كيفاش نعمل حفلة طهارة وليدي

[أم آدم و دارين]

مرحبا حبيباتي
راني ناوية إن شاء الله نطهر إبني الوحيد إذا حب ربي في هذا الربيع و راني ناوية نعمل عشاء للأقارب فقط أهلي و أهل زوجي و من بعد نطهر وليدي العزيز و كي يرتاح ناوية نعمل قهوة نلايم فيها جميع الحباب باه واحد ما يغيضو الحال :d لكن المشكل أني ما عنديش إكسباريونس في الحفلات :1:على خاطر أول مرة رايحة ندير حفلة و حابة نديرها كلاس لكن ما علاباليش كيفاش .. أفكاري مشوشة .. و معنديش خطوات ثابتة باه نتبعها .. لذاحابة نسقسي عضوات المنتدى الكريمات اللي عندهم خبرة يعطيوني أفكار بالتفصييييييييل نقدر نمشي عليها باه ندير حاجة حطة كيما راني نيماجينيها ربي يعيشكم ما تبخلوش علي بأفكاركم و إذا كان فيه صور ماذا بيا ألف بوسة و مشكورين مسبقا

[البحث هن العلم]

ربي يفرحك بوليدك ويطول في عمره
كفكرة بسيطة عملتها في طهارة وليدى ما تنسايش الاطفال دير لهم حاجة خاصة مثلا ساشيات مزوقين فيهم المايس او حلويات وقسميهم عليهم ويكون وليدك حاضر صدقيني عندها صدى رائع على نفسية طفلك

[ام رويدة]

يا اختي اول شيء لازم تبدأ بالدار تنقيها وترتيبها مليح
وممبعد دوري لماعن شوفي واش خاص شريه ولا سلفي
كما السنوات ولي ترمو

كي يقرب الموعد
قلت ندير عشا نظن ما سالتيش على العشا
بالاك راكي موجودة الأفكار
نعطيك على القهوة...قبل بعشر أيام
بداي الحلوى
اكتبي قائمة الأنواع
ثم قائمة المستلزمات لكل نوع
من بعد أشريهم
حمصيه اللوز تاعك أو المكسرات اللي راح تستعملي ورحيه
وبداي
ديري تاع القهوة قبل 3 انواع قاطو ساك
تقدميهم في الصحون
و 4أو 5
في ليبوات
ونوعية بين معسل ومسكرووو

ومبعد تاع لتااي عملي 2 أنواع ولا3
وتاع القازوز خليها في الأخير
وجدي عجينة مورقةة
ديري لي سالي
ونوع حلو كما قاطو اسبانيول ولا رولي ولا بغرير الناس تحب بزاف
لي عودة إن شاء الله ديشارجاتلي التابلات
وأي استفسار تفضلي اختي
وربي يعينك والف مبروك مسبقا

[أم آدم و دارين]

ربي يفرحك بوليدك ويطول في عمره
كفكرة بسيطة عملتها في طهارة وليدى ما تنسايش الاطفال دير لهم حاجة خاصة مثلا ساشيات مزوقين فيهم المايس او حلويات وقسميهم عليهم ويكون وليدك حاضر صدقيني عندها صدى رائع على نفسية طفلك
شكرا حبيبتي فكرة مليحة نطبقها إن شاء الله ربي يفرحك

[أم آدم و دارين]

ربي يخليك أختي أم رويدة أنا ما سقسيتش على العشاء على خاطر حابة نديرو أنتيم بين عايلتي و عايلة زوجي فقط أما الحفلة فناوية لا كتب ربي نديرها في لا صال ..أفكارك عجبتني حبيت نعرف لا غوسات تاع القاطو إسبانيول غلى خاطر ما نعرفوش .. و أعطيني أفكار على واش نحط في السني نتاع الحنة .. راني نستنا عودتك..دمت

[ملاك ملاكي]

سلا عليكم اختي
اولا كل شئ مبروك وربي يسهل ويتمم على خببببببر ان شاء الله وربي يحفظك لوليدك وتفرجي بيه وهو ربي يبقي عليه الستر ويحفظه
اختي انا مع اني صغييييرة على المناسبات ولكن نحبهم هاهاها وانا تاني نموت على الحطة والابداع وخاصة كي قلتي مدام اول مناسبة ليك وعندك وليد واححححد تلله يحفظه مدابيك كل شئ نتاعك يكون فووووور
اختي بالنسبة للقهوة انا لو كنت مكانك
مخبز يكون باللون مناسب للحفلة يكون مثلا القلاساج ابيض والدكور يكون باللون الازرق الفاتح
المقروض والقريوش بالنسبة ليا هما الرسمي وشباح السنيوة
قاطو خفيف متلا صابلي ويكون مديكوري ملييييح وزيدي نوع اااااخر
اطوي لي سارفيات نتاعك بشكل يناسب نوع المناسبة نتاعك
اختي شوفي مواضيعي رانا حااااطة انواع من الحلويات خاصين بمناسبة خطوبتة وفاتحتي ونجاح اخي ممكن تعجبك حاجة ننصحك ديري طلة على مواضيعي
اييييييه وما تنسايش الطمبني وزينيها بطريقة زويييينو

بالنسبة لسنيييوة الحنة دبري فيها القشقش ما علباليش انتم واش تسموها وزينها بالشموع الصغيرة وضويها وكاين واحد الالعاب نارية اختي راهم يتتعملوهم خاصة في اعياد الميلاد مع الطورطات نتمنى نكون وصلتلك الفكرة ودوري على الطاولة نتاع السنيوة بالونات منفخة باللون الابيض والازرق باخ ديري جو لوليييدك واذا امكانياتك تسمحلك اشري قبعات للاطفال الصغار لي راح يكونوا بجانب وليدك باه تكون حاجة مختلفة على غيييرك وتزهي وليدك وتشوفي ضحكته
من بعد القهوة
ديري ديسار او كرااااام مع مشروبات وقاطو خفففففي انا عندي واحد نديره مع المشروبات والله بريزونتابل وبنننننننين اسمه لي شارلوت
وفي الخيييير كي جيو ضيافك مروحيييين اعطيهم حلوة دراجي في وااااخد لي بواط راهم اشكاااال كثييييرة في الاسواق مخصصة للطهارة وللعرايس الخ انت خيري الخاصة لالطهارة رخيري اللون الازرق
وعندي فكرة لو تعملي ولا تكومندي طارطة تكون مزينة بشكل كارتون كوميك هاهاهاها لي يحبه ولييييدك
عبالي كترت عليك هاهاهاها
عذرا لكن تفاعلت مع موضوعك وبديت نسرد في افكاري هاهاهاها اختي بالهناء واي استفستر راني هنا
وننصحك تشوفي مواضيعي في قسم الحلويات راهم كامل في سنيييوة هاهاها هاك باه تكون ليك نظرة نتمنى نكون افدتك
ولي عودة معاك للدردشة هاهاهاها واذا تفكرت حاجة نزيرلك هاهاهاها
يقولك راجلك بالناقص من هذه الحفلة فلستيني هاهاهاها
بالتوغيييق وبالبركة وربي يدوم الافرااااح ويبقي الستر

[أم آدم و دارين]

شككككرا حبيبتي ملاك على تفاعلك تبانيلي حنونة و ضريفة بزاف صحيتي على الأفكار عجبتني خاصة سنيوة الحنة و البالوووونات :19: بصح ما فهمتش واش هو القشقش :confused: فكرة التارتة ثاني فووووووووور
ربي يعطيك صحتك و أرجو التواصل معي.. الربيع ما زال بعيد كاشي ما شفتي كاشي ما تفكرتي قوليلي و ما تخميش على الراجل مفلساتو و ربي كبير ههه أرجو التواصل سلام

[ملاك ملاكي]

شككككرا حبيبتي ملاك على تفاعلك تبانيلي حنونة و ضريفة بزاف صحيتي على الأفكار عجبتني خاصة سنيوة الحنة و البالوووونات :19: بصح ما فهمتش واش هو القشقش :confused: فكرة التارتة ثاني فووووووووور
ربي يعطيك صحتك و أرجو التواصل معي.. الربيع ما زال بعيد كاشي ما شفتي كاشي ما تفكرتي قوليلي و ما تخميش على الراجل مفلساتو و ربي كبير ههه أرجو التواصل سلام

