ابنتي

[*ام ملاك*]

السلام عليكماريد السؤال على ابنتي عمرها 11 شهر قريب تكمل العام ان شاء الله لكن ماحباتش ومازالت ماتمشيش حتى الاسنان دارت غير زوج وغير كيف خرجو وكي نوقفها نمشيها ول نمدلها حاجة با تحكمها تحكم غير بصباعها السباسة والابهام وتبانلي فاشلة طبيب الاطفال قالي ماعليهاش لكن انا شفت لي قلمنها ولي في سنها الله يبارك ما يقعدوش في بلاصة ودايرين الاسنان تاع لفوق
على بالي المقارنة ميش مليحة وكل واحد كيفاه بصح توسوست

[radia25]

ربي يخليلك ملاك يا ام ملاك ما تقلقيش عليها عادي زي بنت خويا ما حباتش بدات طول تمشي وحتى كملت عام ولا كثر
الاطفال مشي زي بعضاهم ونهار تنوض تمشي تكرهي حياتك هههههههههههههههههههههههههه

[مريم مريامة]

ربي يحفظهالك ويكبرها في طاعته
حاولي تمسديها بزيت الزيتون
أنا عندي بنت أختي وصلت ل15 شهر ورجليها ماتحطهمش في الارض
حكمتها أمي مسدتها لمدة 15 يوم وكي روحت من عندنا عادت جداتها الاخرى تحكمها من يديها وتمشيها كسع مشات
وماتخفافيش ثاني عندي ولد خالتي 3 سنين الشهر الماضي باه عاد يمشي هو ماكبروش رجليه وكي راح للطبيب
قالها الطبيب العضلات تاعه مايتكسلوش عطاه الدواء ترخفوا العضلات عاد يمشي الحمد لله
ماتتقلقيش حنونة راهي تنبت السنين وتولي تجري ان شاء الله

[*ام ملاك*]

ربي يخليلك ملاك يا ام ملاك ما تقلقيش عليها عادي زي بنت خويا ما حباتش بدات طول تمشي وحتى كملت عام ولا كثر
الاطفال مشي زي بعضاهم ونهار تنوض تمشي تكرهي حياتك هههههههههههههههههههههههههه

شكررااا حبيبتي ربي يحفظك ويحفظلكم البنوتة

[*ام ملاك*]

ربي يحفظهالك ويكبرها في طاعته
حاولي تمسديها بزيت الزيتون
أنا عندي بنت أختي وصلت ل15 شهر ورجليها ماتحطهمش في الارض
حكمتها أمي مسدتها لمدة 15 يوم وكي روحت من عندنا عادت جداتها الاخرى تحكمها من يديها وتمشيها كسع مشات
وماتخفافيش ثاني عندي ولد خالتي 3 سنين الشهر الماضي باه عاد يمشي هو ماكبروش رجليه وكي راح للطبيب
قالها الطبيب العضلات تاعه مايتكسلوش عطاه الدواء ترخفوا العضلات عاد يمشي الحمد لله
ماتتقلقيش حنونة راهي تنبت السنين وتولي تجري ان شاء الله

ربي يخليك حبيبتي هي الحمد لله ماعندها حتى مشكل بصح ثقيلة ونمسدها بزيت زيتون دايما

[** أبو أسيد **]

مازال الوقت الذي تبدي تقلقي عليها كل طفل و نموه..

أسأل الله أن يجعلها من الصالحات

.... درك شوي وقت و تبدا تمشي و تجري و تهبلك بالخريب ..........

[*ام ملاك*]

مازال الوقت الذي تبدي تقلقي عليها كل طفل و نموه..

أسأل الله أن يجعلها من الصالحات

.... درك شوي وقت و تبدا تمشي و تجري و تهبلك بالخريب ..........

امين يا رب بارك الله فيك اختي

[Rati Ne]

السلام عليكم انا وليدي مشا في 15 شهر او ما حباش تاني و الاسنان عادي جدا ما عليها شر اختي ما تتقلقي ما والو وربي يخليهالك انشاء الله سلام:):)

[أم رقية نسرين]

و عليكم السلام و رحمة الله و بركاته
ختي متقلقيش خلاص. انا بنتي حتى قفلت 18 شهر باه مشات لي قدها كامل مشاو كي قفلو عام او اقل و كل واحد و كيفاه و الحمد لله راهي مابيها والو الله يبارك ونتي مشيها و حاولي تعيطيلها تجي عندك تكون مسافة صغيرة تمشيها و افرحي بيها بزاف باه دير الكوراج بصح في الأول غير مسافة صغيرة و متزيديش تبعدي حتى توالف هديك المسافة من كبريها بالشوية انا هكذا درت مع بنتي. لازمك الصبر

ربي يحفظها و يكبرها في طاعتو

[*ام ملاك*]

السلام عليكم انا وليدي مشا في 15 شهر او ما حباش تاني و الاسنان عادي جدا ما عليها شر اختي ما تتقلقي ما والو وربي يخليهالك انشاء الله سلام:):)

شكرااا عزيزيتي على الرد ربي يخليهولك ان شاء الله

[*ام ملاك*]

و عليكم السلام و رحمة الله و بركاته
ختي متقلقيش خلاص. انا بنتي حتى قفلت 18 شهر باه مشات لي قدها كامل مشاو كي قفلو عام او اقل و كل واحد و كيفاه و الحمد لله راهي مابيها والو الله يبارك ونتي مشيها و حاولي تعيطيلها تجي عندك تكون مسافة صغيرة تمشيها و افرحي بيها بزاف باه دير الكوراج بصح في الأول غير مسافة صغيرة و متزيديش تبعدي حتى توالف هديك المسافة من كبريها بالشوية انا هكذا درت مع بنتي. لازمك الصبر

ربي يحفظها و يكبرها في طاعتو

بارك الله فيك اختي انا ماتقلقتش خاصة منين قالي الطبيب ماعليهاش برك لي يشوفها يقولي راهي روطار

[أم رقية نسرين]

انا تاني كانو يقولولي هكا بصح انا كي ديتها للطبيب قالي نورمال حتى العام و نص نورمال. وولد خالي حتى مشى كي قفل عامين ربي يحفظهالك

[مشاعر صامتة]

ماتقلقيش روحك يا اختي
انا ثاني كنت خايفة على بنتي
بدات تمشي على 14 شهر
رايحة نعطيك وصفة ممكن تفيدك كانت عزوجتي ديرها بصح ما آمنتش بيها
كانت طيب الخبز بيوم الخميس وتخلي الخبز يعرق وبهداك الما كانت تمسح لبنتي رجليها باش رجليها يقساحو
عندي ولاد اختي بداو يمشيو على 9 شهر
كل واحد ودمو كيما يقولو

[0ibtissam]

سلام عليكم اـختي متقلقيش روح عادي ولدي دار العام عندو غير 02 اسنان لتحت ومزال ما يمشيش كل واحد وعلى حساب دمو

[kikimnarim2]

ما تتقلقيش حتى 18 شهر عادي خاصة اذا ترضع مليح وثاني vit d ان شاء الله تكوني درتيه في وقتو وبطريقة صحيحة