تسجيل الدخول

مشاهدة النسخة كاملة : عمتي

مشكلتي
2015-10-17, 17:29
السلام عليكم مشكلتي هي عمتي او بالاحرى بمثابة عمتي لاني معنديش عمة اخت اب المهم في البيت كامل نحبوها وانا وحدة من الناس وربي عالم واش في قلبي نحبها بزاف مي مرة بعد العيد جات عندنا وحدة من العايلة قالت بلي زوجة جدي وعمتي حكاو عليا وقالو بلي انا متكبرة ومانلقاش الضياف شوكيت من الهدرة زوجة جدي معروف عليها في وجهك حاجة وفي ظهرك حاجة اما عمتي ؟؟ الصراحة شوكاتني بزاف كنت نورمال مع عمتي مي مرة بديت نشك بلي تبدلت من جيهتي يعني كي جات لقيتها سقسيتها عادي واش راكي منا الاسئلة العادية مي هي مردتش عليا راكم فاهمين كيفاه تسقسي على انسان وهو ميقيمكش ومايردش عليك بدات تجيني اسئلة بزاف في بالي علاه مردتش عليا حتى وصلتني الهدرة واليوم كي جات درت الي عليا والقيتها كانت هي وجداتي والله نفس الطريقة الي لقيت بيها جداتي لقيت بيها عمتي الفرق جداتي تضحك معايا وتمزح وهي ردها عليا ناشف والقيتها بتبسيمة والعكس غير جات ختي لقاتها ضحكت معاها علاه هكا الكلام الي سمعتو جرحني بزاف انا مغلطت في حقها وربي شاهد نحترم الصغير قبل الكبير ربي عالم وهو شايف واش صرا مانيش قادرة نطلب منها تفسير لحركات نتاوعها لاني مغلطت في حقها والله طيحتلي المورال واحد غير الهم الي فيه زادت هيا واذا بديت في محاسبتهم في تصرفاتهم اتجاهي علابالي بلي هدرتي تروح في الريح لان معاملتهم ليا عالم بيها غير ربي واثرت في نفسيتي بزاف وليت حساسة لدرجة كبيرة وتعلمت بزاف صوالح نمشي مبدا الي بغى يجبد ربي يسهل عليه المهم ماتكونش الغلطة عندي الناس بزاف الي يشوفوني يقولولي كلمة وحدة ( العاقلة) والحمد لله جابدة ومانحبش ندخل روحي في المشاكل نتاع الناس الي في قلبي على لساني واذا شفت حاجة ماشي مليحة في انسان نقولهالو في وجهو سموحولي طولت مي غاضتني بزاف الجاست الي دارتها ربي يسامحها وربي يغفرلنا
FATIMANOOR
2015-10-18, 02:32
الله أعلم راها كاش وحدة دخلت للخط بيناتكم نتي قالتلك عمتك هدرت فيك و راحت ليها قلتلها بنت خوك هدرت فيك و نجحت فالتفريق بيناتكم
أنا تاخذي رايي روحي لعمتك صارحيها و قوليلها خبرتني فلانة بلي قلتي فيا كذا........ كاين منها ولا والو؟
ام رضوان
2015-10-18, 08:22
الله أعلم راها كاش وحدة دخلت للخط بيناتكم نتي قالتلك عمتك هدرت فيك و راحت ليها قلتلها بنت خوك هدرت فيك و نجحت فالتفريق بيناتكم
أنا تاخذي رايي روحي لعمتك صارحيها و قوليلها خبرتني فلانة بلي قلتي فيا كذا........ كاين منها ولا والو؟

والله غير هذا واش كنت رايحة نقلها
راهي تصرى بزاف حاجة كيما هذه
انت شابة واعية وراهي غاضتك من عمتك فما بالك بها هي
الانسان لكبير تغيضو اكثر
بصح كوني فحلة وواجهيها ووقفي هذيك النمامة عند حدها.
ربي يسهل.
حنين فتـاة
2015-10-18, 11:33
السلام عليكم
هدي الامور تصرا بزاف في العائلات المشكل انهم لما يسمعو هدرة ميحكموكش وتتصافا القلوب يبقاو شادينها في قلبوهم وحاقدين ويزيدو ما يعرفو اذا هدي الهدرة صح ولا لا ويديرو مواقف تعيي الراس
خليها اختي على راحتها ومتمرضيش روحك بالتوسويس والتفكير وحدها راح تنسى ولا تحكي
الصديق قروف
2015-10-18, 12:45
المهم انتي متغلطيش كيما الي جبتلك الخبر وديري فتنة بيناتهم
صارحي عمتك قوليلها علاش تغيرتي معيا
oumhana
2015-10-18, 14:30
الله أعلم راها كاش وحدة دخلت للخط بيناتكم نتي قالتلك عمتك هدرت فيك و راحت ليها قلتلها بنت خوك هدرت فيك و نجحت فالتفريق بيناتكم
أنا تاخذي رايي روحي لعمتك صارحيها و قوليلها خبرتني فلانة بلي قلتي فيا كذا........ كاين منها ولا والو؟
اللــــــــه أعــــــــــلـــــــــم الأخت عندها لحق
خولة الحملاوية
2015-10-18, 16:37
المهم انتي متغلطيش كيما الي جبتلك الخبر وديري فتنة بيناتهم
صارحي عمتك قوليلها علاش تغيرتي معيا
AMINA.Z
2015-10-18, 17:12
الحوار و المواجهة
قوليلها ارواحي نحكيو و علاه تبدلتي عليا
اذا تجاوبت معاك راه ترتاحو و تولو حباب
و اذا ذفضت و ما وسلتيش لنتيجة
انساي الحكاية و خلي تعاملك عادي
ربي يسهل ان شاء الله