صباحوا اختي ان شاء الله نهااارك زييييين
شكرا اختي على مجاملتك الله يحفظك
اختي لاشكر على واااااجب والله على العين والراس
ربي يحفظك ويحفظلك وليدك ان شاء الله تفرحي بيه ويكبر ويولي رااااجل تبااااارك الله ربي يبقي الستر ان شاء الله
نعم دائما في الخدمة اختي وبربي اي جديد راح نفيرك بيه باذن الله
ما قلتليش شفتي مواضيعي ولا فنياااانة هاهاهاها قصدي ممكن تعجبك حلوياتي باه تسيدي واش راح الديري
اما بخصوص القشقشة مثل لي يريوها للعروس خليط الحلوة والدراجي والكاوكاو والمكسرات وغيره نتمنى فهمتيني
انا مايداتك هاهاهاها في الفلاس هاهاهاها خاصة مادام حابة حااااجة فووووور وكلاس
ربي يسهل ويتمم على الف الف خببييير وبالبرااااكة عليكم وربي يدوم الافراح
مي اختي ما تقوليش الربيع ماااازال الايام راهي تجري انت ما دابيك توجدي امورك في الضوء خيييير باه تلقاي روحك الاااااااز نفسيا وتفوتي مناسبة وليييدك على اتم المعنى
المهم انا هنا مع انه في الربيع راه نون في داري ان شاء الله وممكن اذا حب ربي نكون اوووونسسسسسانت هاهاهاها ونجيب بنية هاهاهاها ونجيو نخطبوا الروييييجل نتاعك لانه بعد الطهااارة ما يوليش رويييجل يوالي راااااجل ونص هاهاهاها
ربي يحفظكم ان شاء الله
اختي سامحييييني لكني مشااااكسة ونحب نضحك نتمنى تعذريني
في امان الله:19::mh31:

[أم آدم و دارين]

صباحوا اختي ان شاء الله نهااارك زييييين
شكرا اختي على مجاملتك الله يحفظك
اختي لاشكر على واااااجب والله على العين والراس
ربي يحفظك ويحفظلك وليدك ان شاء الله تفرحي بيه ويكبر ويولي رااااجل تبااااارك الله ربي يبقي الستر ان شاء الله
نعم دائما في الخدمة اختي وبربي اي جديد راح نفيرك بيه باذن الله
ما قلتليش شفتي مواضيعي ولا فنياااانة هاهاهاها قصدي ممكن تعجبك حلوياتي باه تسيدي واش راح الديري
اما بخصوص القشقشة مثل لي يريوها للعروس خليط الحلوة والدراجي والكاوكاو والمكسرات وغيره نتمنى فهمتيني
انا مايداتك هاهاهاها في الفلاس هاهاهاها خاصة مادام حابة حااااجة فووووور وكلاس
ربي يسهل ويتمم على الف الف خببييير وبالبرااااكة عليكم وربي يدوم الافراح
مي اختي ما تقوليش الربيع ماااازال الايام راهي تجري انت ما دابيك توجدي امورك في الضوء خيييير باه تلقاي روحك الاااااااز نفسيا وتفوتي مناسبة وليييدك على اتم المعنى
المهم انا هنا مع انه في الربيع راه نون في داري ان شاء الله وممكن اذا حب ربي نكون اوووونسسسسسانت هاهاهاها ونجيب بنية هاهاهاها ونجيو نخطبوا الروييييجل نتاعك لانه بعد الطهااارة ما يوليش رويييجل يوالي راااااجل ونص هاهاهاها
ربي يحفظكم ان شاء الله
اختي سامحييييني لكني مشااااكسة ونحب نضحك نتمنى تعذريني
في امان الله:19::mh31:
صباحك ورد يا بنوتتي الصغيرة
و مارسي بزاف على دعاوي الخير اللي دعيتيهملي لوليدي ربي يفرحك و يرزقك الذرية الصالحة و إذا جاتك طفيلة كيما قلت ماذا بيا نناسبك
و نعطيك وليدي لكن بشرط تكون مشاكسة كيما نتي .. أنا في الحقيقة لما شفت إسم عضويتك حطيت بلي عندك بنت إسمها ملاك .. لكن لما دخلت مواضيعك عرفت بلي أنت الملاك نتاع ملاكك الي هو خطيبك ربي يحفظو ..ربي يخليكم لبعضاكم ويتمم فرحكم بخير و على خير و يملا حياتكم بالتفاهم و الرضا
راني فعلا شفت تقريبا كل مواضيعك والله يبارك كلش هايل و بريزونتابل كي تكوني قاعدة ماذا بيك تعطيني الوصفات .. و عجبتني ثاني الشوكولا اللي هديتيها لخطيبك إذا كانت فوري قوليلي واش عملت داخلها..وراني فهمت واش هو القشقاش صحيتي بزاف على الإهتمام
ربي يهنيك و يتمم فرحك بخير و يغرسك في دارك غريس النخلة
و ماتزيديش تقولي سامحيني لأنني نحب البنوتات المشاكسات كيما انت و كيما تفاهمنا إذا جبت طفلة و كانت سامطة ما كان لاه تخطبي وليدي :d
سلام

[أم آدم و دارين]

وين راكم يا عضوات المنتدى الكريمات أنا نعرفكم تحبو تعاونو ..لكن ما فهمتش علاه ما عطيتوش لموضوعي إهتمام
بالرغم من أنه قد تستفيد الكثيرات لأن ذلك بمثابة تبادل الخبرات.. وعلى بالي مانيش أنا فقط اللي متحيرة أي وحدة تجي تعمل فرح
تلقاوها في حيرة من أمرها لأنها حابة تعمل حاجة مشرفة ...ربي يخلييييييييييييييييكم تفاعلو مع الموضوع ..وة كان ذلك في ميزان
حسنات الجمييييييييع

[ملاك ملاكي]

ان شاء الله نهارك زيييييين اختي
ربي يعيشك اختي والله بلا مزية مني العكس على الرحب
وانا اصلا نحب ونموت على هذه المناسبات والاحتفلات خاصة كي تكون الزوجة جديددة في عشها الزوجي وتكون لها اول مناسبة تبرز وتبان فها وتوري شطارتها........و اكيييييد كل واحدة فينا تحب مناسبتها تكون فوووووور وكلاس ويتكون فها حاجة اوحاجات مغاااااايرة تماما على عادات وتقاليد غيرها
على كل اختي انا راني متفاااااعة ومتحمسة مع موضوعك كي قلتي اكيبببيد راه جاي يوم ان شاء الله ونكون في نفس الوضع نتاعك رلي يسهلي ان شاء الله
نتمنى الاخوات يتفااااعلوا مع الموضوع لانه بجد يستحق التقرعيييييج هاهاهاها
اختي وانا ندردش معاك جاتني فكرة انك مثلا حلوة المخبز تعمليلها الديكور من الفوق بشكل يناسب مناسبة الطهارة
شكرا اختي على دعواتك لي والله هذا ما يحتاج الاخ من اخاه دعوة خيييييير صادقو
اللهم اميييييين اجمعيييييين ولك بالمثل
اختي بالنسبة للهدية لهديتها لزوجي راني حطيتها موضوع مستقل اختي هذي فكرة ممكن تستعملي مول سيليكون بشكل نونوس او شكل يتماشى مع مناسبتك فهمتيني
اختي اي استفستر بخصوص حلوياتي راني هنا واي وصفة تريرها تفضلي
والله والله لو كنتي قريبة ليا والله العظيم نساعدك ومني ليك حلوة سبيسيال لنسيبي العزييييز مي الله غاااالب
ربي يسهلك ويتمملك على خييييبير
انا في الخدمو واي جديد في تخمامي هاهاهاها اكيبيبيد راح اقترحه عليك
بالتوفييييييق

[أم آدم و دارين]

