جامي ماتتزوجي براجل مريض

[chiraz16]

السلام عليكم اخوتي في الله

انا لااقصد بهاد الموضوع جرح احد وانما اسمعو واحكمو عندي اثنان من خواتاتي متزوجين برجال مراض واحد بالسكر واللازم والاخر يصفى الكلى كي جاء الاول يخطب في اختي قلنا الناس قاع يقدرو يمرضو وقبلت وتزوجت الان راهي دايما تعاني معاه لانو دائما مشغول عنها بمرضو ايلا ماشي السكر اللازم جا الاخر خطب اختى الصغرى زد رضات بقدرها وراحتلو مانكدبش عليكم قنعتها بعض الشئ لانها كانت مترددة من مرضو مرت مدة شهرين وبداو المشاكل بينهم كان انسان عصبي جدا طلقها بعد سبعة شهور زواج ورماها كيما يرمو الفضلة اعزكم الله قلت لحقها للدار وماطالها لامصروف كان عندها الف راك في البرطموني ديالها شئ يضحك ويبكي صح
هملا نقوللكم عندو 3 ايام ملي عاود اتزوج راهو يسكن غير قدامي جاري الحيط فلحيط غاضتني غير اختي ماحبيتش نقوللها ربي ينتقم منو واش نقول مزال مادارش العام ملي طلقها
والله غير غاضني الحال عندي طفلة قلت مع نفسي جامي مانزوجها مع واحد مريض ونعاود الغلطة الي غلطتها مع خواتاتي سامحوني ايلا كان بيناتكم واحد قستو بكلامي بصح الحرقة الي راهي في قلبي على خواتاتي خاصتا الصغرى واعرة


انتظر تدخلاتكم

[maghi]

السلام عليكم ورحمة الله تعالى وبركاته؛

بصراحة اختي الفاضلة لاتوجد علاقة بين المرض وسوء معاملة الزوج لزوجه،
فقد يكون الزوج في كامل صحته ومع هذا يظلمها.


بالنسبة للسكري والربو هما مرض العصر ويمكن التعايش معهما بسلاسة وهذه

حجة واهية لاهمال الزوج لاهل بيته، والعصبية الزائدة عن الحد ليست من

التاثيرات الجانبية للفشل الكلوي، والاصل ان يكون الاختيار قائما على اساس

الدين والخلق فلو ادرك زوجا اختيك حقوق الزوجة في الاسلام لاختلف الوضع كلية.

[visa uk]

يااختي هدا قضاء الله وقدره اوك صدقيني مكتوبها تتزوج بيه واخري ايضا ويطلقها وووووو كل وحدة ومكتوبها صراحة اما تاع تدعلو الله يهديك مش مليح تدعيلو نقولو واسا اختك ومرمدها الله يهديه وربي يعوض اختك براجل اشهم واحسن منو الف مرة كاين رجال زوالية وفحولة بزاف ووكاين رجال اغنياء مي 0 في التعامل ةوووووو ان شاء الله نلقا لي يتزوحها يسترها فقط
ادعيلي ان يتمم الله عليا بزواي من المراة التي احب وتحبني عن قريب وراك معروضين بحول الله تعالي الصبر ثم الصبر اختي حاس بيك نعرف بنات تزوجو وطلقو ورجعو لديارهم لوالديهم ومكتوب

[chiraz16]

السلام عليكم ورحمة الله تعالى وبركاته؛

بصراحة اختي الفاضلة لاتوجد علاقة بين المرض وسوء معاملة الزوج لزوجه،
فقد يكون الزوج في كامل صحته ومع هذا يظلمها.


بالنسبة للسكري والربو هما مرض العصر ويمكن التعايش معهما بسلاسة وهذه

حجة واهية لاهمال الزوج لاهل بيته، والعصبية الزائدة عن الحد ليست من

التاثيرات الجانبية للفشل الكلوي، والاصل ان يكون الاختيار قائما على اساس

الدين والخلق فلو ادرك زوجا اختيك حقوق الزوجة في الاسلام لاختلف الوضع كلية.





