اذا كنت في مكانها ماذا تفعلين كام

[jawada22]

السلام عليكم
اردت ان استشيركن في موضوع يؤرقني و يجعلني اشعر انني ظالمة..
ابناء حماي يتطاولون علي بالكلام البذئ وامهم تسمعهم و لا تقول شئ و عندما الومها تنزعج .. فان كنت مكانها ايتها الام و سمعت ابنك يشاجر زوجة عمه

هل تسكتين؟
هل تضربينه ؟
هل تعاقبينه؟
هل تردين اللوم على زوجة عمه و تقولي انها تعاند الاطفال فتدافعين عن ابنائك بكل شراسة

والله اخواتي هذا الموضوع فات حده و اوصلني الى قلة النوم فاجبنني علي ارتاح:mad::confused: و كل واحدة تمد رايها

[~ قمر شبيطة ~]

صبرا أخيتي ..

[أثيلة]

ربي يعطيك الصبر اختي
انا لو كنت مكانها نشاجرهم و لو مافهمو نعاقبهم و اذا مافهمو نضربهم لان الاحترام واجب حتى لو كانت زوجة العم مخطئة في حقهم فمابالك العكس

[cyllia]

ألغلطة فيك اكيد الذراري الصغار اذا مدتيلهم وجه من الاول مراحش يحتارموك خاصة الا قالو كاش كلمة ماشي مليحة و ضحكتيلهم
من الاول وقت لعب لعب ا وقت العين الحمرا وريهالهم و من الاحسن متلعبيش معاهم خليهم يحتارموك
يعني باش ميكرهوكش نهار مديلهم حلوة و كيغلطو وريلهم العين الحمرة ازقي عليهم و متخافيش و زيدي قولي راجلك يادبهم

[jawada22]

انا ما نضربش ولاد الناس لكن نصرخ عليهم و نورمالمو كي تعرف ولادها قباح اذا جا ولدها يشتكيلها تقولها شا درت او واش قلت مشي تخسر سلفتها و هذه عشرة عمر

[cyllia]

اكيد متضربهمش بصح ازقي عليهم , هما ضرك راهم يسمعوا واش راهم يهدرو الكبار و لكان ملقاوش دعم من عند يماهم ميغلطوش مع الي كبار عليهم , بصح الغلطة تاع يماهم اليوم راهم يغلطوا فيك غدوة جي دالتها

[jawada22]

ألغلطة فيك اكيد الذراري الصغار اذا مدتيلهم وجه من الاول مراحش يحتارموك خاصة الا قالو كاش كلمة ماشي مليحة و ضحكتيلهم
من الاول وقت لعب لعب ا وقت العين الحمرا وريهالهم و من الاحسن متلعبيش معاهم خليهم يحتارموك
يعني باش ميكرهوكش نهار مديلهم حلوة و كيغلطو وريلهم العين الحمرة ازقي عليهم و متخافيش و زيدي قولي راجلك يادبهم

المشكل مشي في انا قبل ما نجيب اطفال عندي ممنوع الطفل يجلس مع الكبار او الضياف او يتقدم للمايدة مع الضياف او يدصر على الكبار عندي قاعدة نمشي عليها رباتني عليها امي اللهيرحمها و وليت انا و اخوتي ماشاء الله يضرب فينا المثل في حسن السلوك لحد الان و ان شاء الله مع ولادي نفس الفاعدة و ان شاء الله اذا غلط ولدي مع اي كان حتى و ان كان اصغر منه سيعاقب بالكلام و التفاهم و ان لم يفهم فبطرق اخرى يا رب ساعدني على تربية ابنائي على الطاعة و الدين ..ومين يكبرو ماغاديش يقولو فلان لالا يقولو ولد فلان و يضحكو او يدعو على الي مارباهش

الاعوام الاولى للطفل هي الاساس في التربية من اربع سنين و طلع مشي نقلشوهم حتى يولو غوال و ياكلونا حتى يصبح الطفل بالغ فيتطاول على امه و ابيه كي الطفل يكبر يصعب التحكم فيه لهذا لازم التربية و الادب من اجل حسن السلوك مع الكل

سلفتي كي نلومها تقولي ولدي كي يكبر يستعقل و انا نقول اذا استعقل مع افراد المجتمع اللي في الشارع يولي معاها حية و تلدغ و رانا نشوفو الان راه يشاجرها و يقولها حمارة و كلبة اذا لم تلبي طلباته و مين يكبر

[نسيم الإيمان]

صراحة هذو ولادها مش متربيين يسبو فيها هي اللولة من ضرك من بعد كيفاه مالا
مالقيت مانقولك اختي
ممكن تهدري معاهم بالعقل تقوليلهم عيب مانقولوش لطاطا هكذ
برك

[jawada22]

صراحة هذو ولادها مش متربيين يسبو فيها هي اللولة من ضرك من بعد كيفاه مالا
مالقيت مانقولك اختي
ممكن تهدري معاهم بالعقل تقوليلهم عيب مانقولوش لطاطا هكذ
برك


اختي شا نقولك ما يفهمو لا طاطا و لا بطاطا وانت تقوليلهم ما تعملوش هاذيك الحاجة تدوري تلقيهم يديرو فيها .. انا ما بياش الاطفال انا بي امهم انت في مكانها ماذا تفعلين

[نسيم الإيمان]

