طلب نصيحة حول أداء الخدمة الوطنية من فضلكم

[houssemmystery]

السلام عليكم

انا الابن الوحيد في العائلة، مواليد 1991
متحصل على شهادة ماستر في العلوم الاقتصادية (2015)
الأب متوفي
الأم لا تعمل + مريضة (روماتيزم)

بدأت العمل عند مقاول ك magasinier براتب 18000 دج (هذا الشهر نوفمبر)

ولم يقبل مني الملف الطبي في مركز التجنيد بسبب أني لم اجتز الفحص الطبي

التأجيل تنتهي صلاحيته في 30 اكتوبر 2015
أستطيع أن أتحصل على 6 أشهر اخرى بالدبلوم (ذهبت الى مركز التجنيد و سألت فطلبوا مني احظار التأجيل الذي معي + نسخة عن شهادة الماستر)

ولكني محتار هل أجدد التأجيل و أذهب في مارس مصحوبا بملف الكفالة (حتى اذا حكموني مانفوتش السطاج في البرد)

أم لا اجدده وأذهب في جانفي؟؟

اي نصيحة يمكن أن تفيد

[عمر الفاروق 27]

شوف أخي الكريم
أولا ما كانش دفعة في مارس، راهم الآن جانفي، ماي، و سبتمبر
بالنسبة للوضعية العائلية تاعك في حالة ما إذا جاك الاستدعاء و لا تطوعت ادعي ربي يكون في الحراش، تمنفوست، تلمسان، مدرعات باتنة و تقريبا كل المدراس التطبيقية خاطرش حسب علمي ثماك الوضعية تاعك تؤخذ بعين الاعتبار و يدخلوك مع الفائض اللي راه كاين في كل دفعة و في كل مدرسة، مع الأب المتوفي عليه رحمة الله و زيد الابن الوحيد و معيل العائلة و اذا كنت كبير في السن و متزوج هذا العوامل بإذن الله يجيبوا لك بطاقة الإعفاء كي السلام عليكم، أما إذا كنت واثق من الملف الطبي تاعك و يكون قوي روح معاه,
الخيار راه بين يديك ما زالك تقريبا شهرين و نص خمم مليح وشاور الناس اللي كان عندهم تجارب و قبل ذلك عليك بالاستخارة آناء الليل و أطراف النهار و مع دعاء الوالدة الله يشافيها و يحفظها راك بإذن الله ما تخيبش و راك مُعفى إن شاء الله، ديجا بطاقة الإعفاء تاعك راني نشوف فيها الآن :1: المهم برك ما تنساش النهار اللي تجيبها تبشرنا.

[lakhdar.b4]

السلام عليكم ..
انا مولود بتاريخ 1987.لم يأتني أي استدعاء بالخدمة الوطنية .ولم اذهب اليهم ابدا .واريد ان اسوي الوضعية .ماذا افعل وما هي الوثائق اللازمة ؟ علما اني متوقف عن الدراسة منذ 2010 . ثانية جامعي........
أرجو أن تفيدوني في اقرب وقت ...

[houssemmystery]

شوف أخي الكريم
أولا ما كانش دفعة في مارس، راهم الآن جانفي، ماي، و سبتمبر
بالنسبة للوضعية العائلية تاعك في حالة ما إذا جاك الاستدعاء و لا تطوعت ادعي ربي يكون في الحراش، تمنفوست، تلمسان، مدرعات باتنة و تقريبا كل المدراس التطبيقية خاطرش حسب علمي ثماك الوضعية تاعك تؤخذ بعين الاعتبار و يدخلوك مع الفائض اللي راه كاين في كل دفعة و في كل مدرسة، مع الأب المتوفي عليه رحمة الله و زيد الابن الوحيد و معيل العائلة و اذا كنت كبير في السن و متزوج هذا العوامل بإذن الله يجيبوا لك بطاقة الإعفاء كي السلام عليكم، أما إذا كنت واثق من الملف الطبي تاعك و يكون قوي روح معاه,
الخيار راه بين يديك ما زالك تقريبا شهرين و نص خمم مليح وشاور الناس اللي كان عندهم تجارب و قبل ذلك عليك بالاستخارة آناء الليل و أطراف النهار و مع دعاء الوالدة الله يشافيها و يحفظها راك بإذن الله ما تخيبش و راك مُعفى إن شاء الله، ديجا بطاقة الإعفاء تاعك راني نشوف فيها الآن :1: المهم برك ما تنساش النهار اللي تجيبها تبشرنا.
شكرا جزيلا لك اخي
انا من مواليد 1991 ، ولست متزوج + لم ابدأ العمل بعد كما قلت سابقا -أنتظر في رسالة التوجيه من La das) ان شاء الله ابدأ العمل في نوفمبر

