المعتمدية البليدة سبتمبر 2015

[men24]

أكتب التالي للافادة مثلما استفدت أنامن هذا الموقع.

السلبيات.:

*الأكل جد سيء.
*النوم شاليهات كبيرة في بعضها توجد الاضاءة و في البعض الأخر لا توجد.
*بلات فورم يعني ذالك أنهم في بعض الأحيان يأخذوننا لمساحة واسعة و يتركوننا هناك لساعات طويلة تحت أشعة الشمس.
*المراحيض وسخة جدا في بعض الأحيان و انعدام الانارة و الماء لاكن ليس كل يوم.
*في بعض الايام يتم ايقاضنا + اخراجنا في ساعات متأخرة من الليل فقط لحسابنا.

الاجابيات:

*المعاملة جيدة على العموم فقد كنا تحت اشراف الأسبيرون القدماء الذين احترمونا.
*في الشاليهات يوجد أسرة و أغطية للكل فلا أحد نام على الأرض.
*الفائض جد كبير.
*أطباء الثكنة حتى لو كانو قليلي الكلام الا أنهم يمررون كل الملفات الطبية للفحص المضاد بنسبة للأسبيرون أما السراجين يديروهم انابت مباشرة.
*التعرف على أشخاص من مختلف أرجاء الوطن الضحك و اللعب سوف تدركون مدى طيبة الجزائريين.

نصائح:

*حذو معكم أدوية الزكام السعلة و خاصة الاسهال لادياغي لأن الأكل يسبب الاسهال للأغلبية.

*الملف الطبي جد مهم فلا تنسوه طبعا للذين يريدون الخروج.

*خذو معكم هواتف بدون كاميرا + فيها مصابيح تورش.

ملاحظة:

*سوف أحاول الأجابة عن الأسئلة خاصة في جانفي و ماي المقبلين.

أرجوكم ما تخلطوش شعبان مع رمدان هذا التوبيك فتحته فقط للكلام على المعتمدية البليدة و فقط بنسبة للأسبيرون و السراجين فان كانت أسئلتكم تخص موضوع أخر فأرجو عدم نشره هنا . شكرا.

[Abdou25cne]

المعتمدية و 5 ، 5
و الله رحت عقبت فيها في ماي 2 يومين كارثثثثثثثثثة

[alilocherif]

شحال ميزان يطلبو هل صحيح فوق 54كيلو افيدونا جزاكم الله خيرا

[men24]

شحال ميزان يطلبو هل صحيح فوق 54كيلو افيدونا جزاكم الله خيرا


لا ليس صحيح فهناك قاعدة تحت 50 و فوق 100 يعتبر معفى لاكن في بعض الأحيان أكثر من 100 كلغ يجوز لأنه ببساطة الطبيب من يحدد من يوزن و من لا يوزن فاذن تقدر مثلا تكون 101كلغ وطويل بعضلات فطبيب لن يزنك.

[hotch]

لا ليس صحيح فهناك قاعدة تحت 50 و فوق 100 يعتبر معفى لاكن في بعض الأحيان أكثر من 100 كلغ يجوز لأنه ببساطة الطبيب من يحدد من يوزن و من لا يوزن فاذن تقدر مثلا تكون 101كلغ وطويل بعضلات فطبيب لن يزنك.

تسما لي يكون تحت 50 كغ يقدر يدي الاعفاء؟

[no name rix]

أسوء ثكننة في العالم

[men24]

تسما لي يكون تحت 50 كغ يقدر يدي الاعفاء؟


نعم لاكن كاين مشكل واحد ماشي الكل يوزن الطبيب هو من يحدد لي يبانلو رقيق ولا سمين يوزنو . أحسن شيء دير ريجيم 48كغ أو 47 راك راح تبان

[yassinbob01]

