السلام عليكم

[هند11]

:dj_17: شكون تعطيني روطي بالبطاطا والجاج كيما لي حاطتو اختي الهام امي لا تاكل اللحم حبيت ندرولها يوم العيد وشكرااااا

[فايزة1207]

الروطي نتاع ماما حلي وذنك مليح ههههههههه:
في كوكوط تحطي شوية زيت والجاج نتاعك وتبقاي تحمري فيه بالشوية مليح مليح كل شوية تقليه كي يتحمر على جهة تزيدي تقلبيه حتى يتحمر مليح تزيدي ورقات رند+ فلفل أسود وكمية مليح من ثوم مقطع شرائح أو مرابي كيما تحبي.
في هذا الوقت تقطعي البطاطا + 2 أو 3 حبات جزر ( مهم الجزر هنا ) تقطعيهم دوائر وماترققيش البطاطا باش ماتتفتتش في المرق تقلي البطاطا والجزر وحمريهم لازم ماشي تخليها بيضاء.
كي يتحمر الجاج تمرقي الكوكوط وتغلقي عليها ( ماتكثريش الماء ) .
كي يطيب الجاج تفتحي الكوكوط تضيفي البطاطا لازم يكون مستوى المرق مع البطاطا قدقد مايزيدش ماجيش فيها صوص بزاف وتغلقي على نار هادة 5-10د فقط وطفي
تقدم مع رشة مليحة نتاع معدنوس
وك يكونو عندك الضياف كي يطيب المرق اجبدي الجاج وقطريه مليح ورمديه في خبز مرحي وأقليه ( حمريه ) في شوية زيت وقدميه في الطبق مع البطاطا
http://www.up-00.com/?qGTh
http://www.up-00.com/?qGTh (http://www.up-00.com/)

[هند11]

شكراااااا اختي مفهمتش نقلي بطاطا والجزر بعد نر ميهم في المرق والجزر اكون طايب من قبل

[هند11]

اختي لا تعرفي فيسبوك تاع اختي الهام 7 اعطيهلي في رسالة خاصة محتجتها ضروري

[هند11]

وين رحتي اختي

[فايزة1207]

الفايسبوك خاطيني لكن نيعثلك رسالة خاصة تشوف موضوعك وترد عليك ماهيش راخ تبخلك

[إلهام07]

عيدك مبارك اختي وكل عام وانت بخير انت وامك
اولا حبيت نقولك باللي كي مديت الوصفة لفايزة نسيت نقوللها على البصل يعني بعد مايتقلى الجاج تضيفي بصل شرائح وتقلي ومن بعد تزيدي الثوم والملح والتوابل
ثانيا جواب سؤالك .
كي تقلي مليح وتمرقي تغلقي الكوكوط باش يطيب الجاج وفي هذا الوقت تقلي البطاطا والجزر نعم تقليم في الزيت ومن بعد كي يطيب الجاج تفتحي الكوكوط وترميهم في المرق وتخليهم 5 حتى 10 د على نار هادئة تتشرب المرق وطفي ماتخليهاش طول البطاطا تتهرس
اي سؤال انا في الخدمة

[wardanour]

عيد سعييييييييييييييييييييد وكل عام وانتم بألف خيـــــــــــــــــــــــــــــــر

[هند11]

وعيدك مبارك انتي والعائلة كامل و شكرااااااااا كثيرعلى الجواب اختي الهام من فضلك اعطيني الاطباق تاعك الجديدة لي طلبته منك اعطيني فيسبوك تاعك