** ليس لدي ملف طبي ، في العام السابق كانت لدي vascularite allerguique و زرت عدة أطباء هنا ولكن لا أمل ، ذهبت الى تونس و لا اكذب عليكم عندما اقول بأني لم انطق بكلمة ، الدكتور فقط رأى رجلي و اخبرني بما احس وبكل ما مر علي و أعطاني 3 أدوية فقط ، و في ضرف شهر واحد شفيت و الحمد لله لم اشعر الى شيء ليومنا هذا ، أوقات فقط احس بألم في رجلي عندما امشي كثيرا أو من البرد

+ مازال لدي (cicatrice) كبيرة في اسفل القدمين

** كنت افكر أن أؤجلها لمارس ليكون لدي أشهر عمل في رصيدي (في جانفي يكون لدي شهرين على الأكثر)
+ حتى لو كان لدي عدة أشهر فالراتب وكما تعلمون 18000 دج ، ربما هو قليل؟؟
المهم شكرا جزيلا على المعلومات

اذا اخدت الاعفاء ان شاء الله سأكتب موضوع هنا فورا هههه

[houssemmystery]

هل من نصائح أخرى.؟؟

[so fiane]

يا خويا إدا الوضعية تاعك كيما راك تقول ماكان لاه تروح قاع
روح للبلدية دير كفالة و أدفعها لمكتب التجنيد لديكم يعطولك سورسي عام و يدرسو الوضعية تاعك و يطولك لا كارت تاعك إن شاء الله

[houssemmystery]

يا خويا إدا الوضعية تاعك كيما راك تقول ماكان لاه تروح قاع
روح للبلدية دير كفالة و أدفعها لمكتب التجنيد لديكم يعطولك سورسي عام و يدرسو الوضعية تاعك و يطولك لا كارت تاعك إن شاء الله
انت لك تقرا أهم جزء في موضوعي


ولم يقبل مني الملف الطبي في مركز التجنيد بسبب أني لم اجتز الفحص الطبي

[houssemmystery]

...........up...............

[houssemmystery]

...........up...............

[Saliho_bechar]

اتسنى جانفي نروحو في رحبة خخخخخ

[mino 13]

اخي انا نفس حالتك
زايد فى 91 متحصل على شهادة ماستر هدا عام وقررت دهاب فى جانفي
فرص العمل تاتي ولكن سورسي كمل وايضا اريد انهاء هدا موضوع نهائيا
عام ويفوت وتتهنى اخي

[houssemmystery]

اتسنى جانفي نروحو في رحبة خخخخخ

اخي انا نفس حالتك
زايد فى 91 متحصل على شهادة ماستر هدا عام وقررت دهاب فى جانفي
فرص العمل تاتي ولكن سورسي كمل وايضا اريد انهاء هدا موضوع نهائيا
عام ويفوت وتتهنى اخي
كما عدلت في الموضوع بدأت أعمل هذا الشهر عند مقاول براتب 18000 دج
ولكن سأذهب في جانفي ان شاء الله

[ayoub-madrid]

واش تحب خو ..أنا كيما درت ما قبلوليش مع اني موظف 27 سنة ..كرهت و قررت جانفي هدانروح نتهنى منها كيما قالو ناس بكري تسلك يا لوكان بقطيع الراس....عام و يفوت