أريد رأيكم بارك الله فيكم...

[zizodev]

مقبل على الزواج والحمد لله مشكلتي هي عملي فانا اعمل بشركة بترولية أجنبية و عملي 4*4 في الجنوب (الصحراء) "أي 4 أسابيع في العمل و 4 أسابيع في عطلة" تزداد قليلا أو تنقص بمعنى مرات نقعد 5 أسابيع في العمل كيما مراات نقعد 5 أسابيع في الدار أو ممكن حتى 3 أسابيع في الداار..

الحمد لله الراتب جيد و يتمناه كل شاب "اللهم أرزق كل شباب المسلمين العمل القار الذي يفرحهم" أأأميين.
لقاتلي ختي وحدة تقرا معاها في كلية الطب بقالها عامين وتكمل , فتاة متخلقة و عاقلة و دارهم كامل قاريين و كلهم بشاهادات دكتوراه او في طريقهم لنيلها و أبوها دكتور في الجامعة"تبارك الله عليهم".
المهم بعد ماشفتها و شافتني إرتحت لها و إرتاحت لي , خبرت يماها " تقبلو الموضوع", لكن بعد إخبار والدهم لم يقبل بحجة أن العمل 4*4 و بعيد عن المنزل.

سِؤالي " هل معه حق..هل غيابي عن المنزل 4 أسابيع يجعله يرفض بدون أن يلتقي بي أو يسأل عني و عن أخلاقي و يضيع على بنتو فرصة تتمناها كل فتاة"

وهل أذهب لمنزلهم و ألتقي به و أعيد المحاولة..أم أقبل بقضاء الله وقدره, وتكون هذه المرة الثانية اللي اتقدم لفتاة و يتم الرفض من ولي امرهم بسبب العمل.:confused:

[nihal159]

هذا ليس سبب وجيه للرفض؛ نعرف نبس بزاف في نفس حالتك ومتزوجين عادي؛ أنا نظن؛ أنه من الأفضل لو تتكلم أنت مع باباها؛ توضحلو إيجابيات العمل إنتاعك؛ والمستوى لي قادرة تعيش فيه بنتو.
أنا حاسة بلي ماهوش جوابهم النهائي؛ يعني الرفض ماهوش حاسم؛ زيد حاول وربي معاك.

[طيور الجنان]

في رأيي روح كلم باباها انت اللي تقدر تقنعو.انا نعرف واحد كيفك اخطب وحدة وباباها رفض في الاول ثم وافق لانه الخاطب كرالها قريب من دارهم و هكذا مابقاتش وحدها.ربي يوفقك ان شالله

[سحابة مسافرة]

في رايي انو الاب خاف على بنتو فقط و هذا من حقو .ممكن هو خاف يقولك يديها و من بعد نحصل فيها انا او يفرض عليها العيش مع اهلو و تكون مشاكل ...الخ
انت اذا حاب هاذ البنت روح ليه و تفاهمو و حاول تقنعو

[sarl02]

نعم يعتبر هذا سبب للرفض عند البعض سواء فتيات او عائلات ...سيبون الان ..لازم تجبد روحك واي محاولة اخرى منك تلقي بمكانتك الى الحضيض ...واعرف جيدا كيف تفكر مثل هاته الاسرة التي تقدمت اليها سواء البنت او محيطها من اب او اخوة.....يا اخي اذا اتمسكت بيك البنت هي تقنع اهلها وهي التي تسعى جاهدة لكي لا تضيعك...اما اذا مشات مع راي اباها وضربت النح ولم تهاتفك او ترسل لك اي تعقيب منها على الامر فهنا لازم تنسحب نهائيا وتشوف جهة اخرى وربي اعوضك خير .

[zizodev]

هذا ليس سبب وجيه للرفض؛ نعرف نبس بزاف في نفس حالتك ومتزوجين عادي؛ أنا نظن؛ أنه من الأفضل لو تتكلم أنت مع باباها؛ توضحلو إيجابيات العمل إنتاعك؛ والمستوى لي قادرة تعيش فيه بنتو.
أنا حاسة بلي ماهوش جوابهم النهائي؛ يعني الرفض ماهوش حاسم؛ زيد حاول وربي معاك.

شـــــــكراا أختي الفاضلة على الرد, هذا ما فكرت به و هذا ما سأفعله سأذهب و أتكلم مع باباها و بعدها الخير فيما إختار الله

[zizodev]

في رأيي روح كلم باباها انت اللي تقدر تقنعو.انا نعرف واحد كيفك اخطب وحدة وباباها رفض في الاول ثم وافق لانه الخاطب كرالها قريب من دارهم و هكذا مابقاتش وحدها.ربي يوفقك انشالله

شـــراا على الرد أختي "طيور الجنان", خممتلها مستحيل تقعد مع عائلتي لأنها رايحة تحس بلي خدامة عندهم و تبدا المشاكل..الحل هو كراء بيت بالقرب من عائلتها هذا ما فكرت به و هذا ما يناسب الاشخاص اللي عملهم بعيد عن المنزل..

