الجزء 151 من مطبخ واش طيبتي اليوم اتفضلووو عنديي مرحباا [الأرشيف] - الصفحة 7

أم محمد علي

2015-11-03, 09:01

اختي ام محمد منورة نتي لي راكي تحطي في الوصفات الرائعة كنت نشوف في لمحاجب على البخار دخت ودوختني فيهم كنت رايحة نكتبلك رد ومبعد بطلت قلت كي نقعد ندخل براحتي لمواضيعك ونراجعهم كامل بعقلي بصح فهمني في حاجة ميجيوش معجنين كي تاكليهم صراحة افكارك كامل هايلين واطباقك كاين لاول مرة نشوفهم يعطيك الصحة ابارك الله فيك أختي
كيف أحوالك إن شاء الله تكوني بخير وعافية
المحاجب على البخار يجوا يهبلوا وأي سؤال أوضعيه في الموضوع التاعي ونجاوبك عادي ولكن شيء واحد رقيقي العجينة عند الحل وفوري بالواحدة مديريش واحدة فوق واحدة يعني بالواحدة فوري أو كسكاس كبير وأحيانا نحن نضع 2 كساكس
مرحبا بيك ونذوقوك ؟ وهذا الكلام مفهمتوش منينك أختي أما من الجزائر
ختي بصح حرت في حاجة كيفاه متعرفيش لكليلة ضك نقول لام ياسو تشرحهالك مرديتش في موضوعك قلت حتى نجربها كشما مرة ونصورهالك لحد الان مزال مشريتش حليب فاسد الحمد الله ههههه لم أفهم هذا الكلام أختي؟

ام محمد 05

2015-11-03, 09:02

السلام عليكم درت خبز الدار البارح للغداء مع مرقة خضرة وللعشاء سيت الخبز العربي نتاع ام ساجد لكن جاتني فيه رائحة لخميرة قاطعة بزاف مقدرتش ناكلو ولم افهم المشكل وين ممكن اي اخت تعرف الخبز العربي تخبرني وين غلطت الا راكي هنا ام ياسين طلي عليا وفهمني هبلتك معايا د وين غلطت راني درت 2 كاس فرينة مع م ك سكر مع م ك خ خبز مع كاس حليب دافئ وممبعد نضيف 2 م ك فرينة طبعا وملح رانش شاكة بلي مك غلطة قادر تكون م ص والله اعلم هذي وصفة خبز الشاورما ام ساجد

هذا الخبز روعة يبقى طري وتستعمليه لشاورما او مع المشاوي او لسندوتش.
المقاديروالطريقة :زوج كيسان فرينة ومغرفة سكر ومغرفة خميرة خبز نخلطهم مع بعض ونضيف الملح
ونضيف كاس حليب دافئ ونعجن وفي الاخير نزيد نضيف زوج مغارف فرينة نجمع العجينة ونحطها في طبق مدهون بالزيت ونغطيها ونخليها تخمر ساعة
ومن بعد نهبطلها الخمور ونقسمها ل12كورة وباستعمال الحلال نحلهم رقاق ونرش الفرينة
ثم نحطهم فوق بعض ونفصل بينهم بورق المطبخ حتى نكمل كل الكور
نسخن مقلاة طيفال ونقلب الخبزات ونبدا نطيب اول وحدة حليتها وهكا حتى نكمل
نحط القرصة في المقلاة واول ما تبدا تعمل فقاقيع نقلبها وراح تبدا تتنفخونزيد نقلبها مرة
اخرى وخلاص نحطها في منشفة ثم في كيس. وهذا خبز الدار http://www12.0zz0.com/2015/11/03/10/443621954.jpg http://www12.0zz0.com/2015/11/03/10/689995050.jpg http://www12.0zz0.com/2015/11/03/10/486086951.jpg

x ام رحاب x

2015-11-03, 09:04

مساء الخير عليكم يا حراير
تبارك الله على الخيرات اللي راكم تحطوا فيها
ليزا طيابك تحفة الله يبارك
حنان اكلك تقول تاع مطاعم 5 نجوم ومن فضلك وصفة الرولي وربي يعمر حجرك بالدرية الصالحة
زينب المافن يهبل
ام باسم ربي يفرج عليك اختي اكثري الاستغفار
توبة اطباقك هايلة
حلويات بشرى فووووووووووووووور كالعادة
ام رحاب ام سراج ام ياسين ام هديل مرحبا
ام يسرا المحجوبة تسخف
نحط صور غدايا ونكمل المراجعة
http://up.1sw1r.com/upfiles2/gtk82627.jpg
http://up.1sw1r.com/upfiles2/zd482627.jpg
وهادا موسكوتشو للقهوة
http://up.1sw1r.com/upfiles2/wyi82627.jpg
اللهم ادمها نعمة واحفظها من الزوال
والعشا تهنيت بقالي من الغدا
لا اله الا انت سبحانك اني كنت من الظالمين

