مشكلتي زواجي منه

[مشكلتي]

سلام عليكم
مشكلتي اني تعرفت على شخص واحببنا بعضنا جدا وهدا كان من عامين
تواعدنا على الزواج بمجرد ماتتحسن ظروف عمله بحكم انه متخرج من الجامعة ن 4سنين ولم يجد عمل
كان يعمل لكن ليس عمل مستقر ومؤخرا بدا العمل في مكتب محاسبة براتب بسيط
بعدها مباشرة طلب اخبار اهلي بتقدمه لي ورغبته في احضار اهله
تكلمت مع امي ولم اكن انتظر ردة فعل هكدا ثارت في وجهي رافضة اياه مع انها لاتعرفه
قالتلي يعتبر مهوش خدام وتريده ان يوفر لي بيت بمفردي مع اننا تفاهمنا العيش مع اهله الى حين نكون نفسنا ونديرو دارنا وحدنا
هدا عداا عن سبب البعد بحكم انه من ولاية اخرى تبعدنا حوالي 200 كلم
حاولت اقناعها بشتى الطرق لكن دون جدوى، انا متعلقة بيه لانه انسان ماشاء الله وطموح لكن بخصوص العمل الكل نشوفو في بلادنا
مع سياسة التقشف من الصعب الحصول على وظيفة عند الدولة يعني من يجد عما يتمسك بيه حتى يجيبله ربي ماخير
كفته نقنعها ونقنع اهلي بيه ، صليت صلاة الاستخارة شحال من مرة ولا شي بان
عاونوني بنصائحكم ماتبخلونيش

[اسعى لرضى الله]

سلام اختي

نقولك ربي يفرج عليك ويسهلكم في لحلال ويجمعكم في دار وحدة

اما نصيحتي نقولك يا ختي تمسكي بيه مادامكي تحبيه وباغية تكوني معاه وادعي ربي قومي الليل باش يسهلك ربي معاه ويقبلو داركم بيه

المهم متفقديش الامل ومتبعيش مك صح ممكن راها خايفة عليك وباغية تشوفك مرتاحة مي بلادنا اكي شتي كلش صعيب ومش ساهل باش يكون ليه دارو وحدو ولا يكري حتى الكراء غالي ياربي لا لقا راتب مليح ثم معليش بصح لا يسلك مليون ونص ولا 2 ملاين ويروح يكري مش حكاية اصبري عليه ويفرج ربي ان شاء الله والحوايج كامل يجيو مع لوقت المهم يكونو بالحلال هداك هو لمهم ’,المهم يهنيك وتكوني نتي قانعة بيه وبالوضع تاعو وتكوني متفهمة وباذن الله يجمعكم ربي في لحلال عاجلا غير اجل وادعيلي معاك حتى انا دعوة في ظهر الغيب

[نيفرتيتي.]

اختي تمسكي بيه وحاولي تقنعي امك
حاولي انه يهدر معاها واحد اخر
ولا هو يروح يهدر مع ابوك يمكن بكون عنده راي اخر

[nawelg1]

يا اختي ماماك عندها الحق متبعيش عواطفك كوني منطيقية في تفكيرك الحب ماهوش كل شي نهار تكونوا مع بعضاكم و تتصدمو بالحياة الواقعية و صعوبتها و متطلبات الحياة و لولاد راه تتجمد مشاعركم و انت تظني بلي كي تعيشي مع اهلوا ساهلة والله غير صعيبة بزاف راه تفقدي حوريتك وماتكونيش مرتاحة حتى في لباسك و اكلك و زيد لبعد على اهلك راه يزيد عليك و راه تلقاي عادات مختلفة عليك و زيد الوضع المادي عيان تقدري تتحملي هذا كول والله غير صعيبة اسفة على قس
وتي معك ولكني ناصحة امينة.
ملاحظة: ممكن تكون امورك مليحة معاه ولكن احتمال النجاح ضعيف

[Zahra 30]

ربي يفرج عليك و يرزقك الحلال معاه إن شاء الله

[dalim13]

قال رسول الله صلى الله وعلية وسلم (ما رأيت للمتحابين خيرا من النكاح)

[ikram13]

ربي يفرجها عليه باحسن ما هو عليه

[الشكورة]

السلام عليكم
يا اختي ادا كان نصيبك ستكونان معا انتي يجب ان تجدي طريقة ترضي امك لانها الوحيدة التي تريد مصلحتك
اما هو يجب ان يطلبك من ابيك ادا كانت نيته صادقة لان هده العلاقة بينكما غير جائزة .الله يسهل عليكم

[oum imane83]

ربي يسهل ويجمع بينكما في الحلال..

