ارجوكم انصحوني [الأرشيف] - منتديات الجلفة لكل الجزائريين و العرب

مشكلتي

2015-10-19, 17:37

اولا السلام عليكم ان شاء الله قاع تكونو غاية

ثانيا

انا بغيت واحد بزاااف مام هو بغاني و بغا حلال جا خطبني من والديا و هوما مبغاوش باسكو زوالي واحد كان هادر عليا بدراهمه و عاقل و مليح كانو طامعين فيه

صليت صلاة الاستخارة و ربي مكتبش مع لكان هادر عليا و طامعة فيه
و مام لبغيته خطب و ضاع مني

انا راني نحس روحي خسرت بزااااف

نحس بقلق و كرهت حياتي لوكان قبلو والديا بزوالي لوكان راني غاية
كلما نصلي ندعي ربي باه يرزقني بواحد يكون حلالي ينسي فيهم قاع انا تحطمت و شعال نبكي كي نتفكر بلي انا خسرت في التالي

انصحوني و دعولي ربي باه برتاح قلبي

علما اني لم اتواعد مع اي منهم احببت حبا عفيفا و سرا لزوالي

ارجوووكم انصحوني ماذا افعل ؟؟؟؟؟؟؟

rose de sable s

2015-10-20, 08:29

لما الحزن مكنوش كاتبين لك حتي وان قبلو والديك
مكتوبك مع احد اخر

جويرية الإيمان

2015-10-20, 08:43

بالعكس

ما خسرتي والو

مادامك استخرتي الله

خلاص

ربي شافلك الخير و بعّد عليك الإثنين

إذا ما تخافيش من أي حاجة

عيشي حياتك عادي و نهاريجيك مكتوبك واحد ما يشدو

salem1985

2015-10-20, 11:32

ريهانة

2015-10-20, 11:52

اصبري اختي وصلي وادعي ونشالله ربي يعطيك ومتندميش على حاجة راحت لانو هكدا ربي راهو مقسملك ولسوف يعطيك ربك فترصى

*فاتن*

2015-10-20, 12:23

وين راهي المشكلة اصلا .استغفري ربي و ادعي يرزق ربي بوليد الحلال. ويلي من قبل مش مكتوبك و عسا ان تكرهو شيئا و هو خير لكم

ام عبد الواحد 2016

2015-10-20, 12:39

اختي لا تحزني بما انك استخرت الله فلن يخيبك ولا تدري وين الخير فربما تخبا الايام القادمة ما هو افضل منهما فقط لا تتكاسلي في الدعاء. ربي يهدي بالك

khawla kikou

2015-10-20, 19:32

هذا مكتوب ربي انشاء الله يعوضك ومتقلقيش روحك انهار يجي النصيب حاجة متحبسو

خالد عنابي2

2015-10-20, 23:50

فعلا خسارة ولكن ما نفع البكاء على الاطلال

عليكي بالدعاء واخذ اسباب الفرج

أم شهد*

2015-10-21, 01:42

يا طفلة مكتوبكش لسع مجاش اصبر

ام ملاك الصبور

2015-10-21, 11:10

بما انكي استخرتي الله فلا تندمي على ما راح منك اما الخطيب الدي رفضه والديك فاعلمي ان اهلك ادرى منك بما ينفعك تاكدي ان الحياة الزوجية هي مستقبلك فتمهلي و اصبرى لله و اكثري الدعاء ان الله قريب مجيب الدعاء لا تنضري للوراء وشوفي مستقبلك مع من ينفعك .

mrmilano1984

2015-10-23, 21:27

السلام الحمد لله حسيتو بينا انا كي حبيت نخطب ودرت مشكلتي كامل وقفوا مع البنات ضدي لا المرة ما ترميش نفسها مع زوالي لازم تفكر في حياتها لازم تتزوج في الولاية انتاعها مليح يقولوا اليوم ليك وغدوة عليك انا طحت بصح الحمد لله وقفت على رجلي الحمد لله بنات البلاد نحيتهم من راسي كامل والى سهل ربي رايح نجيب تونسية ادعوا لي معاكم ربي يسهل لي
والتونسية منين راح تجيبها وتتعرف عليها هل رحت لتونس وتعرفت علي وحدة ام مادا انا رحت لتونس عدة مرات وطبعا كاين ملاح وخايبات بزاف نتا وزهرك معامن تطيح

سهام نانا

2015-10-23, 22:42

سلام عليكم
عسى ان تكرهوا شيئا فهو خير لك م
لعله خير
لي فيه خير ربي يجيبوا
كلش مكتوب
لا تحزني الانه لا يستحق الحزن اختي

sidali75

2015-10-23, 22:55

ــ إبتسامة ــ

somia14

2015-10-24, 13:15

ما خسرتي والو

مادامك استخرتي الله

خلاص

ربي شافلك الخير و بعّد عليك الإثنين

إذا ما تخافيش من أي حاجة

عيشي حياتك عادي و نهاريجيك مكتوبك واحد ما يشدو

mimi.mokhtaria

2015-10-25, 19:44

شوفي اختي ما تدي غير الكاتبة إتقي الله وربي يرزقك احسن منهما

بوزيدة 86

2015-10-26, 12:55

بسم الله الرحمان الرحيم
أختي العزيزة شدي في ربي و القدر مكانش مهرب منو عسى أن تكرؤهو شيئا و هو خير لكم و عسى أن تحبو شيئا و هو شر لكم بالاك لوكان اديتيه كان يصرا فيك الباطل مادام ربي بعدو عليك ما شافش فيه الخير و جابلب ربي أحنا ما نعرفوش خير من ربي سبحانو
و ربي يرزقك بولد الحلال الي يستاهلك بالتوفيق