كيف تعاملين زوجة اخيك

[ام عبد الواحد 2016]

السلام عليكن أخواتي

زوجة الأخ او المصطلح المتداول في مجتمعنا ** الكنه** هذه الضيفة الجديدة على العائلة . تركت حضن والديها و عائلتها لتنضم لعائلتك وتكون جزءا منها .



اريد من اخواتي ان يجبنني بصراحة كيف تعامل كل واحدة زوجة اخيها





بالنسبة لي كان الأمر صعبا في البداية ولا أنكر حدوث صدامات عديدة




ولكن ما جعل الامور تهدا بيننا هو انني دائما أتذكردائما حديث الرسول عليه افضل الصلاة و السلام * لا يؤمن أحدكم حتى يحب لأخيه ما يحب لنفسه *




فمثلما احب ان تعاملني اخت زوجي اعامل زوجة اخي







فما رأيكن

[آسيا 25]

السلام عليكم
على أخت الزوج احترام زوجة أخيها و معاملتها بلباقة و هذا من حق أخيها عليها أن تحترم زوجته و في حال أخطأت زوجة الأخ و تجاوزت حدودها معها هنا عليها أن تضع لها الحدود و الخطوط الحمراء و لا أنصح بإدخال الزوج و الأخ بينهما.
سلام.

[طيور الجنان]

يجب ان يكون الاحترام بينهما يعني اخت الزوج تعاملها مليح و ماطيحش من قيمتها وتعامالها بللي جات لدارها ماتعتبرهاش دخيلة عليهم و في نفس الوقت زوجة الاخ تاني مطالبة تحترم سلفتها و ماشي كل حاجة ديرها الاخت توصلها لزوجها و تفسد بيناتهم .
راني مانهدرش على النساء كامل كل وحدة وتربيتها لكن كاين زوجة الاخ اللي اذا قالت الاخت حاجة ولا دارت حاجة ماتعنيش الزوجة تروح تجري تقولو ربي يهدينا اجمعين.

[ام عبد الواحد 2016]

السلام عليكم
على أخت الزوج احترام زوجة أخيها و معاملتها بلباقة و هذا من حق أخيها عليها أن تحترم زوجته و في حال أخطأت زوجة الأخ و تجاوزت حدودها معها هنا عليها أن تضع لها الحدود و الخطوط الحمراء و لا أنصح بإدخال الزوج و الأخ بينهما.
سلام.

فكرة عدم ادخال الاخ في النزاع مهمة جدا شكرا اختي على المشاركة

[ام عبد الواحد 2016]

يجب ان يكون الاحترام بينهما يعني اخت الزوج تعاملها مليح و ماطيحش من قيمتها وتعامالها بللي جات لدارها ماتعتبرهاش دخيلة عليهم و في نفس الوقت زوجة الاخ تاني مطالبة تحترم سلفتها و ماشي كل حاجة ديرها الاخت توصلها لزوجها و تفسد بيناتهم .
راني مانهدرش على النساء كامل كل وحدة وتربيتها لكن كاين زوجة الاخ اللي اذا قالت الاخت حاجة ولا دارت حاجة ماتعنيش الزوجة تروح تجري تقولو ربي يهدينا اجمعين.
كلامك صح اختى ربي يهدينا

[ام عبد الواحد 2016]

اين اراءكن يا اخواتي

[mrmilano1984]

هادي داخلة في تربية المرا كاينة لي فحلة ومتربية وعاقلة هادك عمرها ماتدي وتجيب هاديك انا لي نسحقها في داري مش وحدة لفعة تدي وتجيب وتدر مشاكل هادك قادر نمشي علي حساب عقليتها او مصيرها الطرد والشنق

[نورالهدى بيولوجيست]

انا صحيح و بدون مبالغة مرت خويا عندي خير من الاخت هي هايلة و انا ثاني معاها مليحة راها عندنا ظلها عامين و نص و الحمدلله ماتصادمناش مطلقا و ربي يدوم المحبة بالعكس كي تكون شاهية حاجة و لا لوليدها و خويا ماقدرش يجيبلها انا نغطي عليه و ماننكرش انها هي ثاني تعزنا و انسانة متربية و خلوقة و قايمة بخويا مليح

[mrmilano1984]

رانا نقولو داخلة في التربية والاخلاق والعقلية تاع البنت كاينة صح محتشمة وعاقلة وماتخبش المشاكل وكاينة لي تحب مشاكل لو طاحت في راجل مرنك يضربها بكوتبيي صدقوني تخلطلو في مرتو

[ام عبد الواحد 2016]