[zizodev]

في رايي انو الاب خاف على بنتو فقط و هذا من حقو .ممكن هو خاف يقولك يديها و من بعد نحصل فيها انا او يفرض عليها العيش مع اهلو و تكون مشاكل ...الخ
انت اذا حاب هاذ البنت روح ليه و تفاهمو و حاول تقنعو

نعم هذا ا سأقوم به إن شاء الله...شكرااا على المشاركة.:mh92:

[zizodev]

الرفض لأجل هذه المدة كان من المفروض تثيره الفتاة و ليس والدها .....غريب أمره الصراحة .......

أخي محيطي تقريبا يعكلون بهده الطريقة صحيح ماديا تعيش la belle vie لكن نفسيا تتعب خصوصا المراة حتى لو كنت مهندس يطالك نفس القانون

في واقعي يتزوجونهم لكن من بعد تحدث عدة مشاكل من بينها و أهمها الخيانة الزوجية من الطرفين ......وفقك الله أخي


والله أمر مرير..راجلها يتعب و يجاهد و يوفرلها كل شيئ و مبعد تخون..والله لأمر يندى له الجبين.

[zizodev]

نعم يعتبر هذا سبب للرفض عند البعض سواء فتيات او عائلات ...سيبون الان ..لازم تجبد روحك واي محاولة اخرى منك تلقي بمكانتك الى الحضيض ...واعرف جيدا كيف تفكر مثل هاته الاسرة التي تقدمت اليها سواء البنت او محيطها من اب او اخوة.....يا اخي اذا اتمسكت بيك البنت هي تقنع اهلها وهي التي تسعى جاهدة لكي لا تضيعك...اما اذا مشات مع راي اباها وضربت النح ولم تهاتفك او ترسل لك اي تعقيب منها على الامر فهنا لازم تنسحب نهائيا وتشوف جهة اخرى وربي اعوضك خير .

ياأخي البنت هذي شفتها مرة واحدة لاتوجد علاقة بيننا,لا هاتف ولا فيس بوك, أختي هي اللي شافتهالي, نعم هي مشاة مع رأي باباها و بعد ما ألحت عليها أختي عن سبب الرفض قالت لها نمط العمل وأنها ستكون الحياة صعبة. هي في البداية مكانتش تخمم هاك.

من جهة خممت بلي منرجعش وإن فعلت فقد ألقي بمكانتي إلى الحضيض كما قلت انت أيضا مي الفكرة أنو هو ماشافني متكلمنا مع بعض, و أنا أؤمن أن كل شخص في الحياة يستحق فرصة ثانية.

بوركت أخي.

[صمت الرجوله]

ماتحيرش صاحبي الكثير من العائلات مايقبلوش الزواج من هذا النوع و انا منهم لاني رفضت زواج اختي باعتباري المسؤول عليها من عامل في الصحراء لهذا السبب و الحمد لله زوجتها مؤخرا من عامل بسيط من نفس ولايتي.....يعني مع احترماتي ليك الدنيا ماهيش غير دراهم

[zizodev]

[quote=صمت الرجوله;3994518998]ماتحيرش صاحبي الكثير من العائلات مايقبلوش الزواج من هذا النوع و انا منهم لاني رفضت زواج اختي باعتباري المسؤول عليها من عامل في الصحراء لهذا السبب و الحمد لله زوجتها مؤخرا من عامل بسيط من نفس ولايتي.....يعني مع احترماتي ليك الدنيا ماهيش غير دراهم[/quote

بالطبع اخي الدنيا ماشي غير دراهم المهم راجل و يجيب قوت يومه و الاهم بن فاميليا و انا منيش رح نخوفهم هم لاباس عليهم و الدنيا مكاتيب قبل كل شيئ.

[sarl02]

ياأخي البنت هذي شفتها مرة واحدة لاتوجد علاقة بيننا,لا هاتف ولا فيس بوك, أختي هي اللي شافتهالي, نعم هي مشاة مع رأي باباها و بعد ما ألحت عليها أختي عن سبب الرفض قالت لها نمط العمل وأنها ستكون الحياة صعبة. هي في البداية مكانتش تخمم هاك.

من جهة خممت بلي منرجعش وإن فعلت فقد ألقي بمكانتي إلى الحضيض كما قلت انت أيضا مي الفكرة أنو هو ماشافني متكلمنا مع بعض, و أنا أؤمن أن كل شخص في الحياة يستحق فرصة ثانية.

