عرق النسا

[maiar]

السلام عليكم و رحمة الله و بركاته

جمعة مباركة

من فضلكم لي عندو علاج مجرب او يعرف امراة تمسد او تقطع عرق لاسة يدلنا عليها في منطقة الشرق كون يصيب

و بارك الله فيكم و ربي يشفي جميع المومنين

[الواثقْ بالله]

حسب ما اعرف كاين مرا في الميلية ولاية جيجل

و كاين واحد اخر في باتنة و مشهور راهم دارو عليه روبورطاج في قناة الشروق

واحد في برج بوعريريج

[maiar]

حسب ما اعرف كاين مرا في الميلية ولاية جيجل

و كاين واحد اخر في باتنة و مشهور راهم دارو عليه روبورطاج في قناة الشروق

واحد في برج بوعريريج

بارك الله فيك اخي على الرد تع الميلية بلاك هي نفسها لي راحت ليها المريضة
ان شاء الله يدخلو ناس باتنة يزيدو يفصلونا على هذا الرجل بالرغم اني نفضل تكون امراة

[فتـ حييةـاة]

وعليكم السلام ورحمة الله وبركاته
انا نعرف واحد يداوي يجوه من كل مكان بصح فالغرب الجزائري وبالظبط في احدى قرى ولاية تيارت ادا بغيتي نعطيك العنوان ونقدر حتى نجيبلك من عندهم رقم الهاتف
الله يشافي

[الواثقْ بالله]

روبورطاج معالج باتنة

علاج تقليدي للمرضى بأغصان الزيتون (http://safeshare.tv/v/ss56337063803b6)

[maiar]

بارك الله فيك اختي ربي يحفظك تيارت بعيدة بزاف شكرا

[maiar]

بارك الله فيك اخي عبد الله ربي يعطيك ما تتمنى شكرا جزيلا

[الواثقْ بالله]

ربي يرزق الشفا

بالتوفيق

[متعلم انجليزي]

وعليكم السلام ورحمة الله وبركاته
انا نعرف واحد يداوي يجوه من كل مكان بصح فالغرب الجزائري وبالظبط في احدى قرى ولاية تيارت ادا بغيتي نعطيك العنوان ونقدر حتى نجيبلك من عندهم رقم الهاتف
الله يشافي
اختي اين يوجد و ماهو رقم الهاتف وهل هو حيد
وشكرا حزيلا
جزاك الله خير

[** أبو أسيد **]

(دواء عرق النسا إلية شاة أعرابية تذاب ثم تجزأ ثلاثة أجزاء ثم تشرب على الريق في كل يوم جزء).

دواؤه أن يؤتى بشحم أرداف شاة من غنم البادية.


قال ابن القيم: لقلة فضولها، وصغر مقدارها، ولطف جوهرها، وخاصية مرعاها، لأنها ترعى أعشاب البر الحارة، فتذاب لتصير دهناً، فتجزأ ثلاثاً، ثم يشرب منها كل يوم جزء.


قال ابن القيم -رحمه الله-: فإن هذا العلاج من أنفع العلاج، فإن هذا المرض يحدث من يُبس، وقد يحدث من مادة غليظة لزجة، فعلاجها بالإسهال، والألية فيها الخاصيتان. الإنضاج والتليين.


الله أعلم.

[خالد عنابي2]

اولا يجب عمل فحص بالراديو عند طبيب مختص

البعض يعتقد ان لديه " عرق لاسع " ولكن في الحقيقة يتبين ان لديه انزلاق غضروفي وقد يكون علاجه بالدواء او بالجراحة

واذا تاخر العلاج قد يتسبب ذلك في قطع العصب وبالتالي الشلل

لي يحب يتبع الخرافات ربي يسهل عليه ولكن قد اعذر من انذر

[فتـ حييةـاة]

اختي اين يوجد و ماهو رقم الهاتف وهل هو حيد
وشكرا حزيلا
جزاك الله خير

في الحقيقية ماسبقليش ورحت عندو بصح ا لافامي تاعي داوو عنده ويشكروه و لناس يجوه بزااااف لو انت جاد في الطلب وتحتاجه من اجل العلاج نجيبلك رقم الهاتف ونبعثولك مع اي من المنتدى وجزاكم الله خيرا