[naamane3]

عامين وانت على علاقة غير شرعية
لذا وقفت امك في وجهك
وهاذا يعتبر عقاب لك من ربك
اقطعي هذه العلاقة تماما
واستغري الله كثيرا على ما بدر منك
حتى اذا رضي عنك ارضي عنك امك
ورزقك به او بخير منه

[mouslemkhirouni]

مجتمع متخلف جدا لا يفكر إلا في الماديات وهذا سبب من أسباب كثرة العنوسة في الجزائر ...... قالتلها دار وحدك وخدمة مضمونة ربي يهديك الدار راهي بمليار و السيد متخرج عندو 4 سنين و يخدم براتب متواضع و هي تقلها الدار وحدك والله مجمع جاهلي و متخلف جدا جدا جدا

[raghado]

ربي يجمع بيناتكم بالحلال ان شاء الله وحاولي وفكري بطريقة لاقناع امك امك وانتب ادرى
بشخصيتها لازم كاين منفذ تدخليلها منو باش توافق

[samir sirl]

ربي يفرج عليك

[MiSsoU23]

يا اختي ماماك عندها الحق متبعيش عواطفك كوني منطيقية في تفكيرك الحب ماهوش كل شي نهار تكونوا مع بعضاكم و تتصدمو بالحياة الواقعية و صعوبتها و متطلبات الحياة و لولاد راه تتجمد مشاعركم و انت تظني بلي كي تعيشي مع اهلوا ساهلة والله غير صعيبة بزاف راه تفقدي حوريتك وماتكونيش مرتاحة حتى في لباسك و اكلك و زيد لبعد على اهلك راه يزيد عليك و راه تلقاي عادات مختلفة عليك و زيد الوضع المادي عيان تقدري تتحملي هذا كول والله غير صعيبة اسفة على قس
وتي معك ولكني ناصحة امينة.
ملاحظة: ممكن تكون امورك مليحة معاه ولكن احتمال النجاح ضعيف

والله يا أختاه من باب خبرتي وش قالت هذه الأخت صحيح و ركلي أمرك لربي هو سبحانه اللي يعلم اين هو الخير

[mohamedmech]

عليك بالدعاء ، اقرئي يوميا سورة البقرة كاملة مدة 21 يوما وادعي بعد انتهائك من القراءة، وبإذن الله سوف تقبل أمك ، كثير من الفتيات اشترطن العمل في الزوج لكنهن بعد سنوات تنازلن تلقائيا عن الشرط، والرزق بيد الله، أعرف كثيرا من الأشخاص بعد الزواج بسنوات حصلوا على وظيفة. بل حتى بعد أن تزوج أبناؤهم .ربي يفرج عليك.

[Hillin]

أختي ديري حاجة ف بالك الزواج من غير رضا الوالدين "معاناة وفشل" للمدى البعيد
اصبري ودعي ربي وثق تمام الثقة في حكمه
ان راى لك في ذلك خير ديري في بالك والديك رايحين يغير رأيهمم بدون تدخلك
ان امر الله بشئ ان يكون فسيكون
لا تتسرعي وتندفعي وراء عواطفك
الصبر الصبر و الدعاء
بالتوفيق باذن الله

[mooon]

إن شاء الله
نعطيك حل يعاونك مدامك قلت انو إنسان مليح
خليه يتعرف على باباك ولا خوك وهوما راهم يميزو

وأكيد راح يغيرو رأيهم ويقدرو يقنعو أمك
بالتوفيق

[imanecristal]

الرزق بيد الله

[نصيرة الإسلام]

عامين وانت على علاقة غير شرعية
لذا وقفت امك في وجهك
وهاذا يعتبر عقاب لك من ربك
اقطعي هذه العلاقة تماما
واستغري الله كثيرا على ما بدر منك
حتى اذا رضي عنك ارضي عنك امك
ورزقك به او بخير منه

إن شاء الله
نعطيك حل يعاونك مدامك قلت انو إنسان مليح
خليه يتعرف على باباك ولا خوك وهوما راهم يميزو

وأكيد راح يغيرو رأيهم ويقدرو يقنعو أمك
بالتوفيق
أنا مع رأي الأخوين
غفر الله لك و وفقك لما يحب و يرضى
السلام عليكم

[RB59711]

مدام السيد عاجبك و جا لباب الدار اوقفي معاه وحاولي تقنعيها بشتى الوسائل . بالتوفيق

[نسيم الريح ش]

الحلال مليح خاصة واحد باغيك كي يوافقو والديك توكلي على الله وتعاونو على الدنيا