اطباق بدون لحم ودجاج [الأرشيف] - منتديات الجلفة لكل الجزائريين و العرب

تسجيل الدخول

مشاهدة النسخة كاملة : اطباق بدون لحم ودجاج

اسيل 2015

2015-10-11, 19:07

من فضلكم والله راني حاصلة في الكوزينة ماعنديش اللحم وحرت واش نطيب افيدوني جزاكم الله

nadjet boumaraf

2015-10-11, 19:10

ديري سوفلي ولا قراتان خضر

أم ريمة*

2015-10-11, 19:25

ديرى غرايف او عدس او لوبيا يندارو بلا لحم ولا دجاج ويجيو بنان او ليسوب كسكاس بلحليب والكابويا والله ما يتشبع ممممممم

رقة زمان

2015-10-11, 19:38

حكمي البطاطا قطعيها مربعات وديريها في الكوكوط وشويه ملح فلفل اسود شويه كمون وشويه زعفران وديريه نص كاس تاي زيت وديري كاس تاي نتاع ما وغلقي الكوكوط ونقصي عليها خلاااص امممم تجي بنينه وبالخف طيب

اسيل 2015

2015-10-11, 20:13

شكرا يا الشاطرات على الرد

ام سراج وملاك

2015-10-11, 20:45

غراتان البطاطا بالطماطم من وصفات حراير واش ذطيبتي ليوم لصبرينة المعروفة بام يسرا
اول حاجة ترابي الطماطم ضفيلها الملح + الفلفل الاسود + فلفل عكري + الثوم مفروم + الكسبر+الزيت +ملعقة صغيرة سكر في حالة الطماطم تكون حامضة خلطيهم تحبي تقليهم شوي فوق النار ولا تفرغيهم في صينية الفرن مباشرة من دون قلي
قشري البطاطا وقصيها دوائر رقيقة ملحيها وستفيها فوق الطماطم ثم اضيفي كاس صغير من الماء وزيدي شوي زيت
دخليها للفرن لما تشوفيها نشفت وبقالها شوي صوص وتكون طابت علبالكم البطاطا راهي تطيب بالخف خرجيها فرغي عليها خليط البيض المضرب مع المعدنوس والدبشة مقطعين + الملح + الفلفل الاسود والحليب وشوي فرينة ورشي عليها الجبن المرحي انا هنا معنديش

http://www.up.djelfa.info/uploads/144459267154161.jpg

رابط الموضوع راني مجربتها روعة

http://www.djelfa.info/vb/showthread.php?t=1712996&page=28

ام سراج وملاك

2015-10-11, 20:51

[كاينة ثاني لحريرة نتاعي تقدري ديريها بدون لحم تجي بنينة من وصفات حراير واش طيبتي ليوم

حريرة ام سراج و ملاك

اول حاجة تقطعي كلش بالموس مكعبات حبة بصل مقطعة + حبة طماطم الحب +2 حبات جيراوات + 2 حبات بطاطا + مغرف كبيرة طماطم الباط + فنجال عدس + فنجال روز انا كيلت بنتاع لحليب متوسط + زوج مغارف كبار فريك + شوي ملح وشوي زيت ونصف ربطة دبشة + شوي كرافس + توابل فلفل اسود + كروية + زنجبيل + دوا البرمة + فلفل احمر حار او حلو تقليهم مليح وتزيدي الماء وتخليهم يطيبو ومبعد ارحيهم بالرحاية ورجعيهم يطيبو زيديلها راس فلفل حار ورقات رند اذا حبيتي لحريرة خاثرة زيدي زوج مغارف فرينة خلطيهم مع الماء وزيديهم للمرقة لي تحبها بالجاج او لحم تقدر تزيدهم طعمها رائع بلا دجاج او لحم هي الوصفة مفيهاش اي نوع من انواع لحوم عليها حطيتهالكم خطراه سهلة وبنينة انا لحريرة لي درتها مفيهاش لكرافس مكانش عندي درت فيها غير دبشة شوي برك لي كاينة عندي

رابط الموضوع
[
http://www.djelfa.info/vb/showthread.php?t=1712996&page=40[/FONT]

ام سراج وملاك

2015-10-11, 21:12

اوملات بالطون awladi

من وصفات حراير واش طيبتي
فرغي علبة تون تاع الزيت وكسري عليها البيض من زوج حتى ثلاثة مع شوية ملح وخلطيهم مليح والى المقلى بدون ماديري زيت وخليها اطيب وكوليها كسكروط ههههههههههههههه مع هريسة

