كيفاش نتصرف بالدراهم انا و زوجي

[طريق الهدى]

السلام1

اريد استشارة من ذوي الخبرة لو سمحتم

انا خدامة و راجلي خدام بيناتنا 6 ملاين ماشاءالله و كاريين دار بمليون للشهر و انا حابة نديرو كاش راي خاصة السكنى مليت معيشة الكراء

اللي عندهم تجارب يورولي كيفاش نتصرف؟ منيش حابة الدراهم تروح هكاك برك

عاونوني باستشاراتكم ربي يفتح عليكم خاوتي :19:

[caramail1986]

:dj_17:انا ثاني نفس الشيئ معاك والله العظيم قكرهت ولكن نقلك حاجة روحي عند الراقي لان دراهمكم محسوبين ومخزورين صدقيني انا منيش كارية بداري ولكن عندي لوجمو عندي 3 سنين وانا حابة نزيد عنها ونشري في الارض ولكن الدراهم منيش عارفة كفاش يروحو ربي يكون في العون

[علاونة]

كاين ليفيديوا في اليوتيب يشرحوا طريقة التصرف بالراتب
اما انا شخصيا لقيت طريق راني نشوفها مليحة و نطبقها هي اني عندما اتقاضى الراتب اشتري كامل الحاجييات التي تكفي الشهر كامل و الباقي يخزن ، هذه الطريقة ساعتني احسن من اخراج الدراهم كل مرة و الله اعلم .

[bounour21]

السلام1

كما أخبرك الأخ الفاضل . أفضل طريقة للتصرف في الراتب هي عند سحب الراتب مباشرء شراء مستلزمات البيت شهريا تقريبا . والباقي يخزن للحاجة ربما مرض . ربما أمور طارئة . أما السكنى تقدري تبني بالصح بالتدريج . لا تنظري للنهاية أنظري للبداية . أقصد لو المنزل ألي حابين تبنيوه 400 مليون مثلا . ماتقولييش وأنا كيفاه ندبر 400 مليون . لأنك نظرت إلى النهاية . إبدأي خطوة خطوة . ربي يوفقك أنتِ وزوجك .

مسافة الميل تبدأ بخطوة . تذكري هذا جيدا . والصبر مفتاح الفرج .

الخاتمة1

[raghado]

والله ياختي كلنا نفس المشكل بالرغم منو عندنا مسكن نتاعنا مش كاريين لكن الدراهم مانعرفش وين تروح بصح اناراجلي مفسد ياسر وخاصة في الاكل والله اجر نتاعو يكفي عائلة ب10 افراد ماشاء الله لكن حنا متكفيناش ماعلابليش كيفاه وعائلتنا 3 اطفال وحنا زوج واطفال صغار ماشي كبار يكلفو و كل مانقولو الشهر هذا نوفر يلحق الشهر الاخر نلقاوي كيف كيف ماكاين والو ربي يكون في العون

[anesthesia]

انا راني كيفك اختي كاريا بمليون للشهر و انا و راجلي بيناتنا 6 ملاين
انا نخبي une pay و نجبد الاخرا
راني عايشة سياسة التقشف ههههه
وكيما قالولك كي نخلص نشري مصروف الشهر. طبعا الحاجة اللي ما تفسدش
اما الخضر نشري بالاسبوع.. دايرة اظرفة و كاتب فيهم الاسبوع 1 و 2 و3و 4
كل اسبوع حاطتلو مبلغ مخصص مالازمش نفوتو مهما كلفني الامر
و دايرة طبعا ظرف ليا و لزوجي و اخر للمناسبات
و بنتي ايضا عندها ظرف خاص بيها
و بلا ما تنساي اختي الصدقة راهي تفتحلك شحال من باب

[sarl02]

