زوجي سبب دموعي

[مشكلتي]

ياناس عاونوني وقولولي فاش راني غالطة تزوجته وحبيته وربي شاهد عليا بصح من لول مشاكل وكلما نقول يصلح الحال يزيد يتعوج راجلي يحكي كل نقاشاتنا واسرارنا لامه وخواتاته وكي قتله علاه قالي مفيها والو كل شي عنده عادي ضربني قداش مرة لاي سبة المهم يحوس على مشكل ويكبره والكارثة يحل الباب ويقعد يعيط حتى يحيو اهله كرهته وطاح من عيني نتفكر مرة حاولت ننصحه قالي انت لي راسك يابس وهادي هي عقليتي صح المرة تسكت لراجلها وهدا تربيت عليه بصح مش في العوج لدرجة رجع يقولي بنتك متساليش فيها انا لي ندبر وانت غير طبقي راهي بنتي ياناس والله راخ نطرطق من الهم ولخرة انه جا بابا يديني للدار خرجله وقاله ديرلي حل مع بنتك بابا غضب بزاااف وقاله متعاودش ترجع حتى تعدل روحك من 9ايام محوس لا عليا ولا على بنته يعيط غير لبابا حتى يطلق سمه وهو محبش يستقبله طااح القدر بيناتنا والهم لكبير مكنش سبب للنزاع عمري لا قتله دير هك ولا هك دراهمه مندخلش فيهم اذا قالي معنديش نقوله معلش حتى ماكلة بنته يديرلها لحساب لازم نرضع من صدري لانه الحليب غااالي وليكوش بالحساب وادا حاولت نقول الحاجة هذه معجبتنيش منك الدنيا تريب عليا ودارهم لازم يسمعهوه وهو يعيط انامنقولش على روحي ملايكة بصح ربي شاهد عليا منيش ندير في الشي لي يخليه يديرلي هك خصوصا انه كي يبدا يحكي يزيد بزااف الهدرة وحاجات انا مدرتهمش اصلا وانا كي البهلولة منعرفش نرد على روحي شيعني بقباحتي وانا وااالو ندعي ربي في كل صلاتي نكون مظلومة ومنكونش ظالمة لانه فعلا وسوسني خصوصا انه عايلتهم فيهم صفة الكذب ويكذبوك في الوجه وهوما عندهم عااادي ...حبيت تفرغ قلبي راه اتعمر والدنيا ضلامت في عينيا نطلب ربي يفرح عليا ويجبدلي حقي سووورتو ليظالمني هو اقرب الناس ليا ...زوجي :(

[اكرام حنين]

ربي يفرج عليك امين

[ام رضوان]

ربي يفرج كربك
اختي باه تخطيك المشاكل طاوعيه وكيما يقولو امشيلو في الخط
اذا شفتيه زعفان اسكتي ما ترجعيش الهدرة راهي مكانش حاجة تقلق الراجل قد كي ترجعيلو الكلام.
وادعي ربي يصلحو امين

[مجهول اللهوية]

فكرتني في مرت و ليد خالي كان نفس المشكل و لكن لفامي هوما ليرجعوهم و راهم نورمال ....... ربي يصبر ويكتبلك لي فيها الخبر ..

[nihal159]

ربي يصلح بيناتكم

[ريهانة]

ربي يفرجها عليك ختي الصبر وخلاص وربي يفاجي عليك الغمة

[اسما38]

ربي يسخرلك زوجك و يفرج عليك، حاولو ديرو جلسة صلح بيناتكم بحضور حكما من اهلك و حكما من اهله كيما قال الله عز وجل و حطو النقاط على الحروف، انتي قولي لي عندك وهو يقول لي عنده وان شاء الله مايكون غير الخير

[الأمين®]

أظن زوجك يحاول أن يبين أمام أهله أنه هو المتحكم و لذلك يصرخ ليسمعوا و لا يظهر هو بمظهر الضعيف الذي تحكمت فيه زوجته و أبعدته عنهم هناك نوع من الرجال يفكر هكذا بأن يفرض رأيه و يصرخ و يضرب ظنا أن هذه هي الرجولة.... أنصحك أن تسايريه و تكسبيه بكثرة شكره و مدحه أمام أهله و سيلين تدريجيا.

[أم شروفة]

.كاين اشكال من البشر ما ينفع معاها لاصلح ولا ملح ..........اختي باش تقدري تعيشي معاه لازم صبر كبير منك وحاولي تتجنبيه ...ما تفتحيش معاه حوارات ..شغل تعقبي معاه الوقت وخلاص ...حتى تكبر بنتك وبالاك يتغير لان السنوات الاولى من الزواج صعبة

[didoinps]

ربي يفتح عليك الصبر ودعاء بصلاح زوجك

[طيور الجنان]

اختي زوجك من الرجال اللي يحب يبين رجولته بالعياط مازال ماشي فاهم بللي الرجولة ماشي هكذا اصبري و خليه يعيط و انت اسكتي كي يكره راه يبركا وحدو هو ماذا بيه تعانديه باش يزيد ربي يفرج عليك.
مارانيش نهدر على كامل الرجال كل واحد و كيفاش