شكرا اختي الفاضلة على تدخلك حسيتك شوي حامية لكن اختي على حسب مااعرفه ان المرض يؤثر على الانسان حتى يصبح عصبي لاتفه الاسباب محطم كئيب
لدرجة يضر فيها من هم حوله وهدا حال طليق اختي بعد المرض وبشهادة اخته

[chiraz16]

يااختي هدا قضاء الله وقدره اوك صدقيني مكتوبها تتزوج بيه واخري ايضا ويطلقها وووووو كل وحدة ومكتوبها صراحة اما تاع تدعلو الله يهديك مش مليح تدعيلو نقولو واسا اختك ومرمدها الله يهديه وربي يعوض اختك براجل اشهم واحسن منو الف مرة كاين رجال زوالية وفحولة بزاف ووكاين رجال اغنياء مي 0 في التعامل ةوووووو ان شاء الله نلقا لي يتزوحها يسترها فقط
ادعيلي ان يتمم الله عليا بزواي من المراة التي احب وتحبني عن قريب وراك معروضين بحول الله تعالي الصبر ثم الصبر اختي حاس بيك نعرف بنات تزوجو وطلقو ورجعو لديارهم لوالديهم ومكتوب
اشكرك اخي على تدخلك ونتمنى لك الزوجة الصالحة الي تهنيها وتهنيك

[visa uk]

حمد لله راها كما تمنيت واكثر لول طيبة جدا وحنونة ربي يخليهالي ادعي فقط ربي يبعد علينا الحساد وصحاب القلوب الكحلة راهم كاينين لي يحبو يخربو فيها عليا ولكن حمد لله قوة الحب تاعها وثقتها فيا جعلتها تتمسك جد مراة تاعي خايف فقط ناس حساد اقصد هنا بنات راهم يشوشو عليها من عائلها مش مزوجين وكاين حتي مطلقات لااعرف ماحملوش رؤيتها تتزوج وعندها راجل ربي يهديهم بعض النساء الغيرة قتلتهم قلبهم يتمناو لمراة طيبة وعاقلة جدا يتمناولها اشياء مش جيدة اما خياتك الصبر بلاك يجيهم احسن

[maghi]

شكرا اختي الفاضلة على تدخلك حسيتك شوي حامية لكن اختي على حسب مااعرفه ان المرض يؤثر على الانسان حتى يصبح عصبي لاتفه الاسباب محطم كئيب
لدرجة يضر فيها من هم حوله وهدا حال طليق اختي بعد المرض وبشهادة اخته
اعتذر لحدة كلماتي...فعلا يؤثر المرض على الحالة النفسية للمريض...
اما ان يصل الحد لظلم الزوجة وتطليقها لسبب تافه واذلالها؟؟؟ ماذنبها حتى
يحملها وزر مرضه؟ هل اهله من تسببوا بمرضه؟
بالطبع لا...هذا مرده الى ضعف الايمان...
الراضي بقضاء الله وقدره يصبر ويحتسب الاجر على ابتلائه
ولايحمل الاخرين مالا طاقة لهم به،
اما بالنسبة لاختيك فالله لايضيع اجر المحسنين...سيعوضهما الله خيرا
ان شاء الله...دمت في رعاية الله وحفظه.

[Zaki Dilmi]

واش دخل المرض في الموضوع يعني لوكان كان لاباس بيه ميدرلهاش هكا ؟ بلاك كثر من هك
المهم ربي يكون معا اختك

[visa uk]

نعم اختي حتي مرضها مش سبب نضن في طلاق كاين ناس نعرفهم مراض اشد ومتحابين مع زوجاتهم ربما عقليته هاك وماتبدليهش واش تقولو ربي يصبرها ويعوضها وهو الله يهديه

[bounour21]

السلام1

المرض يأثر بعض الشيء نعم في نفسية الإنسان , لكن لآ أظن إلى هذه الدرجة { الطلاق } هذا راجع لشخصية الراجل . أو بالأحرى العلاقة بيناتهم

كنت أظن أن أصحاب البلاء أرق قلوباً . والواقع ربما يقول هكذا . لكن العكس في موضوعك . سبحان الله .

