الانتقال من منزل ال اخر

[ام ياسمين10]

السلام عليكم ورحمة الله وبركاته
بعد اسبوعين ان شاء الله سانتقل من منزلى الى اخر
منذ ان تزوجت لم انتقل من منزلى يعنى معنديش خبرة فى موضوع -الرحلة-
رانى مشوشة وخايفة من التعب ومعنديش الى يساعدنى وحايرة منين نبدا
نتمنى المساعدة من الاخوات الى سبق ورحلو يفيدونى باش منتعبش
وفى الاخير دعوة خير الى كل من ترد على

[قصي عبد الرحيم]

شوفي أختي العزيزة أنا دبر عليك ديري كراتن أو كارتونات و أكتبي على كل واحد فيهم المكان المخصص ليهم مثلا الصالون الأشياء الخاصة بالخزانة أكتبي خزانة و هكذا و غرفة النوم كل باب أكتبي على الكارتون المكان انتاعه حتان تكملي و إذا قدرتي صوري قبل ما تنحي الحوايج من المكان طريقة عمل بيها خويا و الله 100/100 ناجحة إن شاء الله.

[ahmed saja]

ربـــي ينور طريقــك
ويوجهك الى طريــق السعادة

[آلاء النايلية]

احسن طريقه لوراتهالك قصي
و مدا بيك نهار الرحلة انت تعودي في الدار الجديدة و تستقبلي الحوايج و توزعيهم بايدك اضمن و تسهال عليك
و متنسيش كلش غلفيه بالجرنال قبل لا تحطيه في الكراطن
وربي يسهلك و يهنيك

[oumhana]

مبروك العتبة الجديدة بالصحه والهنا كما قال قصى فالمشاركه رقم 2 فكره رائعة و مفيده ٠ رحلت مره و تعبت هذي المره إن شاء الله كنرحل نعمل هذ الطريقه٠مبروك ولعقوبة ليا.

[ام ياسمين10]

مبروك العتبة الجديدة بالصحه والهنا كما قال قصى فالمشاركه رقم 2 فكره رائعة و مفيده ٠ رحلت مره و تعبت هذي المره إن شاء الله كنرحل نعمل هذ الطريقه٠مبروك ولعقوبة ليا.

للاسف رانى رايحة نكرى وان شاء الله ربى يرزقنا السكن الواسع انا وانتى وكل محتاج

[ام ياسمين10]

شوفي أختي العزيزة أنا دبر عليك ديري كراتن أو كارتونات و أكتبي على كل واحد فيهم المكان المخصص ليهم مثلا الصالون الأشياء الخاصة بالخزانة أكتبي خزانة و هكذا و غرفة النوم كل باب أكتبي على الكارتون المكان انتاعه حتان تكملي و إذا قدرتي صوري قبل ما تنحي الحوايج من المكان طريقة عمل بيها خويا و الله 100/100 ناجحة إن شاء الله.

ربى يعطيك ماتتمناى اختى طريقة روعة ان شاء الله نعمل بيها

[ام ياسمين10]

احسن طريقه لوراتهالك قصي
و مدا بيك نهار الرحلة انت تعودي في الدار الجديدة و تستقبلي الحوايج و توزعيهم بايدك اضمن و تسهال عليك
و متنسيش كلش غلفيه بالجرنال قبل لا تحطيه في الكراطن
وربي يسهلك و يهنيك

امين يارب شكرا على الدعوة
وانتى ربى يعطيك ماتتمناى

[ام ياسمين10]

نتمنى من الاخوات يزيدو يعطونى افكار

[imanaz]

بالنسبة لي اندير الملابس كيما كانو في الخزانة في الاكياس الكبيرة و نحط اتيكات و نكتب عليها ملابس من؟ هل هي تاع الصيف او الشتاء
بالنسبة للأواني داخل كراطن بعد ما نغلفهم في الاوراق(الورق اللي نغطو بيه الطاولات في الاعراس) و دائما نكتب واش فيها و منين نحيتها
ربي اقدرك و مبروك العتبة الجديدة

[ام ياسمين10]

بالنسبة لي اندير الملابس كيما كانو في الخزانة في الاكياس الكبيرة و نحط اتيكات و نكتب عليها ملابس من؟ هل هي تاع الصيف او الشتاء
بالنسبة للأواني داخل كراطن بعد ما نغلفهم في الاوراق(الورق اللي نغطو بيه الطاولات في الاعراس) و دائما نكتب واش فيها و منين نحيتها
ربي اقدرك و مبروك العتبة الجديدة

