معنويات محطمة

[carla 25]

انا تلميذةكنت دائما خاطيني النوع لي يشارك بزاف ومع دلك كانو الاساتذة يحبوني ويشكروني وكنت دائما 1 في قسمي طلعت الاولى ثانوي و تبدلت العقلية خلاص الاساتذة ما يفهموش خلاص وزيد طاحت معايا طفلة هي ممتازة و تشارك دائما و معاها 4 من صحاباتها الاساتذة يشوفو غير معاهم خاطر يحضروا الدروس من كرارس خاوتهم انا قلت منشاركش ونثبث في الورقة مي في الفروض خليتها العلوم 12 قلت نخدم في الفيزياء و الرياضيات و للاسف خليتها هما تاني وخاصة كي شفت الاساتذة يعاونو هذيك الطفلة في الفروض لتما كرهت خلاص مع انا منحملش واحد يخرج قبلي لازم انا 1 بقاتلنا الفرنسية و العربية و المواد تع الحفظ هادو ماني فاهما والو وعولت نخلصهم في العطلة هادي بصح ظروف مسمحوش قولولي كيفاه ندير راه المورال 00000 و طيشت لقراية خلاص وليت نقول نبطل خيير

[هاكونا ماتاتا]

و قسم بالله كيفك
وزيد انا بدلت من ثانوية لثانوية دونك جيت روطار و مريحة في الاخر معايا جماعة تاع لعب و الاساتذة حاسبيني كيفهم

المهم نورمال اقري مليح و ديري جهدك و تفكري
على قد جهدك تأخذ

[mimiroza]

اختي كامل عندنا هاد المشكل
انما مش من الاول نكرهو و نفقدو الامل
بقالنا يوم واحد في العطلة هادي
حاولي تقسمي وقتك مليح
وغدوة الصباح بكري عاودي راجعي مواد الحفاظة
وبالنسبة للطفلة اللي حكيتي عليها
عودي حضري الدروس
واذا ماكانش عندك الوقت
حضري بزاف الدروس تاع اسبوع مثلا
وهكا متضطريش باه تبقاي تحضري كل يوم
ومتنسايش تدعي ربي لانو الدعاء يحقق المعجزات

هذا ما استطعت ان افيدك به صديقتي
في امان المولى

[اللوتس الاحمر]

انه الثلاثي الاول فقط يا عزيزتي لا تيأسي انا ايضا مثلك قد تحطمت معنوياتي برؤية نقاطي التي اصفها باكثر من كارثية و لكن لم افقد العزيمة
انصحك اختي ان لا تفكري ابدا في ترك الدراسة اوصيك بها فالدراسة الدراسة لذا لم تدرسي لن يكون لك قيمة في هذا المجتمع ستندمين و الندامة هي لخرة هناك اشخاص توقفوا عن الدراسة و ندموا قال من لا ينطق عن الهوى اطلبوا العلم و لو في صين اجعلي لك هدفا في الحياة لا تفشلي بمجرد ان نسيم هواء قد هب اجعلي هذا النسيم حافزا لك و بداية جديدة لحياة افضل
و السلام عليكم و رحمة الله تعالى و بركاته

[abir sweet]

عمبالك صراتلك كيفي بعد انا ثاني هكا هردتها فالمات رغم انو السوجي ساهل قاطو مكانش اسهل منو قلت نعوضها فالفيزيا مكفانيش الوقت و زدت وخذتها ونفس الشئ فالعلوم بصح وش حا ندير اني صابرة وراضية بقضاء الله واللي جات مرحبا بيها انا ثاني منيش من النوع لي يحب يشارك ويعيط بزاف فالقسم نحب نخدم فالورقة خير ومنحب حتى واحد يفوتني وراها فاتتني صحبتي بصح منيش راح نسستسلم راح نكمل ونحافظ على مرتبتي بإذن الله فقط توكلي على الله

[la vida es bella]

