هل شروطه معقولة

[mrmilano1984]

هدا شخص اعرفه عندو 27 سنة وحاب يتزوج عيا ووصل لمرحلة الا التفكير في المراة والزواج ليستقر من جميع النواحي هو لاباس به بصحتو وعقلو ومقبول الشكل يعني معرفو نوعا ما هادئ وخاطيه النساء ابدا حرجات ودخلات ووو وعندو خدمة في شركة وطنية كمهندس حاب يقولي ون نلقا مرا طاهرة عفيفة نقية وايضا متحجبة ومستورة ومش اي لباس يقبل سراويل وفيزوات وجيب مني وووو يعني حجاب مستور ويقلي يحب مراة تكون ماعندهاش علاقات مع رجال وتاع كلام وهواتف وتاع رجال وسهرات في ليل معاهم يحب وحدة عمرها ماخلطو فيها رجال يقلي نحبها نكون انا اول واحد لي ندها
هل يااعضاء ممكن يلقا بنت بهاته المواصفات ممكن تنصحوني انصحه ون يلقاهم نساء عفيفات مصليات طاهرات شريفات

[sec 88]

السلام عليكم و رحمة الله تعالى و بركاته

لما تقرأ العنوان تنتظر أن تجد شروطا تعجيزية في الموضوع .... لكن الشروط التي قالها لك هذا الشخص هي شروط عااااادية بل أقل شيء يمكن أن يُشترط في المرأة

و عنده الحق 1000000 / 100
.

غريب . يعني لحقنا لوقت ولينا نشوفوا بلي البنت التي تستر روحها و تلبس المحترم و التي لم تكن لها علاقات مع الرجال و لينا نشوفوا بلي تقريبا من المستحيل نلقاوها

وقت كااااارثة وصلنا ليه
.
إن شاء الله ربي يرزقه الزوجة الصالحة و الذرية الصالحة

[طيور الجنان]

اكييييييد راح يلقى يالطيف واش هاذ الوقت راح المسلم في جرة المجرم كاين بزااااااف بنات متخلقات و مصليات و محترمات.و هاذو الشروط حق مشروع لكل رجل يطلبهم في المرأة.الحمد لله كاين بنات مايتقدروش بالذهب.

[lina23]

هاذي شروط عادية جدا يمكن في وقتنا هذا وقت النفتاح والتبرج ووقت عادت فيه بنت الفميليا معقدة ووو.على هاديك بانلك هذا الشخص يشرط شروط تعجيزية.لكن في حقيقة الامر كل ماقاله عادي ومقبول

[mrmilano1984]

اوك هل ممكن يلقا بنات تقريبا بمثل هاته المواصفات ممكن تدلوني اين يجدهم وكيف يفعل بيهرف عنها ويجمع معلومات قبل مايتقدم لخطباها صراحة انسان هايل وطيب وحنين وشبهان يحوس برك علي لمرا لي يكمل حياتو معاه وتجبلو اولاد

[soumissalam]

يااخي البنت ليتحوس عليها موحال يلقاهالك راجل كيفاه يوصي راجل باش يلقالو امراة ماعدا من دوي ارحامه
فعليه ان يوصي امرأة لتجد امرأة التي يبحث عنها يوصي امه اخواته خالاته عماته وتكون سلسلة حتى تصل الى مبتغاك باذن الله
ومادام كاين ولاد الفاميلا كاين بنات الفاميلا
اصلح نفسك وسيقودك الله الى امراة صالحة فتاكذ وكن على يقين متى اصلحت نفسك اصلح الله زوجك والعكس كما قال تعالى الطيبون للطيبات

[mr.haki]

بلادنا طيبة وفيها الكثير من الفتيات العفيفات ان شاء الله يلقى بنت الحلال.