السلام عليكم ورحمة الله
مالكم تجرون بالصفحات هكذا ؟.؟؟ مهلا تريثوا رويدا رويدا
الكوزينة قربت تخلاص وانا ما قدرتش ندخل من قبل والنت عندي مهبولة ماي دوكا زادت هبلت اكثر
جبتلكم قريوش حبيبتي ومعلمتي الرائعة ام سهام تهبل تهبل وعجبتني وبقيت نلعب بالعجين شوفوا الاشكال ما أحلاها
http://store1.up-00.com/2015-11/1446480299921.jpg

http://store1.up-00.com/2015-11/1446480816311.jpg

وهدو لي كوغني تاع حبوبتي الشطورة زينب ماي درتهم بعجينة ام سهام وقليتهم وحشيتهم باهيين ولذيذين ومقرمشين يهبلو امممممم

http://store1.up-00.com/2015-11/1446481010071.jpg

http://store2.up-00.com/2015-11/1446481113771.jpg

فاتوني بزاف صفحات اذا ما راحتش النت ندوش وليداتي ونراجع

اللهم أصلح أحوال بلادنا وشعبها وأصلح ذريتنا واجعلنا من عبادك الصالحين الشاكرين الذاكرين

زينب الله يسترك اعطيلي كيفاش درتي كنفور تاع رمان عندي منوا بزيادة و عرت واش ندير بيه

وهدا عيش حار وبنيييين يهبل لي تحبو تتفضل
بسم الله
http://store1.up-00.com/2015-11/144648157391.jpg
الى الملتقى

في حفظ الرحمن

حبييبااتي نخلييلكم بااش تحلووو بعد العشااا ما تداابزووش كل وحدة تدي شوياا :1:

http://cdn.top4top.co/i_590eb905740.jpg (http://up.top4top.net/)

http://cdn.top4top.co/i_590eb905741.jpg (http://up.top4top.net/)

http://cdn.top4top.co/i_590eb905742.jpg (http://up.top4top.net/)

نخلييكم في لااماااان ربيي يعااونكم و صح عشااااكم

سبحان الله و بحمده سبحان الله العظيمام اسلام ماشاء الله على القريوش ايشهي
الجمان بصحتك الطعام ايشهي واللبن والحلوة تسلم ايدك
ام اسلام واااااااااااو على القريوش تسلم ايدك
زينب الله ايبارك على معجون الرمان تقول لاجولي بصحتك وتسلم ايدك
ليزا شكرا على الحلو ياحلوة تسلم ايدك فوووووووووووووووووووور

ماريا.م

2015-11-03, 09:06

omjoujou

2015-11-03, 09:07

صبرينة غاليتي والله هكذاك راح ندير راح نشيحو قدام االفورنو جاب ربي عندي ساش لانج
ليزا مشكورة حبيبتي
زهرة الريف عطورة صباح النور

x ام رحاب x

2015-11-03, 09:07

حبيبتي رحاب ايه هكدا نكونو ملاح خفت قلت نساتني هههه
تشفاي على ايام الخبز وقاطو الطبقات تاعك الراااائع ودولمة الكرمب واش درت فيهم ما احلاها ايااااااااااااااااااااام

ام جوجو حطي القش ينشف حدا الفرن انا مدايرة هديك العلاقة فوقو معرفتش كيفاه يسموها ههههه
حقة نقولك الف مبارك على ....... ولا نستنى حتى تتاكدي هههههه
ام رحمة منوووووووووووووووورة حبيبتي وربي يكملك الحمل على خير يااااااااااااااااااارب