شكشوكة تاع المحاجبawladi

نقلي البصل الأخضر ونصفيه من جهة نقطع بطاطا صغيرة ونمزج المزجيين والى مقلة او طنجرة نخليهم يمتزجو مع بعض ونفقس عليهم البيض بلا مانخلط واكلة واجدة
الرابط

http://www.djelfa.info/vb/showthread.php?t=1712996&page=43

ام سراج وملاك

2015-10-11, 21:14

هاذي الوصفة ثاني من وصفات حراير واش طيبتي ليوم
شكشوكة السلق
غسل اوراق السلق جيدا بالماء والجافيل نقطعهم قطع صغيرة من جهة نقلي بصل مقطع مكعبات مع شوي ثوم وشوي زيت وشوي ملح وفلفل اسود وشوي كمون نضيفلو طماطم الحب مطعة مكعبات ومعاها نصف مغرف كبيرة طماطم الباط ممكن تستغناي عنها ومغرف صغيرة هريسة لتحب الحار نقليهم ونزيدلهم السلق مباشرة كي يطيبو نزيد بطاطا مقلية مكعبات و نضيف بيض حسب الكمية انا درت ثلاث بيضات مع شوي دبشة لي تحب تزيد اللحم المرحي تزيد انا مدرتوش

وهاذي ثاني شكشوكة سهلة حطيتها في كوزينة زينب نزيد نحطها هنا

شكشوكة عادية وسهلة التحضير

درت فيها حبا ت بطاطا مشرشمين يعني غليهم في الماء وقشريهم وقطعيهم مكعبات من جهة قليت البصل شرائح في شوي زيت وزدت معاه فلفل حلو مقطع صغير وحبة طماطم الحب وثوم وشوي فلفل اسود وشوي ملح وزدت بطاطا المشرشمة مقطعة وحطيتها فوقهم زادو طابو مليح تقدري تزيدي بيضات من فوق مع شوي دبشة
رابط
http://www.djelfa.info/vb/showthread.php?t=1712996&page=42

oum rayanedino

2015-10-11, 21:17

السلام عليكم انا وصفة معتمدتها و نديرها و رغم انها غير بالهضر لكن جي بنسنة بززززززززززززاف و كس يدوقوها ما يصقوش بلي بنينة بلا فينداشي او دجاج مهم الوصفة هي:
فلفل محشي بالخضر في الفرن
كرفجي 2حبات بطاطا 3 حبات قرعة 3حبات زرودية و الفرن حطي 2حبات باذنجان و خليهم ينشواو. في مقلة حطي بطاطا ممرفجة شوية ملح و شوية فلفل أسود شوية سكنجبير و خليهها تتقلى في شوية زيت و زبدة و ثم جزر و خليهم يتقالو من بعد اضيفي كوسى و خليهم يطيبوا مع تحريك مرة على مرة و حذاري تغطي المقلاة لان طعمها يتغير تماما كي طيب اضيفي البذنجال بعد ما تكون طابت نقشروها و نقطعوععا قطع صغيرة و نضيفوها للخليط ثم قصبىر و 3 حباة فرماج و اذا عندك بتسويس ضيفيه او زيتون لكن ليس ضروري اغسلي الفلفل و احشيه بهذا الحشو و اقليه من بعد قشريه في طبق يدخل للفرن حطي صلصة طماطم و حطي الفلفل و دخله للفرن و خليه يتشرب صلصة طماطم كي تخرجيه رشيه بمعدنوس و بصحتك
اختي الكريمة انصحك تجربي هدي الوصفة رائغة و بنينةبزاااااف و اهم اقتصادية جربيها و ادعيلي
معا للافضل

ام سراج وملاك

2015-10-11, 21:23

اختي هاذم بعض الوصفات لي متفكرتهم وبلا لحم ولادجاج وكاين بزاف في الجزء اللاول من وصفات حراير وثاني في الجزء الثاني كي تكوني قاعدة حوسي في الصفحات وان شاء الله تلقاي مطلوبك وثاني كاين غراتان بالبيشامل والطون لام رامي وان شاء الله كشما يزدو يفيدوك لبنات وانا عن نفسي كلما نتفكر اي وصفة راني نزور موضوعك ونحط الوصفات ونخليو موضوعك فهرس ونحطو فيه الوصفات لي تنفعنا ايام التشومير هههههههههه و كاين ثاني وصفة لمحاجب في الكوشة درتهم انا في وصفات حراير يجيو بلا لحم وبنان
راهم في رابط هاذا

http://www.djelfa.info/vb/showthread.php?t=1712996&page=54

ام سراج وملاك

2015-10-11, 21:27

تفكرت هاذي مالفة نديرها وتجي بنينة تهبل
هاذي الوصفة نتاع جريوات بنينة ان شاء الله تعجبك 5 حبات جريوات تسكرفجيهم في سكرفاج نتاع البصل تحطيهم يطيبو مع شوي زيت وملح وفلفل اسود وكمون و5 فصوص ثوم مسكرفجين ونصف كاس ماء على نار هادئةمن جهة تكوني قليتي 2 حبات بطاطا كبار قطعيهم مكعبات ضيفيهم لجريوات كي تطيب مع دبشة وزيدي ديري فوقها 4 حبات بيض وطيبيهم مليح
شفتي كلما نتفكر حاجة نحطهالك عجبني موضوعك

