هل تسمونه طمع أو طموح أو مادا !!!!

[mrfethi]

السلام عليكم ، دوك نبدأ من الأول
بعد إجتيازي للأبكالوريا هدا العام كنت داير في بالي ندي كاش 12 على الأكثر يعني راني مليح و مكنت داير حتى تخصص في بالي
أيا خرجو النتائج وصبت روحي ديت 14.97 أنا و دهشت
درت الطب الأولى لأنها مهنة أبي و كنت نحبها بصح مكنتش نخمم نديرها لأنني لم أعتقد أنني سأنال دلك المعدل
و بعدها درت طب الأسنان رغم أنني كنت نكرها شوية

و خرجت التوجيها و بعثوني طب الأسنان ، منجمتش نقراها جاتني ثقيلة على قلبي و حبيت الطب

دوك راهي تالفتلي يا نعاود الباك أو لا !!!! واش رايكم

[asma-forever]

هههههههه مليحة هادي ساعات صح الواحد تتلفلوا ماعليش الاخ زيد خمم مليح لاخاطر طب الاسنان اختصاص رائع والمستقبل نتاعوا مليح واذا مقدرتش اقرا وعاود الباك ودير طب

[شمۋځ أنٹـے »]

خويا طب الاسنان كيما قالولي عليها لقراية تاعها ممتعة رانا كاما حاسين هاكاك انا ديرة طب مزال مابديناش لقراية وراني كارهة خخخخ
بلا مانفكرك طبيب الاسنان عندو مستقبل ماشاء الله وزيد 6 سنين قراية وتخرج تبدا حياتك
اذا كان عندك طموح لكاش حاجة حاب ديرها عاود الباك لكن بما انك ماكنت داير حتى حاجة في راسك اقرا برك مبعد توالف و تولي تبالك لقراية مليحة
علاه تزيد تضيع عام من حياتك خاصة انو التخصصات المليحة اكل فيها قراية بزاف 5 سنوات او اكثر

بالتوفيق~

[samalg]

حتى طب الاسنان مهنة مليحة بزاف يا الاخ وما فيهاش سنين قراية بزاف
انا جاتني ما تعاودوش ممكن كون تعاودو ما تديش المعدل لي يأهلك للطب

[الدكتورة]

يقولو طب الاسنان اسهل من الطب فيها متعة كيما قالولك فيها بزاف براتيك و غير 6 سنين خيرلك من الطب
ربي يلحقني بيك يا اخي ان شاء الله
تقبل مروري

[mounirblk]

عاود افضل ليك
ههههه كيفاه درت من ١٢ لل ١٤ ؟؟ حيرتني
بالتوفيق√

[bac2016]

السلام عليكم ، دوك نبدأ من الأول
بعد إجتيازي للأبكالوريا هدا العام كنت داير في بالي ندي كاش 12 على الأكثر يعني راني مليح و مكنت داير حتى تخصص في بالي
مبروك عليك
أيا خرجو النتائج وصبت روحي ديت 14.97 أنا و دهشت
في البكالوريا التصحيح عموما ما يكونش مزير بصح الواحد كي يخاف بزاف يزر على روحو
درت الطب الأولى لأنها مهنة أبي
و كنت نحبها بصح مكنتش نخمم نديرها لأنني لم أعتقد أنني سأنال دلك المعدل
و بعدها درت طب الأسنان رغم أنني كنت نكرها شوية
لا تختر تخصص لا تحبه
و خرجت التوجيها و بعثوني طب الأسنان ، منجمتش نقراها جاتني ثقيلة على قلبي و حبيت الطب

دوك راهي تالفتلي يا نعاود الباك أو لا !!!! واش رايكم
ا\ا كنت تحب الطب فعلا فصدقني لن تحتار ستكون مستعد للاعادة من اجله و بكل سرور
يجب ان تعرف ما هو اكثر شيء تريده و لا ترغم نفسك على اختيار التخصص ال\ي ترفضه من الداخل و انا عن نفسي اجد الطب احسن من طب الاسنان
موفق

[سيف الدين الطيار]

انا تحصلت على 15.92 و اخترت طب اسنان

[Its me]

كيفاه جاتك ثقيل ة ؟

[زكرياء97]

انا شخصيا اسميه الطموح فالعلم لا يوجد في طلبه شيء اسمه طمع

[الجميلة انا]

اكيد هذا طموح و حب للتقدم اقدرك على هذا الشيء

اختر ما تراه يريحك و استخر الله تعالى

في كلية الطب هناك العديد من الطلبة الذين اعادوا البكالوريا حتى يبلغوا الطب و منهم حتى من كانوا يدرسون طب الاسنان

اسال الله تعالى ان يوفقك و يسدد خطاك

[kada_g]

أخي الكريم
استخر الله أولا فهو دليلك
واعلم أن فترة الدراسة ربما تكون طويلة قليلا في نظرك لكن فترة العمل أطول بكثير لذا اختر المجال الذي ترغب أن تعمل فيه باقي حياتك
موفق إن شاء الله

[ღツ بريق أمل ツღ]

و عليكم السلام
هذا طموح و ليس طمع انصحك يا اخي ما دام انك تحب الطب ان تعيد البكالوريا
لأنك ستخسر عام من اجل حلمك خير من ان تخسر عمرك كله في مهنة لا تحبها
و لاتسى استخارة الخالق فما خاب من استخار الله و بالتوفيق