[رقة زمان]

مايتزاوجوحتى يتشابهو ((الطيبون للطيبات والخبيثون للخبيثات))

[rose de sable s]

كيف تحكمون علي بنات ناس
كيم كاين رجال ولاد فاميايا كاين نساء و العكس
اذهبو الي مساجد لترو حافظات القران و الجمعيات وووو
انتم تنتبهون للتي تلبس لباس فاضح
الا ترو بنات لابسيين لباس مستور(كاين لي لابس جلباب و افعالها عجيبة)حالات شادة
كاين بنات شريفات بزاف ميخلطوش تاس لذلك لا احد يعرقهم
ربي يوفقكم سلام

[lewan]

السلام عليكم و رحمة الله تعالى و بركاته

لما تقرأ العنوان تنتظر أن تجد شروطا تعجيزية في الموضوع .... لكن الشروط التي قالها لك هذا الشخص هي شروط عااااادية بل أقل شيء يمكن أن يُشترط في المرأة

و عنده الحق 1000000 / 100
.

غريب . يعني لحقنا لوقت ولينا نشوفوا بلي البنت التي تستر روحها و تلبس المحترم و التي لم تكن لها علاقات مع الرجال و لينا نشوفوا بلي تقريبا من المستحيل نلقاوها

وقت كااااارثة وصلنا ليه
.
إن شاء الله ربي يرزقه الزوجة الصالحة و الذرية الصالحة

أشاطرك أخي االرأي، أنا ايضا ظننت أن هناك شروط تعجيزية إلى أن وصلت لنهاية ما قالته الأخت قلت في نفسي يا سبحان الله، هذا وقت ووصلنا ليه لا إله إلا الله محمد رسول الله، بالطبع يوجد فتيات طاهرات عفيفات لا تقدرن بثمن، عليه بالإستخارة وربي يكملوا بفتاة كيما يحب ربي ويحب قلبو.

[أم سلوى]

انا اعرف فتاتين اختين..واحدة 38 واخرى 39 عمرهم مخرجو من الدار ومهما اتصلت بهن لن يرفعون الهاتف في رقم غريب..وحتى وان اصريت عليهن....لكن لا أحد يسأل..ولا طارق.....واحد

[radia25]

سعات نسقسي روحي وعلاه الرجل يتشرط باه المرا الي يزوجها ما تكونش تعرف غيرو في وقتنا هدا صعيبة شوية خطراش البنات درك رجعو يخرجو ويختالطو بالرجال ومش اي وحدة هدرت مع واحد راهي عندها معاه علاقة
وتاني كاين رجال يحوس يدي وحدة محجبة وملتزمة ومبعد تلقاه يخون فيها مع وحدة تلبس وتلبس ما فهمتش واش التناقض الي رانا عايشين فيه
واخيرا حبيت نقول كيما قالت امي ربي هو الي يخيرنا والخيرة فيما اختاره الله وربي يجيب الخير

[biologie2001]

أولهده الدرجة لم يعد هناك بنات عفيفات شريفات في نظرك ؟؟؟؟؟ يا اخي كاين البنات بنات الفاميليا يحوس يلقى ... لا تغرك لا المظاهر لا والو .. كاين اللي تلقاها دايرة حجاب شرعي و هي ثاقبة الدنيا و كاينة اللي تلقاها بالسروال و الليكات و لا واحد قدر يقرب ليها

[nihal159]

يا سبحان الله؛ وين راه عايش صديقك حتى مالقاش بنات الفاميليا؟؟؟؟؟؟؟؟
باش نجاوبك على سؤالك؛ شروطه راهي عادية ماشي تعجيزية؛ قولو يبدأ ببنات لافامي؛ بنات الخالات و العمات و الجيران و نسابهم إذا كان عندو إخوة متزوجين قبلو؛ أكيد أكيد يلقى بنت لحلال.

[القائدة]

نعم معقولة جدا

[nono-nono]

كاين بزاف البنات الي بهاد المواصفات بصح للاسف ماكانش الي يقصدهم ولا يحوس عليهم الناس ولات متناقضة هاد البنات هوما الي ولاو يبانوا انورمال ونوعية الاخرى الكل يقصدهم بل ويتسابقون لخطبتهم تلقا الواحد يقولك نحوس على زوجة صالحة....هادي غير هدرة وقت الصح يروح يخطب من نوعية العكس تماما...ماهدا تناقض كاين بزاف بنات ماشاء الله للاسف واحد مايسمع بيهم هدا شيء لان الناس في الحقيقة يحوسوا على نوعية اخرى...........................