انا نخلييييييييييييييييييييييييييييكم كثرت اليوم حكي ههههههه

في اماااااااااااااااااااااااااااان الله
استغفر الله واتوب اليه
ماننساش كامل هادوك الايام والله كنت ماندخلش كان زوجي مانعني باش ماننساكمش كل وحدة كاتبة اسمها في الوصفة تاعها باه نقعد نتفكر فيكم والله انحبك اكثر ماتتصوري الله ايخليك حبيبتي

rahma2014

2015-11-03, 09:10

رحمة صباحك اسعد حبيبتي راكي تتوحمي وحمك ساهل ولا واعر واش راكي حابة تقريج واش ايجيك من النسا
صباح النور حبيبتي والله الوحم نتاعي واعر والزيادة ما شاء الله ساهلة عندي2 بنات وطفل لي جات اهلا وسهلالكن نتمنى طفل ان شاء الله :mh31:

عطرالذهب

2015-11-03, 09:13

السلام عليكم ورحمة الله
وصباح الانوار عليكم كل وحدة باسمها
ويعطيكم الف صحة وعافية على الاطايب اللي تحطوا فيها
اليوم غدايا بيري بليسكالوب وكسرة وسلاطة وراني نوجد في لغدا لعجوزتي باش نبعثهولها مريضة مسكينة درتلها روز في الفرن بالدجاج تحبو ومعاه سلاطة موسكوتشو تتقهوى بيها لعشية

أم محمد علي

2015-11-03, 09:14

صباح الخير عليكم يالعدرات
الله يبارك في الخيرات اللي راكو تحطو...كل شيء رووووعة

http://cdn.top4top.co/i_7620f355c53.jpg
راني درت البركوكس والبيتزا وبقالي غير المبسس
على بالي روطار ، بصح المهم درتهم قبل ما تغلق الكوزينة هههههه

http://cdn.top4top.co/i_e0b3d1e9e82.jpg

http://cdn.top4top.co/i_e0b3d1e9e81.jpg

الله يبارك مريام كيف أصبحت إن شاء الله بخير ؟
أطباقك رووووعة
كنت ندخل لقسم الرقية ونلقاك تنصحي الله يبارك ؟لاتغت شابة كيفاه درتيها ؟

x ام رحاب x

2015-11-03, 09:15

ام جوجو فاقو بيك راني قريتو انا تاني زيدي الرابع وريحي هههههههههههههههههههههه ماتخافي ماوالو راهم يترباو عادي اطلبي على الصحة
ام يسرى كي اصبحتي واش راهي عجوزتك اطباقك هايلين حبيبتي
ام ابراهيم كي اصبحتي وتسلم ايدك على الحلو رائع كي العادة ملكة الباتيسري
ماريا ايشهي كلش تسلم ايدك
امال بصحتك خبز الدار والخبز العربي عاودي سقسي ام ساجد اتقولك علاه خرجتلك الريحة قاسحة وبلاك عندك الخميرة قاسحة نوعيتها يعني

x ام رحاب x

2015-11-03, 09:16

صباح النور حبيبتي والله الوحم نتاعي واعر والزيادة ما شاء الله ساهلة عندي2 بنات وطفل لي جات اهلا وسهلالكن نتمنى طفل ان شاء الله :mh31:
ربي يرزقك خوهم يارب كثري من للاستغفار ةالصلاة والدعاء وربي حنين كريم

عطرالذهب

2015-11-03, 09:18

مع الدخلة لقيت الحلوة ام ابراهيم جابت الحلو يالهوي قريب ناكل ليكرون نموت على الشوكولا والكيك اكييييييد بنيييييين يعطيك الصحة وفي انتظار الوصفة طبعا

.1....2....1.

2015-11-03, 09:18

كنت خارجة عاودت ولييييييت
ام جوجو متخافيش ما يكون غير الخير خليها على ربي والخيرة فيما اختاره احساسي يقولي مكيش .... هههه والله اعلم وفاسي الرد وراني نستنى المستجدات اموااااااااااااااااااااااح
ام رحاب والله والله متتصوريش شحال نحبك ومعزتك كبييييييييييييييييييييرة الله لا يحرمني منك ياااااااااااااااااااارب وبالمناسبة نحييييييي غاليتي وحبيبتي الي دايما معايا ام رياض توحشناااااااااااااااااك عييت نبعثلك ومقدرتش هادو اليومين قبلاااااااااااااااااااااااتي
ام ابراااااااااااااااااااااااااااهيم عاااااااااااااااااااااااااش من شافك حبيبتي توحشتك قد السما والارض واشراهم الغوالي وعماد الحبوب والكيييييييييييييييك يهوس يهوس روووووووووووعة يا ملكة الباتيسري وبلا منازع
امااااال للاسف حنونة مجربتوش من قبل يمكن الخميرة تكون ريحتها قاطعة والخبز روووووووووووووووووعة
مااااريا ما شااااااااااااااااااااااء الله العيش والبيتزا هايلين والتحلية اممممممممممم ممكن الوصفة

