ساعدوني عيد ميلاد زوجي

[بسمة بكالوريا2011]

السلام عليكم اخواتي ارجوكم ساعدووني عيد ميلاد زوجي غدا ماذا احضر كيف استقبل هذا اليوم ارجوكم فانا عروس جديدة

[أم عبد الرحيم يوسف]

حبيبتي فكرة مليحة تفاجئي زوجك ربي يأجرك حبيبتي بما أنوا الكعكة لراجلك من الافضل تزينيها بالشكولاطة واذا عندك مول قلب تجي سوا سوا وحوسي في الانترنت تلقاي ديكور يعجبك وحضري تحلية في كؤوس مثلا حطي طبقة من فواكه مقطعة رقيقة ثم طبقة من كرام شونتي طبقة من المسكوتة عاودي الطبقات حتى تعمري الكؤوس تاعك حاولي تغيري ديكور تاع الغرفة لي ديري فيها الحفلة دخلي الالوان الحمراء في الغرفة ديري أيضا جاج محمر للعشاء مع بطاطا ومن بعد تحطي الكيكة تاعك أخدمي عصير يحبوا مثلا الليمون أو البرتقال نتمنا نكون أفدتك ربي يعاونك

[ملاك ملاكي]

زواج الدهر ان شاء الله اختي
عيد ميلاد سعيد ان شاء الله العمر كله بجنبك اختي بالهناء
اختي كي سبق وقالتلك الاخت الفاضلة هذا اليوم لازم يكون مميز وانت لي تخلقي وتبدلي الجو
ديري طورطة صغيرة زينيها بلمستك الخاصة
ولاااازم لاااازم تكون شوكولا في هذه المناسبة المميزة خاصة انها اول مناسبة مع بعض
اختي شوفي موضوعي راني حطيت فكرة الشوكولا هديتها الملاكي وعجباته وعجبت الاخوات في المنتدى
اشري بالونات باللون الابيض واباحمر وزعيهم في الغرفة وكذلك في الغرفة لي راح تحتافلوا فيها
احكمي الفاكهة وشكليها وقطعيها بشكل قلوب او اي شكل مرغوب فيه مع عصير بالنكهة لي يحبها الزوج
واذا عندك ورود جافة باللون الاحمر والاخضر وزعيها كذلك على الطاولة وايييييه ما تنسايش الشموع الصغيرة ذات رائحة وبعدها حطي الكاسات نتاعك لي تكوني زينتي الحواف بعصير الليمون وفوتيهم في السكر.........
خلي الضوء خافت رومانسي في الغرفة لي تحتافلوا فيها
العشاء شوفي الزوج واش يشتهي مي حاولي تنوعي على الاقل طبقين مميزين وخفاااااف هاهاهاهاها

بالهناااااااء ان شاء الله وربي يكمللكم مع بعض
اختي راني عندي افكااااار ولكن مادام غدا وقتك قصيييير مي راكي فحلة بربي تفوتيه فووووور والرسمي تفاجئ الزوج وتزهيه
اذا تفكرت حاجة او حوايج لي عودة بالتوفيق
ايييييييه ديىي كرام ديسار تكون فووووور
اختي شوفي مواضيعي راني حاطة حوايج اكبييبييد يفيدوك ديري طلة واي استفسار في الخدمة
بالتوفيق

[رزيقة16]

با التوفيق حنونة ا ربي يكملك نشاله ا يروقك با الدرية الصالحة انشاء الله و عيد ميلد سعيد

[ملاك ملاكي]

ان شاء اله كل شئ فاااات على خييييير وكي تمنيتي اختي
ربي يهنيك ويسعدك ان شاء الله زواج الدهر رفي يحفظكم البعض
في امان الله
ايييييه راني قرعاجة نتمنى تفيدينا وتحكينا واش درتي وكيفاه فوتيها للاستفادة لانه بعد عرسي ان شاء الله تقريب بشهر عيد ميلاد ملاكي
شكرا لك مسبقا انتظرك اختي

[Nadjwa270]

Bon anniversaire a ton mari okhti