انا كذلك مثل حالتك و كاين معايا بزاف الملاح
بصح وليت نشارك
ساعات مانحضرش بصح نشارك من ثقافة عامة
تعلمي المشاركة
حتى اذا ما حضرتيش و اياكي من تحضيرات الكراريس كاعاد راهي تفزدك
الي معانا يشاركوا من الكراس و كي تسقسينا على حاجة خارج الدرس يسكتوا
خاصة في الوقت تاع السكوت هذا انت لازم تشركي
طيشي كلمات فرات ماشي محتم تقولي صحيح المهم تبيني روحك وقت كي يسكتوا و ضرك تشوفي كيفاه الاساتذة يبداو يشوفوا عندك و يستناو اجاباتك الرائعة
موفقة

[ملاك]

لم أجد لمساتكن سوى قولي ربي يكون في العون

[*الهولندي*]

و انا اللي موالف ندي 19 و 20 في الفيزيك و المات
ديت 9.5 في 9 شا نقوووول ؟؟ و العلوم 12

[abir sweet]

شفتو كيفاه رانا كامل مشوكيين منعرف علاه لازم نلقاو حل لرواحنا

[ملاك]

عبير كاين تمرين في الرياضيات تع لموضوع الوظيفة في الرياضيات ممكن نحلو مع بعض

[اينوسة]

نا مريت بنفس الشيء صديقتي في المتوسط ماديتش معدل مليح في السيزيام مع اني كنت الاولى في مدرستي طلعت وانا مصممة اني نسترجع كرامتي ونجيب معدل فور الحمد لله قدرت نجيبو بصح لازم تعرفي انو انا في بدي السنة كنت نقعد في الطاولة ماقبل الاخيرة حتى الاساتذة داروني غير تاع لعب وما نقراش ضربتني استاذة الراضيات والنجليزية وعيطت علي استاذة الاجتماعيات لكني لم استسلم ودايما كنت حاطة في بالي هاداك الشعور كي ما جبتش مليح في السيزيام وبقيت نشارك حتى اثبت نفسي والاستاذة المسؤولة الله يخليها بدلتلي بلاصتي وقدمتني القدام لا خاطر كنت ما نسمعش مليح في الخلف ولكن في السنة الثانية و الثالثة جيت انا الثالثة مع اني بذلت كل جهدي بصح في الرابعة عرفت علاش وجيت انا الاولى
غلطتي هي اني كنت لا اثق في نفسي ولم انظم وقتي وساعدني في اكتشافها كتاب الطريق الى النجاح للاستاذ ابراهيم الفقي انصحكي بقرائته وانصحكي ايضا بالمطالعة كبديل عن التفاز وكذلك ان تضعي لنفسكي حلما وهدفا تسعين لتحقيقه مهما كلف الامر وان تعرفي بأن هذه مجرد عثرات ولن تمنعكي من الوصول الى القمة وتحقيقه كذلك بخصوص الفيزياء فإن برنامج علم البسطاء في ناشيونال جيوغرافيك ابو ظبي مفيد جدا
اتمنى ان اكون قد افدتكي صديقتي من تجربتي الخاصة وانا الان اسعى بكل جهدي كي احقق حلمي واصبح عالمة فلك غير متاناسية تجربة السيزيام لاني بصراحة قد لعبت واستهنت به ولم اراجع جيدا والان وداعا والمعذرة على الاطالة

[ملاك]

ممكن معدل تاع السنة الرابعة متوسط الخاص بك

[اينوسة]

[quote=ملاك;3994591208]ممكن معدل تاع السنة الرابعة متوسط الخاص بك[/qu

المعدل العام هو 19 فاصل حاجة نسيت

[abir sweet]

انعم ملاك وينكي

[carla 25]

شكراااااا جزيلااااا طلعتولي المورال وكيما قولتو لازم ندير القلب ونخرج الاولى ان شاء الله

[رونق الصبح]

