شوفو واش دارت عجوزتي ؟؟؟؟

[اسيل 2015]

السلام عليكم كانت بداية حياتي الزوجية في البداية رائعة في قمة السعادة مع اهل زوجي احبوني واحببتهم لكن بعد ولادتي حماتي تغيرت في معاملتها معي واصبحت تعاملني كما كانت تعامل زوجة سلفي فبلرغم من ان زوجة سلفي كانت تشتكي لي من سوء معاملة حماتي فكنت لا اصدق ولكني الان اكتشفت انها تدخل غرفة نومي وتفتش فيها كما تشاء وفي يوم من الايام وضعت لها خطة فاكتشفتها انها دخلت في غيابيى فقمت بالصراخ عليها وقلت لها لا تدخلي غرفة نومي لان فيها خصوصيات انا وزوجي فردت بكلام رديل وقالت لي انهه بيتها وتدخل لغرفتي وقت ماتشاء ولما خافت ان اكشفها امام ابنها بتلرغم من انه هو من اعطاها نسخة على المفتاح برتلي دخولها بانها احتاجت غرضا من اغراض ابنتي التي تركتها عندها لساعة فقط فقالت لي انها تقيات ودخلت غرفة لتاخد ثياب لكن المشكل انها لم تغير لها بحجة انها لم تعرف اين هي ثياب ابنتي وبالرغم من ان غرفتي موضوعة ثياب ابنتي على سريرها ولما شممت ثياب ابنتي وجدت انها سكبت عليها الماء لتوهمني انها تقيات لكني تركته حتى جف لان القيئ يترك اثر على القماش فلم اجد اي اثر ساعدوني من فضلكم كيف اتعامل معها لاني فقدت ثقتي بيها وهل لها الحق في الدخول لغرفة نومي في غيابي

[ADEL100]

بحكم انك محامية خوفيها بالقوانين

ولما انت محامية سهل جدا تستقلي وتأجري بيت مع زوجك

ربنا يوفقك وهدي سرك

[AyOuB0587]

أنتم النساء تتعبون أنفسكم ومن حولكم
هذه مثل أمك، يعني عامليها بالحسنى ولو أساءت إليك
يأتي الزمن وتصبح طيبة معك
مجرد ضغوطات نفسية، على كل حال الافضل الاستقلال بالمنزل

[بنت اولاد نايل]

هو حل المشكلة كله فى سؤال واحد
هل لو والدتك مكانها تتصرفي هكذا ؟
اكيد لا عامليها مثل ماتعاملي والدتك واهلك
استغرب دائما من هذه الحساسية بين الكنة واهل الزوج
وكأنهم اعداء لها
والاخت لى قالت خوفيها بالقانون هذه ليست حرب اتصور انها
مشكلة اقل مايقال عنها صغيرة ولا تحتاج حتى كتابة عنها فى المنتدى
اختى العزيزة اسيل
الكلمة الطيبة صدقة وبالمعاملة الحسنة تكسبي قلبها
أحسن إلى الناس تستعبد قلوبهم فطالما استعبد الإنسان إحسان

[رقة قلب]

وعلاش ادا دخلت لغرفتك خلااات يماك ما تدخلش لغرفتك و تصرخي عليها جاك امر عادي حتى و ما تحبيش اعرفي كيفاش توصليلها المعلومة ماشي بالعنف هكدا راح تولدي كراهية ما بيناتكم و تفتحي باب للمشاكل لا ماشي هكدا التعامل يكون بالتي هي احسن

[رقة زمان]

والله يا اختي هادا امر عادي
ولكن كان يجب عليها ان تستاذن انا لما كنت عروسه كانت حماتي تدخل من دون ان تستأذن حتى جا النهار وين دخلت ولقاتنا بلا .......:mad: أمر مخجل... من داك النهار ولت تدق الباب
انت اغراضك الخاصه غلقي عليها في الخزانه
واحمدي ربك ان عجوزتك راها تشدلك بنتك لانها في ايادي امينه
كان لازم عليك ماتعيطيش على عجوزتك عيب راها كبيره عليك وفي مقام يماك

[sarl02]

صراخك عليها تصرف همجي يدل على عدم اللباقة والاحترام ولو كان زوجك رجل فحل لاعطاك طريحة ليعلمك الاداب وحسن المعاملة اتجاه الكبار والظاهر ان اهلك لم يعلموها لك ....حتى وان اخطات هاته المراة لا يجوز معاملتها بهاته الطريقة احتراما لزوجك اولا واحتراما لسنها ومقامها ثانيا ...وفعلا قالوها ناس بكري ...قالك اعطيني واحد فاهم وامربي ومعليش ماشي قاري ....علمتك المدارس والكليات لكن لم تعلمك الحياة يا محامية اخر زمن.

