احلام ابي اتعبتني

[مشكلتي]

ااااااااه يا دنيا شعال راني عاية و كارها

ابي سبب في كلش

اما بعد

انا كبيرة في دار عييت بزااف من طموحات ابي
اقري علمي ماشي ادبي و حلمي كان في ادبي قريت علمي و جبت باك و راني نكمل لمتمنيه
خطبني حب حياتي و مقبلش بلاما ما يشاورني

و مزال الخطاب بزااف وهو يرفض بلا ما يسقسيني
و كل هدرته اقري و كملي و زيدي قري

بغيت نخدم قالي لا زيدي قري طلعي نيفو

انا عييت بزاااف و انا نحقق احلام ابي و احلامي انا وينها سي فري ابي بصح بزااف و الله عييت و راني مخنوقة
ابي يستنى من عندي و ميستناش من عندي خوتي كيفي


شا ندير انا عييت و مانيش باغي نجرح ابي هو كل همه قرايا و جامي نكمل مع قرايا بسبته كرهتها و نقول يا ريت مكنتش نعرف نقرى

[rose de sable s]

هو صحيح قسي عليك علي اقل تناقش معك هو يريد لك النجاح واكيد يعرف الخيار و العمل الذي هو مطلوب كاستاذه جامعية
اما عن زواج حاولي ان تناقشية او احد من عائلة يتكلم معه و يفهمه ان زواج لا يوثر علي دراستك وان عديد من متزوجات يدرسنا

[سر التقى]

حتى أنا مريت بحالتك صح درت التخصص الي حابوا هو و طعته و قريت كيما حب و ربي يأجرني و الحمد لله راني خدمة و متزوجة و عندي 2 بنات لعقوبة ليك.
هو طموحوا راه يشوفوا فيك لكن قضية الزواج لازم تدخل من أمك تعاونك و يكون عندها موقف و تقولوا لوكان ترفض كل خاطب راح الطفلة تقعد بلا زواج و تقولوا كل نتاجها راهم يتزوجوا و هدا وقتها.

[مــحــمــد]

اصبري قليلا فوالدك يريد لك الخير

وليس من حقك أن تقولي "عييت بزاااف و انا نحقق احلام ابي" فهذا والدك ليس أي شخص آخر
و سيأتي اليوم الذي تدركين فيه أنا أباك كان يريد لك الخير

[نوال المتفائلة]

والله راني حاسة بيك بصح نقولك باباك يحبلك الخير و يشوف نجاحو فيك و هذا شيء طبيعي انا واحدة مجرباتو إن شاء الله ربي يوفقك و حاولي تناقشيه بالحسنى عن امالك و طموحاتك و فيما يخص الزواج كيما قالولك الازم وسيط خير:19:

[blanche rose]

والدي ايضا كان كذلك
ما جعلني لا افكر في الزواج وانساه
لكن والدتي ظلت تكرر الموضوع علي وعلى والدي
وتزوجت في الثلاثينات من عمري والحمد لله
يعني الامر كله بيد والدتك عزيزتي
لكن لحظة..
عليك ان تدعي الله عز وجل وتثقي به
فهو وحده محقق الاحلام :)

[الجزائرية 2010]

يا اختي يجينهار وتعرفي بلي باباك علي حق
انا كنت كيفك لكن لما توفي بابا في عامي تاع الباك عرفت قيمتو وقيمة لشي اللي كان محتمو عليا وهي قرايتي

[خالد عنابي2]

ابوها ليس على حق وليست القصة انه يريد لها الخير

كل ما هناك انه يرى فيها نجاحا له ويسعى من خلالها الى تحقيق ما عجز عن تحقيقه مباشرة

هو يسعى لارضاء رغباته في المقام الاول

ولكن المشكلة انه لا يراعي قدراتها ورغباتها ما يجعلها تدرس بلا طعم وتنجح دون ان تتذوق طعم النجاح