lyzzabel

2015-11-03, 09:19

اووووووو ام عمااااااد مزية دخلتي حتى انا درتلك نداااء و تمنييت تكووني بخيير كي ما بنتييش في كوزييينتي ليييك وحححححشة موااااااااااح و الكييكة فيل فيل فيييييلم ياااااي تشهيييي تسسسلم الأناااامل و بوسييليي حباايبي الصغااار ربي يحفظهم

زهرة الرييف حبييبتيي ربي يخلييييك على البارووك يا وجه الخيير الكرووكيي روووعة و الخبز بصحتكم حبييبتيي و ربي ينزل الصبر و الرحمة غااليتيي

صبريينتي اشريي الفييلو و اتهنيي كيما كييفي رااه البرد على لا تيغااس هههه

ااماااال حنوووونة قرييت ردك و نسييت نرد علييك بصحتكم خبز الداار و الجواااز و ان شااء الله تدخل ام سااجد و تجااوبك و انا نظن بلي الخمييرة ملعقة صغييرة مشي كبييرة بالنسبة لزووج كيساان فريينة

ام جوووجوووو لي تجي من عند ربي سبحاانه مرحبا بييها حبييبتيي ربي يفرحك و يهنييك حنووونة

ماارياا يا سلاااام كوزيينتي كملت بالخيرااات الله يبااارك الكييكة روووعة و البييتزا و البركووكس يشهووو بصحتكم و يعطييك الف عاافية حبييبتيي

رحمة صبااح النوور حنووونة كي صبحتي اليووم قولييلي وحمك سااهل ولا وااعر خخخخخخ هههه

يا عمريي يا مييمتي ربي يخلييك و يعلي شاانك و قدرك مواااااااااح قتلتييييني بكلاامك الحلوو

فضييلة ربي يحفظك و بصحتكم الحمص مممممم

ام يسرى صبااح الفل حبييبتيي كاش فطوور اليووم ولا واالوو هههه

ام محمد علي كي صبحتي حنووونة

ماريا.م

2015-11-03, 09:23

الله يبارك مريام كيف أصبحت إن شاء الله بخير ؟
أطباقك رووووعة
كنت ندخل لقسم الرقية ونلقاك تنصحي الله يبارك ؟لاتغت شابة كيفاه درتيها ؟
الله يسلمك حنونة...قريت مواضيع بزااف ليك ، ماشاء الله مميزة
اما على التارت هذاك فلان ،طبقة اولى قاطو وقوفريط مرحي ،طبقة ثانية فلان والاخيرة طلعت كريمة سائلة مع دانيت،وزينت بالمكسرات والشوكولا سائلة

x ام رحاب x

2015-11-03, 09:23

عطر الذهب كي اصبحتي والله يعطيك الصحة راكي اطيبي لعجوزتك ربي يفرحك بوليداتك وربي يشفيها يارب
ام محمد علي كي اصبحتي
ليزا الله ايفرحك بوليداتك وربي ان شاء الله ايخليك كي الاميرة متربعة في قلب زوجك حبيبتي تسلمي على حسن الضيافة يالفحلة

Oum yousra

2015-11-03, 09:24

صباح الخير كنت راح نحل الكوزينة دخل زوجي حبست اصبرو شويا يخرج و نحلها ان شاء الله

Oum yousra

2015-11-03, 09:25

غدايا اليوم طعام بالعصبان امممممممم

omjoujou

2015-11-03, 09:26

ام رحاب عزيزتي والله ماني حابة نزيد لاشتى مش ذرك يا ربي اغفري
صبرينة عزيزتي من فمك لربي وكيما وعدتك راح نوافيك بالجديد ان شاء الله
ام ابراهيم يمي يمي على الكيكة بالشكلاطة تسلم ايديك
ماريا حرام عليك تسخفي فيا بالعيش يعطيك الصثحة
عطورة يعطيك الصحة غداك قريب يوجد انا زعمة نضت بكري بصح مدرت والو شفتي لخيابة كترمن هكذا
امال انا راني شاكة في نوعية لخميرة لي ستعملتيها نتي
ام محمد علي منورة حبيبتي
ذرك صح نروح لشغالاتي
سلااااااااام

