النظارات الطبية او العدسات؟؟؟

[انتصار أمل]

السلام عليكم
حبيت نستشيركم ونعرف تجاربكم مع العدسات التي توضع لتصحيح النظر ، فقد نصحني الطبيب بوضع نظارات لان نظري ضعيف ، وقال لي ايضا انه بامكاني وضع عدسات بدل النظارات والبسها وانزعها كل يوم ....اريد ان اعرف من جرب العدسات يخبرني عن تجربته ، لانني لا اريد ان اضع النظارات في هذا السن .

شكرا مسبقا للجميع

[بشـرى]

وعليكم السلام ورحمة الله وبركاته

أختي اذا قارنا بين النظارات والعدسات فبالطبع العدسات أحسن ميقلقوش وتحسي بالراحة بيهم بصح ... لازمك اذا درتيهم تحافظي عليهم مليح مليح ، اي حاجة تقيسهم لوكان غبرة راكي تديها لعينك ، وكاين التهابات تصيب العين بسبب العدسات خطيرة جدا، لازم تحافظي عليهم كما تحافظي على عينيك ،
انا كون جيت بلاصتك ندير النظارات أحسن ، صح يقلقو بصح كي توالفي بيهم يوليو عادي، انا عندي بصح نقرا بيهم برك منحطهمش طول ، بصح عندي أختي طبيبة عندها نقص فالنظر بصح مدايرة نظارات ومستبعدة فكرة العدسات خلاص ،
بصح لازمك النظارات ولا العدسات تحطيهم طول باه ميتعبوش عينيك ومينقصوش كثر :-)

[انتصار أمل]

شكرا جزيلا ربي يحفظك بشرى ....انا أيضا احترت احسست ان الطبيب يريدني ان اعود لاضع العدسات بسبب تجاري فقط ....وأردت فعلا ان اعرف اذاكان الاباء نفسهم الذين لديهم نقص نظر يستعملون نظارات ام عدسات

[بشـرى]

شكرا جزيلا ربي يحفظك بشرى ....انا أيضا احترت احسست ان الطبيب يريدني ان اعود لاضع العدسات بسبب تجاري فقط ....وأردت فعلا ان اعرف اذاكان الاباء نفسهم الذين لديهم نقص نظر يستعملون نظارات ام عدسات

ليس بالضرورة يكون بسبب تجاري، منظلموش الطبيب، هو اعطاك اختيارات برك وانتي عليك حرية الإختيار

[بشـرى]

شكرا جزيلا ربي يحفظك بشرى ....انا أيضا احترت احسست ان الطبيب يريدني ان اعود لاضع العدسات بسبب تجاري فقط ....وأردت فعلا ان اعرف اذاكان الاباء نفسهم الذين لديهم نقص نظر يستعملون نظارات ام عدسات

لا يا أختي هو أعطاك اختيارين، وأنت تختارين ما يريحك ،، الطبيب ليس لديه أي مصلحة في هذا الأمر

[fatima zahra tah]

العدسات انواع توجد عدسات لازمك تنحيها دائما وكاين عدسات تقدري تخليهاحتى اسبوع في عينيك ولازمك تحافضي عليهم اما الفرق بينها وبين النظارات فالعدسات احسن اذا عرفت تحافظ عليهم واذا متقدريش تحافظي عليهم وتهتمي بيهم البسي النضارات

[Aljazairia]

سلام على الجميع
اختي من ناحية الرؤية العدسات تكون افضل فقط هي تحتاج لعناية خاصة

[انتصار أمل]

فطيمة الزهرة ...و الحزائرية ..شكرا ليكم ربي يحفظكم ....انا قلت ان النظارات يبينوا الوحدة أكبر من سنها ، مازلت محتارة

[baalache]

اختي الكريمة صحتك اولا من مظهرك العدسات صحيح لن تغير من شكلك لكن فيها نوع من الخطر ادا كانت نوعيته غير جيدة او تعرضت للاوساخ فهي داخل العين عكس النظارات انا اضع نظارات و انا مرتاح جدا مند 13 سنة و لم تزعجني و يسحيل ان افكر في العدسات

[Aljazairia]

على العكس اخت انتصار
شكل النظارات صار مختلف و احيانا يزيدك بهاء
صحتك أولى

[** أبو أسيد **]

تبقى النظارات هم الحل الأمثل و الأنجع و الأنسب وهو رأي كبار أطباء العيون

[انتصار أمل]

اخواني واخواتي شكرا لكم جميعا ... لقد كونت فكرة كافية عن الموضوع بفضل مشاركاتكم ...جزاكم الله خيرا

[you92cef]

من وجهة نظري التظارات احسن

نعم العدسات تعطيك رؤية جيدة ولكن مخاطرها كبيرة جدا وامراض اي خطا او نسيان انك تضعها قد يكلفك فقدان عينيك ** جربت العدسات وكنت انسى مرات انني اضعهم لذلك تخليت عنهم**

حاليا اقضي اوقات طويلة امام الحاسوب واضع النظارات عادي ولا اجد اي مشكلة في الحرص في ذلك

[FATIMANOOR]

ملي كان في عمري 8سنين درت نظارات و بقيت بيهم حتى ربحت الباك و درت عدسات لاصقة راني في 10سنين و ما لقيتش مشكل معاهم بصح طبيب قالي لازم تريحي عينيك و تخليهم يتنفسو ديري العدسات برا و النظارات فالدار ولا قبل ما ترقدي بزوج سوايع ولا الجمعة