انا راني كيفك اختي كاريا بمليون للشهر و انا و راجلي بيناتنا 6 ملاين
انا نخبي une pay و نجبد الاخرا
راني عايشة سياسة التقشف ههههه
وكيما قالولك كي نخلص نشري مصروف الشهر. طبعا الحاجة اللي ما تفسدش
اما الخضر نشري بالاسبوع.. دايرة اظرفة و كاتب فيهم الاسبوع 1 و 2 و3و 4
كل اسبوع حاطتلو مبلغ مخصص مالازمش نفوتو مهما كلفني الامر
و دايرة طبعا ظرف ليا و لزوجي و اخر للمناسبات
و بنتي ايضا عندها ظرف خاص بيها
و بلا ما تنساي اختي الصدقة راهي تفتحلك شحال من باب

انا مقتصد ووظيفتي الحسابات والتدبير والبرمجة بصح ما نقدرش انعيش المعيشة تاعكم هذه ...كولي واشربي وصدقي ويرحمها ربي ..الدنيا راهي موت موت وانت اديري فالاظرفة تاع الخضرة تاع 20 سنة القدام ..تموتي واتخليهم ياكلوهم موراك...اتمتعي بيهم اوفرحي هذيك العمر راح اتحاسبك عند ربي..

[ايمان نور الجزائر]

يا اختي الرزق على ربي
نتي وراجلك تفاهمو برك شهرية اتصرفو بيها والاخرى خبيوها
وكل نهار وبركتو
اكثرو من الاستغفار وتوكلو على ربي وربي يفتح عليكم بسكن

[مومي23]

الامر بسيط جدا
الوصفة السحرية هي راتب زوجك تصرفوه وراتبك انت يخبا
و مافيش تاعي و تاعك
ادا استخرجتوا راتبكم في 2
الاثنين يخلاصو و ما توفروا حتى حاجة

[رَكان]

انا راني كيفك اختي كاريا بمليون للشهر و انا و راجلي بيناتنا 6 ملاين
انا نخبي une pay و نجبد الاخرا
راني عايشة سياسة التقشف ههههه
وكيما قالولك كي نخلص نشري مصروف الشهر. طبعا الحاجة اللي ما تفسدش
اما الخضر نشري بالاسبوع.. دايرة اظرفة و كاتب فيهم الاسبوع 1 و 2 و3و 4
كل اسبوع حاطتلو مبلغ مخصص مالازمش نفوتو مهما كلفني الامر
و دايرة طبعا ظرف ليا و لزوجي و اخر للمناسبات
و بنتي ايضا عندها ظرف خاص بيها
و بلا ما تنساي اختي الصدقة راهي تفتحلك شحال من باب

ماشاء الله تبارك الله ...
صاحبة الموضوع ...أنصحك بمراجعة هذه المشاركة عدة مرات ..والله غنها لمخرج لكم مما تعانونه..
إن هترشيد الإستهلاك إنه ضبط المصاريف حتى لايذهب المال هدرا ...
لو كل عائلة مارست الأسلوب ذاته ..لتغير وضعنا الإجتماعي والإقتصادي ..لست خبيرا في الأمر ولكنني متأمد أنه لو أجريت دراسة على مصاريف الأسرة الجزائرية لتم التوصل الى أن العشوائية في المصروف الشهري هو ما أوصل حال كثير من الأسر الى الحاجة وذلة الإستدانة نهاية كل شهر ...
هذه المشاركة لايختلف مضمومنها وما تحويه من توجيه على ما يتم ممارسته لدى العائلات في الدول الغربية ...فليس لديهم شيء إسمه ربما .لاأدري أين راح ذلك المبلغ ...لعله يكفي ربما لايكفي ..كل شيء مضبوط بحساب ..
استهلاك الخبز شهريا معروف مقدار الخضر الفاكهة اللحم الحليب ..مواد التنظيف وكل ما يتم استهلاكه شهريا معروف ..مسبقا ...
كاين مثل دارج قديم ربما يعرفه البعض منكم يقول /
إذا كان المدخول خماس والمخروج سداسي ..وجد شكاره باه تساسي ..
والمراد منه ..أن من كانت مصاريفه أكثر من مداخيله فليعول على أن يحضر كيسا يستعمله في طلب الصدقة والإحسان من الآخرين ..
ثم أضيف أن المسؤولية الكبرى تقع هلى كاهل سيدة البيت فهي الأدرى بحاجيات أسرتها فكلما وضعت نظاما يخص مصاريفها للمطبخ وغيره فإنها بحكمتها وحسن تصرفها تدخر ما لايمكن تصوره وعن تجربة لأحدهم حدثني ..أنه كان يدخر لسنوات طوال لأجل شراء سيارة .واستطاع أن يجمع مبلغا قدره حوالي 50 مليون سنتيم ..وكان يحادث زوجته تلك الليلة أنه نوى شراء سيارة بذلك المبلغ لكنه متردد من جانبأنها ستكون قديمة وقد يوقعه ذلك في مصاريف تفوق متطلبات البنزين والصيانة ..نهضت زوجته من جانبه ..وغابت لوقت قصير لتسلمه ظرفا تصوروروا ما حواه ؟؟؟؟
مبلغ 20 مليون سنتيم طلبت منه أنيضيفها على الخمسين ؟
من أين لها ذلك ؟؟؟
من والديها وأقاربها ؟؟؟ لا ..
بل كان فضلا من الله أنه أعانها على حسن تدبير مصاريف البيت ..فادخرت ذلك المبلغ ..