انا صحيح و بدون مبالغة مرت خويا عندي خير من الاخت هي هايلة و انا ثاني معاها مليحة راها عندنا ظلها عامين و نص و الحمدلله ماتصادمناش مطلقا و ربي يدوم المحبة بالعكس كي تكون شاهية حاجة و لا لوليدها و خويا ماقدرش يجيبلها انا نغطي عليه و ماننكرش انها هي ثاني تعزنا و انسانة متربية و خلوقة و قايمة بخويا مليح


ربي يهنيكم معا بعض والله انت الجوهرة بتعاملك معاها

[mrmilano1984]

كاين بنات عاقلات ويطيحو مع بنات لفعات وتاع مشاكل بسبب مرض في قلبها حسد غيرة شديدة في قلبها تولي تخلق مشاكل من اتفه الاسباب لا لسبب انها مش متزوجة ومرت خوها متزوجة وتشوفها براجلها اي اخيها واولادا لثم تزيد تجنن داخلة في قلب وعقلية كل مراة

[أثيلة]

زوجة اخي هي صح فالبداية كان كاين اختلاف فالعقلية و اللهجة و و و و ولكن جامي وصلناها لا انا و لا اهلي رغم انها مرات تتعمد اثارة بعض المشاكل لكن لما تلقانا ساكتين تجبد روحها ، و عني بالضبط تدير واش تحب منيش سامعة بيها عندها راجلها و انا حتى لو توصلني نسكتلها على وجه اهلي. و صرات الف مرة و سكتتلها (اتهمتني في شرفي و سكتت) و الحمد لله عرفت غلطها و اعترفت بيه و الان راها تموت علينا ، و صدقوني لو شو ماتدير نسمحلها ، وكاين احتمال واحد فقط اني نضاربها هو ان تجرأت على الحديث او التعدي على والدتي

[mrmilano1984]

ربي يبقي الستر لي تجيب مشاكل لي خوها هاديك حابسة وماعندهاش في الراس وفارغة المرا العاقلة تصبر رغم غلطة زجة احيانا

[nawelg1]

في هذا الوقت قليل وين نطيحو في بنات الفا
ميلة ولات لي تدخل كنة تحب تخرب العايلة وتولي هي الكل فالكل ربي يهدينا

[ام عبد الواحد 2016]

كاين بنات عاقلات ويطيحو مع بنات لفعات وتاع مشاكل بسبب مرض في قلبها حسد غيرة شديدة في قلبها تولي تخلق مشاكل من اتفه الاسباب لا لسبب انها مش متزوجة ومرت خوها متزوجة وتشوفها براجلها اي اخيها واولادا لثم تزيد تجنن داخلة في قلب وعقلية كل مراة


هذه ايضا حقيقة موجودة اذا على جميع الاطراف تحكيم العقل و الحكمة لتقليل المشاكل قدر الامكان

[ام عبد الواحد 2016]

زوجة اخي هي صح فالبداية كان كاين اختلاف فالعقلية و اللهجة و و و و ولكن جامي وصلناها لا انا و لا اهلي رغم انها مرات تتعمد اثارة بعض المشاكل لكن لما تلقانا ساكتين تجبد روحها ، و عني بالضبط تدير واش تحب منيش سامعة بيها عندها راجلها و انا حتى لو توصلني نسكتلها على وجه اهلي. و صرات الف مرة و سكتتلها (اتهمتني في شرفي و سكتت) و الحمد لله عرفت غلطها و اعترفت بيه و الان راها تموت علينا ، و صدقوني لو شو ماتدير نسمحلها ، وكاين احتمال واحد فقط اني نضاربها هو ان تجرأت على الحديث او التعدي على والدتي



رائع جدا انه مع العشرة تتالف القلوب سبحان الله ربي يهنيكم

[حبيبة امها]

السلتم عليكم ورحمة الله وبركاته
انا من نفس رايك ما تقدريش تحسي بشعور اهل زوجك حتى توصلي وتكني عندك مرة اخ انا خويا عندو عامين ملي الزوج والحمد لله الامور ماشي ساعة هكا ساعة هكا المهم ما كانش تصادم والحمد لله
واحنا نعاملوهامثل ما قلتي تماما على كريق تبينا الخبيب عليه افضل الصلاة والسلام

[ام عبد الواحد 2016]

السلتم عليكم ورحمة الله وبركاته
انا من نفس رايك ما تقدريش تحسي بشعور اهل زوجك حتى توصلي وتكني عندك مرة اخ انا خويا عندو عامين ملي الزوج والحمد لله الامور ماشي ساعة هكا ساعة هكا المهم ما كانش تصادم والحمد لله
واحنا نعاملوهامثل ما قلتي تماما على كريق تبينا الخبيب عليه افضل الصلاة والسلام

بارك الله فيك اختي

[ام عبد الواحد 2016]

اين تفاعلكن و ردودكن

[ibtihal18]