[أثيلة]

هنالك بولاية جيجل امراة من بلدية وجانة يقولون انها رائعة ، تعالج عندها زوج اختي و افادته

[متعلم انجليزي]

في الحقيقية ماسبقليش ورحت عندو بصح ا لافامي تاعي داوو عنده ويشكروه و لناس يجوه بزااااف لو انت جاد في الطلب وبتحتاجه من اجل العلاجح جيبلك رقم الهاتف ونبعثولك مع اي من المنتدى وجزاكم الله خيرا
اين موقعه ورقم الهاتف انا في الامس الحاجة اليه وهل هو جيد
بارك الله فيك وجزاك كل خير

[فتـ حييةـاة]

اين موقعه ورقم الهاتف انا في الامس الحاجة اليه وهل هو جيد
بارك الله فيك وجزاك كل خير

وفيكم بارك الله اخي وجزاكم كل خير
بادن الله غدا نتصل ونبعثلكم الرقم وبالشفا عليكم

[نهلةن]

اختي انا تاني قالولي عرق النساء في الاخير درت لييارام ضهر انزلاق غضروفي

[خالد عنابي2]

اختي انا تاني قالولي عرق النساء في الاخير درت لييارام ضهر انزلاق غضروفي

هه ان شاء الله لقد شفيتي ؟

على العموم هذه هي مشكلة مجتمعنا وهي التاثير والقبول الكبير للدجل والخرافات

تلقاه استاذ جامعي او دكتور ويروح يذل روحو عند الشواف والطالب والادهى لما يقولو قطع تلك الفحوصات الطبية وتبع وش نقول انا خخخخ

وفي النهاية لما لا تاتي تلك الخرافات بنتيجة يخترع له قصة اخرى بنكهة مبهرة اكثر ويطلب منه المزيد من المال او حتى خدمات لو كان في منصب يؤهله ذلك ثم بعد العديد من المتاهات السيد يفيق بروحو بلي مغفل وتم النصب عليه فيسكت خوفا من الفضيحة ويستمر النصاب في عمليات النصب الناجحة

حصلت لاحد المغفلين الذين اعرفهم لديه انزلاق غضروفي وتبع الخروطو والادهى ان لي " يقطع " يمد المواعيد ولازم تحضرلو من الصباح بكري ويروح يحوس على وحد الحشيشة وامة كاملة تتبع فيه باش يقطعو وهذا المغفل الذي اعرفه من الالم ما قدرش يمشي ولا يتمرغ على الارض ويحبي من وراه ههه المهم وصلاتو الدالة وقطع ولم تاتي بنتيجة فراح للطبيب الذي شاخ عليه بالضحك ثم اراه نتيجة الفحص بالاشعة قالو انت راك رح تعيب نحكموك الان فورا للقيام بعملية جراحية بشكل استعجالي

والان اداك السيد المغفل سابقا والمغفل حاليا ولاحقا شفي تماما ويمارس كل نشاطاته اليومية ورجع لوظيفته وليس له اي مشكل اللهم الحذر وتجنب رفع الاثقال وارتداء الحزام الطبي تحت الملابس

وللعلم 90% واكثر من حالات الانزلاق الغضروفي تعالج من دون عملية جراحية

[نهلةن]

ننصحك اختي ديري السكانار اولا شخصي مرضك وهاذو الي يعفسو راهم يكذبو ويخالفو الدين لانو بدعة

[zakaia85]

اخي العزيز ما الفرق بين الانزلاق الغضروفي و عرق لاسا من فضلك , انا احس احيانا ببعض الالام على مستوى الحوض في الجانب الايسر لدرجة عدم القدرة على الوقوف

[maiar]

بارك الله فيكم كل واحد باسمو انا مانعرفوش عرق النسا كيفاه مداير وحدة قريبتي احتاجت مساعدة بخصوصو و جيت درت موضوع ما عنديش علم مسبق بلي خرافات كون ما حطيتوش بارك الله فيكم و ربي يشفي جميع المرضى