يكثر خيرك حنونة ويعطيك من نعيمو
رانى شريت الاكياس وبديت نلم فى القش الى منستعملوش حاليا

[hafidha20010]

مبارك عليك السكن اليوم راه كراء وغدا يفتح عليك رب ويولي ملك ان شاء الله
ديري كما قالولك لخوتات وروحي غير بالعقل الدنيا مش رايحة تهرب على بالي بلي تحبي تكملي وتفرسي كلش باه تتهناي بصح هكذا تعياي ومنبعد يدور عليك التعب
كل يوم افرسي وسرجي قد ما تقدري بلا ما تفوتي وقت الأكل مع عايلتك ولكان عندك ولاد يقراو ماتنسايهمش هذا الرحلات يأثرو بزاف في الاطفال وقتهم انتاع المراجعة لازم تحافظي عليه باه مايفلتوش منك
بمعونة الله ترحلي وتسكني ةتسرجي حوايجك كالمنام رب معاك

[deltamax7]

شوفي أختي العزيزة أنا دبر عليك ديري كراتن أو كارتونات و أكتبي على كل واحد فيهم المكان المخصص ليهم مثلا الصالون الأشياء الخاصة بالخزانة أكتبي خزانة و هكذا و غرفة النوم كل باب أكتبي على الكارتون المكان انتاعه حتان تكملي و إذا قدرتي صوري قبل ما تنحي الحوايج من المكان طريقة عمل بيها خويا و الله 100/100 ناجحة إن شاء الله.

فكرة الكرتون رائعة أنا جربتها شخصيا كل شيء يصبح سهلا. ذهبت عند بائع الاحذية لان لدية كرتونات من الحجم القوي والكبير الحجم اشتريت scotch من النوع الكبير بسعر 170 دج. عند تعبئة الشاحنة سيكون كل شيء سهل ان شاء الله تعالى.

الله المستعان.

[ام ياسمين10]

مبارك عليك السكن اليوم راه كراء وغدا يفتح عليك رب ويولي ملك ان شاء الله
ديري كما قالولك لخوتات وروحي غير بالعقل الدنيا مش رايحة تهرب على بالي بلي تحبي تكملي وتفرسي كلش باه تتهناي بصح هكذا تعياي ومنبعد يدور عليك التعب
كل يوم افرسي وسرجي قد ما تقدري بلا ما تفوتي وقت الأكل مع عايلتك ولكان عندك ولاد يقراو ماتنسايهمش هذا الرحلات يأثرو بزاف في الاطفال وقتهم انتاع المراجعة لازم تحافظي عليه باه مايفلتوش منك
بمعونة الله ترحلي وتسكني ةتسرجي حوايجك كالمنام رب معاك

راكى حاسة بيا اختى رانى حابة نزرب ونرحل علاجال وليدى نورمالمو يدخل سنة اولى ومزال مدخلتوش قلت نسجلو دربة وحدة مكالاه نظل نحول فيه
ان شاء الله اليوم نوصى راجلى يجيبلى لكراتن نتاع الصبابط
ربى يهنيك حنونة مع وليداتك ويحفظهملك ويفتح لبواب فى وجهك

[فرحة العمر]

عتبة خير عليك وعلى عائلتك وربي يرزقك بيت أوسع وملكك
أنا عندي أسبوع ملي رحلت الحمد لله ملك أول حاجة درتها رحت نظفت الدار وشفت الغرف ومن بعد فرغت الخزانة درت القش في أكياس بلاستيك سوداء وملابسي الداخلية درتها في فاليزة وخليت فاليزة صغيرة فيها واش نحتاج الأيام اللي رايحة نقعد في داري قبل الرحيل بعثت السرير والخزانة قبل باه تبقالي لبلاصة ونخمل الحوايج بعقلي ووصيتو يدير الحوايج الي يتكسرو في غرفة والباقي في غرفة
كي ترحلي أبداي بغرفة النوم باه تتفرزلك الحالة ثم المطبخ ثم باقي الغرف
شغلي سورة البقرة كي تعودي تخدمي والله متحتاجي حتى حد يعاونك أنا درت كل شيء وحدي بالعكس كي جاو يعاونوني زادو عليا مع ولادهم
نتمنى نكون أفدتك وربي يباركلك

[ام ياسمين10]