زوجة اخي الحمد لله 3 سنوات ما وصلناها ما وصلتنا نحبوها كامل و هي تحبنا متربية و عاقلة و مثقفة و رزينة و هذي ترجع للتربية كيما قالو اللي قبلي ناسها تع القدر و متربيين و احنا الحمد لله كيما ما نرضاوش الشر لينا و لخواتتنا ما نرضاوش لمرت خويا و لبنات الناس كامل

[نعمة الله15]

يا اختي رحت ضيفة شهر لدارنا وانا مغتربة وكانت زوجة اخي لازالها عروس كرهتني في دارنا وتمنيت وقتاش تكمل العطلة ونرجع للغربة

[رقة زمان]

انا الحمد لله اخي الاول تزوج هدا الصيف وكان حاب يسكن وحدو تزوج ودى مرتو بعيد وفي ولايه اخرى وزوجة اخي ماشاء الله متربيه عاقله مثقفه وقاريه ويجونا ضياف برك ونهار الي نروحو عندهم ضيفنا احسن ضيافه مام ديناها من عائله ثريه جدا التواضع ماشاء الله وادعولهم ربي يرزقهم بالدريه الصالحه

[nooriman]

نحكيلكم حكايتي مع أخوات زوجي

انا من أول يوم ذخلت معاهم ذخلة اخوات بقيت معاهم بنيتي و قلت في نفسي مهما كانت عقليتهم لازم نذخل فيهم لازم نخليهم يريحولي و يحبوني خاطر هاذو اخوات الغالي ....و بديت على هدا النحو على الرغم اننا مانتلاقوش بزاف يعني خطرا فالشهر فالشهرين هاكدا خاطر متزوجات

أول يوم كنت جديدة و مانعرفهمش بقيت كل ما نتصرف تصرف مليح نكبر بهم نفرح بيهم رغم انهم يجو يتحكمو فالدار و يدورور امهم عليا يعني بقاو يفسو لملاحة اني ضعيفة و خايفة منهم و عندي سلفتي تعاملهم بكل سطحية و برود و نرفزة و هي أصلا تفتعل المشاكل و تظل تعمر راس زوجها ضد أمه و أهله يخافو منها و يديرولها الف حساب
كانو مرات عديدة يركبولي الرعب بالصراخ تاعهم و يضايقوني بتعليقاتهم حتى نبقى نبكي و الا يتجاهلوني و كأني غير موجودة و هما يكرهونني بدون سبب

مرات كثيرة تشاجرت انا و زوجي بسببهم لاني كنت نتضايق لمعاملتهم السيئة بدون مبرر

لكن االان تغيرت و اصبحت اعاملهم معاملة سطحية اقل ما يستحقون و ريحت بالي و بعدت زوجي على كل المنغصات اللي تجي منهم و عاهدت نفسي ما نتبدل معاهم حتى يتبدلو معاي
قولولي راني غالطة و لا لا؟؟؟؟؟

الله يهدي ما خلق

[ibtihal18]

ماكيش غالطة اختي كون انا مكانك اللي ما يقيمنيش ما نقيموش و اللي يشوف روحو عليا نشوف معاه ب شط عيني هذي هي القاعدة

[ام عبد الواحد 2016]

نحكيلكم حكايتي مع أخوات زوجي

انا من أول يوم ذخلت معاهم ذخلة اخوات بقيت معاهم بنيتي و قلت في نفسي مهما كانت عقليتهم لازم نذخل فيهم لازم نخليهم يريحولي و يحبوني خاطر هاذو اخوات الغالي ....و بديت على هدا النحو على الرغم اننا مانتلاقوش بزاف يعني خطرا فالشهر فالشهرين هاكدا خاطر متزوجات

أول يوم كنت جديدة و مانعرفهمش بقيت كل ما نتصرف تصرف مليح نكبر بهم نفرح بيهم رغم انهم يجو يتحكمو فالدار و يدورور امهم عليا يعني بقاو يفسو لملاحة اني ضعيفة و خايفة منهم و عندي سلفتي تعاملهم بكل سطحية و برود و نرفزة و هي أصلا تفتعل المشاكل و تظل تعمر راس زوجها ضد أمه و أهله يخافو منها و يديرولها الف حساب
كانو مرات عديدة يركبولي الرعب بالصراخ تاعهم و يضايقوني بتعليقاتهم حتى نبقى نبكي و الا يتجاهلوني و كأني غير موجودة و هما يكرهونني بدون سبب

مرات كثيرة تشاجرت انا و زوجي بسببهم لاني كنت نتضايق لمعاملتهم السيئة بدون مبرر

لكن االان تغيرت و اصبحت اعاملهم معاملة سطحية اقل ما يستحقون و ريحت بالي و بعدت زوجي على كل المنغصات اللي تجي منهم و عاهدت نفسي ما نتبدل معاهم حتى يتبدلو معاي
قولولي راني غالطة و لا لا؟؟؟؟؟

