لي عندها خبرة في الطب أو طبيبة تجاوبني

[أم رقية نسرين]

السلام عليكم
انا ولادتي كانت قيصرية و الطبيبة تاعي قاتلي من قبل بلي نزيد طبيعي. بصح انا كي بداني الوجاع. و بدا يقوا عليا طلعت للسبيطار و كي شافتني القابلة لقاتني تحليت 4 اصابع و قاتلي لازمك 10 باه تولدي و بقيت نستنى من بعد عيطولي باه يزيدو يشوفوني و كانو اغلبهم قابلات متربصات. كي جات وحدة تشوفني و اسمحولي على التعبير غير باه نوضح يعني كي دخلت اصبعها تطرطق ماء الجنين بقوة هائلة ولات تخلعت هذيك القابلة و كانت صغيرة و قاتلي نديرولك عملية قيصرية كي سألتها قاتلي الماء أخضر و نخافو الجنين يتخنق. و من بعد دخلوني لغرفة العمليات و حتى حطوني فوق الطابلة و آلام الولادة مازالت حتى خدروني و كان التخدير جزئي

المهم كلشي كان مكتوب لي كتبو ربي انا برك حبيت رأي مختصين في الصحة و ياريت يكون من طبيبة. لأنو مالفة نستشير الأخت ميري بصح راهي غايبة عندها مدة يا ربي ترجعلنا بالسلامة

شكرا لكم مسبقا و بارك الله فيكم

[maymay]

أختي مافهمتش وشي هو استفسارك؟

[mina1333]

السلام عليكم ورحمة اللّه وبركاته
الحمد للّه على سلامتك أختي ومبروك ما زاد عندك .جعله اللّه من عباده الصّالحين.
نعم أختي إذا كان السّائل أخضر فهذا يذل على معانلة الجنين داخل الرّحم ويجب إخراجه يسرعة ولهذا كان لزاما إجراء عملية قيصرية لأن اتّساع عنق الرحم كان في 4 أصابع وحتّى يصل ل10أصابع يكون الجنين في خطر.
وأيضا عند الولادة العادية يمكن أن يمر هذا السال لرئته ويسبب أضرار
أتمنى أن أكون أفدتك ولو بالقليل .شفاك اللّه وعافاك

[أم رقية نسرين]

أختي مافهمتش وشي هو استفسارك؟




حبيت نعرف اذا كانت القابلة هي السبب في سيلان ماء الجنين و هل العملية كانت ضرورية
شكرا لمرورك

[أم رقية نسرين]

السلام عليكم ورحمة اللّه وبركاته
الحمد للّه على سلامتك أختي ومبروك ما زاد عندك .جعله اللّه من عباده الصّالحين.
نعم أختي إذا كان السّائل أخضر فهذا يذل على معانلة الجنين داخل الرّحم ويجب إخراجه يسرعة ولهذا كان لزاما إجراء عملية قيصرية لأن اتّساع عنق الرحم كان في 4 أصابع وحتّى يصل ل10أصابع يكون الجنين في خطر.
وأيضا عند الولادة العادية يمكن أن يمر هذا السال لرئته ويسبب أضرار
أتمنى أن أكون أفدتك ولو بالقليل .شفاك اللّه وعافاك


الله يسلمك ختي بارك الله فيك انا بنتي درك عندها عام و نص الله يبارك فقط حبيت نعرف
يعني ختي ربي جعل
القابلة سبب باه سال هذاك الماء و شافوه بلي أخضر و هو خطير على الجنين ؟ يعني هوما مايقدروش يعرفو لون ماء الجنين بليكوغرافي
ومعليش تقوليلي ماء الجنين في الحالة العادية كيفاه يكون
ربي يجازيك

[mina1333]

في الحالة العادية ماء الجنين شفاف
في حالة معاناة الجنين يصبح أخضر

[أم رقية نسرين]

بارك الله فيك ختي
كيفاه معاناة الجنين

[mina1333]

Wa fiki baraka
Souffrance foetale

[أم رقية نسرين]

شكرا لاهتمامك ختي

[Simassim]