اكبر خطا غاليتي هو انك تدرسين لأجل نيل المرتبة الأولى
لا بل نحن ندرس أولا لأننا مأمورين بذلك فنحن امة اقرأ
كذلك ندرس حتى نتثقف و نغذي عقولنا فإذا كان الأكل و الشرب غذاء الجسد فان العلم غذاء العقل حتى إن العقل بالنسبة لي يتوقف عن النمو ما إن يتوقف عن القراءة
كما أننا ندرس لأجل امتنا لأجل الرقي ببلدنا و كما يقال تحت سن القلم يُصنع مستقبل الأُمم
و كذا تحقيق أهدافي الذاتية
نحن ندرس لكي نتفتح على مختلف العلوم و أتعرف على آيات الرحمان
أنا ادرس لكي تكون لي فلسفتي في الحياة فارتقي بفكري
أما عن تلك الشلة التي تقوم بعملية 5 نسخ لصق 5 ماذا استفادوا.... يوم الامتحان هو يوم الحسم
و كذلك ثقي أن الوسيط 5 المعريفة 5 لن تدوم
لا تنسي أن الله لن يخيبك
حاولي مجاراتهن بأسلوبك .... اجتهدي و ثابري ذاكري جيدا و استغلي وقتك جيدا – لا تجهدي نفسك
عليك باستيعاب جميع الدروس و فهمها و من ثم حل اكبر قدر من التمارين كذلك اكسبي حب أساتذتك باجتهادك
ثقي بنفسك و اهم شيء توكلي على الله و الجاي إليه فهو القادر على إغاثتك
طريق النجاح محفوف بالعوائق التي عليك اجتيازها
بالتوفيق ~
في حفظ المولى

[carla 25]

واوو اختي كلامك روعة و صحيح فعلا ساعمل على نصائحك فقد اشرت الى نقاط كثيرة غفلت عنها شكرااااااا اختي

[رونق الصبح]

بالتوفيق و النجاح ~

[أنين فتاة الريح]

عزيزتي لاتياسي فكلنا نعاني نفس المشكلة وزدت طحت في قسم نتاع الملاح اسما غير المنافسة الشرسة والله نروح نبكيي والاساتذة والله مايقدرو خدمة العبد فمثلا في الاجتماعيات نبات ونسهر الليالي باش نحضر وكي نوصل للقسم نلقا استاذة تشرح درسا لتلميذة فقط وا تنظر عندنا اصلا والله كاااارثة كااارثة ربي يصبرنا

[|~أحْـﻶمـღ وًرديـَّہ*|]

حبيبتي راني حاسة بيكــ ما تفقديش الامل شوفي انساي الفروض هادوك فكري فالي جااي مازال فروض الثانيين و الامتحانااات دووك توالفي اوو هادوك التلاميذ لي تحكي عليهم قادرة تجيبي خيرمنهم ما تفقديش الامل هاكا راكي تعاونيهم حاولي تقراي و دايما قولي لازم نخدم لازم لازم و تفكري التلاميذ لي داو خيرمنك و قولي لوكان ما نخدمش راح يدييو خيرمنيي لازم نخدم وهكا شجعي روحك انا مريت بنفس الصعوبات والتقويمات تاوعي كارثة كاعاد الاساتذة ما عرفونيش مليح اذا قلت لازم نخدم بااش نبينلهم شكون انا و الحمد لله لحد الان نقاط التاوعي هوما الملاح في القسم .. موفقة صديقتي ♥

[رؤى roki]

انا طالبة متحصلة على معدل 17 في المتوسطة و طلعت للثانوية علمي
مع العلم انني جيدة في الادب العربي و اللغات بالاضافة الى مواد الحفظ
مي الرياضيات والفيزياء ضعيفة نوعا ما
انا فت علمي برغبة والدي وانا نعرف انو يفتش على مصلحتي بصح انا تاني ملقيتش روحي في المواد العلمة
ماذا سأفعل ؟؟؟؟؟؟

[رونق الصبح]

حسنا رؤى
كان عليك الإلحاح على والدك و مناقشته لان الموضوع حساس
لكن الآن لا تنفع الندامة..... عليك تدارك الموضوع سريعا
إليك نصائح اعملي بها غاليتي
- توكلي على الله و اذكريه بكرة و عشية
-شجعي نفسك و ذلك عن طريق الإيحاءات الايجابية ( اقصد بالإيحاءات الايجابية أن تقومي بتشجيع نفسك كان ترددي دائما كلمات من شانها تقويتك مثلا أنا بإمكاني النجاح - أنا بإمكاني التفوق ...)
- قومي بالمراجعة بعد كل درس و حل اكبر كم من التمارين
- لا تفوتي أي نقطة و اسألي أسئلة الصغار ( كل ما يخطر ببالك )
- استعيني بكتب خارجية
- أيضا أنا هنا و بإمكاني مساعدتك لذلك انضمي لهذه الصفحة
ملتقانا لمراجعة المواد العلمية (http://djelfa.info/vb/showthread.php?t=1868193) ‏
و هنا لنا بقية
سأقوم بشرح ما استعصى عليك غاليتي أنا و الجميع لان الكل هنا يحب المساعدة