الله يهدي ما خلق


اختى العزيزة احسن ما فعلت انك ابعدت زوجك عن المشاكل والحمد لله انك لا ترينهن الا من وقت لاخر .حقيقة انا لا اعرف نوعية المشاكل التى يسببنها لكن معاملتك الحسنة لهن ستزيد من حب زوجك لك لانه مهما حصل فهن اخواته في النهاية وصدقيني خير الامور اوسطها اي لا ترخي ولا تشدى. ربي يهنيك يا اختى

[ام الخير 87]

انا قبل مانتزوج كانو النسا كامل يقولولي ردي بالك من سلافاتك انا عندي 5 سلافاتي كنت حاسة روحي داخلا على حرب لكن كي زوجت عرفت حوايج بزاف واول حاجة اني تعاملت معاهم كيما خواتاتي ومتحاوليش تكبري المشكل لانو الشيطان يحب الخراب وتقبلي كل انتقادتهم ومكانت جداتي تقلي شاور وخالف وصح كنت نشاورهموفي الاخير ندير لي يخرج علي وعلا راجلي وسلام اختي

[om_nour]

اللَّهُمَّ إِنّا نَسْأَلُكَ بِأَنـَّا نَشْهَدُ أَنـَّكَ أَنْتَ اللهُ لاَ إِلَهَ إِلاَّ أَنْتَ، الأَحَدُ الصَّمَدُ، الّذِي لَمْ يَلِدْ وَلَمْ يُولَدْ، وَلَمْ يَكُنْ لَهُ كُفُواً أَحَدٌ، أَنْ تَجْزِيَ آبَاءَنا وَأُمَّهَاتِنا عَنـَّا خَيْرَ الْجَزَاءِ.

. اللَّهُمَّ اجْزِهِمْ عَنـَّا خَيْرَ الْجَزَاءِ وَاغْفِرْ لَهُمْ وَارْحَمْهُمْ كَمَا رَبـُّونا صِغَاراً. اللَّهُمَّ مَنْ كَانَ مِنْهُمْ حَيّاً فَمَتِّعْهُ بِالصِّحَّةِ وَالعَافِيَةِ عَلَى طَاعَتِكْ، وَمَنْ كَانَ مِنْهُمْ فِي دَارِ الْحَقِّ فَتَوَلَّهُ بِرَحْمَتِكَ وَأَنْزِلْ عَلَيْهِ شَآبِيبَ رَحْمَتِكَ..

اللَّهُمَّ مَنْ كَانَ مِنْهُمْ مَرِيضاً فَشَافِهِ وَعَافِهِ يَا رَبَّ العَالَمِينَ، وَأَسْبِلْ عَلَيْهِ ثَوْبَ الصِّحَّةِ وَالعَافِيَةِ يا أَكْرَمَ الأَكْرَمِينَ.. اللَّهُمَّ اغْفِرْ لِوَالِدَيْنَا وَوَالِدَيْ وَالِدَيْنا.


اللَّهُمَّ اجْعَلْنَا بِهِمَا مِنَ البَارِّينَ الْمُشْفِقِينَ العَطُوفِينَ.. وَاجْعَلْنَا قُرَّةَ عَيْنٍ لَهُما فِي الدُّنْيا وَالآخِرَةِ.. وَارْزُقْنا بِـرَّ أَبْنائِنا وَبَناتِنا يَا أَرْحَمَ الرَّاحِمِينَ.

اللَّهُمَّ اجْعَلْ رِضَايَ فِي الدُّنْيا عِنْدَ مَوَاضِعِ أَقْدَارِكَ.

[أم شروفة]

نظن ان الاحترام يولد الاحترام والقدر يولد القدر .....والترفع عن التفاصيل في الحياة يجعل الحياة تستمر حتى بين الضراير مش بين الاخوات

[ام عبد الواحد 2016]

انا قبل مانتزوج كانو النسا كامل يقولولي ردي بالك من سلافاتك انا عندي 5 سلافاتي كنت حاسة روحي داخلا على حرب لكن كي زوجت عرفت حوايج بزاف واول حاجة اني تعاملت معاهم كيما خواتاتي ومتحاوليش تكبري المشكل لانو الشيطان يحب الخراب وتقبلي كل انتقادتهم ومكانت جداتي تقلي شاور وخالف وصح كنت نشاورهموفي الاخير ندير لي يخرج علي وعلا راجلي وسلام اختي


كلام يدل انك رزينة وعاقلة ربي يخليك لزوجك

[ام عبد الواحد 2016]

