ايهما انسب لي

[مشكلتي]

ما الافضل بين الزوجين ان يكونا متقاربين او متباعدين في السن
وما الافضل الصغيرة او الكبيرة
انا شاب اريد الزواج عمري 31 سنة كاين زوج وحدة 23 سنة تخدم معلمة ووحدة 30 سنة طبيبة لا اعرفهما من قبل يعني لا عواطف ......... الناس يشكروهم
من المجربين ايهما اكثر توافقا وانسب لي وهل استطيع رؤيتهن والتحدث معهن ثم الاختيار ام لا يجوز يعني لازم نشوف وحدة ونعطي ردي بالقبول او بالرفض ثم الثانية

[اسعى لرضى الله]

يا اخي ادي اللي تقريب في عمرك يعني مولات 30 سنة في رايي احسن لا كانت ذات خلق ودين طبعا هكا تسترها ومولات 23 سنة او يجيبلها ربي قسم مازالها صغيرة

لا تنوضو كامل تدو في الصغارات والكبارات مساكن معندهمش قسم ؟

هدا مجرد رايي ويبقا رايك نت حر فيه ويبقا الاختيار الصحيح لذات الدين والخلق والسلام

[lina23]

انا من رايي صاحبة 30 فالتقارب العمري احسن .صح بالاك تقول الصغيرة خير بصح هادي بكري الان تاع 23 في وقتنا بعيدة بزاف على صاحبة 23 تاع بكري لي تلقاها شاربة من عقلها وعاقلة.المهم ربي بسهل

[RB59711]

راك طرحت المشكلة وكان الفتاتين راهم متساويتين في كل شيئ وهناك اختلاف وحيد وهو السن ، في هاد الحالة ساهلة الصغيرة افضل و 23 سنة ماهيش صغيرة وفي سن مناسب جدا حتى بالنسبة للسن انتاعك ، بصح اكيد كاين اختلافات اخرى اهم من السن تخيل انهم في نفس السن واختار وزيد الاستخارة قبل كل شي .بالتوفيق .

[Spartacuse]

من الواضح 23افضل

[mino 13]

انا نفضل 23 اخي لمادا
لانه امراة فى 23 سنة يكون عقلها اكبر يعنى يكون عقل تع حوالي 26 سنة تكون ناضجة عكس الرجل فى 23
ايضا فى 23 امراة بعد 5 سنوات تصبح 28 وجمالها يبقى هو هو اما امراة 30 فى 35 تبدا تتبدل امراة فى جمالها وتفقد شئء من انوثتها
ايضا هناك شئء معروف عند الرجل او المراة عندما يتزوج الرجل او المراة ويكونا فى سن +30 هناك احتمال ان يكون لطفل بعض العيوب او التشوهات هدا كلام طبي وتستطيع تاكد من قوقل عككس فى زواج في سن اصعر

الله يسهلك خويا

[رشيد12]

انا نفضل 23 اخي لمادا
لانه امراة فى 23 سنة يكون عقلها اكبر يعنى يكون عقل تع حوالي 26 سنة تكون ناضجة عكس الرجل فى 23
ايضا فى 23 امراة بعد 5 سنوات تصبح 28 وجمالها يبقى هو هو اما امراة 30 فى 35 تبدا تتبدل امراة فى جمالها وتفقد شئء من انوثتها
ايضا هناك شئء معروف عند الرجل او المراة عندما يتزوج الرجل او المراة ويكونا فى سن +30 هناك احتمال ان يكون لطفل بعض العيوب او التشوهات هدا كلام طبي وتستطيع تاكد من قوقل عككس فى زواج في سن اصعر

الله يسهلك خويا

جاري تزوج في سن 37 سنة من بنت في سن 27 سنة و انجبا ابن تشوفه تحسبه الماني و الله جميل
و هو اشقر
ربي يحفظه لوالديه

[samy algerien]

اولا انظر من هي التي تراها حسب شروطك. وانظر لماضيهما . وان كان كل شيء جيد. اعتقد ان التي مثل سنك افضل.

[عبد الله 22]

السلام عليكم المعلمة على الأقل لديها الوقت طبية شخصية عامة وحياتها ملك للمرضى من حيث المهنة ، من حيث العمر 23 مع فارق العمر بينك وبينها جيد ، كيف سيكون ردة فعلك إذا اضطرت الطبية المبيت او التوجه للعمل في ساعات اليل المتأخر، من جهة حاول ان تبحث عن المراة التي تربي أولادك وليس أولاد غيرها نصيحة تزوج ماكثة بالبيت بالتوفيق

[rose de sable s]

تعرف عليهم اكثر واكيد الشكل يلعب دور و عقلية
لازم تتعرف عليهم
شوفهم و صلي استخارة و لي تلق روحك ريحتلها احكي معها باه تتعرف علي شخصيتها لان لا السن و لا منصب يلعب دور في تفاهم شحصية هي لي تستطيع ان تعرف من خلالها من هي انسب لك و تتاقلم و تتوافق معك ربي يسهلك

[faraday_dz]

