الـــشــرطــة

[YASSINE MESSI]

خاوتي وكتاش المسابقة تاع الشرطة و واللي عندوا نيفوا تارمينال واش يقدر يدخل واذا ممكن واحد يفهمني اذا حاجة مليحة ولا لالا و بخصوص الأجر والستاج كيفاش و اذا فيه التمرميد ولا لالا
راني مستني تجاوبوني
و
شكرا

[bibo2289]

تارمينال تدخل عون شرطة
السطاج نورمال تتعلم قوانين وفيه مجهود بدني شوية
كي تخرج ممكن تخدم شرطة قضائية ممكن امن عمومي ممكن ادارة يعني على حساب المؤهلات
شرطة قضائية تخدم القاء القبض على الاشخاص ومختلف التدخلات (تفتيش المنازل ، الشجارات ، المشاكل) يعني تصبح عون الضبطية القضائية وبالتاكيد يشرف عليك ضابط شرطة قضائية هو يعطيك الاوامر و واش تعمل وواش ماتعملش
امن عمومي يعني سيركيلاسيون تصفر وكلش كيما راك تشوفهم برا ، وفيها تخصصات ممكن تروح وحدة التدخل السريع اللي يخدمو التدخلات في حالة الاخلال بالنظام العام وممكن تكون في الرادار ممكن في نتاع الاسواق يعني يخدم نورمال
ادارة لازملك مؤهلات من بينها ديبلوم في الاعلام الالي او في الادارة او التسيير ، مش شرط يكون ديبلوم جامعي ممكن من التكوين المهني ونورمال
وقبل كل شيء ,,, كل شيء بالمكتوب يعني يصرا فقط اللي كاتبه لك الله سبحانه

[abdelghani0]

كما قال الخ الله يعاون

[leon1991]

ماهي مهام ملازم أول في الشرطة ?? وهل يعمل في ولايته

[cheikhaek]

بارك الله فيك

[kamalista]

ربي يوفق خاوتي