اسيل 2015

2015-10-12, 00:26

شكرا حبيباتي خاصة ام سراج وملاك تسلمي ياغالية وربي يحفضلك سراج وملاك

أم رقية نسرين

2015-10-12, 00:58

موضوع مفيد و الأروع تفاعل الأخوات بارك الله فيكم
وام سراج و ملاك جزاكي الله خيرا

ام سراج وملاك

2015-10-12, 10:07

شكرا حبيباتي خاصة ام سراج وملاك تسلمي ياغالية وربي يحفضلك سراج وملاك

امين ياغالية جزاك الله كل خير

ام سراج وملاك

2015-10-12, 10:08

موضوع مفيد و الأروع تفاعل الأخوات بارك الله فيكم
وام سراج و ملاك جزاكي الله خيرا

مشكووووووورة اختي ربي يخليك

ام سراج وملاك

2015-10-12, 10:11

زدت تفكرت هاذي تحكمي تفوري البطاطا دوائر مع شوي ملح وشوي فلفل اسود وطرف زبدة تستفيها في صينية فرن وديري بيشاميل من فوق مفوقو فرماج رابي ولا في بلاصة البيشاميل ديري شوي معدنوس وبيضات وشوي حليب ودخليهم للفرن البطاطا تقدري تشرشميها ماشي شرط تفقوريها

امّ اياد

2015-10-12, 15:20

استعملي جونبو راه يبنن كي يكون اللحم مكانش

fella987

2015-10-12, 17:39

الله الله راهم مدولك وصفات متنوعة غير حطيلنا واش خيرتي برك

ام سراج وملاك

2015-10-12, 19:28

هاذي ثاني الوصفة هايلة وبنينة جربتها من قبل كاينة في وصفات حراير واش طيبتي ليوم
بطاطا ل jia smile
من عيوني وصفتي للبطاطا ساهلة وطعمها امممم واهم شي يحبوها دارنا خخخ
تقطعي البصل مربعات وتقليهم مليييح على نار قليلة حتى يتكرمل البصل وهنا سر البنة
ممبعد في صحن تقطعي الطماطم دوائر ترابيلها الثوم كمية مليحة وتقطعيلها المعدنوس+فلفل اسود+ملح +شوية زيت تخلطيها
وتكوني نحيتي البصل بعد ماطاب وتحطي في نفس مقلة البصل تحطي الطماطم وطيب تاني على مهلها
تقلي البطاطا مكعبات ثم تضيفيلها البصل المكرمل والطماطم وتزيديلها البيض (البيض تضربيه مع رشة فلفل اسود +معدنوس +حليب)

http://www.up.djelfa.info/uploads/144467448473571.jpg

الرابط

http://www.djelfa.info/vb/showthread.php?t=1362108&page=101

الطالبة لين

2015-10-12, 20:25

يعطيك الصحة اختي

اسيل 2015

2015-10-21, 19:18

شكرا لتفاعلكم مع الموضوع

اسيل 2015

2016-07-30, 09:57

راني جربتهم والله كامل بنان يعطيكم الصحة حبيباتي

sunshine2013

2016-07-30, 11:13

ديري تورتيلا البطاطا
من الافضل تغلي البطاطا 3 حبات مبعد تقطعيها دوائر رقيقة او مكعبات صغار
من جهة دبلي حبة بصل او نص حبة كبيرة في زيت زيتون و تقدري تزيدي معاه فلفل مقطع صغير و كي يدبالو ضيفي البطاطا شوية ملح دوقي قبل شوية فلفل كحل و شوية معدنوس وومبعد كسري عليهم 4 حبات بيض مع رشة ملح و كاين اللي يزيد فرماج رابي و قلبيها كيما الاوملات
http://t1.gstatic.com/images?q=tbn:ANd9GcTY_6-8IxjnR_glhP9SDOfTIVaqHkvykz57Ad5C8gjuRpL6tqc1

اسما38

2016-07-30, 13:31

وصفات رائعة يعطيكم الصحة على الافكار

إيزابيل

2016-07-30, 13:49

استفدت منكم بارك الله فيكم

كريمة الجزائرية 48

2016-07-30, 14:14

حبيبتي والله يسلكوك غير اطباق الغراتان في الكوشة بلا لحم ويجو بنان هذا بذنجال هاذي بطاطا هاذي فلفلة هذا واش يسلكك

sunshine2013

2016-07-30, 14:24

العجائن تاني ملاح مثلا مقرون بصلصة الجبن
روز مفور بالخضر شوفي في النت
اصلا اللحم مش مليح الاكثار منو

ام سامي15

2016-08-04, 15:34

ربي يبارك ما شاء الله

piérre de lumiére

2016-08-05, 08:25

يعطيكم الصحة بارك الله فيكن

oumeima m

2016-08-05, 23:06

:mh31::mh31::mh31:روعة

أم سلوى

2016-08-05, 23:26

هايللللل.......