[noorsamaa86]

يا لطيييييف تصرخين على عجوزتك وتقوليننها بدون احراج و هدا هو المقابل تع خيرها لي راهي تشدلك بنتك آخر زمان لي رانا فيه يا ربي يا ستار

[أثيلة]

اختي لا اعلم اين المشكل ان دخلت غرفتك ،ولكن نعم ربما هنالك خصوصيات مثلما تفضلتي
اطلبي منها ذلك باحترام و اياك و الصراخ مرة ثانبة


احسني اليها كلما اساءت اليك و هكذا اكيد ستكسبيها

[أم سلوى]

من حق العجوز دخول غرفتك...والذي يشاع عن العكس باطل...نحن نستحي ان نغلق باب الغرفة حتى وان كانت لصة.....عاداتنا هكذا.....

[اسيل 2015]

شكرا على الردود مع احترامي لوجوهات نضركم لفتي راي الاخ الدي قال ان من حق العجوز الدخول الى غرفة نومي في غياب اسالك يا اخي الفاضل هل يجوز في الشرع دخول البيوت دون استئدان اهلها ؟؟؟؟؟

[أم عبد الكريم]

انا عجوزتي تدخل الغرفة نتاعي في غيابي و في حضوري انا يبانلي شيء عادي الحاجة لي مبغيتيهاش تشوفها خبيها و أخطيك من المشاكل

[bounour21]

صراخك عليها تصرف همجي يدل على عدم اللباقة والاحترام ولو كان زوجك رجل فحل لاعطاك طريحة ليعلمك الاداب وحسن المعاملة اتجاه الكبار والظاهر ان اهلك لم يعلموها لك ....حتى وان اخطات هاته المراة لا يجوز معاملتها بهاته الطريقة احتراما لزوجك اولا واحتراما لسنها ومقامها ثانيا ...وفعلا قالوها ناس بكري ...قالك اعطيني واحد فاهم وامربي ومعليش ماشي قاري ....علمتك المدارس والكليات لكن لم تعلمك الحياة يا محامية اخر زمن.


واش من طريحة أخي . هي فهمتها غالط برك . واش من طريحة

ولماذا التهجم أخي . تصور أنت لم تفعل لك شيء قلت لها ( محامية أخر زمان ) ولم تعي أنك شتمت الله أيضا بكلامك أخي . فالحذيث الذي أخرجه الإمام مسلم في صحيحه عن أبي هريرة أن النبي صلى الله عليه وسلم قال{{ لا تسبوا الدهر فإن الله هو الدهرّ }} وأنت بكلامك محامية أخر زمان . وكأنك تسب الزمان أخي .

وهي لقت معاملة من حقها أخي . سرية غرفتها مع زوجها ربما أمور شخصية جدا جدا . هذا خطأ من ام الزوج نعم .

أختي المعاملة الطيبة . حاولي برك أختِ كيفاه تكسبيها , وحاولي تعرفي علاه بالضبط هي تدخل بدون علمك . بالاك هي شاكة في كاش حاجة

فهميها . خليها تتق فيك أختِ . أنت تعرفيها أختِ , شوفي كيفاه تكسبيها أختِ

بالتوفيق أختِ . حاولي تكسبيها .

