المساعد الشخصي الرقمي

مشاهدة النسخة كاملة : معليش تعاونوني ياوجوه الخير

فال الخير
2015-09-25, 14:17
السلام عليكن اخواتي معليش نطلب منكم وصفة موسكوتشو مليحة كانت عنذي وحذة رايعة ونسيت مقاديرها

:mad:
فال الخير
2015-09-25, 21:17
91مشاهدة 0رد
أم عبد الرحيم يوسف
2015-09-25, 21:21
أختي صح عيدك أنا الوصفة هاذي نعتمدها منذ 15 سنة علمتهالي جارتنا وأنا صغيرة ربي يعطيها الصحة
06بيضات تفصلي البياض وحدوا تطلعيه كي الثلج وتخليه على جيه أما الصفار تزيديلوا التالي بالترتيب وكل مرة راكي تخدمي وتزيدي بالحلجة 16مغرف ماكلة سكر عادي + 16مغرف حليب +12مغرف زيت+زاست حبة قارص(من أجل الطعم اذا لم يتوفر ماعليش)+15مغرف فرينة+02باكيات خميرة
الفرينة كي تجي تلوحيها غربليها والخميرة ديريها في الفرينة قبل ماتلوحيها وفي الأخير أضيفي البياض وحركي غير بشوية وماتكسريهش وديريها في الصينية المتوفرة حبيتي مدورة أو مربعة الأن أهم خطوة الطياب سر المسكوتة الهايلة هو طيابها الفور يكون سخون وماتحليش عليها أبدا طلي عليها من الزجاج كي تطيب من تحت حمريها من فوق غير بشوية ماشي تحرقيها
أختي التزيين على حساب المقدار ساعات ندير فوقها شيكولة ومكسرات مرحية وساعات ندير فيها كاكاو باش تجي قهوي وندهنها بالمعجون ونحي هادوك الحواشي الزايدين نرابيهم فوق المعجون وتجي باهية أنا من كنت في دارنا لازم ماتخلاصش على خاوتي والان زوجي أختي اذا عجباتك دعوة خير لأولادي بزايد وان شاء الله تعجبكم وتجربوها وتردولي الخبر هي صح فيها حساب تاع مغارف وخدمة بصح تجي خفيفة خاصة اذا خدمتي بالباتور ربي يعاونك
ام مؤمن
2015-09-25, 21:39
حبيت نفيدك أختي لكن انا ماعنديش وصفة مكوتشو عندي وصفة بسبوسة خفيفة و هايلة
الأخت ام عبد الرحيم إجابتك بارك ألله فيها
ان شاء الله نجربها تبان وصفة مليحة ربي يحفظ وليداتك و يباركلك فيهم و تشوفيهم في اعلى المراتب ام عبد الرحيم
فال الخير
2015-09-26, 09:47
ربي يسترك اختي ام عيد الرحيم ويبارك فيك ويخليلك وليداتك وتشوفيهم قرة عين ليك فيالدنيا و الاخرة
اخت عبد المومن يارك الله في صحتكوما دابيك تزوديني بالبسبوسة و الله منتديات الجلفة مدرسة وناسها اهل الجنة ان شا الله
fatima zahra tah
2015-09-26, 17:29
مسكوتشو 4بيضات 8ملاعق كبار سكر 4حليب 4زيت 8 فرينة 2نشاء 2خميرة تقدري تستغناي على النشاء
فال الخير
2015-09-28, 17:23
يسلمو اختي فاطمة ربي يحفظك
اخت ام عبد الرحيم الوصفة فتاكة و الله غامرت وجربتها نهار جاو بيت راجلي يجيبولي حقي و طلعت راااايعة وحتى امي استكثرت خيرك ودعاتلك
RIMA.87
2015-09-28, 17:42
السلام عليكم
هذا الرابط يساعدك اختي
http://www.djelfa.info/vb/showthread.php?t=1867817
فال الخير
2016-01-12, 16:24
اختي فاطمة اختي ريمة بارك الله فيكما