x ام رحاب x

2015-11-03, 09:27

سلالالالالالالالالالالالالالالالالالالالالالالالال ام لبنات انا نخليكم نتلاقاو في كوزينة ام يسرى ربي يخليك راهو البرد ماخليتيناش البرا ربي يسترك
ليزا نتلاقاو في الكوزينة الجاية سلالالالالالالالالالالالالالالالالالالالالالالام بنتي المدللة

om kamilia

2015-11-03, 09:29

السلام عليكم ورحمة الله وبركاته

صباح الخير يا احلى شلة

ام فضيلة

2015-11-03, 09:29

صباح الخير لجميع الاخوات يومكن موفق ويعطيكم الصحة على الخيرات سؤال للاخت
ليزا حبيت نجرب قاتو العصير والمعجون ممكن قياس الصينية ربي يبارك فيك رايحة نديرو اليوم. ونقولك انا من اشد المعجبات بيك ووصفات رووووعة مثل روحك الطيبة ياطيبة بوركتي

omjoujou

2015-11-03, 09:32

الكوزينة تاع ليزا لعزيزا راح تخلاص يا خاه محسيناش بيها خلااااااااص والله فاتت خفيفة ظريفة كي مولاتها
نشكرك سع قبل ما تفتح ام يسرى الكوزينة الجديدة
يعطيك الصحة ليزا على حسن الاستضافة عندك ونشكرك على سعة صدرك وعلى كلامك الطيب وردودك المنيرة لي كنتي ما تنساي فيها حتى واحد ربي ياركللك في رزقك ويحفظلك والدك وزوجك ووليداتك ويعطيك على قد قلبك ونيتك
ماتخافيش ذرك نعاونك في التسياق ولفريز تاع الكوزينة انا من بكري راني روطار ولا ذرك لا بديت في شغالي

ماريا.م

2015-11-03, 09:40

ام رحاب وليزابيل ربي يحفظكم حبيباتي
ام يسرا ، التحلية لقيتها موضوع هنا في المنتدى مع بعض التعديل ، وهي عبارة عن تارت بالفلان ،اليك الوصفة حبيبتي :
في الطبقة الاولى رحيت قاطو بيمو وقوفريط وضفتلهم الزبدة
الطبقة الثانية : لتر الا ربع حليب + 3 فلان شوكولا + 2ملاعق نشا
فوق النار حتى تعقد وفرغتها فوق القاطو
الطبقة الثالثة : طلعت كريمة سائلة مع علبة دانيت وسويتها
في الأخير درت المكسرات والشوكولا سائلة ( ذوبت الشوكولا مع شوية كريمة سائلة)

عطرالذهب

2015-11-03, 09:42

ام رحاب الله يسلمك حنونة وهذا راهو واجب كانش مايلقى الانسان في اخرتو
ام جوجو راكي غير تبعدي في العين نعرفك فحلة وماكلتك ديما واجدة قبل الوقت وبالمناسبة الف سلامة على اختك قوليلها تعس روحها برك من لهوا ولولاد جايين جايين المهم كيما قالت ام ساجد الماشينة تخدم ههه
حبيباتي انا نروح نكمل اشغالي وكي نلقى الوقت نرجع لانو النت تقريبا عندنا غير الصباح والاوقات الاخرى تنقص بالزاف
حبيت نشكر ليزا الغالية على الاستضافة رغم اني ماشاركتش فيها بالزاف ونتمنى نكون معاكم اكثر في الكوزينة الجاية

ادرة مكنونة

2015-11-03, 09:47

اليوم اذا حب ربي نطيب كسرى ولوبيا ان شاء الله ندير الكسرى السوفية بالمراحل للي طلبت مني اسمحولي مانيش حافضة اساميكم

Oum yousra

2015-11-03, 09:50

ليزا حبيبتي شكرًا لضيافتك لينا كوزينتك فاتت هايلة كيما انتي و ضرك ادخلو عندي راني حيلتها بزرب سامحوني من بعد نرجع. http://www.djelfa.info/vb/showthread.php?t=1884205http://www.djelfa.info/vb/showthread.php?t=1884205

ماريا.م

2015-11-03, 09:51

يعطيك الصحة ليزابيل على الاستضافة المميزة وعلى كلامك الطيب
مع اني ماشي دايما حاضرة الا اني استفدت واستمتعت بزااف في ضيافك
بارك الله فيك

fadila34

2015-11-03, 09:56

ليزا يا الغالية نشكرك على الكوزينة تاعك جازة 44444444 وخفيف ضريفة كم نتي واسمحلي مشركتش فيها بزاف