[raghado]

لاحول ولا قوة الا بالله

[أم عبد الرحيم يوسف]

هههه فكرتيني في حكاية وحدة سمعت بيها ديما العجوزة تدخل لغرفة العروسة ملا مرة نسات العروسة مامسحتش الغبرة فوق الخزانة كتبتلها العجوزة في المراية بالحمرة أمسحي الغبرة تاعك سبحان الله من كثرة مافتشت شافتلها حتى فوق الخزانة أختي التمسيلها العذر العجوزة ديما تحب تنافس العروسة وتحكم عليها حوايج عند الراجل بلي ماتلقاش لي تتهلا فيك مثلي هذه غيرة عند كل عجوزة الله غالب
يا أختي كاين بنات لقاو عفايس افضع من هاكا وصبروا ودارت الايام وتحسنت الأمور الصبر والصبر هو الفتاح الناس لي قالتلك اكري صح الاستقلالية مليحة بصح صدقيني حتى العجوزة بنتها وحدها أنا يمات راجلي توفات مالحقتش عليها وتمنيت بزاف لو كانت حية كاين لحظات باهية بين العروسة والعجوزة
أأأختي خوذي رايي أعتذري منها وقوليلها بلي هاداك النهار كانوا أمور خاصة حشمتي منها وانت قلقتي بزاف وبلي حتى وكنت ساكنة وحدك الدار دارها هاكا تكسبيها وتكباري في عين راجلك الرجالة كي يلقاو المرأة صبورة على أمهم تكبار في عينهم ويقولوا جبت مرا و75 هههه كاين مشاكل اكبر من هاكا ربي يعاونك في حياتك

[وفاء2015]

انا كدالك عانيت من هدا المشكل سنين عديدة المشكل انا في وجودي مايدخلوش للغرفة ابدا لكن ادا غبت عن البيت والله وكانو الجمارك اللي فتشت وربي المعبود ولا مرة قلتلها لمادا ومع مرور الايام ولات هي الي تخبيلي حوايجي وتحوس عليا فقط عليك بالصبر وحسن المعاملة هي الي ترجعها للطريق

[فايزة1207]

مع احترامي لكل الاراء لكن من حق المراة بسكن مستقل لكن ان قدر الله شيء اخر فلا اظن انه من اللائ ايضا دخول الام لغرفة ابنها لانها غرفة خاااااصة بالزوجين
احناهكذا تربينا وتعلمنا
الا في حالة السماح لها بذلك

[** أبو أسيد **]

ليس لها الحق أن تدخل غرفتك الا باذنك

أختي غالب العلماء يحبذون استقلالية المنزل

وفقك الله و رزقك البيت الواسع مع جيران صالحين

بيتك وحدك تربحي أهلك و أهل زوجك



تقبلوا مروري

[مجرّد إنسان]

عجوزتك أخطأت لأنّها دخلت غرفتك دون استأذان
وأنت أخطأتي عندما صرختي في وجهها
يجب أن تعتذري لها على طريقة تعاملك معها

[عطر الملكة]

السلام عليكم و رحمة الله تعالى و بركاته

أختي غرفة النوم الخاصة بالزوجين تعتبر المكان الأكثر خصوصية و لا يحق لأي شخص دخولها إلا بإذن من أصحابها حتى لو كان هذ الشخص عجوزتك أو حتى أمك خصوصية المكان لا يفهمها إلا المتزوجين لذلك وجب الإستئذان في الدخول

تصرفك و إن كان الموقف فعلا يدعو للنرفزة لكن كان عليك بمعالجة الأمر بلباقة هكذا أمور لا تحل بالصراخ و التعصيب لأنك بتصرفك هذ فتحتي باب للحقد و الكراهية بينك و بين عجوزتك

عالجي الأمور بشكل آخر و ل وقدرتي تستقلي ببيت لوحدك يكون أحسن
ربي يسجي الأحوال

[نورسين.داية]

هو السؤال المطروح ما هو السبب الذي يدفع أم الزوج الى دخول غرفة إبنها ......؟؟؟؟ يعني هل هو فضول أم ماذا ؟؟؟؟ يعني الأكيد لا يوجد شيئ يخصها هناك ....سبحان الله .....إذن هوما علاش سموها غرفة الزوجين ؟؟؟؟؟ لأنها مكان خاص يغلق عليه باب ......و لا لا ؟؟؟؟

شخصيا لا يعجبني هذا التصرف ....وواقعي لا توجد فيه مثل هذه التصرفات إلا حالات إستثنائية ....مصدرها عدواني ......

