نعيد عند نسيبتي!

[Basketteuse]

عيدكم مبارك ، كل عام وأنتم بخير
بمناسبة العيد حبيت نطرح سؤال: مارأيكم في الرجل اللي يخلي دار باباه ويروح يضحي عند نسابه؟ ضاهرة لاحظتها ، واحترت فيها حقاااا!!!!!
من جهة اخرى للمرأة التي ترفض قضاء نهار العيد في بيت عائلة زوجها بحكم العادة، بحجة ان العيد في بيت ابيها احلى؟ والرجل يعيد في دار باباه وحده؟!
حالات كثيرة مرت علي ،تعيد على هذا النحو

[bounour21]

السلام1

عيدك مبارك أختِ . تقبل الله من الجميع

هذا هو المشكل الكل يفضل عائلته . سواء من الرجل أو المرأة . ولكن الأفضل يعيدوا هوما معا بعضاهم

تحذث هذه الحالة لحذيثي الزواج . لا أولاد ولا منزل مكتمل . الأغلبية يتزوجوا في ديار أبائهم . ويبقاو عوام ممبعد يرحلو لدارهم كي يكملوها

أفضل بكثير يعيشوا الزوجين وحدهم ولو يكريو . ويعيدوا وحدهم . واليوم الثاني يزوروا العائلات ديالهم في زوز . على حسب القرب أو على حسب الحاجة

ربي يقدر الخير في البلاد

الخاتمة1

[Basketteuse]

صح عيدك اخي وشكرا على اهتمامك
صحيح انه كل واحد يعجبو العيد في دار والديه، والحل الأمثل انهم يعيدو في دارهم المستقلة، لكن من جهة ، ان الزوجه هي من تحمل لقب الزوج، يعني تدخل ضمن عائلة الزوج، والرجل عنده القوامة يعني الاولى تعيد عند دار زوجها ، ماشي هو يخلي والديه ويروح لنسيبته، !!!! صح او لا؟

[مــحــمــد]

صح عيدك اخي وشكرا على اهتمامك
صحيح انه كل واحد يعجبو العيد في دار والديه، والحل الأمثل انهم يعيدو في دارهم المستقلة، لكن من جهة ، ان الزوجه هي من تحمل لقب الزوج، يعني تدخل ضمن عائلة الزوج، والرجل عنده القوامة يعني الاولى تعيد عند دار زوجها ، ماشي هو يخلي والديه ويروح لنسيبته، !!!! صح او لا؟

كلامك صحيح أختي لكن الأمر فيه سعة و يبقى كل واحد وظروفه
وكما قلتي الحل الأفضل هو يعيدو في دارهم المستقلة

[sarl02]

الرجل هو الدي تزوج بالمراة وجابها لعندو ماشي العكس ...وبالتالي هي التابعة وهو المتبوع وليس العكس...هذه هي القاعدة ولا يجوز الحياد عنها ...بالنسبة للعيد اذا كان الازواج حديثي الزواج اي بدون اولاذ كثر من المنطقي ان تعيد هاته العائلة الصغيرة في البيت الكبير للرجل حتى ولو كان للرجل بيت مستقل واشترى اضحية لوحده اجواء العيد في العائلة الكبيرة لها طعمها الخاص ...هذا هو المنطقي والمعمول به في محيطي العائلي ..والزوجة تذهب لاهلها وتعايدهم من بعد قضاء العيد في بيت زوجها اي على الاقل تذهب في ثاني ايام العيد ....لكن باش الراجل اروح اعيد عند انسابو هذه من المحرمات الا في حالة واحدة اذا كان مقطوع من شجرة فيعتبرهم في مكان اهله ويقضي معهم مثل هاته المناسبات....وفق الله الجميع.

[النايلية الأصيلة]

الرجل هو الدي تزوج بالمراة وجابها لعندو ماشي العكس ...وبالتالي هي التابعة وهو المتبوع وليس العكس...هذه هي القاعدة ولا يجوز الحياد عنها ...بالنسبة للعيد اذا كان الازواج حديثي الزواج اي بدون اولاذ كثر من المنطقي ان تعيد هاته العائلة الصغيرة في البيت الكبير للرجل حتى ولو كان للرجل بيت مستقل واشترى اضحية لوحده اجواء العيد في العائلة الكبيرة لها طعمها الخاص ...هذا هو المنطقي والمعمول به في محيطي العائلي ..والزوجة تذهب لاهلها وتعايدهم من بعد قضاء العيد في بيت زوجها اي على الاقل تذهب في ثاني ايام العيد ....لكن باش الراجل اروح اعيد عند انسابو هذه من المحرمات الا في حالة واحدة اذا كان مقطوع من شجرة فيعتبرهم في مكان اهله ويقضي معهم مثل هاته المناسبات....وفق الله الجميع.