ام أمينة

2015-11-03, 09:57

صباح الخير ليزا الحبوبة الف شكرا لك على الستدافة كوزينتك فاتت تهبل وخفيفة كيما نتي وشكرا لك على الكلام الطيب ربي يعطيك صحتك وربي يحفظلك لولادك ويعطيك وش راكي متمنيا

ام محمد 05

2015-11-03, 10:03

شكرا حبيباتي مي لخميرة لي نستعملها النوعية الجيدة متظهرش في باقي الخبز ام رحاااااااااااب راك هنا حنونة طيحيلي بوصفتك نتاع الخبز العربي حابة نسيه نشاء الله مي بالصور راهلي راحتلي وصفتك حطيتيها من قبل في حراير الجلفة وهاكي رشوة http://store2.up-00.com/2015-11/144653967881.jpg

أم باسم

2015-11-03, 10:06

صباح الانوار على الجميع ام يسرا فضيلة ام ياسين بصحتك المحشي ام جوجو ماعليش على القش عاودت شللاتو المطر والحمد لله على سلامت اختك
ام رحاب حبيت نسقسيك على الكرنطيطة إذا مالقيتش الغبرة تاع الحمص كيفاه ندير وشكرا علبالك راني في تمنراست نظن ماهيش متوفرة؟
ارزاق هذاك الطجين تاع الزيتون يشهي ام إسلام يعطيك الصحة على المقيرط
ام وسيم ربي يبارك طيابك يشهي
ام هديل رحمة فوفول صباح الخيرات والمسرات يوم موفق درة مكنونة
المجد ودائمة وام حبوبة ربي يعاونكم
زهرة الريف يالعزيزة عظم الله اجركم وربي يصبرهاالام تاعك أختي ام عبدو ربي يصبركم مع انها متأخرة اسمحيلي
ام وأبنة صباح الخير أفتحيلنا الكوزينة لآنك راكي انتي نحلة المنتدى
غدايا اليوم سفيرية تاع البطاطا ومطلوع ان شاء الله
يإلهي نسيت نشكركم كامل ليدعيتولي ربي يجازيكم ويفتح عليكم :):):):)

omjoujou

2015-11-03, 10:08

عطورة حبيبتي ربي يخليك على كلامك الزين يا زينة راكي درتيلي القلب ورحت نجري نصبت لغدا لقيت عندي شوي جاج نصبتو باه ندير بيه تليتلي

omjoujou

2015-11-03, 10:10

ام باسم صباح النور حنونتي ربي يفرج عليك

آسيا 27

2015-11-03, 10:15

صباح الخييييييييييير

زهرة الريف*

2015-11-03, 10:21

أم باسم بارك الله فيك أختي ربي يحفضك ويفرج عليك ويسهلك أمورك
أم جوجو...ربي يجيبلك الخير ويشفي اختك
أم ملاك. ...فضيلة. ....أسمهان. ..؟عضم الله اجركم وربي يرحم موتاكم وجميع موتى المسلمين
ليزا. ......يابنت الأصول شكرآ على الضيافة وعلى كل كلمة حلوة

ام و ابنة

2015-11-03, 10:49

ليزا باي كلام اوفيك حقك
ليزا العزيزة اللزيزة المميزة
مميزة باطباقك
مميزة بصورك
و مميزة بلطفك مع الجميع
تجبري خاطر الكل و ما تنساي حتى وحدة بكل لطف و تواضع ربي يجبر خاطرك و يفرح فلبك و يعطيك ما تتمناي
لقاؤنا ان شاء الله في الكوزينة الجديدة و يا ربي تتسقملك لا كونكسيون بش ما تطوليش علينا لانو فعلا حظورك مميز

ام جوجو حبيبتي اوعي تعمليها خخخخخ انا نقولك الوقت هذا تع دخول البرد معروف بانطلاق الشهية خخخخ انا اصلا نسخف بصح هاذ ليامات بزيااادة و ماكلتي في الحق نسقط بزاااف و ما نكثرش ارواحي شوفيني راني كي الماشينة ما نحبسش خلاااااص خخخخ و حتى يما و اختي راهم يشكيو من نفس الحالة