أنت فعلا ملاك صغيرة في العمر و كبيرة في العقل ..فكرة نونورس الشوكولا فكرة فووووووووور و عجبتني بزاف
بالنسبة لتزيين المخبز بحاجة من الفوق تناسب المناسبة ثاني عجبتني .. فورا جاتني فكرة نكتب إسم وليدي من الفوق
و لا ندير الحرف الأول اللي يبدا بيه إسم وليدي و نحطو فوق الحبة ولكن واش تقتارحي علي أنت مثلا:confused:..
نويت إن شاء الله ندير حلوى الطربوش نتاع أم أماني لأنه يناسب بزززززززززاف المناسبة
مارسي على المساعدة و على القاطو اللي حبيتي تعمليه لنسيبك راهو وصل باهتمامك و حضورك
لي عودة

[أم عبد الرحيم يوسف]

أختي ربي يحفظ ولدك ويطول في عمرك وتشاورينا كيفاه تفوتي عرسوا مع بنوتتة ملاك أنا كنت ناوية نطهر لابني في حفلة صغيرة وبالافكار لي مدتهالك الأخت ملاك راهي كفات وفات لاتارت عادوا يديروها في حفلات الطهارة ديريها مع السني تاع الحنة لي مزين بالشموع والاولاد لي يحنوا مع ولدك يديرولهم هاديك الفولارة الحمرا تاع الطهارة يديروها كرافات وفكرة القبعات والبالونات عجبتني أما القاطو صح لازم ديسيدي واش راح ديري تاع القهوة وحدهم وتزيدي تاع المشروبات وحدهم أحنا عادة نديروا المعسل مع القازوز مثلا القريوش لازم يكون مع المشروبات وتزيدي معاه مثلا قاطو يكون فيه ذوق القارص باين أو البنيون راهوا درك بأشكال باهية أما القهوة لازم المقروط والبقلاوة وديري معاهم واش حبيتي ولي سارفيات شفت مودال كيما شوميزي فيها كرافات وداروهم بالاحمر والابيض ولي بوات لي تمدي فيهم القشقشة يكونوا صغار وبلون لي سارفيات وزيدي داخلهم بوقالات أحنا في الشرق نديروا الطمينة مي أنت حفلتك كبيرة ماتصلحش كيفاه ديريها وشاوري أمك أو عجوزتك اذا كانوا عادات ممكن يعجبوك مثلا أحنا كي يطهر الطفل يخرجوا قصعة ونسميوه محفل الطهارة.
اييييييه أختي سخفتيني عندي زوج درادي واحد عمروا02سنتين والثاني 08أشهر بصح رئيس الجمهورية رافض يكاشي التسريح قالي مازالوا صغار ويخاف عليهم كي يبكوا عييت غير نطهر للكبير بصح كل تعطيلة فيها خيرة وألف مبروك مسبقا أأأأأأأأأأختي كي توصل الحفلة بلاك تنساي ماتحصنيش ولدك بالاذكار ربي يحفدهولك وتطهري لأولادوا

[أم آدم و دارين]

أختي ربي يحفظ ولدك ويطول في عمرك وتشاورينا كيفاه تفوتي عرسوا مع بنوتتة ملاك أنا كنت ناوية نطهر لابني في حفلة صغيرة وبالافكار لي مدتهالك الأخت ملاك راهي كفات وفات لاتارت عادوا يديروها في حفلات الطهارة ديريها مع السني تاع الحنة لي مزين بالشموع والاولاد لي يحنوا مع ولدك يديرولهم هاديك الفولارة الحمرا تاع الطهارة يديروها كرافات وفكرة القبعات والبالونات عجبتني أما القاطو صح لازم ديسيدي واش راح ديري تاع القهوة وحدهم وتزيدي تاع المشروبات وحدهم أحنا عادة نديروا المعسل مع القازوز مثلا القريوش لازم يكون مع المشروبات وتزيدي معاه مثلا قاطو يكون فيه ذوق القارص باين أو البنيون راهوا درك بأشكال باهية أما القهوة لازم المقروط والبقلاوة وديري معاهم واش حبيتي ولي سارفيات شفت مودال كيما شوميزي فيها كرافات وداروهم بالاحمر والابيض ولي بوات لي تمدي فيهم القشقشة يكونوا صغار وبلون لي سارفيات وزيدي داخلهم بوقالات أحنا في الشرق نديروا الطمينة مي أنت حفلتك كبيرة ماتصلحش كيفاه ديريها وشاوري أمك أو عجوزتك اذا كانوا عادات ممكن يعجبوك مثلا أحنا كي يطهر الطفل يخرجوا قصعة ونسميوه محفل الطهارة.
اييييييه أختي سخفتيني عندي زوج درادي واحد عمروا02سنتين والثاني 08أشهر بصح رئيس الجمهورية رافض يكاشي التسريح قالي مازالوا صغار ويخاف عليهم كي يبكوا عييت غير نطهر للكبير بصح كل تعطيلة فيها خيرة وألف مبروك مسبقا أأأأأأأأأأختي كي توصل الحفلة بلاك تنساي ماتحصنيش ولدك بالاذكار ربي يحفدهولك وتطهري لأولادوا
صباحك ورد أم عبد الرحيم يوسف .. مارسي على التفاعل ربي يحفظك و يحفضلك وليداتك من كل شر ..فعلا المشاكسة ملاك كفات ووفات ..لكن بالرغم من ذلك نبقى طماعة :1:و نحب نشوف ما لا نهاية من الأفكار و بالتالي نجمعهم كلهم و نختار منهم الأفكار الجهنمية باه نطبقها;) و هكذا نبان فحلة و نعرف نورقانيزي:D .. فكرة الفولارة باهية و ثاني فكرة السارفيات ..
ربي يعيشلك وليداتك ويعطيك صحتك باه تكبريهم و تحضري لزواجهم و يجيبولك ذراري تطهريهم كيما تحبي أنت.. و حابة نقلك بلي مازالو شوية صغار أنا وليدي في الربيع يرجع عندو 4 سنين الله يبارك .. كي يكبرو شوية تقدري تتحفيلهم و تصدريهم أما كي يكونو صغار:mad:
مارسي مرة أخرى سلام

[ملاك ملاكي]

أختي ربي يحفظ ولدك ويطول في عمرك وتشاورينا كيفاه تفوتي عرسوا مع بنوتتة ملاك أنا كنت ناوية نطهر لابني في حفلة صغيرة وبالافكار لي مدتهالك الأخت ملاك راهي كفات وفات لاتارت عادوا يديروها في حفلات الطهارة ديريها مع السني تاع الحنة لي مزين بالشموع والاولاد لي يحنوا مع ولدك يديرولهم هاديك الفولارة الحمرا تاع الطهارة يديروها كرافات وفكرة القبعات والبالونات عجبتني أما القاطو صح لازم ديسيدي واش راح ديري تاع القهوة وحدهم وتزيدي تاع المشروبات وحدهم أحنا عادة نديروا المعسل مع القازوز مثلا القريوش لازم يكون مع المشروبات وتزيدي معاه مثلا قاطو يكون فيه ذوق القارص باين أو البنيون راهوا درك بأشكال باهية أما القهوة لازم المقروط والبقلاوة وديري معاهم واش حبيتي ولي سارفيات شفت مودال كيما شوميزي فيها كرافات وداروهم بالاحمر والابيض ولي بوات لي تمدي فيهم القشقشة يكونوا صغار وبلون لي سارفيات وزيدي داخلهم بوقالات أحنا في الشرق نديروا الطمينة مي أنت حفلتك كبيرة ماتصلحش كيفاه ديريها وشاوري أمك أو عجوزتك اذا كانوا عادات ممكن يعجبوك مثلا أحنا كي يطهر الطفل يخرجوا قصعة ونسميوه محفل الطهارة.
اييييييه أختي سخفتيني عندي زوج درادي واحد عمروا02سنتين والثاني 08أشهر بصح رئيس الجمهورية رافض يكاشي التسريح قالي مازالوا صغار ويخاف عليهم كي يبكوا عييت غير نطهر للكبير بصح كل تعطيلة فيها خيرة وألف مبروك مسبقا أأأأأأأأأأختي كي توصل الحفلة بلاك تنساي ماتحصنيش ولدك بالاذكار ربي يحفدهولك وتطهري لأولادوا