موضوع رائع يطرح جزء من مشاكل العائلة

عن نفسي امى ميتة
الله يرحمها

وانا بنت الكبرى مزوجة

اخى حب واحدة من العائلة يعنى معروفين بانهم ميحبوش اصلا اخت زوج

بصح واش ندير خويا حبها

قلت معليش انا مزوجة وفي دارى واش دخلنى فيها

امالا رحت خطبتها وعملت له عرس قلت نزوج اخى تغسلوا تطبخلوا لما يجي من الخدمة يلقى واحدة تهتم به

انا مزوجة واخت كانت قريب تتزوج يعنى يبقى وحدوا مع زوجة اب والله ماهي هي
يعنى زوجة نهنم به خير من زوجة اب

والله برك من قالوا راها رايحة تخطب لاخوها وهي سمعت بالخبر عامليتى معاملة عجوز للكنة
بعثتلها رسالة مع نسوة قلت لها رانى مزوجة والحمدلله بدارى اذا جيتك مرة في عام ونقعد ساعة عنذك راك مليحة هههه

وخليتها تهدر عليا واش تحب كنت نسمع ونضحك ونقول راها صغيرة تكبر وتعقال وتعرف بلى رانى اخت زوجها مش عجوزنها

وكنت نروح نعمل واجب فقط ساعة ونخرج

اما اليوم الحمدلله لما نروح راها نفرح بينا

اما اخت زوجي حابة نشفى مرة واحدة كشما سمعت منها واااااااااااااااااااااالوا وما سمعت منى الحمدله
لى هامنى اننا نفرغ لبعضنا الهموم ونحكى بكل راحة كاخت لاختها



الله يرحم امك و يهنيك يا اختي ما شاء الله عليك

[ام عبد الواحد 2016]

نظن ان الاحترام يولد الاحترام والقدر يولد القدر .....والترفع عن التفاصيل في الحياة يجعل الحياة تستمر حتى بين الضراير مش بين الاخوات



كلام كله حكم بارك الله فيك

[أم الوليد]

السلام عليكم

سوف اجيبك اختي من باب تجربتي انا الشخصية

لدي زوجة اخ واحدة فقط من البداية تعاملنا ببرودة و كاننا مجرد حشرات أو حثالة حتى امام اخي بالرغم اننا احترمناها و نحترمها لليوم

يعني: درنالها القدر و الشان اما الناس و اما عايلتها و بعض من اقاربها اشادوا بما فعلناه لها ليس لها بل لاخي فقط الان حتى امي الكبيرة تحتقرها و لا تقيم لها وزنا بالرغم من الدلال التي تحظي بها من قبلها

و ارجع و افول : يتوقف على التربية و الاخلاق و كما نقول هنا: الاصل دساس ياختي الاصل عندو قيمة

[لينة نور]

السلام عليكم

الحمد لله ، نسأله دوام النعمة ....لم أرى ما يزعجني من زوجتي أخوي ....منذ أيام قضيت مع الكبرى ليلة حتى الفجر

ليلة حفرت في الذاكرة ....وهذه رسالة وصلتني للتو منها عبر الانترنت ...كنت بعثت لها البارحة رسالة فلم تجب

salam .semhili //// ma kountch fe dar .je suis allee passer le week end chez ma grand mere allah yarhamha.semhili khti.
Bonne nuit selmili 3la les enfants
....عااادي ...لامجال لسوء الظن كي لايجد الشيطان مجالا للدخول بيننا ،الاحترام متبادل ..

أما الصغرى فلها أم لو أن كل الامهات مثلها ما طلقت امرأة ....أسأل الله أن يحفظهن جميعا من كل سوء ويسعدهن في الدارين .

[sinda]

مساء الخير أخواتي أنا عن نفسي كنت أعاملها حسن معاملة كما أحب الخير لنفسي أحبه لغيري أتحدث معها ووقفت معها في وفاة أمها وواسيتها ولكن أتى يوم وتخطت حدودها معي وبالمقابل وضعت لها الخطوط الحمراء ومنذ ذاك لم أقابلها مدة شهرين ذهبت لبيت أهلي ولم تأتي لرؤيتي

[om3imad]

انا عن نفسي اطلب من من جميع اخواتي و من قرا هذا الرد
بالدعاء لي
وربي يحفظني من شر اخت زوجي و امها على خاطر عييت من المشاكل الي راح تدمرلي زواجي امانة ادعو لي.

