ابحث عن شريك بيتزيريا مع توفر الاجهزة

[azza1984]

سلام عليكم
ابحث عن شريك بيتزيريا مع توفر الاجهزة + خبرة لكن حاب شريك نفتحه معه في مكان عامر و مليح فيه نشاط

يدخل بكراء المحل + يريقلو من كلش + العمل
انا متريال + خدمة
نحوس مكان نتاع خدمة و فقط
و ربي يسهل :1:

[saber beussafer]

يا أخي أنا عندي محل في عين فكرون باغي نحول النشاط من سيبار إلى بيتزيريا المحل مليح و جاي في الطريق كانت حالة بيتزيريا بحدايا يخدم الله يبارك لكن مول المحل خرجهم قلت مادام خرجو و كانت عندهم الخدمة نحل أنا تاني و نخدم الرود لي ساكن فيه معروف بالكثافة السكانية أنا ساكن في عين فكرون ممكن تتصل بيا و نتفاهمو بالإضافة أنو المحل نتاعي يتوفر على كل المستلزمات ماء غاز المدينة توالات بالإضافة أنو عندي زوج مواشن نتاع لاكريم نخدم بيهم في الصيف و الخدمة ماشاء الله إتصل بيا نتفاهمو

[azza1984]

,وعليكم السلام اخي انا من ولاية بسكرة المحل نتاعك ولا كاريه

ثاني شيئ عين فكرون جهة ام لبواقي ؟
الكراج كبير شوي ؟
ثالثا بقالي حتان جانفي تفض الكونترة نتاع الكراج لي كاريه
ساتصل بيك و نتعارفوا مليح لانها شراكة و الشراكة تبنى على قاعدة صحيحة تكون ادوم و امتن
والله المستعان

[saber beussafer]

متشرفين خويا الكاراج نتاعي كنت حال فيه مطعم من بعد حول سيبار هادي مدة 4 سنوات بصح مات شوية السوق نتاع السيبار و الطعم نتاعي كان يخدم مليح بكري قلت نحول مطعم من جديد مي خممت كاينة بيتزيريا بحدايا غلقت و كانو يخدمو مليح قلت ندير بيتزا خير الحانوت نتاعي مهيش كبيرة بزاف بصح إذا تفاهمنا ممكن نقدر نزيد نوسع فيها شوية بغات خدمة بصح ماشي مشكل الغاز و الماء متوفرين التريسيتي عندي مام في الخرج مركب تيندا كبيرة الحانوت و برة كامل بلادال دوصول يعني شابة من برة و الداخل عندي كونتور تاع تريسيتي 380 بارسونال للحانوت علا خاطر كيما قلتلك عندي 2 مواشن نتاع لاكريم خدم بيهم في الصيف كاينة توالات تاني أكرمك الله الرود لي ساكن فيه أنا شاب بزاف يعتبر أكبر رود من حيث السكان في عين فكرون فيه 3 مطاعم بصح يخدمو غير الصباح بعد الظهر يغلقو يعني مع لعشية ماكانش واش ياكلو الناس إذا باغي مرحبة بيك تشوف و نتفاهمو و كلش بالمكتوب خويا

[azza1984]

اوكي خويا ربي يبارك كيما قتلك بقالي حتان جانفي باه تفض الكونترة نتاعي نبرمجلك زيارة لام لبواقي و نحكوا خير
راني متزوج جديد نخمم شوي

[azza1984]

على فكرة راني دخلت صفحتك نتاع الفيسبوك

[saber beussafer]

ok خويا خوذ راحتك راك عندك الفيس بوك نتاعي أنا تاني مانيش مقلق باغي نحل بيتزيريا معا لاكريم مرة وحد يعني حتى لجانفي راهي مساعدتني بزاف

[azza1984]

أين أنتم لي حاب نخدموا

[khereddine]

سلام خويا انا ثاني من بسكرة وحاب نخدم خليلي الفيس تاعك نحكيو ونتفاهمو مليح ولي فيها الخير ربي يسهل فيها

[azza1984]

مكانش مشكل خويا مرحبا بيك
صفحتي على الفيس بوك
barbair.dz

عبد الله الجزائري

[♥سهام♥]

ربي يسهللكم و يكون معاكم ان شاء الله نحب البيتزا كي تفتحو راني نجي ههههههههههههه

[tayeb32]

انا من المسيلة وعندي محلات وموقع رائع للعمل اذا ادت نتفاهموا لكن الاول ليقالك قبل وادا ماتفاهمتوش نتواصلوا ولي فيها الخيرربي يجيبها ان شاء الله وربي يكون في عونكم ان شاء الله...

[azza1984]

الله يبارك فيكم كل شيئ بالمكتوب
صدقــــــــــــــــوني نحب الجدية والصح نحب الفحل خدام ولد فاميليا يخاف ربي هذا ما نحوس

[أثيلة]

ربي يوفقكم اخي والله من النهار الاول نتبع في الموضوع نتمنالكم باب رزق في طاعة الرحمن و بجدية