتهم بالعجينة السحرية و قبل منطيبهم خليتهم رتاحو ساعة
و فالكوشة قاع مخسرو من السخانة
حتى التشاراك كي نديرو نخليه ساعة يزتاحها
و اللي قالو متصلحش راهم طيبوها ثم ثم و لا خلاو العجينة طرية بزاف
هي كي تلمي العجينة خليها حاكمة روحها متخليها طرية متنشفيها بزاف
نتمنى ينجحو مع ختي راجية عفو الله

[ام احمدي]

ميرسييييييييييييييييي حنونة املميس ولجينعلى الرد
راح نديرهم باسكوعجبتني العجينة السحرية وخفت يخسرلي الشكل تسلمييييييييييييييييييييييي

[biba-lola]

السلام
في الكيلة كي نستعمل الكاس العادي نتاع الماء يخرجو 40 -45 حبة و نوزن الحبة ب 30 غ اما القلاساج يبقى شوية من 2 كيلو و الحشو كيلو لوز يخرج اكتر من 150 حبة

[محتاجة لعفو الله]

تفضلي

http://www.djelfa.info/vb/showthread.php?t=1411561


بارك الله فيك على الافادة ربي يجعلها في ميزان حسناتك ان شاء الله

[محتاجة لعفو الله]

إسمحيلي طولت و الله محبوش يتحملو حتى بالسيف

http://cdn.top4top.co/i_4095e4b3e50.jpg

http://cdn.top4top.co/i_31490e35030.jpg

هذو اللي خدمتهم و كاش سؤال راني هنا

ما شاء الله خرجولك روووووعه حتى الديكور الله يبارك قمة .
ممكن طريقة تحضير لغلاساج اللي درتيه ؟ و هل يبقى طري و على حالو بعد مدة ؟؟؟
ربي يجزيك كل خير في الدنيا و الآخرة .

[محتاجة لعفو الله]

السلام
في الكيلة كي نستعمل الكاس العادي نتاع الماء يخرجو 40 -45 حبة و نوزن الحبة ب 30 غ اما القلاساج يبقى شوية من 2 كيلو و الحشو كيلو لوز يخرج اكتر من 150 حبة

بارك الله فيك اختي و جزاك الله خيرا
يعطيك الصحة على الرد ربي يعطيك ما تتمناي ان شاء الله .

[محتاجة لعفو الله]

حنونة روباح خدمتيهم بالعجينة السحرية وساعفوك في الطياب يعني مفسدش الشكل تاعهم
كاينين اخوات قالو العجينة السحرية متصلحش للعرايش
اختي راجية العفو منين تديريه خبريني الا صلحلك بلييييز

شوفي اختي ام احمدي انا جربت من قبل لعرايش بالعجينة السحرية للأخت أم أماني و جاو روووعة ما شاء الله سواء شكلا أو ذوقا و ما تخافيش ما يفسدوش في الكوشة المهم تلمي العجنة مليح بالفرينة كيما ذكرت أم أماني في الوصفة ديالها و ما تخليهاش طرية بزاف .
أنا جربت بكاس صغير يعني كمية قليلة على هاديك ما عرفتش المقادير قيس 60 حبة ، بصح الحمد لله الأخوات ما بخلوش عليا بمعرفتهم ربي يجزاهم كل خير و ينورلهم طريقهم ان شاء الله .

[raboha]

ما شاء الله خرجولك روووووعه حتى الديكور الله يبارك قمة .
ممكن طريقة تحضير لغلاساج اللي درتيه ؟ و هل يبقى طري و على حالو بعد مدة ؟؟؟
ربي يجزيك كل خير في الدنيا و الآخرة .

الله يسلمك و اسمحيلي طولت بالرد
كيما قتلك على عبر القلاصاج ديري فنجال كل من الزيت والحليب و عصير القارص
خلطيهم ثم فرغي عليهم سكر رطب تكوني مصيراتو و الفانيلا و الملون أنا درت ليكيد
و الله هذي الطلية تبقى طرية و تجي تبرق
خليت حبة عرايش مدة 15 يوم في علبة و الله كي ذقتو باقي طري تقول هذا وين درتو