ماهي اطباق محرم

[ام تقوى 34]

السلام عليكم
كلنا نحتفل ببدية السنة الهجرية
قولولي واش هم الاطباق
لي رايحين تعملوهم :

[♥سهام♥]

اختي ام تقوى روحي تفرجي قناة سميرة
خخخخخخخخخ

[ام تقوى 34]

بخلتونا حتى واش رايحين طيبو اليوم

[ام تقوى 34]

هدا بخل منكم ماحسبتكمش هكدا

[melissa lola]

نوغمالمون حاجة تقليدية احنا نديرو الرشتة

[ام يس77]

انادرتالغداء كسكس اما العشاءفحاجة خفىفةو مع السهرة ان شاء الله شاي بالمقروط لي ناوية نخدمو

[البحر الصافي]

حنا نديرو بربوشة حمراء وساعات نديرو تليتلي او شخشوخة المهم حاجة تقليدية تلم العايلة

[ملاك ملاكي]

صباح الخير اختي ان شاء الله نهارك طيب
وااااش بيك زعفتي وقلقتي انعلي الشيطان لعنة الله عليه
حبيبتي احنا عاداتنا كي قالت الاخت لاااازم حااااجة تقليدية واحنا في دارنا كنا حضرنا الشخشوخة قبل بثلاثة ايام وحطيناها في الكونجيلاتور
وياك تعرفي احنا البنات وخاصة مع اخواني الله يحفظهم يحبوا حاجة خفيفة يقلشوا رواحهم هاهاهاها
واش راه يرور في رتسي حاليا لاني في الخدمة هاهاهاها ممكن نضيف بودان وكا مقبلة لي كورني او لي كراب لاننا نموتوا عليهم واكيد اوردافر
اما اذا ناوية عجوزتي تجيني هذيك هدرة اخرى هاهاهاهاهاها اكييييد راح يكون le menu نتاعي متول خاهاهاها لانها تحب الحطة والتغييير نتاعي هاهاهاها
ان شاء اللله لي عودة للتأكيييييد باه ما تزعفيش وتقلقي منا
في امان اللله اختي
وسامحيني لانه طبعي مشاكسة ونحب نضحك نتمنى ما تزعفيش مني عفوا منك

[lilii7179]

كل عام و انتم بخير و جميع اعضاء المنتدى بخير و عافية
حنا نديرو اما شخشوخة الظفر او شخشوخة النعمة (نتاع البرانس) . و مرات للتغيير و كي نكونو توحشناها نديرو تريدة. على العموم المهم يكون طبق تقليدي.

[x ام رحاب x]

انا درت الشخشوخة المرقة طيبتها والمسمن مزال شوية وانطيبو علاخاطرش جايني الضياف

[fatisousou]

:dj_17: السلام عليك
انشاء الله كل عام وانتم بالف خير وانشاء الله اكون عام مربوح للجميع
احنا انطيبوا الرشتة ونزيد ندير قليل من الكسكس للعجوزتي
وندير الخفاف بالزبيب باه اكون عام خفيف
مع تحياتي للجميع :mh31:

[JOURI 1981]

انا ريحة ندير شخشوخة شوية سلاطة و فلفل مقلي و كل عام و انتم بخير

[ام عبدو و ملاك]

انا في دارنا يديرو المفرمسة يعني شخشوخة البساكرة بصح انا في داري ندير شخشوخة الضفر على عادة دار شيخي
و كل عام وانتم بالف خير

[ام تقوى 34]

شكرا لتفاعلكن حبيت تشاركونا فقط كل عام وانتم الى الله اقرب

[جيجلية]

السلام عليكم

كل عام وانتم بخير

انا ان شاء الله ناوية ندير كسكس الشعير بالعصبان

[moonkamar]

كل عام والمسلمين بخير اختي درنا المسفوف بالزبيب والتمر مع اللبن والحمد لله دمتم بصحة و عافية

[rasha holwa]

اختي احنا في غليزان مشهورين بالرقاق بالجاج لازم
و كاين اللي يدير الطعام تاني بالجاج
و كل واحد و عادته

[طالبة الجامعة]

حنا كسكسي وكاين اللي يديروا رشتة او شخشوخة

[hab12456]

حاجة تقليييييييدية