اريد ان اعرف كيف اوصل الخبر الى امي

[ramzi-messi]

السلام عليكم

اخواني انا طالب في الجامعة عمري 21 سنة . شفت وحدة عجبتني و تسكن في الحومة نتاعنا و من زمان كنت نشوفها و اليوم ولات تقرا معايا في نفس الكلاسة .

باغي نقول لامي باش تحط الكلمة عليها عند امها و لكن انا انسان خجول عمري ما فتحت مع امي هدا الموضوع

اود منك تعطوني طريقة لاعلم امي بها و جزاكم الله خيراا

[أم الولدين]

مادمت بطريق الحلال اولا أسأل الله تعالى أن ييسر لك امرك و يوفقك لما فيه خير
أتشير الله أوا فماخاب من أستشار وماندم من استخار
ومنهااا و إن لم تستطع فابعت اليها احد من دويييييك ليفاتحها في الموضوع و إن شاء الله الام حسب اعتقادي جل الامهات يفرحن بهدا الامر
وربي يسهلك اخي

[وصال سلام]

شوووف مادامها بنت الحارة اكيد امك تعرفها اجلس مع الوالدة في وقت يكون مزاجها مليح يعني المورال طالع وقوللها كاينة واحدة في الحارة ربي يبارك ومعنيلها اوابعث اختك او اخوك يقوللها وربي يسهلك ويجيبلك لي فيه الخير ليك

اكيد راح تلقى معارضة من الوالدين بحكم السن والعمل و الخدمة العسكرية والمسؤولية وووو لكن طول بالك وناقشهم بالعقل قول خايف لا تطير من ايدي نمد الكلمة وراهم كامل ولاو يديروا هكذا راهم يتزوجو في سن صغيرة

[نصيرة الإسلام]

اولا بارك الله فيك اخي
شخص في مثلك سنك يبحث عن الحلال قبل كل شيء,, جميل ,,قليل من يفكر في الحلال كاول خطوة اسال الله ان يتبثك .. و ربي ييسر لك فيما تبقى و يقدر لك خير حيث كان
اما بعد كما ذكرت الاخت " ام الولدين"
اول ما يحبذ للمرء عمله هو القيام باستخارة خالقه فهو الاعلم بما هو خير لك و اكثر الدعاء في الصلاة و اسال الله الرزق الحلال
ثانيا تاكد من هذه الفتاة فيها من الصفات ما تتمناه في شريكة حياتك .. فاعتبارا لسنك فانه غالبا ما يكون الاختيار غير مؤخوذ بعين الاعتبار
اما بالنسبة لكيفية اخبار امك :
نظراا لحرجك من اخبارك لامك مباشرة ..اذا كان لك اخ متزوج اكبر منك او اخت فيمكن ان تخبرهم بالموضوع و هم سيفتحون الموضوع لامك بطريقة طريفة تستطيع بواسطتها ان تعلن لامك بانك حقا تفكر بالامر و تخبرها عن الفتاة
قل هذا الدعاء قبل ان تفاتحها بالموضوع " اللهم اشرح صدري و احلل العقدة من لساني يفقه قولي "
و لا تنسى اخي خير البر عاجله ,, يعني لا تعسر على نفسك فامك لن تقطع راسك اذا كلتها بهذا بل بالعكس ستفرح بذلك خصوصا اذا كنت اكبر اولادها
و اسال الله ان ييسر لك امرك و يرزقك بما يرضيك و يرضي الله

[bounour21]

السلام1

كما قالولك الأخوات أخي . أولا صلي صلاة الإستخارة
بعدا ذلك . صارح أمك أخي وإذا كنت تحشم كما قلت . أحكي مع أختك . ألي تشوفها مناسية { شرط لا تخرج من دائرة العائلة . الناس غياريين بزاف } ويوسوسوك
وتوكل على ربي . وربي يكمل أخي .

أنا ثاني كيفك نقول اليوم نقولها . اليوم نقولها . الحشمة هاذ دايرة فينا حالة . يامحاينك . أنا لقيت حل هي أخت ِ شوية مفتوح المجال بيني وبينها . ;)

ربي يكمل لكل واحد يرغب فالحلال .

الخاتمة1

[رقة زمان]

أنا أخي الصغير في مثل سنك احب فتاة مثلك وهو ليس خجول وكان يلمح لامي بالزواج لكنها رفضت بحكم السن وانه مازال يقرى والخدمه مكانش ...أنا من رايي لا تتسرع ..راقب الفتاة من بعيد أدا ماكنتش على علاقه بيها ..ولا صلي صلاة استخاره وربي يسهل

[ramzi-messi]

مشكووورين على الرد الجميل و الله طلعتولي المورال هههههه

بالنسبة للاخت نصيرة لمحت ان كنت اكبر اولاد لامي

انا الولد الوحيد في العايلة مع 3 بنات

[صمت الرجوله]

ببساطة صاحبي لازم عليك تتجاوز الخجل نتاعك لانو ليس بمبرر ...تبارك الله عليك راك رجل و تخمامك نتاع رجل فلماذا الخجل في مثل هاذ المواضيع. روح اتكلم مع امك عادي و بشكل صريح بدون لف و دوران و تلميح و الله الموفق

[نصيرة الإسلام]

مشكووورين على الرد الجميل و الله طلعتولي المورال هههههه

بالنسبة للاخت نصيرة لمحت ان كنت اكبر اولاد لامي

انا الولد الوحيد في العايلة مع 3 بنات
ههه ربي يخليك ليهم ان شاء الله
اذا توكل على الله اخي ,فاتحها بالموضوع اليوم قبل غذ
نتمنى لك كل التوفيق

[ramzi-messi]

ربي يحفظك ان شاء الله