انا صغير وراني خايف [الأرشيف] - منتديات الجلفة لكل الجزائريين و العرب

مشاهدة النسخة كاملة : انا صغير وراني خايف

مشكلتي

2015-10-22, 22:10

السلام عليك ورحمة الله تعالى وبركاته
انا اخوكم من الغرب الجزائري
حبيت نسقسيكم على حاجة مهمة ,,,,,,,,باسكو هي قضية مستقبل
انا العام الجاى ان شاء الله راني حاب نقاجي
لمدة 15
لكن قالولي كثير من الناس ان العسكر صعيبة بزاف خاصة
وفيها البعد عن الاهل وكذا وكذا
وحتي يعني لوكان نتزوج اثناء هذه الفترة مانقدرش ناخذ عائلتي معايا
يعني بصراحة قالولي ايضا تقعد تجي مرة في العام ونظام مشدد حتى انهم مايخلوكش تحكي في الهاتف ويمنعوه عليك كعقوبة
وبزاف حوايج قالوهملي
لكن سؤالي هو
هل صحيح مايقولونه
وهل حقا منزورش اهلي الا مرة في السنة لا في رمضان ولا الاعياد
ومايعطوناش عطلة مثلا ؟؟؟؟؟؟؟ارجوكم قولولي اخوتي واخواتي ايضا
كلكم لي داخل في هذا المجال ولي عندو معارفو ويعرف غير حاجة قليلة يقولهالي معليش
باسكو انا بصراحة مانعرف حتي حاجة
وبانسبة للعقوبات ومنع الهاتف ........صحيحة؟؟؟؟؟
واخذ عائلتي معايا ,,,,,,,,,؟؟؟؟؟؟
يا خوتي لما قالولي هكا كيشغل نفروني وترددت شوي
نتمنى تجاوبوني
لانها قضية مستقبل وسنوات من عز شبابي
شكرا مسبقا

نعمة الله15

2015-10-23, 09:07

يا اخي مازالك صغير وجاي في الدنيا وفكرتيني بي ابن اختي المتوفية وايضاً من الغرب الجزاءر ننصحك بصلاة الاستخارة او ابحت عن التكوين المهني وتعلم حرفة مليحة تخدم بيها ان شاء الله او حاول إكمال دراستك بالمراسلة اخي أرجوك لا تضيع مستقبلك في العسكر وابقى قرب والدتك والرزق في دعاءها ورضاها عنك والله المستعان

رشيدة12

2015-10-23, 09:43

العسكر قمة المذلة و القليلات ممن يقبلن بالزواج من عسكري لانها حياة صعبة

أم سلوى

2015-10-23, 09:48

الزيارات ليست مشكل وانما المعاملة السيئة هناك.....سوف تشفى...كثيرا. لكن المستقبل مضمون

moussabm

2015-10-23, 10:19

يأخي العسكر صعيب بزاف
طيحلك دمعة نورمال في الأعياد و رمضان والمناسبات كي تتفكر العائلة نتاعك

يعني هو فيه ايجابيات مثلا ضمان المستقبل
ولكن حسب رأي شخصي فيه سلبيات أكثر
وربي يوفقك زائد صلي صلاة الاستخارة

مجيد58

2015-10-23, 10:30

الله يجيب الخير من رايي غير اخطيك

أحمد بناني الحجري

2015-10-23, 10:39

اليوم الجمعة فلا ننس الصلاة على رسول الله صلى الله عليه و سلم
" اللهم صل و سلم و بارك على سيدنا و نبينا و حبيبنا محمد و على آله و زوجاته و أصحابه و تابعيه إلى يوم الدين".

