لماذا

[مشكلتي]

السلام عليكم

هاذي حاجة حرقت في قلبي وحبيت نحكيها مش رح نكسرلكم راسكم بواش دارت فيا ام زوجي لانه مش رح يكفيني موضوع او ثلاثة والشي اللي دارته يتعدى المشاكل الصطحية المعروفة بل هي اكاذيب وفتن مش معاني وتفاهات

اخرها توفات جداتي في يوم عرفة يعني في عشية العيد من بعدها رفدت الهاتف وخبرتها باش متقولش لزوجي راهي مقالتليش لانها ديما تختلق المشاكل من العدم انا نتكلم معاها بكل ادب واحترام وهي تضحك وتقولي شكون اللي مات اه ام جدتك اه خالتك اه جداتك واشكون هاذي ها هاه هاهاهاهاهاهاها وتضحك بصوت عالي ونبرة التشفي في صوتها تقول واحد قالوله راك رايح للجنة وفرحان ؟

كظمت غيضي ودموعي تسيح وانهيت المكالمة لاعزات امي ولا حضرت الجنازة وامي كانت ديما سباقة لهاد الشيء وتخيلوا تقلق فيا وانا حامل في شهوري الاولى تستفز فيا حتى كلمة مبروك على الحمل ماقالتهاش

راني نفاجي في قلبي رح نترتق وشمن جنس هاذي كي يولدوا ولادهم خلاص عندهم صلاحية الظلم والمنكر في بنات الناس باي دين هاذي باي عرف حتى الحيوان ميديرهاش

[Zahra 30]

وكلي عليها ربي اتهلي في روحك و في زوجك و متقلقيش روحك خممي في لي راه في كرشك
ربي يفرج عليك والله يسهلك في الحمل

[souadamina]

ماتعيشلهاش كامل اتفاهمي نتي وراجلك وهي خليها ربي يهديها بناتهم يحبولهم الخير وبنات الناس يحبو يديروهم تحت رجليهم اتهلاي في روحك على جال البيبي الناس تحزن كي يموت الميت ماشي تضحك يلوكان مايعرفوهش هاذي كامل غيرة تهدر فيها اقتليها غير بالبارد ومتمرضيش روحك على جالها كي ماجاتش عزات راهو راحلها الاجر والثواب لوكان تقعدي دقي في كل صغيرة وكبيرة وبعيد الشر عليك تحكمك الغدة ولا السكر وتطفر غير فيك مالا عيشي حياتك بالطول والعرض وماتشوفي حتى في واحد .

[ROMMEL]

و يستمر مسلسل الحماة و العروسة الذي لا ينتهي

[رقة زمان]

حسبي الله ونعم الوكيل من هاد العجايز....الله يهديها

[سفير الأيام]

مهما دير فيك ما تعانديهاش وديما حني عليها كوني انتي المثل يجي النهار وين يهديها ربي وتولي تعزك اكثر من ولادها

ما تقلقيش روحك المهم عندك زوج المفاهمة بيناتكم والباقي يتصلح ربي راه يشوف

حرزي تجرحيها راهي في مقام يماك

[naamane3]

اذكار الصباح والمساء تكفيك

[أم شهد*]

الصح كامل في راجلك خليها و متعمريش راسك بها راه ربي يهديها و تفطن لروحا

[minofoufa]

اختي وكلي عليها ربي و خليها و ماتحكيش لراجلك بزاف psq يكره و هي تبقى ديما يماه. نتي اعرفي كيفاه ما تهتميش بالهدرة تاعها srt كي راكي حامل و هكذا راه تضيعي روحك على ما كان والو :mh92:

[oum souhaib]

ربي يهديها ان شاء لله

[SAYA1998]

يا اختي اصبري مناجل الولد الذي في بطنك ووالده ربما يهديها الله بعد انجاب الحفيد وربي ما فيه غير الخير

[oum imane83]

المهم الواحد يعملو واجبو لوجه ربي.. والباقي ينساه .........علاش نعمرو قلوبنا في ناس ماتستاهلش... خلي قلبك بيض وماتعمريهش بالحسد والكره ربي راه شايف كل شيء.. سورطو ماكومش ساكنين مع بعض ...........

[AMINA.Z]

تضحك تبكي ..ربي يسهل عليها بينها بين مولاها
عندك واجبات باينين ديريهم و كلامها خليه يدخل من اذن و يخرج من الاخرى
ديري ثقة في ربي ...هو اللي يجيبلك حقك منها

[AMINA.Z]

تضحك تبكي ..ربي يسهل عليها بينها بين مولاها
عندك واجبات باينين ديريهم و كلامها خليه يدخل من اذن و يخرج من الاخرى
ديري ثقة في ربي ...هو اللي يجيبلك حقك منها

[عاشقة مجنونة]

انا نقولك طنشي و ديرى روحك معلابالكش كيما قالك طنش تعش

[ود الرحمان]

ربي يكون معاك اختي
عليك بالدعاء

[القائدة]

العجايز هاذو هبلو عام السنة واش كاين ياك غير الخير !
ربي يهديهم عكل حال

[zaahra]

الله يهديها

[ramzi-messi]

تمهبلي عليها تولي تخاف منك

[صابين]

مانيش رايحة نقلك ماتقلقيش و لا ما تعمريش بيها راسك لانو الشي الي دارتو ما يتحملوا حتى عقل و لا واحدة مومنة.المهم انت احقريها لانها ماهيش نورمال عندها سلك مش في بلاصتو انسايها بكل بساطة و ما تبينيش راكي مقلقة منها باش ما تعطيهاش قيمة اكثر و هي ما تستاهلهاش ما جاتش عزاتكم نوووورمال كلي ماهيش تكزيستي ماهيش في الوجود اصلا خمي في روحك ماتنفعك غير صحتك و زوجك اكيد ربي يكون في عونك سلام.