رايكن في حلوى الكفتة شكون احسن

[،،ايمان،،]

السلام عليكم

اخواتي عندي مناسبة و حايبة ندير حلوة الكفتة

بغيت ناخد رايكم في الحشو

وينهو لي احسن

جينواز و مكسرات و كريمة الزبدة كيما تع الاخت فلة فود ارت

او بسكويت مرحي مكسرات و شاربات كيما المتعارف عليه


نتمنى تساعدوني لي ذاقته بالحشونين


و كذلك مخبز ام اماني الورد لي من فوق نلصقه حتى ينشف القلاصاج و لا ولا مباشرة

لي تجاوبني ندعيلها دعوة صادقة في طهر الغيب يفرج ربي همها و ييسر امورها

[sabrina206]

أختي ربي يتتملكم على خير ان شاء الله
بالنسبة لحشوة الكفتة ننصحك بالحشوة الأولى يعني بسكوي (جينواز أو مادلين) و مكسرات (خاصة اذا استعملت الصنوبر الأبيض مرحي متوسط pignon ) مع كريمة الزبدة بنينةةةةةةة عن تجربة
أما بالنسبة لورود المخبز حتى تنشف الطلية و لصقيها بقطرات من الطلية ألي تكوني حطيتيها في كيس بلاستيكي باش أجيك الخدمة نقية أختي
مبروك عليكم مسبقا و ربي يعينك أختي

[،،ايمان،،]

الله يفرحك اختي و ينور دربك

انتي برك لي جاوبتيني

الله يفتح عليك

اذا راكي مجربة الكفتة رح نديرها boudin الحشو نخليه متماسك و لا لين برك

[sabrina206]

[CENTER]بلا مزية عزيزتي راني في الخدمة
بالنسبة الحشو ديريه متماسك باش كي تقطعي الحبات يحكم la forme
متخافيش و ثقي ديما في روحك كي تخدمي واحد مازاد معلم أختي
لكي بالمثل عزيزتي ربي يفرحك في الدارين و يعلي مراتبك و شأنك
مبروك عليكم و ربي يكثر الفروح
ملاحظة فقط أكيد الأخوات راهم مشغولات و ألي قراو طلبك لوكان عندهام اجابة مانضنش راح يبخلوا عليك
تحياتي و سلامي و نتمنى تتوفقي عزيزتي في تحضيراتك أمينننننن

[ام غسان]

انا جربت حشوة الجينواز جاتني هايلة و خالتي موالفة تديرها بالمكسرات و البسكوي عجبتني نتاعي خير و القلاصاج انا ما نخليهش حتى ينشف يهبط شوي برك و نحط الوردة.

[fatima zohraa]

السلام عليكم.القلاصاج خليه ينشف شوي برك ولصقي الوردات.اما حشو الكفتة نتاع كريمة الزبدةيغطي على دوق الكفتة.انا نديرو جينواز وجوز ولوز ونلمو بالمعجون ويجي ماشاء الله.لاني جربتهم الاثنين لكن الاول ماعجبهمش كيما قتلك لكن الثاني بشهادة الجميع.وزيدي شوفي مع الاخوات