[anesthesia]

يا خويا المقتصد نورمالمو نتا اللي توريلنا الاقتصاد و تفهمنا هههههه
انا الحمد لله راني عايشة لباس عليا راني دايرة اظرفة و منظمة روحي.. ناكل مليح و نلبس مليح و في نفس الوقت راني ندير في التاويل كيما يقولو
وبهاد الطريقة قدرت نشري سيارة و الحمد لله
وانشاالله نزيد نشري مسكني الخاص باش ما نبقاش كارية طول حياتي

[طبيبة سمية]

افكار روعة بارك الله غيكم

[زوجته]

عجبتني طريقة الاخت والاضرفة انا تاني نديرها مستقبلا ان شاء الله باش نشري الدار

[أم عبد الرحيم يوسف]

يا أختي أنا نسلك مليون وراجلي 3ملاين عندنا 3سنوات منين ترسم وراني ساكنة في غرفة واحدة وكل شهر ندير ميزانية كيفاه نصرفواراهو صعيب الحال خاصة مع الأولاد النصيحة تاع الاظرفة فعالة في حالة ما اذا لم تتجاوزوا المبلغ المحدد والا راح تسوفري شوية أنا عييت كيفاه نخبي دراهمنا قد ولادنا بصح ربي يجيب الخير كل من قصد باب ربي والله مايخيبوا عجبتني النصيحة نتاع شوفي للبداية ماشي النهاية كلش راهوا يتبنى حبة حبة ربي يعاونك

[مستمتعة بالحياة]

السلام عايكم لما قريت التعليقات ارتحت انا ماكثة في البيت يعني كل عللى راجلي انضل نحسب و لكن دون جدوى ربما المشكل راهو في البركة

[رَكان]

السلام عليكم ...
لدي تساءل لبعض السيدات ...من يجدن صعوبة في ترتيب مصاريف البيت ..أسألهن عن بعض الأمور ..
1 ــ هل لديك رزنامة اسبوعية .للوجبات معلقة ..تعودين اليها .في تحضير الغداء والعشاء ؟؟؟
2 ــ هل لديك في المطبخ اضافة الى الوسائل المعروفة هل لديك مكاييل للسوائل وكذلك ميزان ؟؟؟
3 ــ هل يمكنك تحضير وجبة لأفراد عائلتك دونما أن يتبقى منها ما تضعينه في الثلاجة ؟؟
4 ــ هل تعلمين مقدار ما تستهلكينه خلال شهر كامل ..زيت... سكر ..طماطم ...خبز حليب الى غيره من المواد الغذائية وكذلك ما تعلق بمواد التنظيف وغيره من لوازم ..ولو بصفة تقريبية ومدونة على دفتر ..خاص ؟
طيب ...
هل تعانين من ضيوف الفجأة أن تسكنين ضمن العائلة الموسعة ؟
راجعي هذه الأمر لتعلمي سيدتي ..أنه يمكنك التحكم في مصاريف البيت لو أعملت ثلاث أدوات ..
قلم + ورقة + آلة حاسبة ..