السلام عليكم ورحمة الله. اختي. الماء يكون لونه مايل للصفورية شوي وفاتح. واللون الاخضر يعن وجود خطر على جنين ومدام كنت مازلت على الولادة كان لاااازم ديري عملية باقصى سرعة
وعادي فاغلب الحالات الفحص يودي الى نزول الماء وحتى لوكانت الولادة عادية وتاخر الماء ماسالش. هم يحاولو ويحدتو ثقب فالكيس لي فيه البيبي باش ينزل الماء

واللون مايقدروش يعرفو اللون تاعه. الا اذا حبو يسمعو قلب البيبي ويتوضح انه في حالة خطرة. لي يشكو فالمشكل.

فالاخير قولي الحمد لله عسلاكك. مهما كانت الطريقة. طبيعية او عملية المهم السلاك

[أم رقية نسرين]

يحمد رايك عل الخير بارك الله فيك. الحمد لله كثيرا

[فايزة1207]

عمل القابلات كان صحيح اختي ما توسوسي روحك ماوالو

[أم رقية نسرين]

يعطيك الصحة ختي على المرور
هوما قبل الولادة تاعي بشوية استمعو لنبض قلب الجنين و ماقالوليش بلي كاينة حاجة مش نورمال و تاني كي شفت هذيك القابلة تخلعت و و ولات تعيط للقابلات الآخرين خفت تكون هي لي غلطت. هذا ماكان ختي

بارك الله فيك و شكرا لاهتمامك

[nadine lamara]

الحمد لله على السلامة حنونة و ان شاء الله بنتك سليمة معافات هذي غيبة اخت طالبة عندي عامين ملي تعرفت عليك و على ما اعتقد كان عرسك في الششتا تزوجتي و وليتي ام الله يبارك معرفة خير

[حنين فتـاة]

السلام عليكم
الحمد لله على سلامتك اختي
ايه اختي السائل الاخضر لازم فورا يديرولك عملية قيصرية والقابلة مكانتش سبب في سيلان الماء اخضر حتى انا القابلة كي دخلت يدها طرطق الما بصح كان صافي وولدت ولادة طبيعية

[أم رقية نسرين]

الحمد لله على السلامة حنونة و ان شاء الله بنتك سليمة معافات هذي غيبة اخت طالبة عندي عامين ملي تعرفت عليك و على ما اعتقد كان عرسك في الششتا تزوجتي و وليتي ام الله يبارك معرفة خير

الله لا يغيبك حبيبتبي و
يبارك في عمرك و الشرف ليا.
صح كان عرسي في الشتاء من بعد تأجل حتى لجوان درك فاتو عامين و الحمد لله راني ام

[أم رقية نسرين]

السلام عليكم
الحمد لله على سلامتك اختي
ايه اختي السائل الاخضر لازم فورا يديرولك عملية قيصرية والقابلة مكانتش سبب في سيلان الماء اخضر حتى انا القابلة كي دخلت يدها طرطق الما بصح كان صافي وولدت ولادة طبيعية


الله يسلمك ختي. و ربي يحفظ ما عندك

[fofa08.ss]

الحمد لله على سلامتك

[nihal159]

أنا ثاني صرالي كيفك؛ لكن الما ساح وحدو وكي شاف الطبيب اللون أخضر؛ رجع يعيّط على القابلة وقاللها وجديها بزربة للبلوك؛ كانت لحظات صعيبة؛ مت بالخوف؛ لكن المهم كي سلكت أنا و البيبي.

[أم رقية نسرين]

الحمد لله على سلامتك


الله يسلمك ختي ربي يعيشك

[أم رقية نسرين]

أنا ثاني صرالي كيفك؛ لكن الما ساح وحدو وكي شاف الطبيب اللون أخضر؛ رجع يعيّط على القابلة وقاللها وجديها بزربة للبلوك؛ كانت لحظات صعيبة؛ مت بالخوف؛ لكن المهم كي سلكت أنا و البيبي.



الحمد لله كي سلكتي و بيبيي. انا تاني مت بالخوف و الحمدلله جاز كلشي و الله لا يرد هادوك الايام