يسعد صباحك ام عبد الرحيم يوسف ان شاء الله نهارك طيب
اولا نشكرك على تفاعلك معانا لاني بالفعل نمووووت على هذه الاجواء وانا من النوع لي نحب اجواء التحضيرات اكثر من اجواء يوم الفرح..........اختي ربي يباااارك فيك وفي ماعندك والله يحفظك ويحفظلك وليداتك وان شاء الله تفرحي بيهم كيه هذه الساعة ويواليو رجااااال ما شاء الله
راكم سخفتوني في الامومة هاهاهاها مالا ندير لافار معاكم هاهاهاها اذا رزفني ربي بتوأم لانها امنية ملاكي زوجي ناسبكم في زوج وعلاه لا هاهاهاها
ربي يهنينا ويعطينا الصحة وطولة البال ويهنينا ويحفظنا ويباركلنا في ازواجنا وذريتنا ان شاء الله
اختي نحب نشكرك على اضافة فكرة لي سارفيات عن جد نسيتها مع انها انا دائما اهتمام الاول لي سارفيات هاهاهاها نحب حاجة بريزونتابل وفكرتك في محلها لانها تتماشى مع المناسبة تماما
والشئ لي عجبني اكثر واكثر تنبيهك لها في تحصين وليدها الله يحفظك لانه الام مع الزحو والفرحة نتاعهها والخوف على وليرها تنسى تماما والعين حق ربي يباااارك فيك
وذكرتيني في الموكب هاهاهاهاها لاني انا تاني من الشرق ونديروا هذه العادة لي تعجبني خاصة في صغري ولكن نديرها لوليدي ان شاء الله راني قتلكم حمستوني وسخفتوني للامونة هاهاهاها
اختي انتي تاني ربي يسهل لوليداتك وتفرحي بيهم لانها بعد الطهارة ولاو رججااااال كبااااار ما شاء الله ربي حفظهم وتفرحي بيهم المهم الصحة والهنائ وربي يبقي الستر
نتمنى تبقاي معانا غي الدردشة خاصة انكم الله يبارك عليكم عجبتوني ودخلتوا قلبي ون شاء الله نستفاد منكم اذا امكن
في امان الله وشكرا لك اختي بااااارك الله فيك وفي زوجك ووليدك ربي يهنييييك
ومعرفة خيييييير تشرفت بيك:1:

[ملاك ملاكي]

أنت فعلا ملاك صغيرة في العمر و كبيرة في العقل ..فكرة نونورس الشوكولا فكرة فووووووووور و عجبتني بزاف
بالنسبة لتزيين المخبز بحاجة من الفوق تناسب المناسبة ثاني عجبتني .. فورا جاتني فكرة نكتب إسم وليدي من الفوق
و لا ندير الحرف الأول اللي يبدا بيه إسم وليدي و نحطو فوق الحبة ولكن واش تقتارحي علي أنت مثلا:confused:..
نويت إن شاء الله ندير حلوى الطربوش نتاع أم أماني لأنه يناسب بزززززززززاف المناسبة
مارسي على المساعدة و على القاطو اللي حبيتي تعمليه لنسيبك راهو وصل باهتمامك و حضورك
لي عودة

شكرا على مجاملتك الحلوة يا حلو
اختي فكرة الطربوش نعم جد مناسبة وهي اصلا حلوة جديدة وبريزونتابل
وبالنسب للمخبز انا عن نفسي تخيلت الاسم راح يكون مناسب اكثر على الحرف بزاااااف لي داروه الحرف الاسم احسن بكثيييييير مع اسمه صغيييير يجي فوووووور
وفكرة الاخت ام عبدالرحيم يوسف بخصوص لي سارفيات مناسبة تماما والله نييتها مع اني دائما نبازي على لي سارفيات مي ماعليش شكرا لها وعلى تفاعلها زادت من حماسي وتفاعلي هاهاهاها والاكثر حمستوني وسخفتوني للامومة هاهاهاهاها
والله صدقيني حبيتك ورتحتلك كانك اختي الكبرى لاني انا كبيرة والديا والله لو كانت هناك وسيلة للتواصل عن قرب والله والله والله الحلوة توصلك وبلا مزية مني قبل كل شئ رانا اخوة في الاسلام ومن واجبنا بلا تعارف وبلا غيره نتساعد هاك البركة تنزل اكثر لكن للاسف كي يقولوا عند ربي وصلتني
اختي راني هنا اي اضافات رانا على تواصل انت تاني اعطينا اقتراحاتك واش راه يدور في راسك نستفادوا من افكارك
ايييييييه وعلا ه ما ديريش تاي مع مكسرات وقريوش كي درت انا في مناسبة نجاح اخي وتخرج اختي ودرت معاهم بوقالات خاصة انها كانت في رمضان ودرت كرام معاهم
بربي نحطلك الصورة تشوفيها ايييييه ودرت شكوكولا كذلك
لي عودة ان شاء الله

[ام ريان عبدالله]

مساء الخير عجبتني الدردشة تاعكم انا تاني نويت نختن وليدي اذاكتب ربي الصيف القادم مزال شوية بعيد بصح حبيت القاطو نكمونديه كامل معنديش الوقت نخدمو حبيت نشري طاجن تاع المروك ندير فيه القاطو خير من لبوات مرانيش عارفة كامل واش ندير على خاطر راجلي حب يدير كما بكري يجو الضياف نحطولهم المشروبات ثم لحليب بليبوات ثم العشاء ثم الحنة مع تصديره غدا نروحو كورتاج نختنوه

[أم عبد الرحيم يوسف]

الله يحفظكم خياتي في الله كيما قالت الأخت ملاك أحنا مسلمين ونعاونوا بعضانا وتعم الفائدة والفرحة أما أختي ملاك عندك الحق تسخفي على الأمومة ياماحلاها لما أولادك يكبروا وتوجدي للحظات المميزة في حياتهم هذه نعمة ربي يدوقها للناس أكل ان شاء الله ونتمنى يزيد التفاعل تاع الأخوات ربما نلقاو أفكار جديدة ونستفادو وربي يبارك في اولادنا أكل

[أم آدم و دارين]

شكرا على مجاملتك الحلوة يا حلو
اختي فكرة الطربوش نعم جد مناسبة وهي اصلا حلوة جديدة وبريزونتابل
وبالنسب للمخبز انا عن نفسي تخيلت الاسم راح يكون مناسب اكثر على الحرف بزاااااف لي داروه الحرف الاسم احسن بكثيييييير مع اسمه صغيييير يجي فوووووور
وفكرة الاخت ام عبدالرحيم يوسف بخصوص لي سارفيات مناسبة تماما والله نييتها مع اني دائما نبازي على لي سارفيات مي ماعليش شكرا لها وعلى تفاعلها زادت من حماسي وتفاعلي هاهاهاها والاكثر حمستوني وسخفتوني للامومة هاهاهاهاها
والله صدقيني حبيتك ورتحتلك كانك اختي الكبرى لاني انا كبيرة والديا والله لو كانت هناك وسيلة للتواصل عن قرب والله والله والله الحلوة توصلك وبلا مزية مني قبل كل شئ رانا اخوة في الاسلام ومن واجبنا بلا تعارف وبلا غيره نتساعد هاك البركة تنزل اكثر لكن للاسف كي يقولوا عند ربي وصلتني
اختي راني هنا اي اضافات رانا على تواصل انت تاني اعطينا اقتراحاتك واش راه يدور في راسك نستفادوا من افكارك
ايييييييه وعلا ه ما ديريش تاي مع مكسرات وقريوش كي درت انا في مناسبة نجاح اخي وتخرج اختي ودرت معاهم بوقالات خاصة انها كانت في رمضان ودرت كرام معاهم
بربي نحطلك الصورة تشوفيها ايييييه ودرت شكوكولا كذلك
لي عودة ان شاء الله
صباح الفل يا مشاكستي الصغيرة..ربي يخليك على مجاملتك و كلامك العذب مثل روحك
فعلا فكرة السارفيات نتاع أم عبد الرحيم يوسف فكرة رائعة ..بصح المشكل ما نعرفش نطبقهم :1:..ما علاباليش إذا كانو يتباعو واجدين
أنا ثاني حبيتك و عجبتيني بزززاف و يشرفني نكون أختك الكبرى ..كاشي ما تحتاجي نصيحة خدمة رأي ..أيييييي شيء راني دائما في الخدمة ..أنا ما عنديش أختي صغرى لأنني أصغر البنات و جيتي أنت و حليتي محل الصغرى فمرحبا بك في عائلتي
فعلا الحلوة نتاعك وصلتني عند ربي و أجر مساعدتك ليا بقلب طاهر و نية صافية وصل لعندك
أما بالنسبة للتاي فكأنك قريتي أفكاري فعلا حابة ندير تاي و نوزع مكسرات و قريوش أما البوووووووووووووووقالات احنا في سطيف نديروهم في لي بوات نتاع القاطو
أنتظر الصورة ..سلام