في بلاصتها نعطيهم طريحة
لازم يترباو

[jawada22]

واالله العظيم غير تسمع يعاير و تبقى في شومبرتها و كي تسمعني انا نهدر تخرجلي و تكذبني و تامن ولادها والله غير راني حايرة ماعييت نفهم فيها و نساعف ووليت انا الظلمة سيرتو راني حامل راني نظل نبكي اللي كنت دايرتها بيت اسراري و اليوم وليت عدوة ..ما تقوليش ان الحمل هو اللي بيي لالالا انا حملي ما فيه لا وحم لا والو .. وراني خايفة من كترة البكاو الزعاف نضر ولدي و لا بنتي ان شاء الله ربي يرزقني ذرية حسنة الخلق و الخلق قولو امين

[ام عبد الواحد 2016]

عليك بالصبر اختي

[نسيم الإيمان]

واالله العظيم غير تسمع يعاير و تبقى في شومبرتها و كي تسمعني انا نهدر تخرجلي و تكذبني و تامن ولادها والله غير راني حايرة ماعييت نفهم فيها و نساعف ووليت انا الظلمة سيرتو راني حامل راني نظل نبكي اللي كنت دايرتها بيت اسراري و اليوم وليت عدوة ..ما تقوليش ان الحمل هو اللي بيي لالالا انا حملي ما فيه لا وحم لا والو .. وراني خايفة من كترة البكاو الزعاف نضر ولدي و لا بنتي ان شاء الله ربي يرزقني ذرية حسنة الخلق و الخلق قولو امين

مالا نقولك اختي
خليك منها و الولاد يدبرو راسهم يخي رايحة غير هي لي تتعذب معاهم خاطر مش حابة تربيهم قدقد
انت ربي يفرج عليك و تخرجي وحدك ان شاء الله
ماتزيديش تقلقي روحك روحك حنونة

[حنين فتـاة]

انا كون في مكانها نعاقب ابني منخليش الناس تضحك عليا ونصيحة اختي جوادة انتي تجاهليه كون تولي تعانديهم يولو يرجعوها مرح ويحبو يشوفوك تزعفي وتاني زوجة حماك اذا قليلة اصل تولي تحرشهم عليهم
انا تان عندي ولاد حمتي قبيحين بزاف كي يجي عندنا كاش صيف نولي نقول قدام بلي قبيحين يماهم تحشم على روحها

[jawada22]

شكرا لكل من شاركتني هذا الهم الذي اربكني و ضيقني لايام الحمد لله على كل شئ

[raboha]

يا ختي قبل كلشي نوصيك على البيبي بالاكي تبكي و لا تزعفي و الله مامليح ليه
و هذي عن تجربة نوصيك خليك منهم ياك ميش ولادك و كي تلقايهم يقباحو ادخلي لبيتك و خليهم مع امهم ياك هي اللي يهدرو عليها ميش نتي
و نوصيك حتى و قباحو عليك و ردولك الكلام اسكتي و خليهم ديري روحك مكيش قاع معاهم
نتمنى ديري بالنصيحة و هذا علاجال البيبي فالمرتبة الأولى و علاجالك فالمرتبة الثانية

[jawada22]

شكرا اختي و الله يحفضك على النصائح عندك حق

[omo marwane]

السلام عليكم اختي جوادة نعطيك قاعدة انا دائما نعمل بها كي يكون عندي مشكل و منعرفلوش حل نقول لو كان الرسول صلى الله غليه وسلم راه يشوف في واش يقولي يلك هو القدوة نتاعنا المهم انا تخيلت روحي مكانك و يبانلي الحل كالتالي اول شيئ و اهم شيئ و الحل السحري لمشكلتك و لكل المشاكل و المعضلات في الدنيا هو الدعاء نعم الدعاء ادعي الله عزو و جل ادعي يهديهم و يهدي امهم و ادعي باه يعطيك الصبر و الحكمة و طولة البال باه تتعاملي معهم و هنا نفكرك بموقف الرسول صلى الله عليه وسلم مع أهل الطائف عندما قال له جِبْرِيل اطبق عليهم الأخشبين فكيف رد صلى الله عليه وسلم قال له لا ......عودي الى القصة و اقرأها
ثم الحل الثاني حاولي ان تتحاشيهم و ابتعدي عنهم قدر الإمكان و ان تعرضوا هم لك تجاهليهم و كرري في خاطرك حسبي الله و نعم الوكيل فأنا لا أوافق الأخوات اللئي نصحنك بالضرب و بان تخبرني زوجك لا هكذا ستتعقد الأمور اكثر المهم عيشي حياتك و كانهم غيروا موجودين معك قال تعالى (و اذا خاطبهم الجاهلون قالوا سلاما )
كما انصحك بان لا تتحدثي عن الأولاد و امهم فتقعي في الغيبة و العياذ بالله فما تمرين به ابتلاء ان صبرتي وكتمت غيضك فلك الأجر و ان كنت في كل مرة تتحدثين عنهم و تغتابيهم فأنا اخاف عليك من الاثم
عودي الى سيرة المعلم صلى الله عليه و سلم تعلمي منها كيف تتعاملين مع الآخرين و اله هذا انجح حل و الله اعلم كرري هذا الدعاء اللهم أجرني في مصيبتي و اخلفني خيرا منها

[jawada22]

بارك الله فيك اختي و جعله في ميزان حسناتك