مشكلة تحتاج لآرائكم .؟

[مشكلتي]

السلام عليكم و رحمة الله
أنا شاب في 25 سنة من العمر أعرف فتاة منذ سنتين و نحن نتواعد ولكنني أنوي أن تكون زوجتي في الحلال و قد وعدتها بهذا وأريد أن أفي بوعدي و اتقدم لوالديها لكن المشكلة أنني مازلت لا أعمل كذلك مازلت صغير السن نوعا ما و عندي عراقيل عديدة منها الخدمة العسكرية و عدم توفر منصب عمل ثابت بل مجرد أعمال حرة لكنني من جهة أخرى لا أنوي أن أبقى معها في الحرام وأريد أن أنقل علاقتنا إلى الصفة الشرعية و بمعرفة والديها مع العلم أنني كلما التقيتها في موعد أصاب ليلا بتأنيب ضمير ليس له مثيل ، أنا شاب مصلي و مستقيم لكنني أخاف من هذا الجانب لأنه حرام و لا أستطيع التوقف عنه لأنني ببساطة احب هذه الفتاة و حي تحبني أيضا وكما ذكرت هناك أسباب عدة تحول دون التقدم لأهلها في الوقت الراهن ، أرجو منكم إفادتي بأراء يمنكنها ربما أن توجهنا للطريق الصحيح مع العلم أن فكرة كتابة الموضوع كانت فكرتنا الإثنين لأننا في حيرة و صراع بين الحلال و صعوبة ترك علاقتنا المحرمة .

[mino 13]

راتب لي راك تديه حاليا خبيه واصرف منه القليل لو تجد عملين احسن بكثير لك
ابحث عن عمل فى بلادنا لازم لازم العرف... على اقل كي تدخل تخدم على شهر تروح دير اليد على اقل يكون عندك مال تحتك دير بيه حاجة
لازم لازم تلعب خفيف خويا
وهي من جهتها ترد كل خاطب يجيها دير اسباب

[AMINA.Z]

بصراحة استغرب من الشباب عندما يرتبطون بفتاة ما و يقدمون لها الوعود..و يكون الامر سهلا
لكن عندما يتعلق الامر بالحلال و فعل الصواب ..يتفطن هذا الشاب للعراقيل و يعددها و يريد الحل ???
انا ساشير عليك بامر واحد ...تحدث مع والديك ...و ان شاء الله لا يكونان عائقا جديدا ...فان حصلت على موافقتهما ...تقدم لطلب يد الفتاة و بعد الخدمة العسكرية ..ربي يكون الخير

[Nada Sweet]

ربي يجمع بيناتكم في الحلال
حاول بقدر الامكان تبعد عليها حتى توجد روحك وتروح تخطب علابالي صعيبة مي خمم فيها هاك تخليها في الحرام في وجه ربي وهو يكافئك بيها في الحلال
مش معناها تقطع كامل صلتك بيها لكن على الاقل ماتتلاقاش بيها ونقص من التيليفون وما الى ذلك وهي ادا صح تحبك اكيد تصبر عليك شوية وانت اول ما تقدر اخطبها وبشوية يفرج ربي سبحانه
سلام

[Zahra 30]

خويا توكل على الله وبعد على الحرام في الأول دجيك صعيبة بصح توالف وامني ربي ياجرك و يسهلك و يبارك لك من بعد psk صبرت لوجه الله بصح نقول لوكان غي تحط عليها اليد لوكان غي كلمة من عند والديها

[balkice sanam]

هذه فتنة كبيرة أنت واقع بها و هذا أمر حرام ماتخليوش الشيطان يلعب بيكم كما فعل بغيركم
ان كنت قادر على التقدم افعل و إلا اتركها لله و ان كان لك فيها خير سيجمعكما الله و كل شىء بقضاء و قدر
لكن فالتعلم أن تقوى الله هي سبب كل خير و فلاح و فتح لأبواب الرزق
و العكس الذنوب لها عقوبات و آثار على حياة الإنسان
و من استعجل الشىء قبل أوانه عوقب بحرمانه
ان لم تتب سيقسوا قلبك و يموت ولن تشعر بعدها بالفرق و ستتوالى عليك الذنوب..
و هل كي ناخدوا حاجة بمعصية ربي رايحين نتهناو بيها ؟ لا و الله ...
هذا و الله أعلم

[عفاف المنتدى]

دع تاـمر بيد الله سيجعل لك مخرجا والا ناويها صح اخطبها و الباقي على ربي

[مسلمة81]

اخي حاول تلقى عمل و روح اخطبها من اهلها لانو اذا كنت خدام ماراحش يرفضوك و صدقني اذا تحكمت في نفسك الى يوم الزواج ربي راح يرضى عليك و يسهلك امورك

[عبد الله 22]

السلام عليكم لماذا لم تقل هذا الكلام من قبل (( لا أعمل كذلك مازلت صغير السن نوعا ما و عندي عراقيل عديدة منها الخدمة العسكرية و عدم توفر منصب عمل ثابت )) من المفترض الانسان يفكر في النهايات و الآن قد وصلت لها الحل واضح بما انك لا تستطيع الزواج اتركها واليوم الذي تكون فيه قادر على الزواج إبحث عن بنت يستقبلك أبوها وليس هي بالتوفيق

[ramzi-messi]

لا يا أخي . هل تعلم ان الزواج هو احد اسباب الرزق

و الله ربي ماراحش يخليك . هو يرزقك متخممش قاع منين يجيك رزقك

روح توكل على مولانا تكلمل مع والدتك تروح تكلم البنت و امها و كلشي ان شاء الله راح يجيك ساهل

['مــــــــــــرجان نينو']

ربي يكون في العون ان شاء الله

[haboubti aline]

دير حاجة الحلال هي الاول وراعي ظروف الطفلة كي راهي صابرة معاك
عول على ربي ومتخافش
لخلق مايضيع

[blanche rose]

راتب لي راك تديه حاليا خبيه واصرف منه القليل لو تجد عملين احسن بكثير لك
ابحث عن عمل فى بلادنا لازم لازم العرف... على اقل كي تدخل تخدم على شهر تروح دير اليد على اقل يكون عندك مال تحتك دير بيه حاجة
لازم لازم تلعب خفيف خويا
وهي من جهتها ترد كل خاطب يجيها دير اسباب

ركز على هذا الراي
في بلادنا شباب بزاف ما يعرفوش التقشف
وباش تخبي لازم الدراهم يكونو بعاد على يدك
مثلا افتح دفتر توفير..ومبلغ الربا صدقوا
الخدمة كاينة في كل بلاصة
ولازم تتقدم لخطبتها..او على الاقل حط الكلمة
وتفاهم معاها الشرط يكون معقووول
اذا راهي تقرا واش نكتب
نقوللها ماكان لاه شرط 15 و20 مليون
كيما دارت وحدة مع خطيبها والشهرية كامل عند الطباخ والباتيسري بلا ما ننسى الكادوات ومنبعد يشكيو مكانش الدراهم
1000 دج ماكلة للنهار معناها تتزوجوا على 50سنة

واذا هي خدامة
تعاونوا منبعد على الايجار ومصاريف البيت

المهم
تقدم للخطبة
وفر..وفر..وفر