[radia25]

مبروك عليكم كامل ربي يدوم افراحكم

[أم آدم و دارين]

مساء الخير عجبتني الدردشة تاعكم انا تاني نويت نختن وليدي اذاكتب ربي الصيف القادم مزال شوية بعيد بصح حبيت القاطو نكمونديه كامل معنديش الوقت نخدمو حبيت نشري طاجن تاع المروك ندير فيه القاطو خير من لبوات مرانيش عارفة كامل واش ندير على خاطر راجلي حب يدير كما بكري يجو الضياف نحطولهم المشروبات ثم لحليب بليبوات ثم العشاء ثم الحنة مع تصديره غدا نروحو كورتاج نختنوه
أهلا بيك أم ريان عبد الله معانا في الشلة صفحتي نورت بوجودك ..مبروك على وليدك مقدما ربي يعيشو و يحفظو من كل عين ..
أنا ثاني كنت ناوية نطهر وليدي في الصيف بصح بدلت رأيي و عولت على الربيع إن شاء الله على خاطر الصيف فيه الهرج بزززاف.. العراس المباركات الربحات واللي يقولك معروض و اللي يقولك مانيش قاعد و اللي يقولك ماعنديش و اللي يقولك راني فاكونس المهم هرج كبير على بيها
عولت على الربيع ندير العرس وحدي وواحد ما يلقالي سبة :d
حبيتي تسارفي القاطو في الطاجين تاع المروك ... فكرة هايلة و كلاس هوما صح يستقامو شوية غاليين خاصة إذا كان عندك الغاشي بزاف احنا عندنا يديرو 250 دج للواحد و إذا حبيتي تكتبي عليهم الإسم 270 دج و بالتالي إذا كان عندك 100 شخص يستقامو 27000 دج
أنا ناوية إن شاء الله ندير عشاء صغير بين عايلتي و عايلة زوجي و نعمل لوليدي الحنة في الليل وغدوة من ذاك نديرو كورتاج و نديوه نطهروه من بعد نخليه عشر أيام هكذاك يرتاح و من بعد ندير قهوة نصدرو فيها
نورتي....سلام

[أم آدم و دارين]

مبروك عليكم كامل ربي يدوم افراحكم

مرحبا بيك أختي راضية شرفتينا بوجودك الكريم
الله يبارك فيك و ينور أيامك و العقوبة للأفراح عندكم :dj_17:

[radia25]

امين اختي ربي يخليلك ادم ودارين

[امّ اياد]

انا يعجبني قاطو طربوش تاع ام اماني خاص بمناسبة الطهارة

[ملاك ملاكي]

صباح الفل يا مشاكستي الصغيرة..ربي يخليك على مجاملتك و كلامك العذب مثل روحك
فعلا فكرة السارفيات نتاع أم عبد الرحيم يوسف فكرة رائعة ..بصح المشكل ما نعرفش نطبقهم :1:..ما علاباليش إذا كانو يتباعو واجدين
أنا ثاني حبيتك و عجبتيني بزززاف و يشرفني نكون أختك الكبرى ..كاشي ما تحتاجي نصيحة خدمة رأي ..أيييييي شيء راني دائما في الخدمة ..أنا ما عنديش أختي صغرى لأنني أصغر البنات و جيتي أنت و حليتي محل الصغرى فمرحبا بك في عائلتي
فعلا الحلوة نتاعك وصلتني عند ربي و أجر مساعدتك ليا بقلب طاهر و نية صافية وصل لعندك
أما بالنسبة للتاي فكأنك قريتي أفكاري فعلا حابة ندير تاي و نوزع مكسرات و قريوش أما البوووووووووووووووقالات احنا في سطيف نديروهم في لي بوات نتاع القاطو
أنتظر الصورة ..سلام

سلام اختي الكبرى وحبيبتي ان شاء الله راكي مليحة ونسيبي تاني غاية
جازاك الله خيرا على كلامك وترحيب ك لي وسط عايلتك الصغييييرة ربي يدوم المحبة والنية الصادقة
اختي سامحيني راهي النات عندي قليييياة والله عيييت باه نحطلك الصور لوعدتك بيهم ولكن غدا باذن الله ساحاول
وكذلك بخصوص لي سارفيات احتماااال كبييير تلقايهم يتباعوا لانه ذركضكل شئ ولا يتباع من غيييير والديك هاهاهاهاها
واذا ما كانش ذرك نشوف انا نحاول نطبقهم واذا نجحت نحطلك الطريقة باذن الله خلي على الاقل نستفاد في جرتك هاهاهاهاها
بالتوفيييييق حبيبتي ربي معاك في تخمامك هاهاهاهاها علبالي راكي غير طلعي وتهبطي وتحلمي ندير هاك وهاك هاهاهاهاها وعلاه لا باذن الله كل شئ يكون فوووووور وكي ما تمنات اختي ان شاء الله المهم الصحة والهناء
في امان الله بوسة كبيييببيرة لنسيبي
البارح زيدت صحابتب اول مزيود ليها روحت طليت عليها وهنيتها وانا عندها عيطلي ملاكي يعني زوجي قالي سلمي عليها وقولها بربي يرزقني ربي ببنية زنوووووونة ونايبك هاهاهاها
بعدها كي حكيت معاه قتله بنياتنا هذه المستقبلية الظاهرة باربي ولا جاااازية هاهاهاهاها ا راك غير تخطبلها في الرجال وانا تاني هاهاهاها
ربي يهنينا ويرزقنا ما نتمناو
في امان الله حبيبتي:19:

[أم آدم و دارين]

سلام اختي الكبرى وحبيبتي ان شاء الله راكي مليحة ونسيبي تاني غاية
جازاك الله خيرا على كلامك وترحيب ك لي وسط عايلتك الصغييييرة ربي يدوم المحبة والنية الصادقة
اختي سامحيني راهي النات عندي قليييياة والله عيييت باه نحطلك الصور لوعدتك بيهم ولكن غدا باذن الله ساحاول
وكذلك بخصوص لي سارفيات احتماااال كبييير تلقايهم يتباعوا لانه ذركضكل شئ ولا يتباع من غيييير والديك هاهاهاهاها
واذا ما كانش ذرك نشوف انا نحاول نطبقهم واذا نجحت نحطلك الطريقة باذن الله خلي على الاقل نستفاد في جرتك هاهاهاهاها
بالتوفيييييق حبيبتي ربي معاك في تخمامك هاهاهاهاها علبالي راكي غير طلعي وتهبطي وتحلمي ندير هاك وهاك هاهاهاهاها وعلاه لا باذن الله كل شئ يكون فوووووور وكي ما تمنات اختي ان شاء الله المهم الصحة والهناء
في امان الله بوسة كبيييببيرة لنسيبي
البارح زيدت صحابتب اول مزيود ليها روحت طليت عليها وهنيتها وانا عندها عيطلي ملاكي يعني زوجي قالي سلمي عليها وقولها بربي يرزقني ربي ببنية زنوووووونة ونايبك هاهاهاها
بعدها كي حكيت معاه قتله بنياتنا هذه المستقبلية الظاهرة باربي ولا جاااازية هاهاهاهاها ا راك غير تخطبلها في الرجال وانا تاني هاهاهاها
ربي يهنينا ويرزقنا ما نتمناو
في امان الله حبيبتي:19:
صباحك فل أختي الصغيرة الحلوة والجميلة
ما تحيريش روحك حبيبتي على الصور رانا بربي في تواصل و منين ما صلحتلك العملية حطيهملي
صحيتي عزيزتي على إهتمامك الكبير بيا
أما البنية اللي ما زالت ما شرفتش وراكي تخطبيلها و تزيدي أنت وملاكك ربي يحفظهولك تخافي تعطيكم بومبة أنت و راجلك و تقولكم
نخير راجلي وحدي هههه و تعشيو متبهدلين :cool:
أنتلاي في روحك
سلام