عتبة خير عليك وعلى عائلتك وربي يرزقك بيت أوسع وملكك
أنا عندي أسبوع ملي رحلت الحمد لله ملك أول حاجة درتها رحت نظفت الدار وشفت الغرف ومن بعد فرغت الخزانة درت القش في أكياس بلاستيك سوداء وملابسي الداخلية درتها في فاليزة وخليت فاليزة صغيرة فيها واش نحتاج الأيام اللي رايحة نقعد في داري قبل الرحيل بعثت السرير والخزانة قبل باه تبقالي لبلاصة ونخمل الحوايج بعقلي ووصيتو يدير الحوايج الي يتكسرو في غرفة والباقي في غرفة
كي ترحلي أبداي بغرفة النوم باه تتفرزلك الحالة ثم المطبخ ثم باقي الغرف
شغلي سورة البقرة كي تعودي تخدمي والله متحتاجي حتى حد يعاونك أنا درت كل شيء وحدي بالعكس كي جاو يعاونوني زادو عليا مع ولادهم
نتمنى نكون أفدتك وربي يباركلك

فرحتينى بدعوتك حنونة ربى يفرحك دنيا واخرة وربى يباركلك فى العتبة الجديدة ويجعلها مليئة بالافراح
اما سورة البقرة رانى كل يوم نديرها وانا نخمل فى القش نحس بالطمئنينة

[تيجان]

سلام اختي حنا كي حبينا نرحلوا بديت بالفراش طميتو في ليدرا كل وحدى شحال ترفد
من بعد اثاث المطبخ كل حاجة في كرطون و طميها في الجريدة باش ما تتكسرش في الطريق و كتبي عليها كيما سبق و قالولك لبنات
من بعد الاثاث الكبير باين و بدياي ترحلي مثلا الصالون تحطيه في الصالون واثاث المطبخ كيكيف
و الديكور مع الوقت تبقى تبانلك كيفاش تعمليه
و بالتوفيق ان شاء نكون فدتك شوية و تسلك ان شاء الله

[ام ياسمين10]

الحمد لله عندى خمسة ايام ملى رحلت سلكت على خير
درت كيما قالولى الاخوات ربى يحفظ كل وحدة ردت عليا
عاونتونى بزاف

[ام محمد31]

انا كذلك بعد ايام سوف ارحل الى سكن و ظيفي لزوجي
لقد استفدت كثيرا من هذه النصائح لكن عندي الكثير و الكثير من المابل و الادوات و بيتنا الجديد فيه فقط 4 غرف اما منزلي الجالي فيه 7 غرف سوف اواجه مشكلة كبيرة في الترتيب

[بسمة امل الجزائر]

ان شاء الله تكون عتبة خير عليك يام ياسين ويرزقك بيت عن قريب

كنت معولا نعيطك افكار لاني اول مرة نشوف موضوعك بالصح الحمد لله الاخوات كفاو ووفاو في المساعدة

برك بغيت نقولك انتي في فترة تاع التخمال شوفي كي تنوضي صباح بكري دير غداء +عشاء وهدا بعدما تفطري وماتغسليش مواعن حتى تنصبي ماكلتك ومن بعد اغسلي الكل ونظمي كوزينة

ومن بعد تفغي كل غرفى لازم تكمليها ومن بعد تروحي للاخرى ربي يعينك ويفرحك عن قريب يارب

[بسمة امل الجزائر]

ام محمد ربي يعينك حبيباتي صح مشكل ا لاثاث كي يكون اكثر من الغرف بالصح علابالي بيكط شاطلارة وان شاءا لله تلاقي كل شيء بلاصة
ان شاء الله تكون عتبة خير عليك يارب

[ام ياسمين10]

مشكورات حبيباتى على النصائح الحمد لله رحلت وفاتت على خير

[امونة الشاوية]

ربي يفرج عليك ويسهلك الرحله

[وفاء سعاد]

الحمد لله اللي تهنيتي
وابنك سجلتيه ولامازال وكيفاه تعاملتي مع الدروس اللي فاتوه

[نهلةن]

السلام عليكم ربي يهنيك اختي ويفرج همك واليوم كراء غدوة يمدلك ربي انا ماعنديش بزاف ملي رحلت شوفي اختي في الاول وصلت حوايج الكوزينة كامل ورحت رتبتهم ورجعت لداري لقديمة ومن بعد ريحت وزدت رحلت القش زدت رحت ونضمت كل شئ في بلاصتو كل واحد درتلو قشو في خزانتو بلاكارات ماشي خزاين المهم وفي الاخير الفراش النابل معنديش قلت نشري من جديد وين سهل ربي وننصحك تكتبي على كل كرتون وزيد مدام كارية ننصحك تنقصي الحوايج خلي غير اللازم باش متريحيش صحتك على الباطل ومتكثريش لمابل اذا تحتم بيعي خاتر الرحيل يرشي الحوايج ربي يعينك اي سؤال انا في الخدمة