الروطار خويا قداش ممكن نديرو

[goldavya]

salam 3alaykom khawtii nashoniii ! ana mazyoud ffi alger we noskon fi wahran alors ana taba3 lel service natinal ta3 bab el wad ki rohte njib l'ordre d'appel galoli raho fi wahran mba3da ki rohte le wahran chafte gendarme galoli chouf la liste masabtache ismiii ki hdarte m3ahom fi bab el wad galoli ma3adna mandirolak wali lel gendarme we madoli numéro ta3 l'ordre d'appel we la date galoli madholhom yhawsolak alors ki rohte le gendarme hawsoli fel les archives ma sabou walo gali roh le secteur ki rohte le secteur ma sabte walo doka raniii 7ayer 3toni 7al khawtiiiii allah yahfadkom

[yassinbob01]

خاوتي انا حاب نددير روطار شوية ولوردبال جات في 15 وانا حاب نروح في 24 لبليدة معتمدية يخي عادي

[firas_islam]

^ السلام عليكم اخواني
انا تاني بعثولي فيها وحاب نخدم ملف تاع كفالة وسقسيت واحد قالي متروحش حتى 15 فيفري وادفع الملف لمركز الخدمة الوطنية هل هذا صحيح ؟؟؟

[yassinbob01]

كاش واحد خاوتي رايح لبليدة معتمجية ولا تقول رلايج وحدي على الاقل منديقوتش الواحد تما

[men24]

روطار صاح مليح بصح فيه ريسك لأن يمكن يمدولك سورسي أو كيما صرات في سبتمبر لي فات داو لخرين و خرجو لولين.
في نفس الوقت ماعندكم حتى فايدة اذا رحتو بزاف بكري بل العكس يلبسوكم و تبداو تدريب قبل الوقت طبعا بالنسبة لي ماعندهمش ملف طبي أو دارو كنتر فيزيت و داروهم ابت.

اذا خلاصة لي ماعندوش دوسي ميديكال يروح بين 21 و 25 ينقس عليه لميزيرية و يكون عندو حض في الفائض أما لي عندو دوسي صحيح يروح عالبكري و يفريها

[DJamelMezaache]

هل المعتمدية هي enta ??
ما هي المدرسة الوطنية لتقني الطيران

[men24]

هل المعتمدية هي enta ??
ما هي المدرسة الوطنية لتقني الطيران

لا ماشي هي

[men24]

^ السلام عليكم اخواني
انا تاني بعثولي فيها وحاب نخدم ملف تاع كفالة وسقسيت واحد قالي متروحش حتى 15 فيفري وادفع الملف لمركز الخدمة الوطنية هل هذا صحيح ؟؟؟


بلاك دير هاد الغلطة في دفعة سبتمبر في حوالي 4 أو 5 أكتوبر عيطو لصحاب ملف كفالة و جمعوهم باش يحرجوهم في الفائض يعني هناوهم لأنه فالصح ملف كفالة يبطا بزااااااف

[pme19]

سنتوكل الله ونمضي مهما كان الأمر
جماعة قولونا وين جاية بالضبط، يعني كي ننزل في العفرون، قادر نحكم طاكسي ولا بيس يحطني عندها

[bibers12]

سنتوكل الله ونمضي مهما كان الأمر
جماعة قولونا وين جاية بالضبط، يعني كي ننزل في العفرون، قادر نحكم طاكسي ولا بيس يحطني عندها

نعم اخي كي تنزل في العفرون احكم بيس لي يدي للبليدة وقولوا يحبسلك عند c.f.t.i

[bibers12]

خاوتي انا حاب نددير روطار شوية ولوردبال جات في 15 وانا حاب نروح في 24 لبليدة معتمدية يخي عادي

اذا ما عندكش ملف طبي او كفالة ولست كبير في السن روح جوايه 25 جانفي لانو العام لي فات جانفي 2015 المدرسة غلقت يوم 27/01/2015وما تنساش ادي معاك ملعقة والله يكون في عونك

[مواضيع بكالوريا]

momken soual akhi
sahbi be3toh femma aspiron
3ando les varize
3anndo awlawiya yekhrej wella la!!