خبز الشعير [الأرشيف] - منتديات الجلفة لكل الجزائريين و العرب

مشاهدة النسخة كاملة : خبز الشعير

radia25

2015-10-12, 10:01

حنوناتي الشاطرات في الخبز حبيت نسقسي كيفاه يتخدم خبز الشعير الي زي خبز الدار الي عندها وصفة مليحة تبعتهالي

إكليل

2015-10-12, 10:13

السلام عليك و رحمة الله تعالى و بركاته.

أختي كاين طرق عدة لتحضير خبز الشعير..
و طريقتي كالأتي :

دقيق الشعير مغربل .
ماء للعجن
ملح
فنجان صغير زيت.

التحضير:
خلطي كمية صغيرة من الدقيق مع الماء و خليها تخمر مدة يوم كامل أو إذا كنتي مستعجلة مدة ساعتين و بعدما تكون خمرت ضفي باقي الدقيق و الماء و الملح و إعجني مليح حتى تتداخل جميع المكونات مع بعضها البعض و من بعد ضفي الزيت و شكليها قرصة صغيرة و طيبيها يا إما على الطاجين أو في الفرن حتى تتحمر مليح صدقيني تجي أممممممممممم هايلة.

إكليل

2015-10-12, 10:14

هنا كمية الدقيق تقريبا رطل تعطيك خبزة صغيرة

radia25

2015-10-12, 10:42

ربي يعيشك اختي حبيت تاني نسقسي لكان نقدر نحط الخميرة

إكليل

2015-10-12, 17:38

ربي يعيشك اختي حبيت تاني نسقسي لكان نقدر نحط الخميرة

تقدري تحطي الخميرة لكن في هذه الحالة الخبز راح يتفتت .

radia25

2015-10-13, 09:30

شكرا اكليل رايحا نجرب طريقتك ونزيد نجرب كي نحط الخميرة

crono

2015-10-13, 16:31

حنوناتي الشاطرات في الخبز حبيت نسقسي كيفاه يتخدم خبز الشعير الي زي خبز الدار الي عندها وصفة مليحة تبعتهالي

السلام عليكم معروف ان الشعير مفيد جدا للصحة , واكثر فائدة لمرضى السكري عافنا الله وشفاهم
ناس الشلف ايقولولو الحامضة أنا عملتها بطريقتين
الطريقة الاولى دقيق الشعير حسب الكمية التي تريدي تحضيرها وملعقتين خميرة فورية ملح ماء دافئ للعجن
تخلط المواد الجافة مع بعض ثم تعجن بالماء
تغطى وتترك لمدة ربع ساعة تقريبا
ثم نعود لها مرة ثانية ونعجنها بقليل من الماء , لانك ستجدينها تشربت الماء وجفت قليلا
فتعيدي عجنها من جديد اقسمي العجين على حسب ماتريدي وبين كل مرة ومرة تحطي ايدك في الماء حتى تستطيعي ان تتحكمي بالعجينة اكثر
ابسط كل وحدة وطبعا راح تحطي قليل من الماء قبل لاتحطي خبزة الشعير على سطح العمل اللي راح تبسطيها عليها وعدليها برفق وابسطيها براحة يدك وليس بأصابعك
حضري فوطة ورشيها بقليل من دقيق الشعير
ثم غطيها في مكان دافئ حتى تختمر ,مدة ربع ساعة تقريبا
سخني طاجين الطين جيدا على نار قوية ,ثم ضعي قرص الخبز إلى ان يتحمر ثم اقلبيه للجهة الثانية
الطريقة الثانية
لمرضى السكري بطريقة اسهل واسرع
مقدار حفنة من دقيق الشعير + ملح + ماء للعجن
يعجن الشعير بالماء وتكون العجينة رخوة نوعا ما
تترك ترتاح قليلا ثم سخني مقلاة تيفال على نار عالية شوي وابسطي العجين بملعقة من غير لا تدهنيها بزيت او شيء
لما تتحمر وتستوي اقلبيها للجهة الثانية
أو هاد وليدي يحبو تخلطي دقيق و فرينة و كاس من الشعيرو2 معالق كبار حليب بودر 1معلقة كبير سكر 4 معالق كبار زيت الزيتون ملح
ماء دافئ للعجن نخلط جميع العناصر و تعجن جيدا مع اضافة الماء تدريجيا تقسم العجينة الى كرات صغيرة ترمد في الشعير و توضع في
صينية مرشوشة بالدقيق تبسط قليلا تغطى و تترك لتختمر تم الى الفرن:19: والله يخرجلك روعة :19:
أسأل الله ان يشفي جميع مرضى المسلمين

radia25

2015-10-14, 08:30

ربي يخليك كرونو على هدا الشرح المفصل انا نحب خبز الشعير وكسكس الشعير خطراش مفيد للصحة

raboha

2015-10-14, 09:30

إمممممممم على خبز الشعير يجي يهبل
حنا يما تخدمو و أنا أول مرة خبزتها في داري كي نلقى الصور نحطهم بإذن الله
حنا نقولو نربو الخميرة نديرو كمية دقيق الشعير مع قرصة ملح و نخلوها تبات و إذا درتيها في نهارها خلطيها الصباح بكري
و بعد ساعتين زديلها الدقيق حسب العايلة و خليها ترتاح ساعة من بعد أخبزيها حنا نديروها رقيقة و نطيبوها فالطاجين تاع الطين
و تتكل باللبن و لا الرايب و الله متنشبع
وعد مني كي نلقى الصور نحطها موضوع قاع تشوفوها

radia25

2015-10-14, 09:32

ربي يخليك ربوحة على تفاعلك مع الموضوع في انتظار الصور

kadidou1980

2015-10-14, 09:35

نفس طلبي بارك الله فيكن