السلام عليكم ورحمة الله وبركاته

كلامك صح ومنطقي مئة بالمئة

ولكن أنا أول مرة نسمع بلي راجل يعيد عند نسيبتو حبس راسي :confused:


الوالدين يربو ويتعباو باش أولادهم يكبرو وينجحو



ومن بعد يروح لنسيبتو :confused::confused::confused::confused::mad::mad:

لاحول ولاقوة إلا بالله




وش نقول ربي يهدي ان شاء الله

[Basketteuse]

الرجل هو الدي تزوج بالمراة وجابها لعندو ماشي العكس ...وبالتالي هي التابعة وهو المتبوع وليس العكس...هذه هي القاعدة ولا يجوز الحياد عنها ...بالنسبة للعيد اذا كان الازواج حديثي الزواج اي بدون اولاذ كثر من المنطقي ان تعيد هاته العائلة الصغيرة في البيت الكبير للرجل حتى ولو كان للرجل بيت مستقل واشترى اضحية لوحده اجواء العيد في العائلة الكبيرة لها طعمها الخاص ...هذا هو المنطقي والمعمول به في محيطي العائلي ..والزوجة تذهب لاهلها وتعايدهم من بعد قضاء العيد في بيت زوجها اي على الاقل تذهب في ثاني ايام العيد ....لكن باش الراجل اروح اعيد عند انسابو هذه من المحرمات الا في حالة واحدة اذا كان مقطوع من شجرة فيعتبرهم في مكان اهله ويقضي معهم مثل هاته المناسبات....وفق الله الجميع.

كلامك منطقي 100/100. حتى لو كان بين العجوز والكنة مشاكل، فالعيد هو يوم التسامح ، وإلا يعيدو وحدهم، اما يروح هو لدار باباها ويعيد ههههههههههه ، هذه اهانة، تثبت تبعية شديدة من الزوج لزوجته
اعرف حالات عديدة ، ومنها حالة احد الأشخاص تزوج بنت ابوها عنده مركز اجتماعي ، وهو ماعندو والو، دبرلو خدمة، وولا يسوق سيارة مرته، وفي الويكاند اكثر الحالات يروح يتغدى عند نسيبك، يعني آمو ماتشوفوش الا مرة في الشهر، والكارثة انه يعيد عند نسيبه وامه ارملة ، ولا يبعد بيتها الا ربع ساعة بالسيارة عن بيت أب زوجته، وفي ثاني عيد يذهب عند امه يتغدى بزربة وزوجته ماتروحش معاه، ومن بعد يرجع عند مرته واحبائه بيت نسيبه، مع العلم ان نسيبه لا يفرض عليه شيء

[dahmane42]

بدون تعليق
الخواف أمعيشتو قليلة

[،،ايمان،،]

السلام عليكم ورحمة الله وبركاته

كلامك صح ومنطقي مئة بالمئة

ولكن أنا أول مرة نسمع بلي راجل يعيد عند نسيبتو حبس راسي :confused:


الوالدين يربو ويتعباو باش أولادهم يكبرو وينجحو



ومن بعد يروح لنسيبتو :confused::confused::confused::confused::mad::mad:

لاحول ولاقوة إلا بالله




وش نقول ربي يهدي ان شاء الله



كلامك تاع العيد لا غبار عليه الزوج يعيد في بيته او بيت اهله

بصح لي ملون بالاحمر صح انخلعت فيه

علاش والدين الزوجة لقاوها مطيشة في الشارع و لا جابوها و في نهار كبرت ولات امراه

شوفي اختي من الحانب الديني هاد الهدرة ما عندهاش محل نهائيا و حق اهل الزوج على الزوجة هو نفسه حق اهل الزوجة على الزرج

او بالاحرى مكان حتى حق اصلا ميدخلوش في صلة رحم الزوج او الزوجة

كل واحد يصل والديه

و لكن يبقى باب الاحسان و لي يحسن للناس يجي نهار وين يحسن اليه فقط

رديت عليك من باب الانصاف فقط و الموضوع راني معاك فيه

[النايلية الأصيلة]