ام باسم ربي يفرح قلبك عزيزتي انا هاذ الساعة ما نفتحش الكوزينة لانو ماكلتي بسيطة و صوري ابسط
و ثانيا انا واعرة اذا فتحت الكوزينة نلزم عليكم الحظور اجباري يوميا بالتوقيع و معاه صور وش كليتو ياولوكان خبز حافي و نزيدلكم كل يوم تطبيق جديد يعني بدل ما تدعيولي نخاف تدعيو عليا خخخخ

oum islem

2015-11-03, 10:57

زهرة الريف عظم الله اجركم في مصابكم حبيبتي انا لله وانا اليه راجعون ربي يرزقكم الصبر
دخلت نخلي سؤال لأم سهام لقيت كوزينة حبيبتي الغالية قربت تكمل
ليزا ربي يعطيك على قد طيبة قلبك ورحابة صدرك ويصلح وليداتك ويهنيك
استمتعت كثيرا ببعض أطباقك لي شفتهم لانو أغلب الصفحات ماتحلوووش وروعة ولا أطباق 5نجوم
ونسيت نقولك على الرولي تاع كرنب ولا راني غالطة ويا ليت تحطي الوصفة
شكرا كثيرا على الاستضافة الطيبة بارك الله فيك وجزاك كل خير وحفظك وكل من تحبين وستركم على الأرض ويوم العرض

ام يسرى افتحي الباب ساعة وانا ندقدق ما قدرتش ندخل
يارب يفوت هذا الرد

سبحان الله وبحمده عدد خلقه ورضا نفسه وزنة عرشه ومداد كلماته

دائمة الحمد

2015-11-03, 11:13

حبيبتي ليزا قبل ما تتغلق كوزينتك حبيت نشكرك
ونشيد بكرم اخلاقك وبحسن استقبالك لينا
ومشكورة على كل الاطباق لي زهيتي بيهم الكوزينة
والشكر موصول لكل الحبيبات لي اثرو الكوزينة بتصنيفاتاهم الطيبة اللذيذة

lyzzabel

2015-11-03, 11:15

يااااااي حبييبااتيي رحتوو قداام لا نقووم معااكم بالوااجب

غي حطييت الرد رااحتلي لا كونيكسيوون هدا ويين ولت وااااااااع

راني دخلت مبااااشرة لصفحة الردووود خفت لاكاان نلقى الكوزيينة تبلعت الحمد لله مازاال خخخخخ

حبييبااتيي نشكركم من كل قلبي على حضووركم المميز في كوزيينتيي زهيتووها بأطبااقكم الراائعة و ردوودكم الطيبة و ساامحووونيي لااكاان ما ردييتش على وحدة منكم ولا ما شفتهاااش و هاد الشي أكييييد عن غيير قصد ،، باارك الله فييكن و في ارزااقكن و جعل لكن في كل كلمة جزااءا و في كل طبق بركة و في كل خطوة سلااااامة يااا أعز و أغلى رفقة ،، أسأل الله ان يرزقنيي و إيااكم زياارة بيته الحراام و أن يجمعنا على خير و ان يوفقناا لما يحب و يرضى و ان يظلنااا يوم لااا ظل إلا ظله و أن يجمعنا فيي جنااات النعيييم

خسااارة كنت بااغية نحطلكم أطبااق حلوة تلييق بحلاااوتكم ،، ماعلييش نجيبهاالكم فالكوزيينة الجدييدة غاالياااتيييي

أسأل الله لي و لكم التوفيييق و الرضى و الغفرااان و أحلى سلااااااااكم لكن جمييييعاااا و إلى الملتقى في جزء جديييد من كوزيينتناا و هده بااقة ورووود هديتيي لكن و معااها احلى
موااااااااااااح

http://cdn.top4top.co/i_57c27961160.jpeg (http://up.top4top.net/)

ادرة مكنونة

2015-11-03, 11:20

بنت الريف عظم الله اجركم اسمحيلي متبهتش

yasmalak

2015-11-03, 11:30

صبااااح الخيييير حبيباااتي
بنت الريف عظم اجركي ختي ربي يرحم موتاكم و يجعل قبرهم روضة من رياض الجنة

يعطيكم الصحة على واش حطيتوو كامل ام اسلاااام البركوكس ديالك قريب ينطق و المقيرط خرجلك هبااااال
اسمحولي حبيباتي ادا ما دكرتكمش بالاسم و الله راكم كامل فالقلب

