تعيشو عاونوني في الماييس او الفوشار

[loulouat eddodja]

حبيت نعرف كيفاش يتحضر الفوشار
لانه عندي كمية مليحة نتاع ذري يابسة حبيت نصنعو

[oum anas 69]

عادي سخني على نار هادئة شوية زيت حوالي ثلاث ملاعق أكل في كوكوط وزيدي شوية ملح و ممعد حطي كمية من الذرى اليابسة حركيها و حطي المغط و أصبري حتى تسمعي فيه يتطرطق و ساعة ساعة حركي الكوكوط بيديك حتى تشوفي بلي كمل و حبس الطرطيق يعني خلاص .. تذكري النار هادئة باش مايتحرقش

[رونق الامل]

ماما كانت تحطو في الكوكوط و ديرلو شويةزيت ملح و شوية سكر موش اكثر من ملعقة و تقفلها وتحط الصفارة وتحطها على ناار هااااااااادءة و من بعد تسمعي الحرب بدات خخخخخ الفرقعةنتاع الذرةولما تتفرقع كامل يتوقف الصوت ،ثمة ماما تنحيها على النار وما تحلهاش تم تم تخليها شوي تهدا ومن بعد تحلها ،و تحبي دريهاكرامل و لا سكر ناعم و لا واش عندك

[~أميرة أميري~]

شوية زيت فكوكوط ولا اي حاجة برك تغطيه مليح لانو يطرطق ويولي يطاير ديري شوي زيت برك ماكتريش لانو يرجع مزيت خليه يسخن مليح وديري الذرى وغطيه كي تسمعيه يطرطق منين داك حركي الكوكوط بيدك بلا ماتحليها يعني ارفديها وهزيها شوي انا نخليه حتان كي يطيب ونديرلو الملح