ربي يرفع عنا البلاء . وربي يرزقنا السعادة في الدارين . أمين

الخاتمة1

[مسلمة81]

اختي المرض ماعندو حتى علاقة والشي اللي صرالاختك الصغيرة راجع لشخصية زوجها الضعيفة من جهة ولسوء العلاقة اللي كانت بيناتهم و كون انو مريض هادا مايعنيش ما تعيشش معاه مليح الدنياهادي فيها المليح وفيها الدوني وياما كاين رجال مراض وعايشين متفاهمين مع نساهم و المرض يا اختي على كل واحد ربي يجيب الخير و يعوض اختك ما خير منو وهو ادا ظلمها وكيلو ربي

[arwa alaa]

يا اختي ربي يهديك بلاك كون تروحي لطبيب تلقاي روحك مريضة المرض مهوش عيب ودنيا راهي تدي وتجيب ولكان خواتك تعبو في زواجهم مشي بسبت المرض راهو كل شي مكتوب على اجبين
ليوم راكي لباس وغدوة معمبلكش واش كاين متقوليش هذاك مريض ولوخر لا اليوم لاباس غدوة معرف وكون الواحد يحوس في روح:يلق

[catia]

ممكن تتزوج بيه لاباس بيه او يمرض اذا كتبلها ربي المهم المعاملة والصبر

[chiraz16]

يا اختي ربي يهديك بلاك كون تروحي لطبيب تلقاي روحك مريضة المرض مهوش عيب ودنيا راهي تدي وتجيب ولكان خواتك تعبو في زواجهم مشي بسبت المرض راهو كل شي مكتوب على اجبين
ليوم راكي لباس وغدوة معمبلكش واش كاين متقوليش هذاك مريض ولوخر لا اليوم لاباس غدوة معرف وكون الواحد يحوس في روح:يلق

وعلاش هاد التجريح يااختي مايعلم بالحال او واش كاين فالقلب غير الي تقاس يخي انا قصدتكم وشفتي واش قلت كي بديت او كي كملت بلي الي قستو يسمحلي وعلاش تقوليلي نروح للطبيب ربي يسامحك الي جرا لعائلتي ماشي قليل وانا حكيت غير الي راني حاسة بيه

[chiraz16]

السلام1

المرض يأثر بعض الشيء نعم في نفسية الإنسان , لكن لآ أظن إلى هذه الدرجة { الطلاق } هذا راجع لشخصية الراجل . أو بالأحرى العلاقة بيناتهم

كنت أظن أن أصحاب البلاء أرق قلوباً . والواقع ربما يقول هكذا . لكن العكس في موضوعك . سبحان الله .

ربي يرفع عنا البلاء . وربي يرزقنا السعادة في الدارين . أمين

الخاتمة1

رغم كل شئ اشكر تدخلك بصح حبيت نقول بلي انا مارانيش ضد المرض بالعكس لو تعرفو شحال شجعت خواتاتي عﻻى ازواجهم لاني متفهمة وعلابالي بلي ملنا قادرين نمرضو والشئ الي غاضني في الموضوع انو طليقها معريفة زوجي ويسكن جنبي الحيط فالحيط وحات اختو خطبتني فيها وشجعتها بصح مايحس بالجمرة غير الي كواتو وانا جمرتي مزال مكوية خاصتا انو عندو 3 ايام ملي عرس وانا فالتاقة نسمع ماتخلونيش خاوتي نندم على اني حطيت الموضوع وتزيدو المي المين اعتدر ان حرحت اي احد وسلام

[arwa alaa]

يا ختي انا مقسدتش نجرحك ولا تجرحيني حبيت نقولك بلي المرض معندو ما دخلو
تقدر تديه سبع ومبعد يمرض وتقدري تديه مريض ويطول ربي في لعمر
وراني حاسةبيك مشي ساهل انك تدخلي في زواج كاش واحد حتى كون كملو اول مشكل يقولو دبارتك سامحيني مقسدتش نجرحك وكي قوتلك روحي لطبيب مقسدتكش انتي بذات حبيت نقول يقدر الواحد منى يكون مريض وميكونش عمبالو ختي ربي يخفف عليكم ونتي متلوميش روحك وراجلك بزاف انتي حبيتيلها الخير ومكتبش وبلاك ربي شاف فيها خير وربي يعوضها بلي خير منو ومرض معندو مدخلو راهي صدفة برك
ربي يكون معاكم وتتجاوزو هذي الازمة ...........اسفة ان كنت جرحتك مقسدتش