[رؤى roki]

شكرااااااااااا

[نور قلوب]

عزيزتي لاتياسي فكلنا نعاني نفس المشكلة وزدت طحت في قسم نتاع الملاح اسما غير المنافسة الشرسة والله نروح نبكيي والاساتذة والله مايقدرو خدمة العبد فمثلا في الاجتماعيات نبات ونسهر الليالي باش نحضر وكي نوصل للقسم نلقا استاذة تشرح درسا لتلميذة فقط وا تنظر عندنا اصلا والله كاااارثة كااارثة ربي يصبرنا

اختي والله انا ايضا هكذا قسمي فيه 3خرمني واللله طول نروح نبكي مع علم معدلي شهادة 16.87 وانت مي نوريلهم كيفاه لقراية نتاعصح

[bochra 45]

اختي لا تنزعجي من هذا الشيء هذه فقط عثرات انت خسرت الحرب فقط و لم تخسري المعركة ، اوصيك بالصلاة و تلاوة القران و الاستغفار و اقول لك ان تجددي عزيمتك و ضعي الامل من جديد كلنا نمر بعثرات و لكن نتحداها و نتجاوزها ، ثم عليك بالمشاركة اعتقد انها شيء جيد في القسم لاثبات مستواك ، و الله ولي التوفيق

[تائهة في زمن غريب]

اختي انا ايضا في بداية العام كان معايا نفس المشكل مع انو معدلي ليس عالي جدا 15 لكني لقيت المنافسة كبيرة في قسمي لكن عليكي بالتحلي بالروح الرياضية والدراسة ليست مجرد نتائج بل اكتساب خبرة ومعارف ومستقبل ليك انت فقط ....ضعي كل الافكار السلبية جانبا وفكري دائما بايجابية وحاولي تركزي مع الاستاذ في كل لحضة وخلي ثقتك في الله كبيرة وخلي الدعاء ميفارقشك
مع تمنياتي لك بالنجاح والتوفيق ولجميع الطلبة انشاء الله
وكذا اتمنى انك ستستفدين من كل النصائح المقدمة لك

[narta]

حتى انا راه المورال 00000 و زاد بدلت الثانوية لقيت روحي ماني حاكما والوو وديت 5.5 فالعربية هه POUrtànt سيجي كان ساهل

[amina dina]

انا تانيك كيفكم
كنت نجيب المات 17 مي ضروك وللاسف جبت 7.5
وانا الفرض الثاني زيرت روحي وادعولي نجيب مليح ان شاء الله

بغيت نسقسيكم نتوما كامل 1As
علاه مانديروش قسم نسموه:<< تلاميذ 1 ثانوي >>
ونتعلمو فيه براحتنا
اذا وافقتو قولولي راني نستنا

[رونق الصبح]

أهلا narta (http://djelfa.info/vb/member.php?u=500409) لا تيأسي إنها بداية المشوار
و كما يقال ' مسافة ألف ميل تبدأ بخطوة '
آمل أن يكون هذا درسا لكي
عليك الاجتهاد و المثابرة و استيعاب الدروس و حل التطبيقات
و بالتوفيق ~

[رونق الصبح]

مرحبا غاليتي amina dina (http://djelfa.info/vb/member.php?u=526969)
لا باس آمل أن تجتهدي أكثر غاليتي
انضمي لنا في الصفحة ملتقانا لمراجعة المواد العلمية (http://djelfa.info/vb/showthread.php?t=1868193)‏
و سنتدارك الأمر سويا و نحاول إزالة الحجاب عن الإشكال
و بالتوفيق ~

[راجية الرحيم]

كالعاة نفس الشعور ,نفس الصعوبات التي نمر بها
محطمة ومدمرة انا للاسف

[lolomi]

سبحان الله كيفي تماما