[ROZLANE ROSE]

انا عن نفسي اطلب من من جميع اخواتي و من قرا هذا الرد
بالدعاء لي
وربي يحفظني من شر اخت زوجي و امها على خاطر عييت من المشاكل الي راح تدمرلي زواجي امانة ادعو لي.
ربي يفرج عليظ اختي ويبعد عليك شرهم

[ام عبد الواحد 2016]

السلام عليكم

سوف اجيبك اختي من باب تجربتي انا الشخصية

لدي زوجة اخ واحدة فقط من البداية تعاملنا ببرودة و كاننا مجرد حشرات أو حثالة حتى امام اخي بالرغم اننا احترمناها و نحترمها لليوم

يعني: درنالها القدر و الشان اما الناس و اما عايلتها و بعض من اقاربها اشادوا بما فعلناه لها ليس لها بل لاخي فقط الان حتى امي الكبيرة تحتقرها و لا تقيم لها وزنا بالرغم من الدلال التي تحظي بها من قبلها

و ارجع و افول : يتوقف على التربية و الاخلاق و كما نقول هنا: الاصل دساس ياختي الاصل عندو قيمة


ربي يهديها ويصبركم

[ام عبد الواحد 2016]

السلام عليكم

الحمد لله ، نسأله دوام النعمة ....لم أرى ما يزعجني من زوجتي أخوي ....منذ أيام قضيت مع الكبرى ليلة حتى الفجر

ليلة حفرت في الذاكرة ....وهذه رسالة وصلتني للتو منها عبر الانترنت ...كنت بعثت لها البارحة رسالة فلم تجب


....عااادي ...لامجال لسوء الظن كي لايجد الشيطان مجالا للدخول بيننا ،الاحترام متبادل ..

أما الصغرى فلها أم لو أن كل الامهات مثلها ما طلقت امرأة ....أسأل الله أن يحفظهن جميعا من كل سوء ويسعدهن في الدارين .


ربي يهنيكم ويحفظكم من كل سوء

[ام عبد الواحد 2016]

مساء الخير أخواتي أنا عن نفسي كنت أعاملها حسن معاملة كما أحب الخير لنفسي أحبه لغيري أتحدث معها ووقفت معها في وفاة أمها وواسيتها ولكن أتى يوم وتخطت حدودها معي وبالمقابل وضعت لها الخطوط الحمراء ومنذ ذاك لم أقابلها مدة شهرين ذهبت لبيت أهلي ولم تأتي لرؤيتي

يا لطيف مدة كبيرة للمقاطعة ربي يهديها

[ام عبد الواحد 2016]

انا عن نفسي اطلب من من جميع اخواتي و من قرا هذا الرد
بالدعاء لي
وربي يحفظني من شر اخت زوجي و امها على خاطر عييت من المشاكل الي راح تدمرلي زواجي امانة ادعو لي.



نسال الله العظيم ان يفرج عنك و يهدى ام زوجك وابنتها

[sinda]

يا لطيف مدة كبيرة للمقاطعة ربي يهديها
صدقيني ذهبت لبيت أهلي مدة شهر تقريبا ومع مناسبة العيد ولا حياة لمن تنادي وهل خطا أنك تتكلمين كلمة الحق ربي يهدينا كامل للخير

[TOFNINE]

خلي البير بغطاه ونحيي كل وحدة خلات القدر على روحها وعطات قدر للناس كل واحد واش يستاهل
الي يخلط روحو مع النخالة يكلوه الكلاب ولا ينقبوه الدجاج
تعياي تعملي الملاخة وادا كرهوك راكي غير تشيتي ارفدي روحك وطلعي راسك مراكيش عبد شراوه من السوق
ومن عندي ومن عندك تنطبع وادا من عندي برك تنقطع
الي جاني نجيه ولي شد رجلو نشد رجليا ويديا لي سقسا عليا نسقسي عليه ولي مرانيش في حسابو نخرجو من حسابي
نقادر ونحترم وهدا من تربيتي ولي تطاول عليا نترفع عليه
ولي راه حاسب روحو راه جايب راجل ومدولي وراه داير فيا مزية حتي انا امرة وجابوني ناس وعندي قدري وهيبتي
وكي جيت جيت بنية مرت راجل ونكون عايلة ونفتح باب ويقولو دار فلان

[TOFNINE]

لو كان جات في الحكاية نكتب كتاب ونزيد اوراق اخرى
شفنا ورانا نشوفو وتنازلنا وترخسنا وكرامتنا تمرمدت في الارض ولو كان متحفظيش كرامتك متستنايش يحفظو هالك
وكل معاملة وكل كلمة وكل خطوة وكل نظرة وكل راي هو وصف اخلاق صاحبه
حتى سكوت الانسان ناتج عن افعال تعرض ليها ولقا السكات خير من الكلام
انتشرت امراض الضغط عند النساء بسباب الكنة او العجوزة او السلفة او الله يجيب الخير

[hawa19]

شوفي نقولك حاجه لقليل وين تلقاي عروس عايشه مع عجوزها و سلافاتها و متهنيين يعني عن تجربه لازم كل وحده فيهم تعيش في دارها وحدها و احيانا يتلاقاو اللي يقدر راهو متهني من المشاكل و اللي ما يقدرش اطفرت فيه