بوركت أخي.

ايه خلاص مالا راك عرفت واش كاين علاه راك حاب اتانسيستي فالباطل؟؟...وديجا كي مانبا ماشافكش باباها ورفضك في حد ذاتها اهانة من بعيد...المهم انت قدمت عرض فالحلال وتم رفض العرض اغلق الموضوع واحفظ كرامتك وربي اسهلك من جهة ثانية

[RB59711]

سبب الرفض انا اراه وجيه راهي صعيبة باه تتزوج حتى بالنسبة ليك نفسيا في الوضع هذا وخاصة ادا راك معول تخدم مدة طويلة في هذا المجال الكثير من أصدقائي رفضوا لهذا السبب . ادا راك غير تكون في نفسك بهاد الخدمة معليش وما شكيتش كان رايحين يرفضوا اذا فهمتهم أما اذا كانت الخدمة لمدة طويلة ماهيش مليحة لا ليك ولا ليها .ومع ذلك لواحد مش عارف الخير وين راه وكيما كاين لي يرفض كاين لي يقبل تاني .

[عبد الله 22]

السلام عليكم سبب مقنع للرفض يعني تعيش معك على الأكثر 6 أشهر في السنة الزواج سكن واستقرار وأي امرأة تفكر بعقلانية ( ماعد من كان حلها الوحيد ) سيكون الرفض هو القرار السليم الزواج مسؤولية دائمة من الرجل في كل يوم وليس مهمة الوحيدة جلب الأموال وكما تقول قصة لشخص يعمل مثلك أنه في احد الأيام عندما دق باب بيتها قالت بنته الصغيرة لأمها انه قد اتى الرجل الذي يجلب لنا المال

[zizodev]

السلام عليكم سبب مقنع للرفض يعني تعيش معك على الأكثر 6 أشهر في السنة الزواج سكن واستقرار وأي امرأة تفكر بعقلانية ( ماعد من كان حلها الوحيد ) سيكون الرفض هو القرار السليم الزواج مسؤولية دائمة من الرجل في كل يوم وليس مهمة الوحيدة جلب الأموال وكما تقول قصة لشخص يعمل مثلك أنه في احد الأيام عندما دق باب بيتها قالت بنته الصغيرة لأمها انه قد اتى الرجل الذي يجلب لنا المال

مشكووور اخي على الرد, بالطبع اخي الدنيا ماشي غير دراهم وأيضا الدنيا ماشي غير حياة جنسية و فقط, بمعني أنه إذا كان الشريك مسافراً طول الوقت وغير متواجد علي الإطلاق فقط ” مجرد ممول ” فإن الزواج لن ينجح بل سيتعرض كلاهما للفتنة وربما الوقوع في الخطأ بسبب بُعد الآخر، لكن إذا كان الشريك يسافر لفترات ويعود فترات أخري، هنا سيكون الزواج ناجحاً جداً لأنه ما بين السفر والعودة تتجدد الأشواق ويشتعل لهيب الحب، ويصبح للحياة معني بما أن الزوجين يعرفان أنهما رغم الفراق سيلتقيان عما قريب.:19:

فجود الزوجين معاً طيلة الوقت يصيب الحياة بالملل والرتابة، فتصبح الأيام كلها تشبه بعضها لا جديد فيها كل يوم يشبه ما قبله ، والتعود يطفيء نيران الحب ويخمد نيران الشوق.
هذا رأي و الله أعلم.

[zizodev]

ايه خلاص مالا راك عرفت واش كاين علاه راك حاب اتانسيستي فالباطل؟؟...وديجا كي مانبا ماشافكش باباها ورفضك في حد ذاتها اهانة من بعيد...المهم انت قدمت عرض فالحلال وتم رفض العرض اغلق الموضوع واحفظ كرامتك وربي اسهلك من جهة ثانية

لو كان الرفض من البنت تكون إهانة طبعاا و لا أظن أحد يقبل الإهانة.

[حنين فتـاة]

اخي تقدر تعاود تروح لباباها وتحكي معاه يعني تقدر كي تغيب انت على العمل تديها لدار باباها
كامل الاباء ميحبوش ازواج بناتهم يبعدو عليهم
حتى انا لما انخطبت بابا محبش يمدني لراجلي لي هو خدام فالجيش بصح اصرار زوجي خلاه يقبل والحمد لله
ربي يقدملك لي فيه الخير اذا حسيت روحك اقتنعت بالفتاة عاود روح لباباها وهي تان ممكن تقنع باباها بطريقتها الخاصة

[ريـاض]