شوفلك الطبيبة خير خليك من المعلمة

[أم سلوى]

الاستخارة....وبالتوفيق

[radia25]

انا نفضل 23 اخي لمادا
لانه امراة فى 23 سنة يكون عقلها اكبر يعنى يكون عقل تع حوالي 26 سنة تكون ناضجة عكس الرجل فى 23
ايضا فى 23 امراة بعد 5 سنوات تصبح 28 وجمالها يبقى هو هو اما امراة 30 فى 35 تبدا تتبدل امراة فى جمالها وتفقد شئء من انوثتها
ايضا هناك شئء معروف عند الرجل او المراة عندما يتزوج الرجل او المراة ويكونا فى سن +30 هناك احتمال ان يكون لطفل بعض العيوب او التشوهات هدا كلام طبي وتستطيع تاكد من قوقل عككس فى زواج في سن اصعر

الله يسهلك خويا

ضحكتني اخي بهذا الرد يعني الي في عمرها 23 رايحا تبقى ديما 23 راهي حتى هي تكبر وشكون قالك المرا في 30 سنة تفقد انوثتها راك غالط الانوثة الحقيقية تتفجر في هذا السن ولازم تعرف بلي الكلام العلمي هدا الي راك قريتو راه غالط بلي تجيب طفل فيه عيوب هاديك ملات 50 سنة مش مولات 30 والله راني حايرة منين قاعدين تثقفو
اخي انا ننصحك تخير الي تحبها نفسك وترتاح معاها انت شوف وخير الي ترتاحلها وسقسي مليح وربي يكملك وما ديرش في حسابك العمر دير في حسابك الاخلاق والتربية والثقافة

[biologie2001]

ألم تلاحظوا ان جميع الرجال اختاروا صاحبة 23 سنة ... يعني المسكينة مولات 30 سنة تبقى هكدا

[nihal159]

أكيد يوجد فرق بينهما؛ كيفاش واحدة ماقدرت تميزها على الأخرى .

[MALEK TATARE]

دي مولات 23 وعيش حياتك

[ريهانة]

دير صلاة استخارة وشوف مميزات كل واحدة ويناه قلبها مرتحلها اكثر وتوكل على ربي

[اريج السلام]

اهلا
مجرد راي فقط
اظن ان الطبيبية افضل و لا دخل السن ابدا
لكنها ذات خبرة عالية و مستوى راقي جدا علميا و اخلاقيا خاصة

حتى المعلمة رائعة
لكن هدا راي الشخصي
بالاضافة ان السن 30 هو سن مناسب لك اخي الكريم

[aymen01]

اهلا
مجرد راي فقط
اظن ان الطبيبية افضل و لا دخل السن ابدا
لكنها ذات خبرة عالية و مستوى راقي جدا علميا و اخلاقيا خاصة

حتى المعلمة رائعة
لكن هدا راي الشخصي
بالاضافة ان السن 30 هو سن مناسب لك اخي الكريم


وش من خبرة ؟ حياتها كامل و هي قاعدا تحفظ هذا وين بدات تخدم

اه وش من مستوى يا بنتي رانا نشوفو في مستوى الطبا راهو 0

و اخلاقيا هاذي حيرتني يعني لي يقرا طب راهو راقي اخلاقيا

كي عدتي تقري طب دافعي عليها يخي حالا

[mino 13]

ضحكتني اخي بهذا الرد يعني الي في عمرها 23 رايحا تبقى ديما 23 راهي حتى هي تكبر وشكون قالك المرا في 30 سنة تفقد انوثتها راك غالط الانوثة الحقيقية تتفجر في هذا السن ولازم تعرف بلي الكلام العلمي هدا الي راك قريتو راه غالط بلي تجيب طفل فيه عيوب هاديك ملات 50 سنة مش مولات 30 والله راني حايرة منين قاعدين تثقفو
اخي انا ننصحك تخير الي تحبها نفسك وترتاح معاها انت شوف وخير الي ترتاحلها وسقسي مليح وربي يكملك وما ديرش في حسابك العمر دير في حسابك الاخلاق والتربية والثقافة

اولا اقرئي رد جيدا انا قلت 35 سنة وليس 30 سنة .....ولم اقل 23 سنة تبقي 23 بل قلت شكلها وانوثتها لا تتغير بشكل كبير
-حوالي تحليل ردي جيداااااااااااااااا
ثانيا هدا كلام سمعته من محاضرة بروفسيور حضرتها وليس كلام قراته وتستطيع تاكد من سؤال خبير وليس البحث فى منتديات....الخ .. ايضا انا قلت هناك احتمالات ولم ازعم بولادة طفل فيه عيوب

وفى اخير هدا فقط رأيي الشخصي

[نعوم32]

قمة الشاب تبدأ في سن الثلاثين وهذا ما هوش من عندي الدين نتاعنا يقول هاك في هذ السن تكون المرأة واعية أكثر وناضجة نزيدك معلومة السن ما هوش ليكبرك كاين وين تلقى وحدة عمرها30 وتبان صغيرا على عمرها وكاين وين يكون سنها عشرين وتبان كبيرة