كيكة دانت

[أم محمد علي]

سلام عليكم ورحمة الله وبركاته
كيف أحوالكم ؟
اليوم جبتلكم كيكة دانت إلي رائعة وتهبل
بنينة بزاف
وأصل الوصفة لأم أماني http://www.djelfa.info/vb/showthread.php?t=994993
مع بعض التعديلات
نبدأ بسم الله :
سخني الفرن وابدئي
4بيض +1دانت أنا استعملت ذوق شكولاطة (بعدها اغسلي العلبة الفارغة وأعمريها ب+1زيت +3سكر +1خمارة نوارة +فاني +بشور القارص +2ملاعق كبار كاكاو +3فرينة مغربلة ونصف مايزينة
أدهني المول بالزبدة ورشيه بالفرينة وطيبي الكيكة تاعك
في كسرونة نطيبوا الشربات 2ماء +1سكر وكطيب طفيها وعطريها بالقهوة أو نيسكافي
وفي حمام مريم :نضع علبة شكولاطة وقطعتان زبدةبه تجي تبرق الكيكة وخليها تذوب مليح طفي للنار وأضيفي 1دانت
عند نضج الكيكة وتبرد مليح شربيها بالشربات
وبعدهافرغي الخليط شكولاطة ودانت من الفوق
وزينيها بشكولاطة رابي أو خليها هكاك كما تحبي

[أم رقية نسرين]

يعطيك الصحة والله منين نشوفها نقول نديرها. لأني من عاشقات الشكلاطة بجنون. بصح يحكمني التفنين
راني ديت منها

بصحتكم

[أم محمد علي]

يسلمك خفيفة وبنينة