[visa uk]

اوك اوك ربي يهطلهم احسن مامنهم اما عاود زواج هادك حياتو الله يسهل عليه شعال من وحدة تطلقت وعاودت زواج ونحخت ماتزعفيش اختي شية صبر وايمان برك تتجاوز اشكال هو تبقاو تفكرو فيه تمرضو قتلك بلاك مش متفاهمنين اصلا بعضهم ومانجحتش الزواج والوف مانجحوش وكاين لي نجحو حسب عقليات وشخصيات ربي يفرج عليهم البنات ويتهناو ويديرو راجل وسترة لانو كلام صعيب خصوصا النساء والمرا يلزها الي يسترها ودراعها الراجل

[bounour21]

رغم كل شئ اشكر تدخلك بصح حبيت نقول بلي انا مارانيش ضد المرض بالعكس لو تعرفو شحال شجعت خواتاتي عﻻى ازواجهم لاني متفهمة وعلابالي بلي ملنا قادرين نمرضو والشئ الي غاضني في الموضوع انو طليقها معريفة زوجي ويسكن جنبي الحيط فالحيط وحات اختو خطبتني فيها وشجعتها بصح مايحس بالجمرة غير الي كواتو وانا جمرتي مزال مكوية خاصتا انو عندو 3 ايام ملي عرس وانا فالتاقة نسمع ماتخلونيش خاوتي نندم على اني حطيت الموضوع وتزيدو المي المين اعتدر ان حرحت اي احد وسلام

معك الحق أختِ . والله قصدت أكيد ربي شاف فيها خير . للأن أفعال الله بالعباد كلها خير .

إحتراماتي أختِ الكريمة .

[chiraz16]

يا ختي انا مقسدتش نجرحك ولا تجرحيني حبيت نقولك بلي المرض معندو ما دخلو
تقدر تديه سبع ومبعد يمرض وتقدري تديه مريض ويطول ربي في لعمر
وراني حاسةبيك مشي ساهل انك تدخلي في زواج كاش واحد حتى كون كملو اول مشكل يقولو دبارتك سامحيني مقسدتش نجرحك وكي قوتلك روحي لطبيب مقسدتكش انتي بذات حبيت نقول يقدر الواحد منى يكون مريض وميكونش عمبالو ختي ربي يخفف عليكم ونتي متلوميش روحك وراجلك بزاف انتي حبيتيلها الخير ومكتبش وبلاك ربي شاف فيها خير وربي يعوضها بلي خير منو ومرض معندو مدخلو راهي صدفة برك
ربي يكون معاكم وتتجاوزو هذي الازمة ...........اسفة ان كنت جرحتك مقسدتش



حصل خير اختي راه قليي صافي لكن هدا ممايمنعشش انو نفكروو مليح قبل مانهدروونجرحو الاخرين ماتزعفيش من قولي وربي يصفي قلوبنا دوما سلااام حبيبببتي

[chiraz16]

حمد لله راها كما تمنيت واكثر لول طيبة جدا وحنونة ربي يخليهالي ادعي فقط ربي يبعد علينا الحساد وصحاب القلوب الكحلة راهم كاينين لي يحبو يخربو فيها عليا ولكن حمد لله قوة الحب تاعها وثقتها فيا جعلتها تتمسك جد مراة تاعي خايف فقط ناس حساد اقصد هنا بنات راهم يشوشو عليها من عائلها مش مزوجين وكاين حتي مطلقات لااعرف ماحملوش رؤيتها تتزوج وعندها راجل ربي يهديهم بعض النساء الغيرة قتلتهم قلبهم يتمناو لمراة طيبة وعاقلة جدا يتمناولها اشياء مش جيدة اما خياتك الصبر بلاك يجيهم احسن


والله فرحتني ودعييتلكم من قلبي ويدوم المحبة بيكم العمر كله ويبعد عنكم العين الحسود امين

[visa uk]

شكرا اختي وانتي ثاني ان شاء الله تدي راجل علي حسابك نتي وماتصرالكش كما خواتاتك لول المؤمن لايلدغ من الجحر رتين