[mrmilano1984]

انا اعرف فتاتين اختين..واحدة 38 واخرى 39 عمرهم مخرجو من الدار ومهما اتصلت بهن لن يرفعون الهاتف في رقم غريب..وحتى وان اصريت عليهن....لكن لا أحد يسأل..ولا طارق.....واحد
شكرا جزيلا لك هو صراحة من حقو يشرط كما يحب هو وخاطرو كما النساء يشرطو هو يشرط وعندو الف حق يدي وحدة نقية قال لي لااقبل بمطلقة ابدا ايضا يعني عاشرت راجل مستحيل وايضا وحدة لي محطوبة وعندها علاقة سابقة مع راجل بلا مانحكي قلتلكم لي يدخلو للنت ويسهرو في الليل حتي 4 تاع صباح مرة مع راجل هدا ومرة مع راجل اخر وتقولك نحب نتزوج براجل وليد فاميليا المهم ادا هاتو الفتاتين حابتا يتزوجو لمادا لانتواصل احتي اوك وربي يقدر الخير صدقني حتي في عملو راه مايخالطش النساء ابدا الا للعمل والضرورة وقال الفتنة كبيرة نساء متبرجات ولابسات السراويل الضيقة والجيب وووو ملابس فاضحة وكاين حتي شفافة ويحوسو علي واحد راجل للزواج المهم منينهم بنات هادو

[mrmilano1984]

أولهده الدرجة لم يعد هناك بنات عفيفات شريفات في نظرك ؟؟؟؟؟ يا اخي كاين البنات بنات الفاميليا يحوس يلقى ... لا تغرك لا المظاهر لا والو .. كاين اللي تلقاها دايرة حجاب شرعي و هي ثاقبة الدنيا و كاينة اللي تلقاها بالسروال و الليكات و لا واحد قدر يقرب ليها
يااحتي راني معاك حتي نفترضو انو تاع الليكات والفيزو والسروال الضيق ماراجل ماقدر يتوشيها اوك راني معاك و اصلا لايستحقها ابدا دجا لابسة ليكات وسروال ووو مايشوفش كامل فيها صدقني ابدا يجوز عليهم رولو دارت او لاتعمل يحب حجوبي مستورة طبعا الغلاف الخارجي مليح و2 يحب الداخل ايضا بنت فاميلياااااااااااااااااااا مايحبش ولا راجل لعب بيها او توشاها فهمتي كاين رجال عقلياهم هاك يانصيب يامانتزوج وطبعا راح يكلم العائلة ووو هو حاب قبل يشوف مع ناس ثقة ونقلبولو اوك وراح نتحراولو ونشوفو حتي الرجال يميزو النساء مايخلعوناش المضاهر والكلام والداخل عجب

[ام عبد الواحد 2016]

مهما تغير المجتمع يبقى مسلما و ثوابته موجودة في اغلب الاسر الجزائرية عليه ان يبحث وسيجد الطاهرات العفيفات بالتوفيق

[أم شروفة]

شروطه معقولة جدا ومن حقه .....والكثيرات اخي تتوفر فيهم هذه الشروط وان كن جامعيات او عاملات

[طيور الجنان]

اخي انا مافهمتش علاه ماتخطبتش من قبل واش علاه هذا ذنب دارتو و بالاك حبست الخطبة مناه لقاتو ماشي وليد فاميليا.

[أم سلوى]

الطيبون للطيبات وفقط...

