أستادة

[مشكلتي]

السلام عليكم
مشكلتي هي أستادة لا ولن أسلك من شرها كرهتلي حياتي تحاول تجد الخطأ ملاين ميكونش
مع أنها جامعية وتقري فالمدرج ولن أسلك من شرها تظل وراي
وزيد هي تلتقريني الأعمال التطبيقية يعني القسم حفظت الإسم تاعي
وتظل تعاود فيه لأتفه الأسباب وفي المدرج وسط 200 شخص
والله أني تلميدة عاقلة ونركز ومنهدرش غير كتكون هي تتوانس وتضحك كيفي كيما التلاميد كامل والله عقدتني
ياو رانا فالجامعة ماشي في متوسط وزيد 2 جامعي
بقيت حايرة ليوم دارتلي جاست فيظت بيه البير كيما يقولوا مع أنها لابسة لباس شرعي !!!!
هذي حاتلي مشاكيل جارين وراي من كل جهة مزانيش مشاكيل فالدار والمرض ووووو تزيدلي هي
والله حرام عليها :'(
أدعوا معي ربي يبعد بلاها عليا
وكيفاه نتعامل معاها جربت كلشي ومصلح والواااا

[- بصمة خير -]

كل ما تدخلي لحصتها ديري دعاء من خاف قوما بينك و بين نفسك:
اللهم انا نجعلك فى نحورهم ونعوذ بك من شرورهم

[أم سلوى]

قولي..بيقين وبفرح وبحب...


حسبي الله ونعم الوكيل....
ليس لكي يثأر لك ولكن يطمئن قلبك.ومن ثم. يذهب الشر كله...

[خالد عنابي2]

المشكلة تحتاج الى توضيح اكثر

[thmaster100]

اقراي وتفوقي وكي تكملي ديري عليها طلة اخلاقية

اكد لك اخلاقية وليست وقحة

ستخجل من نفسها وعملها

بالتوفيق

[المهاجرة لربها]

يا اختي وفقك الله في دراستك و حقق مبتغاك انت كل يوم تتوجهين للجامعة لتزاولي دراستك و تحققي مرادك و هدفك
صحيح انها استادتك عليك احترامها و عامليها بالتي هي احسن حتى و ان اخطأت في حقك فوالله ستندم ان اخطأت
لا تجعلي كل هده الامور تفقدك تركيزك في الدراسة و تبعدك عن النجاح بالعكس برري لها انك طالبة مجتهدة ساعية
حاولي ان تبرهني لها انك مهتمة بالدراسة لا غير و كل هده التفاهات لا تهمك

فقط ركزي في دراستك انصحك بذلك فهده ثغرات تؤدي الى ما يحمد عقباه ممكن انك تتعقدي من الحصة و تصبحين بالتالي
تكرهين المادة التي تدرسها هده الاستادة و ,,,,,,,,,,,,,,,,,,,,, و,,,,,,,,و غيرها من مشاكل نفسية

لدا انصحك بان لا تعاملي الاستادة كما تعاملك بالعكس تماما اصرفي تفكيرك عن هدا الموضوع و حاولي ان تعامليها
بطريقة افضل لوجه الله و بادن الله تجدين مخرجا لقوله تعالى (و من يتقي الله يجعل له مخرجا)

دائما رددي هده الاية في قللبك و كفانا الله كل الشرور
بالتوفيق ان شاء الله

[hanna25]

اختي اقراي وخرجي modules بنقطة مليحة نهار تكونسيلتيو و تعطيك نقطة مليحة رايحة تفرحي وتنتقمي انا العام الماضي كان شيخ مدايرلي هك اتصوري كان عندنا حصة في نهار وحدها لقيت انا كيفاه نبدلها رحت قتلو قالي لوكان جاني وحداخر نبدلها بصح نتي منبدلهاش ومكرا خلاها عام كل هكاك وفي آخر السنة كي لغاشي كل داو 1 و 2 وانا خرجتو بنقطة طالعة كنت قاعدة في آخر المدرج هو مكانش يعرف اسمي كي صحح الورقة لقا وحد الاجابة كاملت وزايدة كتبلي بارك الله فيك شبع شكير كي جا يمدلي الورقة قريب محاها غاضتو بصح انا رفعت راسي حسيت روحي طايرة مش هابطة في دروج المدرج هههه وهو حاشاك كي لقاني انا محبش يشكرني ملقري لداو قل علي شكرهم بويسك قليل لخرجو وزيد الورقة حطها بعيد محبش يمدهالي ليدي مالا انا هزيتها وطلعت كي خلص قالنا رجعو لورق ناس كل تحسب انا لولا هبطت نمشي ونتكسل والورقة حطيتها بعيد مكرة محبيتش نردهالو ونضحك قلبو خرج وانا حاسا روحي نطير من الفرحة وناس كل تتفرج موقف رائع تحسي روحك انتصرتي ههههه والسنة زاد قراني ساع هادي او نورمال ولا كي يشوف معايا يضحك هههه متقرقيش روحك انا قنعت بلي الشيوخا تع الجامعة مراض مديريش عليهم

[dr_amal]

وكلي عليها ربي وادعي ربي سبحانو يبعد شرها عنك
ماعليك غير تصبري مش راح تعيش معاك طول راهي فترة وتتهناي منها
ماعليك غير بالصبر وتجاهليها ملازمش تخليها تقلقلك حاااولي قد ماتقدري

[لينة نور]

السلام عليكم

اجعلي من يومياتك معها تدريب لنفسك على الصبر ..سوف تستمتعين بدل الاستياء ...:)

[عبد الله 22]

السلام عليكم ربما صدر منك أمر بغير قصد أو تصرف معين جعل من الأستاذة تتصرف بهذا الشكل ، لأن السؤال هو لماذا الأستاذة تركز على طالبة معينة ( من 150) أوأكثر؟؟؟؟ هي مثلك لديها مشاكلها أمورها التي تغنيها عن تتبع طالب
وعن تجربة كنت أدرس حقوق ( دبلوم إضافي ) في بدية السنة مر الأستاذ بجانبي فتسألت أمامه هذا هو الأستاذ فظن ان أحتقره ( كان شاب صغير ) منذ دخولي ركز علي واعطني البحث للحصة القادمة ، إضافة إلى الإهانة في 3 حصص بعدها توقفت نهائيا عن الدراسة بسبب سوء فهم حاولي التحدث مع الأستاذة والاستفسار بطريقة محترمة خارج الانفعالات و ردت الفعل ؛ بالتوفيق

[manal mimicha]

اختي باينة عليك عاقلة و تسمعي الهدرة

كي تكمل الحصة نتاعها

روحيلها بكل ادب اهدري معاها بلعقالة و ردي بالك

من الانفعال و اذا محبتش تهدر معاك متزعفيش

خليها الغلطة منها ماشي منك انتي وقتها تكوني درتي اللي عليك و زيادة

و ربي عمرو ما ينسى عبدو اكيد هذا راه اختبار من عندو عز و جل

و انت اصبري

بالتوفيق