كلامك تاع العيد لا غبار عليه الزوج يعيد في بيته او بيت اهله

بصح لي ملون بالاحمر صح انخلعت فيه

علاش والدين الزوجة لقاوها مطيشة في الشارع و لا جابوها و في نهار كبرت ولات امراه

شوفي اختي من الحانب الديني هاد الهدرة ما عندهاش محل نهائيا و حق اهل الزوج على الزوجة هو نفسه حق اهل الزوجة على الزرج

او بالاحرى مكان حتى حق اصلا ميدخلوش في صلة رحم الزوج او الزوجة

كل واحد يصل والديه

و لكن يبقى باب الاحسان و لي يحسن للناس يجي نهار وين يحسن اليه فقط

رديت عليك من باب الانصاف فقط و الموضوع راني معاك فيه



لا أنا مقصدتش انو نقص من قيمة أهل الزوجة بالعكس

أي وحدة تحب أهلها وتحب تكرمهم بصح مش على حساب أهل الزوج


أنا ماقلتش كلام
هاك في الهوى عندي قصد وشفت قريبتي دارتها

والله ماعجبتني الفكرة

ومن ناحية الجانب الديني لا نا ولا نتي نقدرو ننصفو


لأنو عدنا في وقت ربي يستر

واحد مايهمو واحد حتى في المشاعر ولا معدهاش معنا

شوفي أنا مازلت في كلامي الام ما كانش يجي في بلاصها لا نسبية لا غيرها

وكل واحد مسؤول على تصرافاتو


سلام ..........

[كاميلا]

انا وحدة من الناس عيدت في داري بصح لوكان يخيروني بين نعيد في دار والديه او والديا نعيد في دار والديا بالطبع الجو عند والديا احسن مش هكد فقط عمري كامل عشته معاهم من الطبيعي نحن لدار والديا ودار والديه من الطبيعي يحن هو ليهم في الاخير هوما والديه وهادوك والديا انا مش كي نتزوج بيه معناتها والديه خلاص يوليو بابا وماما خخخخخهههه علاش هبلت مثلا

علاش جريمة الوحدة تعيد في دارها ومتروحش عند عجوزتها ؟ غريب امر هذا المجتمع

[كاميلا]

الرجل هو الدي تزوج بالمراة وجابها لعندو ماشي العكس ...وبالتالي هي التابعة وهو المتبوع وليس العكس...هذه هي القاعدة ولا يجوز الحياد عنها ...بالنسبة للعيد اذا كان الازواج حديثي الزواج اي بدون اولاذ كثر من المنطقي ان تعيد هاته العائلة الصغيرة في البيت الكبير للرجل حتى ولو كان للرجل بيت مستقل واشترى اضحية لوحده اجواء العيد في العائلة الكبيرة لها طعمها الخاص ...هذا هو المنطقي والمعمول به في محيطي العائلي ..والزوجة تذهب لاهلها وتعايدهم من بعد قضاء العيد في بيت زوجها اي على الاقل تذهب في ثاني ايام العيد ....لكن باش الراجل اروح اعيد عند انسابو هذه من المحرمات الا في حالة واحدة اذا كان مقطوع من شجرة فيعتبرهم في مكان اهله ويقضي معهم مثل هاته المناسبات....وفق الله الجميع.

تابعة ومتبوع وعلاقة تبعية انت راك لاباس ؟ فاهم الزواج مصالح وتبعيات كون جات القاعدة كي راك تقول كون الرسول اللي هو الرسول مكانش مقارنة بيه وبينكم مساعدش اهل بيته في اعمال المنزل
الزواج يا ولدي راهو تضامن وتكافل ومعاونة مش علاقة سيطرة حسبالك في العصر الحجري ا

ههه الراجل كي يقبل شهرية مرته معليش جاتكم عادي بصح كي يروح لاهلها مش عادي

[sarl02]

