أنا بحاجة ماسة إلى أرائكم و إقتراحاتكم لي رجاء [الأرشيف] - منتديات الجلفة لكل الجزائريين و العرب

toulay

2015-10-17, 15:21

وعليكم السلام ورحمة الله تعالى وبركاته

Bon كنتي حابة تقرا انجليزية وبعدها داوك biologie ولكن معجبتكش cette spécialité ايا بقيتي تستنى فالتحويل باش تقرا الانجليزية لتحبها والان حابة معدل مليح من اجل الصيدلة على جال الخدمة لانو الانجليزية مفيهاش فرص العمل
هي من حقك تخمم فالمستقبل تاعك بصح دير في بالك بلي الرزق على ربي سبحانه وتعالى

اقرا الحاجة لتحب هكذا تتفوق فيها على حساب قصتك راني نشوف بلي درتي l'impossible باش يقبلوك انجليزية وفيما يخص التصحيح قول حسبي الله ونعم الوكيل وان شاء الله ربي ياخذ فيهم الحق

وتاني متدريش بلاك تلقىى روحك فالانجليزية خير من الصيدلة على كل زيد خمم مليح وشاور داركم وان شاء الله خير

وبالمناسبة ليقراو انجليزية بالتحديد les majors de promo عندهم la chance باش يروحو يكملوا قرايتهم في UK اذن بلاك انت تكون من بينهم ان شاء الله

بالتوفيق