lalib40

2015-10-23, 11:18

تعلم حرفة احسن بكثير

ريان 12

2015-10-23, 11:52

خويا راني نقلك روح وابني مستقبلك والخوف في عمره ما دار والو

khawla kikou

2015-10-23, 12:41

ربي يسهلك اخي

صمت الرجوله

2015-10-23, 12:42

سارد عليك بحكم تجربتي عندما ضيعت وقتي الثمين كملازم احتياطي
اولا مابقاش 15 سنة اقل مدة 19 سنة 'قانون جدبد'
البعد عن الاهل ممكن 1200 كلم 1500 كلم ايضا ممكن 300 كلم انت و زهرك
الزواج تخلي زوجتك في دارها واذا كان عندك الزهر و كانت الميطاسيون نتاعك شابة تدي زوجتك معاك و تخلص الكراء لي راح يقضي على شهريتك...اذا كانت الميطاسيون مرنكة مثلا تيزاوطين ;تريرين ;تيرموالين, جنوب شرق ادرار ,الباتايون 75, الديتاشي 93 مشاة مستقلة.....في هاذ الحالة غير تلقى وين تبات انت في وسط الثكنة...يعني السكن الوظيفي غيرك انساه كانو معاي رواد 'كموندون' عايشين معانا حياة العزوبية كي شغل ماهمش متزوجين
الاجازة ممكن مرة مرتان ثلات اربع و ممكن اكثر و ممكن ماتديش قاع اذا كانت حالة طوارئ.....انا عقبتها في الاحتياط 6 اشهر بدون اجازة اظف حبس توقيف شديد مرتان و منعت من الثالثة عقبت رمضان في عز الصيف نفطر على حبات تمر و كاس حديد حليب داخل القاريطة و نرقد بساك كوشاج برا مع الحلوف وايضا العيد الاضحى ماحبوش يعطونا اجازة
راني ننصحك كيما خويا الصغير خليك من الكاسكيطة فيها غير الشيتة و الشكامة و الجياحة

sraya

2015-10-23, 13:05

AMINA.Z

2015-10-23, 15:17

العسكر يساعدك اذا كنت قاري و بشهادة عالية تدخل و راسك مرفوع و مام يتعبوك ماش بزاف
اما اذا نت ماش قاري و قادر دير حاجة اخرى و تضمن بيها مستقبلك و تكون شاطر ...اخطيك منو
و اذا تعرف روحك ما تقدر دير والو ...ما يبقالك حتى حل باه تضمن مستقبلك من غير العسكر بالصح لازم تصبر و تكون راجل
خمم مليح

خالد عنابي2

2015-10-23, 17:00

أخطيك من قوات النظام

HODHOD HADAHID

2015-10-23, 18:39

نصيحة ليك كون جيت اخي اخطيك روح تعلم خيرلك من العمل العسكري صعيب بزااااااااااااف راني نشوف في خطيبي كيفاه يتمرمد رغم انه ليس عسكري لكن في نفس القطاع

'مــــــــــــرجان نينو'

2015-10-23, 20:24

أخي نصيحة الأخ لي أخيه اخطيك من الكاسكيطة وين كانت وخصوصا العسكر و الدرك

والله العظيم مزيرية كبيرة وعظيمة خبزة مرة طووول لعمر لامعاملة لا حترام لا اخلاق

تصور حقك ثما وماتديهش وتعود تسمح فيه .

كل شيء مزير زائد بالحساب كي شغل تبيع روحك للدولة

كما انك اذا دخلتها تنسى كل شيء لادار لاأهل لا مناسبات

تولي كل ثلاثة اشهر بأسبوع راحة يعني باه تروح فيها

فيما يخص العسكر ممنوع تزوج وفي العقد الأول + ممنوع السكن + السكن من رتبة سارجن شاف فما فوق

اما الدرك مسموح الزواج في العقد الاول + لكن السكن لا .

خمم فيها ياسر ياسر وخوذ راحتك لأنه والله صعيبة ياسر ومرة في نفس الوقت

عندك تتحشالك خمم مليح مليح

ولا تغرك البذلة والكلاش

خويا انصحك بالشرطة أفضل عليهم بكثير + تقدر تدخل ولايتك + وكيت ماتحب تقدر تبطل

ربي يكون في العون ان شاء الله

لبلاد هذي حتى الكاسكيطة وصعيبة فيها

ربي يجيب الخير

exellance

2015-10-23, 20:39

نعرف واحد دخل فالاول جاتو صعيبة وصح يمنعو عليكم الهاتف ويعاملوهم معاملة سيئة باش يشوفو لي يقدر يتحمل ولي مدلل يرجعوه لدارهم
حوالي شهرين هكذاك ومن بعد عادو يعاملوهم مليح والعطل كاينين مش مرة فالسنة فقط فالاعياد وكل شهرين يعطولهم عطل
بالتوفيق وربي يكتبلك لي فيها الخير

somia14

2015-10-24, 13:33

الاستخارة يا اخي

طيور الجنان

2015-10-25, 11:23

مانكذبش عليك العسكر ماشي حاجة ساهلة لازمك ضحي بزااااف حوايج تعلم حرفة و هني راسك على الاقل كي تتعب برا تروح لدارك مع امك او زوجتك يضحكو في وجهك و تلقى ماكلة سخونة ونظيفة.

قدور بن عاشور

2015-10-26, 02:55

نصيحة لوجه ربي، أخطيك.

mokhtar clubshop

2015-10-26, 03:01