الـــــــــى الاخت كاميلا......نحن نتحدث على القواعد العامة التي تحكم بصفة عامة علاقة الازواج .وما قتلكش حرام الزوج اساعد زوجته في البيت..لا تخلطي الامور وتخصصي وتضيقي مجال المناقشة ... نعم انت التابعة ولست المتبوعة ...انت المطلوبة ولست انت الطالبة ....شئت ام ابيتي ولن تستطيعي قلب القاعدة ...القوامة بمعناها الاوسع بيد الرجل ومستحيل يتساوى الاثنين وفي هذا الجانب اي جانب المساواة الحديث يطول والدلائل من الكتاب والسنة والعلم كثيرة وكثيرة ..اذا كان الرجل رجلا بمعنى الكلمة ويسير وفق قواعد الشرع والطبيعة البشرية والعقل والمنطق اتسمين هذا تصلب وعقلية من العصر الحجري ؟؟؟...لي الشرف ان اكون هكذا اذا ...اما مسالة مال وعمل الزوجة واستغلال الزوجة لا تخلطي الامور ببعضها نحن في واد وانت في واد اخر ..وكل واحد مسؤول عن تصرفاته وقناعاته وحتى في هذه المسالة الشرع والقواعد العامة معروفة ...وفق الله الجميع.

[sarl02]

لا لا لا كلامك ليس منطقي مائة بالمئة ......................و القاعدة التي قدمتها ليست قرآن منزل ....أنا واحد من إخوتي لو كان ديرها نقتلو هههه


هي مجرد اعراف .....هي صحيح غريب نوعا ما ....لكن أكيد هناك مشكل ما يعني الفرح مع الأهل لا يعادله و لا نستطيع إستبداله بأناس أخرين مهما كانو ا ....لاحظ أن هذه المسألة مطروحة لدا الطرفين .......
و العرف الجزائري أن الزوج في المناسبات يكون مع اهله و ليس أهل زوجته ...................لكن إذا هوما حبوا يخرقو القاعدة أين المشكل ....؟؟؟؟

و الله ياسيدي محرمات ؟؟؟؟؟ ما انزل الله بها من سلطان ..........

وفقك الله .........أخي صاغل

راكي اتحاجي واتفكي في نفس الوقت ....لا تحاولي معاكستي يا متصرفة لاني متاكد انك معي تماما في ما قلت ....

[Basketteuse]

انا وحدة من الناس عيدت في داري بصح لوكان يخيروني بين نعيد في دار والديه او والديا نعيد في دار والديا بالطبع الجو عند والديا احسن مش هكد فقط عمري كامل عشته معاهم من الطبيعي نحن لدار والديا ودار والديه من الطبيعي يحن هو ليهم في الاخير هوما والديه وهادوك والديا انا مش كي نتزوج بيه معناتها والديه خلاص يوليو بابا وماما خخخخخهههه علاش هبلت مثلا

علاش جريمة الوحدة تعيد في دارها ومتروحش عند عجوزتها ؟ غريب امر هذا المجتمع

مانيش نهدر على الزوجان لي يعيدو في دارهم، حقهم
الموضوع يخص المرأة اللي تكركر راجلها عند والديها باه يعيد، مع العلم انو قادر يعيد عند باباه وايضا أتكلم عن المراة اللي تروح تعيد عند باباها وتخلي راجلها عند باباه ، ( طبعا لا اتكلم عن الحالات الخاصة، كالمرض وغيره)

[Basketteuse]

الصراحة أكره و أمقت الرجل الذي تظهر عليه علامات التبعية الغير منطقية ...........لزوجته و آرائها أو أهلها ....أنا لا أقول يعاديهم أو يكرههم لكن شوية رجولة سبحان الله ........................الإنسان تكون عندو شخصية يتفرد بها ..........أنا أصلا يسقط من نظري
عموما ....هي توجهات لكل إنسان قناعة بها ......سبحان الله
هذا هو رأيي ايضا، للاسف بعض الرجال لهم شخصية ضعيفة ، يتبعون نسائهم كالعبيد، وبعض النساء ربي يهديهم، تقول راهي في منافسة، غير تلقى راجل، حتى تخرج جميع الأسلحة ، نحو اهله، تقول نتغدى بيهم قبل ما يتعشاو بيا

[catia]