[أم آدم و دارين]

انا يعجبني قاطو طربوش تاع ام اماني خاص بمناسبة الطهارة
:):dj_17: نورتيني

[ملاك ملاكي]

صباحك فل أختي الصغيرة الحلوة والجميلة
ما تحيريش روحك حبيبتي على الصور رانا بربي في تواصل و منين ما صلحتلك العملية حطيهملي
صحيتي عزيزتي على إهتمامك الكبير بيا
أما البنية اللي ما زالت ما شرفتش وراكي تخطبيلها و تزيدي أنت وملاكك ربي يحفظهولك تخافي تعطيكم بومبة أنت و راجلك و تقولكم
نخير راجلي وحدي هههه و تعشيو متبهدلين :cool:
أنتلاي في روحك
سلام

يسعد صباااحك اختي الغالية ان شاء الله يومك مميز فيه التجدييييد لانه الواحد كره من الروتين اليومي هاهاهاهاها
عفوا منك اختي ما تقوليش هذا الكلام موش بينا ما تزعفينيش متك على الرحب دائما وكي قتلتك النا تاني منكم نتعلم ولملم افكاري هاهاهاها
وبخصوص بنيتي ان شاء الله والله صح كلتمك صواب ولها كل الحق في اختيار شريك حياتها المهم يكون وليد الحلال وفاميليا ويستهالها ويسعدها هذا المهم بالنسبة لي
لانه انا الحمد للله ملاكي كان اختياري بقنااااعةكبييييرة ورضى اوالديا وعايلتي وفاميلتي والله الحمد للله نعمة انعمها الله عليا ربي يحفظه ويبقي علينا الستر اجمعيييين
شكرتا لك اكييييد راني في توااااصل معاك حتي تجوزي مناسبنك السعيدة ان شاء الله عندك تهربي لانه تم نكون في داري ان شاء الله وراح نزيد نستفاد منك ان شاء الله
ربي يدوم افراحنا يارب
نهارك طيب

[أم آدم و دارين]

يسعد صباااحك اختي الغالية ان شاء الله يومك مميز فيه التجدييييد لانه الواحد كره من الروتين اليومي هاهاهاهاها
عفوا منك اختي ما تقوليش هذا الكلام موش بينا ما تزعفينيش متك على الرحب دائما وكي قتلتك النا تاني منكم نتعلم ولملم افكاري هاهاهاها
وبخصوص بنيتي ان شاء الله والله صح كلتمك صواب ولها كل الحق في اختيار شريك حياتها المهم يكون وليد الحلال وفاميليا ويستهالها ويسعدها هذا المهم بالنسبة لي
لانه انا الحمد للله ملاكي كان اختياري بقنااااعةكبييييرة ورضى اوالديا وعايلتي وفاميلتي والله الحمد للله نعمة انعمها الله عليا ربي يحفظه ويبقي علينا الستر اجمعيييين
شكرتا لك اكييييد راني في توااااصل معاك حتي تجوزي مناسبنك السعيدة ان شاء الله عندك تهربي لانه تم نكون في داري ان شاء الله وراح نزيد نستفاد منك ان شاء الله
ربي يدوم افراحنا يارب
نهارك طيب
صحا فيك يا وحد المصيبة قلت راكي معايا حتى نجوز مناسبتي و من بعد حابة تهربي ولا واش

[ملاك ملاكي]

صحا فيك يا وحد المصيبة قلت راكي معايا حتى نجوز مناسبتي و من بعد حابة تهربي ولا واش

هاهاهاها والله واااغو باذن الله راني معاك وتصلح ما نحضرش مناسبة سعييبيدة كهذه وهي لاعز اخت
كيفاه عييييب يسكسوا الناس على اختك واش ميش حاضرة مناسبة اختها هاهاهاها
لالا قتلك مع مناسبة وليدك نكون في داري ان شاء الله وهذا ما يمنعش ما نحضرش هاهاهاها العكس تم نكون عروس جديدة هاهاهاها
عندك انتي تنساااايني وتضربي عليا بالاحمر هاهاهاها

[أم آدم و دارين]

هاهاهاها والله واااغو باذن الله راني معاك وتصلح ما نحضرش مناسبة سعييبيدة كهذه وهي لاعز اخت
كيفاه عييييب يسكسوا الناس على اختك واش ميش حاضرة مناسبة اختها هاهاهاها
لالا قتلك مع مناسبة وليدك نكون في داري ان شاء الله وهذا ما يمنعش ما نحضرش هاهاهاها العكس تم نكون عروس جديدة هاهاهاها
عندك انتي تنساااايني وتضربي عليا بالاحمر هاهاهاها
صحا أختي الصغيرة على بالي بلي ما تخلينيش كنت برك نتقلش عليك .. بصح ما قلتيليش وقتاش عرسك ولا ناوية ما تعرضينيش .. و تسقسي الناس على أختك الكبيرة و ما يلقاوهاش ..
ربي يكمل فرحك و يرزقك الذرية الصالحة ..أنا بربي ما ننساكش على خاطر كنت معايا نعم الأخت اللي عاونتني من صميم قلبها .. راني نحسد في ملاكك عليك لأنك تستاهلي الأفضل

[ملاك ملاكي]

صحا أختي الصغيرة على بالي بلي ما تخلينيش كنت برك نتقلش عليك .. بصح ما قلتيليش وقتاش عرسك ولا ناوية ما تعرضينيش .. و تسقسي الناس على أختك الكبيرة و ما يلقاوهاش ..
ربي يكمل فرحك و يرزقك الذرية الصالحة ..أنا بربي ما ننساكش على خاطر كنت معايا نعم الأخت اللي عاونتني من صميم قلبها .. راني نحسد في ملاكك عليك لأنك تستاهلي الأفضل

ربي يحفظ اختي وحبيبتي وربي يدوم عشرتنا ويخلي القلوب صافية على بعض يارب
يااااخاااه على مانعرضكش العرسي وتصلح ما جاياش اختي الكبيرة ما تكونش جانبي في احلى واسعد يوم في حياتي
حضورك يشرفني اكيييييييد عندك برك انت تتحججي هاهاهاها
والله مازال محددناش التاريخ بالضبط ولكن حسب احوالنا خاصة السكن راكي تعرفي صعييييب الحتل مي ان شاء الله ما بقاش ويكملها احتمال كبيييير جانفي ان شاء الله
يا حبيبتي ملاكي والله نعمة ربي انعمها عليا ربي يبااااارك عليه وربي يحفظه ويحمييييه ويبقي الستر بينا
اختي راني قتلك ماكانش بينا كلمات الشكر لانه واجب الاخت للاخت متفاهمين ناحي بيناتنا البروتوكولات اصدمي عليها هاهاهاها
في امان الله حبيبتي

[أم آدم و دارين]

ربي يحفظ اختي وحبيبتي وربي يدوم عشرتنا ويخلي القلوب صافية على بعض يارب
يااااخاااه على مانعرضكش العرسي وتصلح ما جاياش اختي الكبيرة ما تكونش جانبي في احلى واسعد يوم في حياتي
حضورك يشرفني اكيييييييد عندك برك انت تتحججي هاهاهاها
والله مازال محددناش التاريخ بالضبط ولكن حسب احوالنا خاصة السكن راكي تعرفي صعييييب الحتل مي ان شاء الله ما بقاش ويكملها احتمال كبيييير جانفي ان شاء الله
يا حبيبتي ملاكي والله نعمة ربي انعمها عليا ربي يبااااارك عليه وربي يحفظه ويحمييييه ويبقي الستر بينا
اختي راني قتلك ماكانش بينا كلمات الشكر لانه واجب الاخت للاخت متفاهمين ناحي بيناتنا البروتوكولات اصدمي عليها هاهاهاها
في امان الله حبيبتي
آني رايحة نصدم عليها... شوفي يا وحد المصيبة أنا عرسك حاضراتو حاضراتو لا ماشي أون بارسون قلبي رايح يرفرف لعندكم و يرقص معاكم ويغني
و يزغرد ..ربي يسهل أموركم وييسرها لكم بصح العرس في جاااااااانفي :sdf: تخافي يصب الثلج و يديك ملاكك ب لي بوت ههه رايحة تكون فوووور
ربي يهنيكم و يديمها نعمة بينكما
سلام