قد يكون سبب رفض والدها ليس له أي علاقة بطبيعة عملك ,, خاصة أنّهم كامل قاريين ,, ربما هو يبحث لابنته عن دكتور (من طبقتهم) ,,

[zizodev]

اخي تقدر تعاود تروح لباباها وتحكي معاه يعني تقدر كي تغيب انت على العمل تديها لدار باباها
كامل الاباء ميحبوش ازواج بناتهم يبعدو عليهم
حتى انا لما انخطبت بابا محبش يمدني لراجلي لي هو خدام فالجيش بصح اصرار زوجي خلاه يقبل والحمد لله
ربي يقدملك لي فيه الخير اذا حسيت روحك اقتنعت بالفتاة عاود روح لباباها وهي تان ممكن تقنع باباها بطريقتها الخاصة


نعم معك حق الجيل هذا ولا ميحبش بنتو تبعد عنه...
يعني أنت ثاني حاولتي مع داركم باه قبلو ؟؟؟

شكراا على رأيك..

[rose de sable s]

علي اقل اختك تتكلم مع بنت باه بنت تحكي مع باباها ياك قلت عجبتها و مثقفين هي تتكلم معاه و تقبعو لانه ليس سبب
حنا معانا مزوجيين و بعاد مخليين قاعدة الحياة للشركة و كريين انت شوف مع فتات اولا

[zizodev]

قد يكون سبب رفض والدها ليس له أي علاقة بطبيعة عملك ,, خاصة أنّهم كامل قاريين ,, ربما هو يبحث لابنته عن دكتور (من طبقتهم) ,,


معك حق..إحتمال وارد...

[تميمي فريدة]

انا رأي عكس ما تقال ياما ازواج قاعدين مع زوجاتهم طول العام و هما أغراب و بعاد على بعضاهم و ياما أزواج متغربين و تلقاه قريب لزوجة و اولاد .... و زيد بزيادة راك تروح و تجي ما راكش غايب طول الوقت و راك غير في الجزائر ما خرجتش برا الحدود و في الاخير الزواج هذا قسمة و نصيب و ربي يبعثلك بنت الحلال الي توالمك و ترفد معاك هموم الدنيا... و بالنسبة لهذي البنت أولا شوفها الا مقتنعة بيك باه تروح تتكلم مع باباها و اذا كانت غير مقتنعة ماكالاه تروح و تحرج روحك لانو الكلمة الاولى و الاخيرة ليها هذا هو راي .

[AMINA.Z]

يا اخي لماذا لا توفر سكن في المنطقة التي تعمل بها
و حتى هي بعج التخرح ستجد عمل بسهولة في الصحراء
و هكذا زوجتك معك و لن يخشى عليها اهلها ...
اما ان تتزوج بها و تتركها شهر و ترجع اليها شهر ...فهذا صعب

[nana w]

ان كانت البنت تستحق فحاول مرة اخرى

[manhousa]

و علاه راكم تقطعوا الامل للراجل. روح يا اخي ارجع لباباها و اتكلم معاه هدي ماش طيحة قدر ما والو
انا تزوجت براجلي كان بخدم في حاسي 4*4 ومرات 5*3 كي مايدخلش صاحبه. بصراحة سوفريت 5 سنوات احيانا ما يكونش في عيد....راك تعرف ما حضرش حتى كي خلقوا ولادنا وبعد 5 سنين لقا خدمة قدام الدار ورجع للشرق ودرك الحمد لله.
انت ما علابالكش واش كاين غدوا .فهم باباها بلي راك حايبها ورايح تدير الشي الدي يسعدكم وانا ننصحك بلي ماكانش منها تاع البعد خير يزيد في المحبة الاسرة لازم تكون مجمولة.

[kameljijeli]

السلام عليكم ورحمة الله وبركاته
أظن أن رفض والدها ليس بسبب طبيعة عملك, ربما يريد زوجاً بمواصفات أخرى لاتتوفر فيك, كأن يريد طبيباً ( على سبيل المثال) , كما أن الفتاة مازالت تدرس لمدة عامين وهذه مدة طويلة برأيي.
المثل يقول: اللبيبُ بالإشارة يفهمُ ( لا أقصد الإهانة ), ولو أن هذا الوالد يريد حقًّا هذا الزواج لطلب رؤيتك والتحدث معك ولعرف منك مشاريعك المستقبلية قبل إتخاد أي قرار.
صراحة لست من أنصار إعادة الطلب مرة أخرى, فالنساء الراغبات في الزواج كثيرات, وما عليك إلا البحث و التحري, ولا تستمع لمن يقولون أن نظام العمل في الصحراء هوسبب الرفض, فالآلاف يعملون بهذا النظام 4x4 ,و متزوجون ولاباس عليهم, وحذار أن تترك منصب عملك من أجل إمرأة...