[بشـرى]

ربي يصبرك أختي ويعينك

[صلاح92]

يا اختي رجال كماهكا كتينين لي كا راجلك يسبلها و يطيحلها وووو ميبقا حتى قدر والله خاصة لعادات كل يوم والله لمرا تشفى على السبان تاع راحلها ليها الله غالب اصبري و خلاص هذا الرجل من النوع لي كيغضش بصرو على نسا و عندو الفراغ نفس شخصية احد من اقاربي يحوس يطلق و هو دورو ميسعاهش في الجيب زادت جبتلو بيبي ربي يستر والله نفس حكاية راجلك ربي يصبرك برك

[غصن زيتون]

ربي يفرج عليك

[سحابة مسافرة]

ربي يفرج عليك

[رَكان]

السلام عليكم .
لإيجاد حل لمشكلة ما .يتوجب علينا الغوص والتعمق في البحث عن أسبابها ..
الظاهر من قولك أن سبب المشكلة وهي عمل الزوج على التنقليل من شأنك وإذلالك على مسمع من أهله ووالديه ..يثبت بالضرورة أنهم يعملون لربما في الخفاء على شحنه ضدك بدواع كثيرة مثلا أنك لاتحترمينه ولاتقدرين مكانته كرجل فتعانديه ولاتستكيني لأوامره ..وأيضا أنك لاتحافظين على ما يقع تحت يدك متهمين اياك بالتبذير ...
طيب أردت القول ..
حاولي قدر المستطاع الإثبات لزوجك أن ما يتهمونك به باطل وغير صحيح ..بإبراز كل امكانياتك في الدفع بالتي هي أحسن معه ممارسة دور الزوجة الطيبة الصبورة المحافظة على زوجها وحسن الإقتصاد في بيتها ...اصبري على ذلك ..اجعلي زوجك يقف عليه بنفسه من خلال الممارسة ولست في حاجة لإخباره بذلك ..ثم زامني ذلك بتجنب النقاشات الغير مجدية معه لفترة ما أطيلي الصمت حتى ولو بالغ في الكلام ..لاتردي على اساءاته ..مع الوقت صدقيني سيستيقظ داخله منبه لسلوكاته الغير معقولة وسيعالج نفسه بنفسه ..
بالنسبة لممارسة الضرب في حقك ..يمكن حلها ببساطة أنك ترفضين هذا الأسلوب وأنك ستبلغين والديك بذلك ليتدخلوا بما يناسب ايقافه عند حده ...ليس سهلا ما أنت فيه ...
ليس أمامك غير التنازل على جانب كبير من كبريائك ..لأجل الحفاظ على رابطة الزوجية ..

[كمال22]

ربي يفرج عليك

[hano.jimi]

اختي هزي بنتك وامك وارجعي لدارك وانتي غلطني كي خرجتي من دارك ربي يفرج عليك

[sidali75]

لا حول ولاقوة إلابالله و أقول لأختي الصبر الصبر فإنه مع الفرج قرين و أما معاملته لك و حسب قولك فذلك ما يتعرض له أكثرية النساء و ذلك مُخالف حقاً لهدي النبي صلى الله عليه وسلم لأن أمره أن تكون العِشرة بخفظ الجناح و حُسن المُرافقة و التوسيع على أهل البيت ما استطاع إلى ذلك سبيلا ، ولكن أقول لأختي لا تظلمي زوجك فهو مسؤول عليكم و على إعالتكم و إيوائكم و ما دام ليس حُراً في بيت مُستقل فهو تحت الضغوظ لأنه مازال غير مُستقل كما قلت و تأسي بهند إذ قالت لرسول الله صلى الله عليه وسلم: إن أبا سفيان رجل شحيح لا يعطيني من النفقة ما يكفيني ويكفي بني ، فهل آخذ من ماله ما يكفيني ؟ قال : نعم ، خذي ما يكفيك ويكفي بنيك .. وإذ ذكرتك بهند و بأبو سفيان لتعلمي أن هذه خصلة متواجدة في بعض الرجال ولو كانوا أغنياء ولو كانوا أتقياء و مع هذا ما تفرق شملهم و صبرت النسوة حتى فتح الله عليهم لما كُنا عونا لأزواجهم بالصبر رغم بعض المظالم البسيطة و التي لا تصمُد أمام عظيم الفائدة لما تصبرين و ترضين و تتنازلين عن حقوق من أجل حفظ البيت الزوجية أعانكُما الله ورزقكُما و جعل المودة و المعروف بينكُما أمين

[دانيا1982]

ربي يصبرك أختي ويعينك

[ikhlasse25]

رب يفرج عليك قريبا إن شاء الله، اوصيك يا اختي العزيزة بشيء واحد والإكثار منه وهو الاستغفار، استغفري كثيرا كثيرا كثيرا ، وبقدرة الله العلي القدير تتغير أحوالك وتتحسن