[ام غسان]

راح نعطيك افكار اختي حتى انا درت سهرة طهارة جات روعة

[nadia mimi]

ربي يفرحك بوليدك ويطول في عمره
كفكرة بسيطة عملتها في طهارة وليدى ما تنسايش الاطفال دير لهم حاجة خاصة مثلا ساشيات مزوقين فيهم المايس او حلويات وقسميهم عليهم ويكون وليدك حاضر صدقيني عندها صدى رائع على نفسية طفلك

[أم آدم و دارين]

راح نعطيك افكار اختي حتى انا درت سهرة طهارة جات روعة
شكرا ليك حبيبتي راني في الإنتظار

[أم آدم و دارين]

ربي يفرحك بوليدك ويطول في عمره
كفكرة بسيطة عملتها في طهارة وليدى ما تنسايش الاطفال دير لهم حاجة خاصة مثلا ساشيات مزوقين فيهم المايس او حلويات وقسميهم عليهم ويكون وليدك حاضر صدقيني عندها صدى رائع على نفسية طفلك

مارسي يا العزيزة الفكرة قيد التطبيق

[أم آدم و دارين]

ملاك وين راكي راني توحشتك بززززاف ما سقيستي على أختك الكبيرة ما تحيرتي عليها ..أنا قلتلك بلي ما ننساكش وهاذا الدليل كنت مشغولة جدااااا و منين دخلت للمنتدى
حوست عليك .. أما أنت....... إن شاء الله يكون المانع خير ..

[امّ اياد]

مبروك عليك طهارة ابنك عقوبة لنار تشوفيه عريس

[ملاك ملاكي]

ملاك وين راكي راني توحشتك بززززاف ما سقيستي على أختك الكبيرة ما تحيرتي عليها ..أنا قلتلك بلي ما ننساكش وهاذا الدليل كنت مشغولة جدااااا و منين دخلت للمنتدى
حوست عليك .. أما أنت....... إن شاء الله يكون المانع خير ..

يااااا خااااه على هذاك الكلام خساااارة عليك والله والو اختي وحبيبتي ربي يعلم انا تاني توحشتك والله قلت حتى لدارنا اكيييييد حبيباتي راهم تحيروا عليا لاني انا توحشتكم وبالاخص حبيباتي وعزيزات القلب بحالك
شكون ينسى اخته الكبييييرة الا القلييييل العرف ونكار الخيييير والعشرة
حبيبتي والله العظيم النات لي كانت راحت تقريب اسبوع وهذا لي خلا اختي تزعف مني وتتفلق عليا
الله يحفظك اختي باااارك الله فيك
راني قتلك جاااامي ننساك جامي راح نبقى وراك حتى يطهر نسبي ويرتاح ويولي راجل يدخل يقرا ونفرحو بيه ان شاء الله ويولي طبيب ان شاء الله
وبعدها نفرح بالتخرج نتاعه ومن ثم نزوجوا هاهاهاهاها وهذي لي نحوس نوصلها هاهاهاها
ربي يسعدك ويفرحك بزوجك ووليداتك ان شاء الله وتفرحي بيهم
ما تخافيييييش ورااااك وراااااك هاهاهاهاه

[أم آدم و دارين]

مبروك عليك طهارة ابنك عقوبة لنار تشوفيه عريس
الله يبارك في عمرك و يحفظلك وليدك إياد و يطول في عمرو و تشوفيه هو ثاني عريس

[أم آدم و دارين]

يااااا خااااه على هذاك الكلام خساااارة عليك والله والو اختي وحبيبتي ربي يعلم انا تاني توحشتك والله قلت حتى لدارنا اكيييييد حبيباتي راهم تحيروا عليا لاني انا توحشتكم وبالاخص حبيباتي وعزيزات القلب بحالك
شكون ينسى اخته الكبييييرة الا القلييييل العرف ونكار الخيييير والعشرة
حبيبتي والله العظيم النات لي كانت راحت تقريب اسبوع وهذا لي خلا اختي تزعف مني وتتفلق عليا
الله يحفظك اختي باااارك الله فيك
راني قتلك جاااامي ننساك جامي راح نبقى وراك حتى يطهر نسبي ويرتاح ويولي راجل يدخل يقرا ونفرحو بيه ان شاء الله ويولي طبيب ان شاء الله
وبعدها نفرح بالتخرج نتاعه ومن ثم نزوجوا هاهاهاهاها وهذي لي نحوس نوصلها هاهاهاها
ربي يسعدك ويفرحك بزوجك ووليداتك ان شاء الله وتفرحي بيهم
ما تخافيييييش ورااااك وراااااك هاهاهاهاه
مرحبا بيك أخيتي الحمد لله راكي بخير ..شوفي أنا ما زعفتش منك قد ما تحيرت عليك و فرحت بزاف كي دخلت و لقيتك بخير مشاغبة وحنونة كالعادة ..ربي يخليك ديما زاهية و نزهاو معاك بكلامك الجميل اللي يرد الروح..و ما تخافيش على نسيبك رايحة نستحفظلك بيه حتان نزوجوه لبنتك المصون ..بصح حلي عينك لازم تكون بهيونة كيما أنت سي نو نبدلو راينا أنا ووليدي هههه..ربي ينور أيامك ويسهل أمورك و يرزقك الذرية الصالحة

[ملاك ملاكي]

مرحبا بيك أخيتي الحمد لله راكي بخير ..شوفي أنا ما زعفتش منك قد ما تحيرت عليك و فرحت بزاف كي دخلت و لقيتك بخير مشاغبة وحنونة كالعادة ..ربي يخليك ديما زاهية و نزهاو معاك بكلامك الجميل اللي يرد الروح..و ما تخافيش على نسيبك رايحة نستحفظلك بيه حتان نزوجوه لبنتك المصون ..بصح حلي عينك لازم تكون بهيونة كيما أنت سي نو نبدلو راينا أنا ووليدي هههه..ربي ينور أيامك ويسهل أمورك و يرزقك الذرية الصالحة

سلاااام اختي وحبيبتي يسقسي عليك الف خييييير وعاااافة والله توحشتك وينك روحتي بالروح
الحمد للله والله راني غااااااية نحمد ربي وخاصة راني وسطكم يا حبايبي واله ولافتكم ولافت دلالي وهبالي عليكم وتقديركم ليا
ايييييه عندك على نسيبس العزيييييز راح حبة سبيسياااااال الله يبااااارك عليه وربي يحفظه
علاه علاه تقولي هااااك عليا والله راني حلوة هاهاهاها وندخل للقلب هاهاهاها كي يقول ملاكي ياسعده وحظه من سكن قلب ملاك خاهاهاها
مالا بنتي خااااارجة ليا الشه الشه فيك هاهاهاها عبالي نسيبي راح تعجبه ويقول سامحيني ماما غيييبير هيا لي ندبها هاهاهاها مالا اسحبيكلامك هاهاهاها
الللهم امييييين يارب اجمعيييييين
ماكانش قد الامووووومة الله لايرحم واحدة منا منها يارب
ادعي معايا ربي يرزق اخت راهي عضوة معانا مسكييييينة قلبها خرج على الامووووومة ربي يرزقها ان شاء الله
ما توليش الغيييييبة اختي متحيرينيش عليك بزاااااف

[أم آدم و دارين]

