الزواج من فرنسية

[مشكلتي]

السلام عليكم، خويا عايش ففرنسا و حاب يتزوج حوس على عربية مسلمة ملقاش ( غير لي تشوكيه...!!) كي كره قالنا نديها قاورية و ورالنا وحدة هي تبان مليحة الحق مي حنا خفنا على ولادو . الا واحد فيكم عندو امثلة على نجاح زواج كيما هذا يهنيلي قلبي خاطرش راني متحيرة على خويا. و قولولي كيفاه شروط هذ الزواج ( علابالي تكون عفيفة و اهل الكتاب) لكن العقد و الفاتحة كيفاه؟ قالنا نعقد في فرنسا!! تعيشو خاوتي و خواتاتي ريحوني

[mrmilano1984]

اختي نصيحة لوجه الله تعالي اخطك قوليلو من زواج تاع فرنسية صدقيني راح يعاني كليا تعرفي مغترباتنا واش عايشين وكفاه عايشين حرية وتحرر تام ولبسة كما يحبو ويديرو واش يحبو فما بالك تدر معاه اولاد كفاه فهمني يربيها علي طريقتنا وهي راه تتفرج اكيد لا وحتي لو يحاول يرفع صوتو ليها يجيبولو الشرطة وياعرض حتي للسجن صدقني يخمم مليح مليح امضاهر ماتغروش اوك
عاودو خمو مليح اقاورية لاتتؤمن م ناحية الدين اللهم كانت مسلمة يدها من دك مبروك عليه من غير دلك اولاد يتبعو مهم اوك

[المحقور1]

اكيد رايحين تخافو على اولاده مع بنت ليست عربية

[nihal159]

أختي؛ أنا ننصحه يتراجع عن هذه الفكرة.
أنا نعرف واحد تعرّف على قاورية؛ عجباتو؛ عرض عليها الزواج و قبلت؛ وجات للجزائر؛ وزعمة أسلمت باش تزوجو؛ لكن واش من إسلام؛ لا صلاة ؛ لا صوم؛ لا حجاب؛ ماعلابالاش قاع واش معناه الإسلام؛وزاد جاب معاها ولد؛ راهو حاصل في روحو؛ ساعات يقول نطلق وساعات يخاف يخسر ولده.
ونزيد نقولك؛ هوما عايشين بعقلية ليزامي؛ تصاحب رجال و نساء؛تذخل وقت ماتحب و تخرج وقت ماتحب؛ صحابها تجيبهم للدار؛ لأن هذه لأشياء تجيهم عادي هكذا كبرو وهكذا والفو؛ لكن حنا ماتربيناش هكذا.

[loumimat]

salam alikome , je vis en france et je peux vous dire que même s'il se marie avec une algérienne il peut s’échouer,déjà vous connaissez peut être le pourcentage de divorce en algérie entre des algériens , donc si cette française elle est chrétienne il peut se marier avec elle et inchalah yahdiha rabi pour qu'elle se reconvertis à l'islam, il faut qu'il montre un bon exemple de l'islam et elle va le suivre inchalah sinon il lui parle de nos coutumes et traditions avant le mariage ,si elle accepte il s'engage sans probleme inchalah
et pour ceux qui disent c'est mieux une algérienne ,je connais des algériens mariés avec des algériennes venues de l'algérie,elle font pire que les française

[طيور الجنان]

ياختي يديها جزائرية و يديها معاه لفرنسا ماكانش كيما بنات بلادنا و الفرنسية فالاول تجيها لاحنانة و الحب و عند ابسط نقاش تدور عليه و الاخطر الاولاد ترجعهم كيفها مايعرفو لادين لا حشمة و الله ولي التوفيق

[عين الصقر]

لوكان وضحتي الموضوع أكثر أختي
حتى قرر يعقد في فرنسا معناه حاب يخدم الأوراق في هذه الحالة ماعندوش حل اخر من غير يتزوج فرنسية
اما اذا كان عندو أوراق الإقامة وخدام بشهرية فالأحسن يتزوج بنت بلادو

[نعمة الله15]

يا اخي انا مغتربة وفي فرنسا وسؤالي لك كيف هو حال الدين لي اخوك وهل يريد الزواج من فرنسية من اجل الجنسية ؟ وبعدها أجيبك عن خوفك عليه وما معنى تشوكً
من بنات العرب لم افهم اخي ؟؟؟؟؟؟؟؟؟؟

[المحقور1]

مكانش كيما بنت بلادك و كمانش كيما بنت ولايتك و مكانش كيما بنت بلديتك

[خالد عنابي2]

قوليلو اخطيك وفكك

زواج سيكون اوله عسل ولكن بعد ذلك لما يدخلو فالصح ..............

[lمنال]

وعلاش ما تجيبولاش وحدة من لبلاد من بعد تروح امعاه في فرنسا الا اذا كان اخوك ما عندوش لكواغط وحاب يدي وحدة من فرنسا باش يسوي وضعيته هناك خاطرش كاين بزاف شباب يتقدمو من بنات في فرنسا باش يخدمولهم لكواغط والبنات في فرنسا يرفضو واحد يتقدملها لهذا الهدف خاطرش كاين بزاف بعد ما سوي وضعيتهم يروحو ويخلوهم وانا من رايي يخطيه من الفرنسية لانهم هم راهم عندهم علاقات محرمة وعندهم عادي وتخافي تكون عندها السيدا عافانا الله واياكم انصحو اخوكم ان يتخلى عن الفكرة لانه سيلقى مشاكل من الناحية الدينية والاجتماعية والعائلية من بعد انا رايي شوفولا وحدة من لبلاد وان كان وضعيته غير مسوية يصبر ويزيد يحوس وربي يطيحو ببنت الحلال

[وليد1990]

انتا اولا ذكر وزيد موالف تألف مشاكل من راسك وديرها وثانيا ركزلي على كلمة عفيفة

[يسمينة البجائية]

خير ان شاء الله

[Zahra 30]

انا نظن أن القاورية قي ترتيب أولوياتها يجي راجلها بعد كلبها حشاكم

[قدور بن عاشور]

إذا خذاها لازم تعلموه فن الطبخ و التسياق، لأن القاورية باش يكون في علمك ماطيبلوش.

[mokhtar clubshop]

اكيد رايحين تخافو على اولاده مع بنت ليست عربية

[قدور بن عاشور]

اكيد رايحين تخافو على اولاده مع بنت ليست عربية

تقصد ليست مسلمة!!

[عيسى38]

إختر عربية مسلمة أحسن على يركة الله وصل صلاة الإستخارة واستعن بالله والله الموفق

[مـــاهـــر]

منعرف قاادر يلقى وحدة صافية مع روحها وان بلس يدخلها للاسلام ويربح دنيا واخرة ربي يجيب الخييييييييير

[بنت لبحر]

حسب كلامك المسلمات العربيات تشوكا فيهم والقارورية عجبتو ومتشوكاش فيها??????????????????

[blanche rose]

السلام عليكم
لا تهم الجنسية اختي
تهم مسلمة او لا
اذا كانت مسلمة لا تخافي على الاولاد ..
لولاد اللي ترباو فالخارج مرات يكونوا خير من اللي ترباو هنا..

اساليه ان دخلت الى الاسلام باقتناااع ام لا؟؟
حق يقال..الاجنبيات اذا اسلمن..وكان الزوج صالحا
يكن اكثر تدينا منا