ارشدونا قبل ما نخسرو وشنوا خدمة الفايونس باللصقة

[ام ايمنt21]

السلام عليكم عندي استفسار للناس اللي تعرف للبناء وتركيب الفايونس قالنا واحد السيد حاب يخدملنا الفايونس للكوزينة والصالدوبان والتواليت والكولوار وقال انو يركبو باللصقة تاع الخارج انا مادخلتش في رأسي وخفت من لخسارة على مرتين ربي يحفظكم وجهونا إلى ما هو احسن علما أننا بالطابق الرابع يعني الأخير والخدمة بالسيمة احسن ولا اللصقة هادي اللي اول مرة سمعت بيها ومن ناحية الميزانية تاني ايهما احسن ماتبخلوش بردودكم وتوجيهاتكم قبل ما نحصلوا وونندموا

[حنين فتـاة]

الفايونس تاع البلافو ولا الحيط؟
اذا كنتي على البلافون كاين سلعة يسموها pvc تاع نيلون يركبوها ومن بعد يديرولها اللصقة وهو احسن من البلاط لانو تقدري تمسحيه وتنظفيه والله اعلم

[ام ايمنt21]

الفايونس تاع الحيط وتاني لادالدوصول ادا ممكن نحب تنصحوني الله يحفظكم

[ام ايمنt21]

يا جماعة الخييييير ماتغيبوش اراءكم تهمني

[samara.safia]

جارتي دارت باللصقة للدال دو صول فوق الكارلاج هادي 3 سنين

[khelifa_siramica]

الحقيقة ان لاصق السيراميك ينفع بشرط يكون انتاع الخارج واحسنهم الالماني
لكن اذا كان سكن جديد ويكون الحائط مستوي تماما وان لا يكون مرطب
والسيراميك هناك من لابد ان يبيت في الماء كي يمتص الماء الذي يحتاجه
والارضية قبل التركيب لابد ان تسوي بالرمل والخرسانة جيدا
اكيد بهاته الطريقة تنفع
اما اذا كام المسكن مخدوم من قبل وتركيب دالدوسول فوق كرلاج
والحائط به دهن هنا لا اظمن لك
اما عن فارق المصاريف اكيد الغراء اغلى
وشكرا

[nani matrix]

اللصقة اللي تحكي عليها تستعمل في ترميم يعني لمل يكون الحائط قديم وعليه دهن يعني يصعب تركيب الفايونس بالاسمنت مباشرة ويصعب عليه نزع الدهان القديم لذا يلجا لتركيبه بالصقة او كما تسمى colla cimanet لاتخافي منها كمادة اذا كان الماصو متمكن في عمله فمعظم الناس تلجا اليها في الترميم لانها ناجحة وتقريبا نفس الخدمة هيا والسيمة بل هي امتن واقوى من ناحية تثبيت الفايونس او الدال دو صول

[chok]

انا سمعت انها تركب في الشتاء يعني لما يكون الجو بارد

[اول وآخر مشاركة]

ركبتها منذ 7سنوات وهي رائعة ،،،،لكن فوق بلاط قديم

[khelifa_siramica]

يا جماعة الخير نعم هي تركب على بلاط قديم
لكن ما العمل اذا كان البلاط غير مستوي ويتحرك ?????

[ام ايمنt21]

بارك الله فيكم اخوتي نورتوني بارائكم الطيبة

[Mostafa Archi]

من الافضل نزع البلاط القديم
و ركبو الجديد بالسيمة
افضل

[Mostafa Archi]

مرحبا بك
معك ايضا مهندس معماري و جاهز للمساعدة
و لكن للاستشارات فقط
الذي يبحث عن عمل مخطط يكون بمقابل مادي أو يعملو عند مهندس بالقرب من مقر سكناه