[kameljijeli]

سلام
ما يبحث عنه صديقك بعيد المنال في هذا الزمان ولكنه غير مستحيل ( إيجاد إمرأة بهذه المواصفات صعب جدًّا ). ثم كيف يمكن معرفة أن هذه الفتاة أو تلك خرجت وتكلمت مع الرجال ( خاصة اللواتي درسن بعيدًا عن منازلهن). كان في منطقتنا شاب يبحث عن زوجة بنفس شروط صديقك, ولكنه إستحيا أن يصارح والدته بذلك ( إستحي أن يقول أريد إمرأة لم تكلم يوما رجلا غريب), و كلما عرضوا عليه واحدة يذهب و يسأل عنها وعندما يجد شبهة حتى و لو كانت بسيطة يرفض, ففطنت جدته لذلك فأتت إليه وقالت له: إذا كنت تريد الزواج فاختر إمرأة ولا تنبش في ماضيها فالتي لم تخرج مع رجل في هذا الزمان لا توجد و أقل شيئ فعلته أنها أرسلت رسائل الحب و الغرام

[سحابة مسافرة]

كاين علاه مكانش؟؟؟؟؟؟
رانا عايشين في الماريكان ؟؟؟
كاين بنات عاقلات و صالحات و تتوفر فيهم الشروط
و هاد الشروط راهي شروط عادية

[mrmilano1984]

شروطه معقولة جدا ومن حقه .....والكثيرات اخي تتوفر فيهم هذه الشروط وان كن جامعيات او عاملات
ههه جامعيات قال لي موحال نديهم 90/100 كامل خلطو سواء باللمس او حتي بالهدرة وعندها واحد خرجت معاه نفس الشيء مش شرط لم يلمسها حتي لم تصاحب رجال وتقولي بنت فاميلاا عندو يحب وحدة صح محترمة وحتي تتكلم مع الرجال بمية سليمة مش اي نية سيئة

[mrmilano1984]

اخي انا مافهمتش علاه ماتخطبتش من قبل واش علاه هذا ذنب دارتو و بالاك حبست الخطبة مناه لقاتو ماشي وليد فاميليا.
يااختي هو يحب هكدا قال لي ليست مطلقة وهدا مستحيل يقبلها حتي ولو بقت هي الاخيرة هي وولادها او بدون لانو مايحملش يتزوجها وهي عندها علاقة مع راجل من قبل وايضا ارملة نفس الشيء لايقبل التحدث اصلا معها مهما كانت منصبها ووو يقبل فقط البنات لي تحدثت عليهم ان كاين مرحبا دلونا ون نصيبوهم ان لم يوجد يبقي عازب ويهني راسو هو لي يشرط هكا ومن حقو كما المرا تشرط

[mrmilano1984]

سلام
ما يبحث عنه صديقك بعيد المنال في هذا الزمان ولكنه غير مستحيل ( إيجاد إمرأة بهذه المواصفات صعب جدًّا ). ثم كيف يمكن معرفة أن هذه الفتاة أو تلك خرجت وتكلمت مع الرجال ( خاصة اللواتي درسن بعيدًا عن منازلهن). كان في منطقتنا شاب يبحث عن زوجة بنفس شروط صديقك, ولكنه إستحيا أن يصارح والدته بذلك ( إستحي أن يقول أريد إمرأة لم تكلم يوما رجلا غريب), و كلما عرضوا عليه واحدة يذهب و يسأل عنها وعندما يجد شبهة حتى و لو كانت بسيطة يرفض, ففطنت جدته لذلك فأتت إليه وقالت له: إذا كنت تريد الزواج فاختر إمرأة ولا تنبش في ماضيها فالتي لم تخرج مع رجل في هذا الزمان لا توجد و أقل شيئ فعلته أنها أرسلت رسائل الحب و الغرام
يااخي مش قصدي في الجامعة مثلا او الداراسة لاتتكلم مع الطلاب وتضحك وووو تقصر ووو يكونو كف كف المهم ماتكونش مثلا علاقة غرامية اوك ويخرجو كف ويروحو للبحر وراك تعرف الاختلاء مراة برجل لا هادو موحال يحب نورمال حتي لو درست وتقصر او تدرس معاه ويبحثو كف كف ويخرجو في اطار محترم مثلا كاين فرق كاين حدود بالنسبة ليه وايضا فتاة لي تعمل ومحترمة تقصر طبعا مع الرجال وتضحك هي هكا ولكن ليس لها علاقات تخرج وتعشق وووو

[نصيرة الإسلام]

ربّي يعطيه ما يتمنى ان شاء الله
و يرزقه الزوجة الصالحة التي ترضى عنه و ترضيه