[ام عبد الواحد 2016]

شوفي نقولك حاجه لقليل وين تلقاي عروس عايشه مع عجوزها و سلافاتها و متهنيين يعني عن تجربه لازم كل وحده فيهم تعيش في دارها وحدها و احيانا يتلاقاو اللي يقدر راهو متهني من المشاكل و اللي ما يقدرش اطفرت فيه


معاك الحق انه كل واحدة تسكن في دارها وحدها حتى يبقى القدر لكن هذا لا يمكن ان يتاح للجميع وكل واحد وامكانياتو . هنا الرجل عنده دور كبير عليه ان يعدل بين عائلته وزوجته ويعطى كل ذي حق حقه

[rima1979]

سلام مرت خويا صح مرات نتحسس منها مي والله منبينلها نخلي الامور تمشي على روحها عاشت معانا سنتين والان هي راهي بعيدة بحكم خدمة خويا وليت أنا روح عندها ضيفة في العطلة ونقعد على راحتي بالعكس هي طيب ودلي كلش وأنا وياها متفاهمين نتعلم منها وتوريلي والحمد لله في جال أخي لي نحبوا كي ما تقول يما نصبر على كلشي

[كاميلا]

بصراحة منديرش عليها خلاص تخرط بزاف فيها النية هخهههههههه خويا عنده 5 سنين زواج جامي تقابضنا معاها ؟ ترجع لدرجة رقي الام او الحماة امي والحمد لله راقية في التعامل مع الناس وتحب تمد لكل واحد حريته وحريتها هي خطوط حمرا يعني عروستنا بالمختصر المفيد عايشة حياتها

[ام عبد الواحد 2016]

سلام مرت خويا صح مرات نتحسس منها مي والله منبينلها نخلي الامور تمشي على روحها عاشت معانا سنتين والان هي راهي بعيدة بحكم خدمة خويا وليت أنا روح عندها ضيفة في العطلة ونقعد على راحتي بالعكس هي طيب ودلي كلش وأنا وياها متفاهمين نتعلم منها وتوريلي والحمد لله في جال أخي لي نحبوا كي ما تقول يما نصبر على كلشي

بصراحة منديرش عليها خلاص تخرط بزاف فيها النية هخهههههههه خويا عنده 5 سنين زواج جامي تقابضنا معاها ؟ ترجع لدرجة رقي الام او الحماة امي والحمد لله راقية في التعامل مع الناس وتحب تمد لكل واحد حريته وحريتها هي خطوط حمرا يعني عروستنا بالمختصر المفيد عايشة حياتها

بارك الله فيكن على المشاركة فى الموضوع



ربى يصلح احوالنا جميعا

[آسيا 25]

خلي البير بغطاه ونحيي كل وحدة خلات القدر على روحها وعطات قدر للناس كل واحد واش يستاهل
الي يخلط روحو مع النخالة يكلوه الكلاب ولا ينقبوه الدجاج
تعياي تعملي الملاخة وادا كرهوك راكي غير تشيتي ارفدي روحك وطلعي راسك مراكيش عبد شراوه من السوق
ومن عندي ومن عندك تنطبع وادا من عندي برك تنقطع
الي جاني نجيه ولي شد رجلو نشد رجليا ويديا لي سقسا عليا نسقسي عليه ولي مرانيش في حسابو نخرجو من حسابي
نقادر ونحترم وهدا من تربيتي ولي تطاول عليا نترفع عليه
ولي راه حاسب روحو راه جايب راجل ومدولي وراه داير فيا مزية حتي انا امرة وجابوني ناس وعندي قدري وهيبتي
وكي جيت جيت بنية مرت راجل ونكون عايلة ونفتح باب ويقولو دار فلان
أنت تفكرين مثلي تماما أختي و الله لا يوجد مثل أنك تترفعين عندما تلمسين سوء الإحترام من قبلهم و ذلك حتى (ما تطيحيش النيفو تاعك) تحية لك.
سلام.

[cyllia]

ههههههههههههه الحمد لله مزالوا خاوتي صغار و لكن نظن ان الاحترام هو الاساس ديريها كما اختك عادي و كل شيء عندوا حدود طبعا ما لازمش انت تتعدايهم كما ملازمش هي تتعداهم

[sarl02]

المعادلة طرفها واحد وهو المراة لكن مع تغير المقام والزمان فقط....للاسف تنسى البنت انها غدا سوف تصبح كنة وزوجة اخ وعجوز لديها زوجات اولاد فتراها تتجرد من كل هاته المعطيات المفروضة بحكم الحال وتتعامل من منطلق الوضع القائم وفقط وهذا هو سبب المشكلة الرئيسي...الان مثلا يا صاحبة الموضوع لو وضعتي موضوع كيف تتعاملين مع اخت زوجك او ام زوجك لانقلبت كل اراء واقوال المتدخلات راسا على عقب وتصبح من كانت بالامس عازبة وزوجة اخ عدوة لدودة لاخت زوجها وامه ...ومن منطلق الانانية وحب النفس حتى وهي في موقع زوجة اخ لا تعامل اخوات زوجها وامه بما ترغب هي ان تعامل به زوجة اخيها امها .....لهذا تغيير الذهنيات واجب لكي تحل مختلف المشاكل وفق الله الجميع.