سلاااام اختي وحبيبتي يسقسي عليك الف خييييير وعاااافة والله توحشتك وينك روحتي بالروح
الحمد للله والله راني غااااااية نحمد ربي وخاصة راني وسطكم يا حبايبي واله ولافتكم ولافت دلالي وهبالي عليكم وتقديركم ليا
ايييييه عندك على نسيبس العزيييييز راح حبة سبيسياااااال الله يبااااارك عليه وربي يحفظه
علاه علاه تقولي هااااك عليا والله راني حلوة هاهاهاها وندخل للقلب هاهاهاها كي يقول ملاكي ياسعده وحظه من سكن قلب ملاك خاهاهاها
مالا بنتي خااااارجة ليا الشه الشه فيك هاهاهاها عبالي نسيبي راح تعجبه ويقول سامحيني ماما غيييبير هيا لي ندبها هاهاهاها مالا اسحبيكلامك هاهاهاها
الللهم امييييين يارب اجمعيييييين
ماكانش قد الامووووومة الله لايرحم واحدة منا منها يارب
ادعي معايا ربي يرزق اخت راهي عضوة معانا مسكييييينة قلبها خرج على الامووووومة ربي يرزقها ان شاء الله
ما توليش الغيييييبة اختي متحيرينيش عليك بزاااااف
بون جور كتكوتتي الصغيرة يتوحشك الخير إن شاء الله ..الله لايحرمني منك و من ضحكتك يا رب ..
شوفي أنا ما قلت والو عليك أنتي على بالي بلي حلوة و باهية كيما أختك الكبيرة :D خخخخخ و لو كان ما سبقنيش ليك ملاكك ديتك لوليدي آدم
و ما نستناش بنتك على الأقل أنت مضمونة ;) بصح ما عليش نستناو و نشوفو :confused:
حبيبتي روماركيت بلي راكي حنوووووونة بزاف من قبل لا تجيبي الأولاد مالا كي يرزقك ربي بيهم واش تولي ..ربي ما يحرمكش منهم لأنهم أروع و أجمل و أحلى حاجة في الوجود و ربي يرزق الأخت اللي قلتيلي عليها من أوسع أبوابه عاجلا غير آجل يا رب
نوليو لموضوعنا..أنت ما زدتي قرعجتيلي ما سقسيتي ما مخمختي..خسارة عليك و أنا تاكلة عليك تريحيني شوية من التطلاع و التهباط هيا ماذا بيك تتحركيلي شوية داكور :sdf: حتى العضوات ما حبوش يساعدوني رايحة نهبل في راسي و ما يلقاش آدم اللي يطهرو ههههه
أنتلاي في روحك و ربي يحفظك

[أم عبد الرحيم يوسف]

السلام عليكم أختي ان شاء الله تكوني مليحة انت وكتاكيتك الصغار اليوم لقيتلك تارت تاع الطهارة تخدمها وحدة في سوق هراس روعة تصلح للطهارة ربما تلقاي شكون يخدمهالك
http://b.top4top.net/p_71150m1.jpg
قوليلي واش رايك هايلة تصلح للطهارة

[ميمي ناصر 22]

سلام اختي
مبروك عليك حنونة ربي يحفضك وليدك و تطهريه بالصحة و يبرالك على خير
شوفي حنونة بالنسبة للافكار
اول حاجة انا نحب يكون عندك ستيل خاص مناسب مع اللباس اللي راح تحني لابنك عليها
كيما هكدا

http://c.top4top.net/p_71b08p9.jpg

ثاني عجبتني فكرة دارتها مرت بن عمي خيرتلو قداه من لبسة تاع طهارة و تصدر فيها و في الاخير لبس لباس بالفتلة و حنا فيهم
شوفي هد اللبسات

http://d.top4top.net/p_71ub4w10.jpg

http://b.top4top.net/p_71eh2y8.jpg

http://c.top4top.net/p_71rjyy4.jpg

http://a.top4top.net/p_71r7212.jpg

http://e.top4top.net/p_71ul0z1.jpg

http://d.top4top.net/p_71h6nd1.jpg

http://e.top4top.net/p_7190ac2.jpg

بالنسبة للسنوية تاع الحنة انا نحب التقليدي بزاف خصوصا الا كانت تاع النحاس تجي روعة وشوفي هد الافكار

http://b.top4top.net/p_7169pz3.gif

http://e.top4top.net/p_71nssm6.jpg

http://b.top4top.net/p_7147tz1.gif

بالنسبة للاطفال ديريلهم حوايج سبيسيال كيما هدو راهم متوفرين اشكال والوان و فيهم كلش من الكيسان للطباسة لليشابو الفراشط المغارف ,, الخ

http://d.top4top.net/p_71tz0d1.jpg

http://e.top4top.net/p_71aalw2.jpg

http://a.top4top.net/p_71hr7x3.jpg

http://b.top4top.net/p_710zr04.jpg

http://c.top4top.net/p_71iqtn5.jpg

تاني متنسايش التزيين للبلاصة تاع وليدك انا نموت على البالونات هههههه

http://d.top4top.net/p_71ecmn6.jpg

http://a.top4top.net/p_716qki8.jpg

http://b.top4top.net/p_7110qd9.jpg

وهدي تاني فكرة للاطفال راح يفرحو بيها تحكمي اعواد الشواء وتغرسي فيهم الحلويا والمارشملو و الشوكولا ,,, الخ

http://e.top4top.net/p_7199ub7.jpg

نجيو للحفلة
القاطو انا يعجبوني حلويات الاخت اسماهان روعة
المهم راعي في اختيارك تديري حلويات للقهوة تكون ساك
حلويات للتاي تكون معسلة
وحلويات اللي في ليبوات تكون منوعة واحد شوكولا وواحد غلاصاج وواحد بالسكر وواحد معسل ,,,,الخ وبما انو ختان انا في رايي متنسايش حلوى الطربوش روعة ومناسبة
ولي بوات كاين بزاف اشكال يجيو للختانة انا عن نفسي يعجبوني هدو

http://d.top4top.net/p_71a75t3.jpg

http://e.top4top.net/p_71mrv54.jpg

يجيوني مناسبين للختان

وتاني متنسايش الفال تقدري تديريه في هد لي صاشي

http://c.top4top.net/p_71nzxu2.jpg

ولا في هد لي بوات ولا هد لي صاشي تاع الاورغونزا

http://c.top4top.net/p_71ol1a1.jpg
http://d.top4top.net/p_71ev5t2.gif

و بالنسبة للدراجي والمكسرات نفضل هد لي بوات لانهم الانسب

http://d.top4top.net/p_71843b5.jpg


ودرك نحكيلك واش درنا في طهارت خويا
اول شي نهار الحنة عشينا غير لافامي الاقربون برك و في الليل درنا سهرة للاقارب كامل
العشا درنا زيتون بالجاج ولي بول تاع الفيونداشي و شربة فريك باللحم و سلايط منوعة و طاجين حلو و القازوز
السهرة درنا الحنة حنينا لخويا يدو ورجلو حشاكم
وبدينا نسربيو القازوز مع لي بوات تاع القاطو درنا فيهم حلوى القطيفة و حلوى المفاجئة و صابلي و بقلاوة
من بعد لاتاي مع الصامصة والمقروط والكوكاو
الفال و المكسرات و الدراجي
للذراري درنالهم قصابلي و كروكي في لي صاشي كيما هدو
http://c.top4top.net/p_71nzxu2.jpg
و في صاشي اخرى درنالهم ماكسي و شيبس وحلوى

وغدوا من ذاك طهرنا خويا الصباح و درنا للرجالة الغدا شخشوخة مع القازوز و فرقنالهم القاطو والفال
خويا لبسنالو لبسة تقليدي بالفتلة في الحنة و غدوة من ذاك في الطهار لبسنالو قندورة عربي

ان شاء الله نكون افدتك ولو بالقليل و ربي يتمملك على خير ان شاء الله

[فاتي تيارت]

Rabi yahfadlrk wlidek

[خولة الجزائرية]

لي عودة انا ثاني ناوية نطهر ولدي

[loudjaine]

يا اختي الطهارة بالستر طهري لولدك و روحي لدارك ما تقولي حتى لواحد لي سمع و جاك مرحبا بيه

[hanzada]

ربي يفرحك و يفرحه

[خولة الجزائرية]

افكار روعة ننتظر المزيد من التفاعل

[azych]

ربي يصونهم اختي . انا ثاني عملت الختان لولادي الثلاثه مع بعض مي تعبت معاهم لانو من بعد الختان يحتاجو ا رعايه ونضافه واهتمام ورعايه طبيه .فمن راي تزرمي وتختنيلهم قبل ما يجيك الثالث هاهاها