لكن أنا لو ماكنك .....أغلق باب غرفتي و السلام .....لأن الصراع المباشر لا يأتي بنتائج حميدة .....و خصوصا مع أم الزوج
و الصراحة من المفروض يكون الإبن هو من يضع هده الحدود مع عائلته فيما يخص مساحته و حدود كل طرف معه حتى لو كانت والدته فالحياة الزوجية لها خصوصيتها بطبيعة الحال و ليست مشاع .....سبحان الله

[كاميلا]

السلام عليكم حسب رايي الشخصي اختي انا مثلا لوكان غير جات ديرلي هكدا ومديرليش الفتن وتكدب عليا
منقدرش نحط روحي في بلاصتك بصح كنت قادرة تفهميها في خصوصياتك بطريقة اخرى جامي تخرجي للعيب انا كون نحكيلك واش دارت فيا راسك يشيب من اول يوم اتهمتني بالسرقة وانا لابسة ثوب العرس كذبت على امي وسرقتها في مواعين اللي جبنا فيهم الحلويات وشحال من كذبة وعندي الدليل على كذبها وهكاك مفضحتهاش تفتن بيني وبين زوجي كي نروح ليها يخرج هو من الدار تولي تعيط عليا اي حاجة تلصقها فيا لدرجة اني حامل ومرحمتنيش حملي في خطر حبتني نرفد الثقيل وانا بالادوية لتثبيته هذا بلا مانحسبلك كم من كلام سيء سمعته وسموم والاعيب دارتهالي بصح حاجة وحدة نحمد ربي انه زوجي معايا ميسمعلهاش خاطر علابله بيها قبيحة وزوايرية شاف بعينه واش كانت دايرة في زوجة اخيه وانا شاعرة بهاد الشي علابيها نتجاهلها
هي من حيث انه دارها اي دارها كوني مهنية بصح لوكان معيطتيش عليها دوك تمسحها فيك علابالي كاين ناس يوصلوك تفقدي اعصابك بصح انا حكيتلك حكايتي باش تتاعضي منها قادرة ديرلك مقلب وتطلقك احذري وغرفتك اذا مش حابة انسان يدخلها اغلقيها وخلاص

[كاميلا]

اللي قالت عادي تدخل وتخرج من غرفتهم وعادي تاني ترقد معاهم في الغرفة يخي عباد يخي راسك كيفاش راكب انت متعرفيش باللي كاين حدود في الدنيا هاذي قاتلك عادي ففف

[wala]

اختي الفاظلة دخولها وخروجها من باب الفضول فقط ربما هي تستمتع برؤية الاشياء التي في غرفتك فقط اشعريها انك لا يهمك امر ما بداخل الغرفة والا زرعت الشك فيها وبطول تمل اغلقي علي الاشياء الخاصة اما الباقي عادي مهما كانت هي لي خطباتك وجابتك معاها قادرة ترحلك في اي وقت ربي يهديها

[ام عبد الواحد 2016]

واش من طريحة أخي . هي فهمتها غالط برك . واش من طريحة

ولماذا التهجم أخي . تصور أنت لم تفعل لك شيء قلت لها ( محامية أخر زمان ) ولم تعي أنك شتمت الله أيضا بكلامك أخي . فالحذيث الذي أخرجه الإمام مسلم في صحيحه عن أبي هريرة أن النبي صلى الله عليه وسلم قال{{ لا تسبوا الدهر فإن الله هو الدهرّ }} وأنت بكلامك محامية أخر زمان . وكأنك تسب الزمان أخي .

وهي لقت معاملة من حقها أخي . سرية غرفتها مع زوجها ربما أمور شخصية جدا جدا . هذا خطأ من ام الزوج نعم .

أختي المعاملة الطيبة . حاولي برك أختِ كيفاه تكسبيها , وحاولي تعرفي علاه بالضبط هي تدخل بدون علمك . بالاك هي شاكة في كاش حاجة

فهميها . خليها تتق فيك أختِ . أنت تعرفيها أختِ , شوفي كيفاه تكسبيها أختِ

بالتوفيق أختِ . حاولي تكسبيها .

تسلمي يا اختي