[قدس الاسلام]

نصائح مميزة

[زنوبيا86]

انا زوجة اخي عندها اربعة اشهر و هي انسان حشرية صدقوني لدرجة ما تتخيلوهاش وانا صابرة لاني مخطوبة ولانا امي تحبها بزاف

[ام عبد الواحد 2016]

ههههههههههههه الحمد لله مزالوا خاوتي صغار و لكن نظن ان الاحترام هو الاساس ديريها كما اختك عادي و كل شيء عندوا حدود طبعا ما لازمش انت تتعدايهم كما ملازمش هي تتعداهم

معاك الحق الاحترام ضرورى


شكرا على مرورك

[ام عبد الواحد 2016]

المعادلة طرفها واحد وهو المراة لكن مع تغير المقام والزمان فقط....للاسف تنسى البنت انها غدا سوف تصبح كنة وزوجة اخ وعجوز لديها زوجات اولاد فتراها تتجرد من كل هاته المعطيات المفروضة بحكم الحال وتتعامل من منطلق الوضع القائم وفقط وهذا هو سبب المشكلة الرئيسي...الان مثلا يا صاحبة الموضوع لو وضعتي موضوع كيف تتعاملين مع اخت زوجك او ام زوجك لانقلبت كل اراء واقوال المتدخلات راسا على عقب وتصبح من كانت بالامس عازبة وزوجة اخ عدوة لدودة لاخت زوجها وامه ...ومن منطلق الانانية وحب النفس حتى وهي في موقع زوجة اخ لا تعامل اخوات زوجها وامه بما ترغب هي ان تعامل به زوجة اخيها امها .....لهذا تغيير الذهنيات واجب لكي تحل مختلف المشاكل وفق الله الجميع.




كلام منطقى بارك الله فيك و شكرا على مرورك

[solis]

انا عن نفسي اطلب من من جميع اخواتي و من قرا هذا الرد
بالدعاء لي
وربي يحفظني من شر اخت زوجي و امها على خاطر عييت من المشاكل الي راح تدمرلي زواجي امانة ادعو لي.
اختي انا كيما انتي ادعولي ربي يفرج عليا

[لحن الحياة.]

ما تسكن معانا ما تخلط فينا ما نخلطو فيها و ياااااا ويلها اذا كانت كل يوم تجينا نديرولها توقيت فيه أيام الزيارة
لأننا نكرهو الهدرة و كثرة الجمايع و نكرهو المشي تاع الديار
مزال ما عنديش مرت خو ....

[رحمةز]

انا بكل بساطة كيما تعامل والديا نعاملها بدون زيادة اونقصان.

[nazjo]

اما زوجة اخي مزاجية وغيورة يعني نهاار جي ملييحة تقول نديرها عينيا ونهار اجي الله لايشوفكم هي ماشي عايشة معانا وحتى كي يجوي يضيفو تتربع كالضيف الباراني وماتسلمش حت وتصورو حتى في اعراس اخواتي تاتي مثل المعازيم ولا تاتي من قبل وتخيلو حتى اولاد اخي تقولهم ماتحكولهمش اسرارنا حتى معدلاتهم في الاختبار تخيلوافكيف نتعامل معها برايكم

[هناء55]

السلام عليكن أخواتي

زوجة الأخ او المصطلح المتداول في مجتمعنا ** الكنه** هذه الضيفة الجديدة على العائلة . تركت حضن والديها و عائلتها لتنضم لعائلتك وتكون جزءا منها .



اريد من اخواتي ان يجبنني بصراحة كيف تعامل كل واحدة زوجة اخيها





بالنسبة لي كان الأمر صعبا في البداية ولا أنكر حدوث صدامات عديدة




ولكن ما جعل الامور تهدا بيننا هو انني دائما أتذكردائما حديث الرسول عليه افضل الصلاة و السلام * لا يؤمن أحدكم حتى يحب لأخيه ما يحب لنفسه *




فمثلما احب ان تعاملني اخت زوجي اعامل زوجة اخي







فما رأيكن


بارك الله فيك المعاملة الحسنة تقابل بالمعاملة الحسنة

[ياسمين تلمسان]

اعاملها بالمثل والحمد لله

[soumiasis]

شكرا على الطرح