والله اتعجب من الذين يستهينون بهذه الامور ويعتبرونها شخصية فنحن جزائريون لنا عاداتنا وتقاليدنا واعرافنا فكل يوم نتفاجا بخرجة جديدة هذا يختن اولاده عند اصهاره وذاك يصوم شهر رمضان عند نسيبتو واخر يجر اضحيته خلف زوجته الى بيت اهلها في الماضي كان الرجل لا يدخل بيت اصهاره الا للضرورة القصوى حفاظا على هيبته وقدره اين رجولة هؤلاء اين مكان والديهم من الاعراب فالزوجة تحمل اسمه يعني اسم عائلته فمن يتبع من? لقد تغير كل شيء وانقلبت الموازين واصبح الصح غلط والغلط صح فانا هنا اقصد اشباه الرجال الذين سلموا رقابهم بكل خنوع لزوجات استرجلوا وحادوا عن طبيعتهن فابدعن في اذلالهم واصبحوا دمى او عرائس كراكوز يتسلى بها المجتمع واختم تدخلي هذا بقصة واقعية بطلها احد اقربائي حيث اقام وليمة بمناسبة زفاف ابنته ودعى كل الناس من معارف واحباب وجيران واصهار....الا شخص واحد اتدرون من?انها امه وهو بكرها واعز ابنائها وهي مقيمة عند ابنتها فحزنت كثيرا وتاثرت ولم تتوقف عن البكاء الى ان وافتها المنية فكيف سيقضي بقية حياته وكيف سيلقى ربه? فاتعظ اخي الرجل واعلم ان ظفر احد والديك يساوي مليار امراة

[Basketteuse]

والله اتعجب من الذين يستهينون بهذه الامور ويعتبرونها شخصية فنحن جزائريون لنا عاداتنا وتقاليدنا واعرافنا فكل يوم نتفاجا بخرجة جديدة هذا يختن اولاده عند اصهاره وذاك يصوم شهر رمضان عند نسيبتو واخر يجر اضحيته خلف زوجته الى بيت اهلها في الماضي كان الرجل لا يدخل بيت اصهاره الا للضرورة القصوى حفاظا على هيبته وقدره اين رجولة هؤلاء اين مكان والديهم من الاعراب فالزوجة تحمل اسمه يعني اسم عائلته فمن يتبع من? لقد تغير كل شيء وانقلبت الموازين واصبح الصح غلط والغلط صح فانا هنا اقصد اشباه الرجال الذين سلموا رقابهم بكل خنوع لزوجات استرجلوا وحادوا عن طبيعتهن فابدعن في اذلالهم واصبحوا دمى او عرائس كراكوز يتسلى بها المجتمع واختم تدخلي هذا بقصة واقعية بطلها احد اقربائي حيث اقام وليمة بمناسبة زفاف ابنته ودعى كل الناس من معارف واحباب وجيران واصهار....الا شخص واحد اتدرون من?انها امه وهو بكرها واعز ابنائها وهي مقيمة عند ابنتها فحزنت كثيرا وتاثرت ولم تتوقف عن البكاء الى ان وافتها المنية فكيف سيقضي بقية حياته وكيف سيلقى ربه? فاتعظ اخي الرجل واعلم ان ظفر احد والديك يساوي مليار امراة

بوركت اختي، خير ما قلت، لكن لن اقول الرجل لا يدخل بيت صهره الا للضرورة، لان هيبته لا تنقص بزيارتهم، لكن ليس على حساب عائلته ، فمثلا انا وزوجي في عطلة الاسبوع نزور أهله فنجد اخته وزوجها هناك ، كل عطلة،. ، ومرات يتكلم زوج اخته مع أمه في الهاتف ، تلومه على عدم زيارتها، يقولنا ماتبيعوش بللي راني هنا، أني عندي شهر مارحتش!!!!!!!!!!!!!!! صراحة يحبس راسي

[fatima zohraa]

السلام عليكم.اختي كيما انا عندي 7سلافي كيفاه نروح نعيد عندهم.لايجوز الختلاط.مادابيا بصح عيدت فداري.كل واحد وضروفو وغير الله عز وجل لي يعلم السرائر.ممكن اهل الزوج مايقبلوش ممكن عندهم ضروف.

[Basketteuse]

السلام عليكم.اختي كيما انا عندي 7سلافي كيفاه نروح نعيد عندهم.لايجوز الختلاط.مادابيا بصح عيدت فداري.كل واحد وضروفو وغير الله عز وجل لي يعلم السرائر.ممكن اهل الزوج مايقبلوش ممكن عندهم ضروف.

لم تفهمي قصدي اختي، طبعا عندك الحق تعيدي في بيتك المستقل حتى وما عندكش سلاف، انا أتكلم عن الرجل اللي يخلي والديه ، ويروح يعيد عند والدين زوجته، والأمثلة عديدة، ليس لشيء، وانما لان زوجته لا تتفاهم مع والديه، او مايعجبهاش العيد عندهم