ارزاق شفتك سقسيتي على الشوكولا ساااهلة دوبتها عادي بلا اي اضافات و بسطتهاا على ورق الطبق و خليتها تنشف شوية برك اومباعد نجرتها بهدااك الشكل

ام امينة هديك لينغويني بصوص بولونيز
غلي اللينغويني و الا اي نوع من المعجنات
ووجدي الصوص تبلي اللحم مرحي بشوية بصل مقطع رقيق توم ملح فلف اكحل حشيش مقطفة وشوية زعيترة ديريهم كويراتةو في مقلة ديري شوية زيت توم بصل زنجبيل وريقات رند و شوية زغيترة و حطي كريات اللحم و قليهم بالشوية باش ما يتحلوش و درت عليهم صوص تومات كنت طيبتها من قبل و خليتهم تقلاو اومبتعد زيدي شوية ما و خليها حتى تطيب و تعقد كي توجد نحي اللحم و حطيه يقطر على جهة و لوحي اللينغويني فلاصوص قيسما تتشربها و طفييي اومباعد اقلي لي بولات تاع اللحم في شوية زيت و قدميهم مع الباستا و رشة حشبش

ام محمد 05

2015-11-03, 11:34

عااااااااجل حبيباتي حابة نطيب الشباتي نتاع الاخت زينب من فضلكم الملاعق لي حاطة كبار ولا صغار ربي يفرحكم

ذات النورين

2015-11-03, 11:44

مساء الانوار
ليزا كوزينتك فاتت ماشاء الله خفيفة ظريفة وتعلمت منكن انا شخصيا بزاف حوايج شكرا لكل البنات ربي يخليكم
للاسف الصور عذبوني وما خرجوش كنت حابة نحط اطباقي ولكن ماعليش خيرها في غيرها
البنات كااااااااااامل والفتكم وتعودت عليكم ربي يخلي هذي الجمعة المميزة وما يفرقهاش ابدا
الى الملتقى في كوزينة حرة اخرى ان شاء الله

fadila34

2015-11-03, 11:45

اختي زهرة الريف استسمحكي واقول لكي عضم الله اجرك والله ما انتبهت كبرت وخرفت

ارزاق

2015-11-03, 11:47

شكرا اختي حنان باذن الله نجربها ربي يفرحك وينولك لي في بالك .
ليزا يا حبوبة شكرا علي الاستضافة كانت كوزينة ولا ارررروع وظك راني رايحا لام يسري نشوف كوزنتها

آسيا 27

2015-11-03, 11:49

ليزااااااااا لعزيزة شكرا على الضيافة و كوزينتك فااتت خفييييييييفة و طياااابك فييييييييلم :1: :1: :1: :1:
بارك الله فيك و ربي يحفظك و شكرااا ليك و للبنات من قلب قلبي

http://up.1sw1r.com/upfiles2/too47753.jpg

ادرة مكنونة

2015-11-03, 11:51

هاني طيبت الكسرى السوفية جبتلكم شوفو اعجني عجينة مليحة سميد رطب وملح وماء
http://www9.0zz0.com/2015/11/03/13/945707029.jpg

كوريها كويرات خوذي كويرة وحليها بلحلال تعود رقيقة كي الرقاق بازيت
http://www9.0zz0.com/2015/11/03/13/476211180.jpg

http://www9.0zz0.com/2015/11/03/13/323691325.jpg

اطوي على زوز
http://www6.0zz0.com/2015/11/03/13/487465067.jpg

شمخي بازيت مليحhttp://www12.0zz0.com/2015/11/03/13/296434337.jpg

زيدي طبقيها على اربعة وديما الزيت
http://www9.0zz0.com/2015/11/03/13/747614976.jpg
وممباعد حليها باشتعود مربعة ورقيقة
http://www5.0zz0.com/2015/11/03/13/275006576.jpg

وممباعد لوحيها فوق لحديدة نتاع الطياب تكون سخونة وعلى نار متوسطة لحديدة نقولها *الطاوة*
http://www12.0zz0.com/2015/11/03/13/140242523.jpg

ابقي دوريى فيها و قلبي حتان اتطيب وديري عليها قليل من الزيت رشيه فوق الطاوة باش متلصقش الكسرة وابقي دوري حتان اتطيب
http://www8.0zz0.com/2015/11/03/13/889544430.jpg
وهاكو شويا ذوقو

http://www7.0zz0.com/2015/11/03/13/780075082.jpg
كي تطيب اللوبيا نوريهالكم مع الكسرى