الاعراس الجزائرية وتكاليفها ومحاولة وضع حد لها

[ام ايمان16]

السلام عليكم

من الملاحظ في مجتمعا ان تكاليف الاعراس اصبحت كثيرة على العريس وعلى العروس

فاردت ان اطرح عليكم بعض الافكار حتى نناقش امكانية تطبيقها على ارض الواقع

فقلت لنفسي لوطبقت هذه الافكار لحلت ازمة السكن للزوجين بالمال الذي سيوفرانه من العرس
وربما سيمكنهم من شراء مسكن خاص بهما

دون اطالة اضع افكاري في نقاط ليسهل مناقشتها


من الافكار التي جائتني لوضع حد لتكاليف الاعراس

1-البطاقات التي نطبعها بنقود كثيرة من اجل ارسالها للمدعوين ليس لها داعي فهي من تقليد الغرب

ودعوة الاهل سواء بالهاتف او الذهاب اليهم (ونوفر ثمن البطاقات جانبا)

2-اشتراط اهل العريس دفع مهر قليل جدا حوالي( 1000دج)يقابله عدم احضار الشورة للعروس معها نهائيا والغاء تصديرة العرس (ونوفر ثمن المهر الباهظ وثمن الشورة والتصديرة الباهظة جانبا)

3-عدم استعمال المذياع الكبير او مايسمى الديسك جوكي ولاباس بالغناء بالدف(ونوفر ثمن كراء المغني او الديسك جوكي جانبا)


4-الاكل في العرس يكون مجرد وجبة غداء او عشاء مع فاكهة (في البيت ان كان يوجد متسع او في الصالة للضرورة))ونستغني عن الحلويات فيها(ونوفر ثمن الحلويات جانبا))(ولو استطعنا عمل العرس في البيت (نوفر ثمن كراء الصالة جانبا)

5-لباس العروس يكون لباس واحد فقط مثلا يكون عبارة عن قفطان او كاراكو اقتصادا في كثرة التصديرة والتبذير فيها مع تسريحة عرس طبعا

هاذا ماحضر في بالي الان من افكار لتوفير المال من الاعراس


في انتضار تعليقاتكم او اي اضافات من عندكم على النقاط التي ذكرتها

[روح مراد]

فكرة هايلة بالصح الاقتصاد لازم يبدا من أول يوم نتاع الخطبة لوكان نكتفو فقط بالضروريات كي ناس بكري

[ام ايمان16]

كيف يعني من الخطبة ؟ممكن توضيح لفكرتك حتى تعم الفائدة بارك الله فيك

[فايزة1207]

كيما قالت الاخت روح مرادلازم نبداو قبل كيما المهيبة ينحوها

[ام ايمان16]

ممكن تحطوها في شكل نقاط حتى تكون واضحة؟

[روح مراد]

ما يكون غير خاطرك
اول يوم نتاع الخطبة
نستغناو على الورد
نستغناو على القاطو (ندو حاجة صغيرة)
نستغناو مثلا على الهدايا نكتفو بخاتم
من ناحية البنت تلبس حاجة مغقولة و ما يشروش هدايا لأهل الرجل
نحو كيما قالو البنات مهيبات العيد و نحو الهدايا الثمينة و نقصو الهدرة في التليفون و ماكاش فيونصاي
يديرو الفاتحة كي ناس بكري في الجامع و يروحو للقهوة يشربو قهاوي و فرات و يشريلها خاتم يلبسهولها غير وحدهم ماكاين حفافة ماكاين لبسة غغالية ما كاين مشروبات و ما كاين حلويات

[rose de sable s]

لكن ناس تحب مظاهر و معاند هوما يقلك معدتاش لكن يحب يبذرو و يقلك شرط غالي و يحب لعروس تجيب اضعاف شرط
ياك مهم سعادة و تفاهم بين زوجين
يديرو مثل مصريين و غرب سهرة في ليل مع مشروبات و فاطو عادي و فقط لما لازم 3 ايام و التعب ووووو

[baalache]

المهر 1000 دج ههههههههههه في الغرب الجزائري اهانه و لو كان يطبقوها انا من غدوة راني مزوج

[rose de sable s]

ههههههههههههه
هكذا تتزوج 2-3 بنات و تقضو علي عنوسة و تاخر زواج
لكن لما يعتبر اهانه
كايت لي شرطها مليون و مصحف

[ام ايمان16]

المهر 1000 دج ههههههههههه في الغرب الجزائري اهانه و لو كان يطبقوها انا من غدوة راني مزوج

لما الضحك هههههههههه

ماتنساش راني حطيت قدام 1000دج لي مدها العريس العروس ماتجيبش الشورة ايضا؟ام ام انت تستهين بالشورة لي تجيبها لعروس في حوالي 50مليون

لانو العروس اذا ماجابتش شورة اهل لعريس يقولو عليها بعثوها والديها بلاحوايج؟

راك ملاحظ واش راني نقصد؟؟؟؟؟؟؟؟؟؟؟؟؟

[baalache]

راني فاهمك اختي انت تقصدين التخفيف من الجانبين وانا راني معاك لكن هدا لن يكون واقع الامر كي جي ف الصح يتشرطو و يتشرطو غالي

[ام ايمان16]

ما يكون غير خاطرك
اول يوم نتاع الخطبة
نستغناو على الورد
نستغناو على القاطو (ندو حاجة صغيرة)
نستغناو مثلا على الهدايا نكتفو بخاتم
من ناحية البنت تلبس حاجة مغقولة و ما يشروش هدايا لأهل الرجل
نحو كيما قالو البنات مهيبات العيد و نحو الهدايا الثمينة و نقصو الهدرة في التليفون و ماكاش فيونصاي
يديرو الفاتحة كي ناس بكري في الجامع و يروحو للقهوة يشربو قهاوي و فرات و يشريلها خاتم يلبسهولها غير وحدهم ماكاين حفافة ماكاين لبسة غغالية ما كاين مشروبات و ما كاين حلويات


يعطيك الصحة اختي على الاضافة

فعلا لو تنقص هاذو الامور بزاف حوايج تتسهل

لكن ناس تحب مظاهر و معاند هوما يقلك معدتاش لكن يحب يبذرو و يقلك شرط غالي و يحب لعروس تجيب اضعاف شرط
ياك مهم سعادة و تفاهم بين زوجين
يديرو مثل مصريين و غرب سهرة في ليل مع مشروبات و فاطو عادي و فقط لما لازم 3 ايام و التعب ووووو

صح كيما قلتي مجتمعنا يحب المضاهر بزااف



ههههههههههههه
هكذا تتزوج 2-3 بنات و تقضو علي عنوسة و تاخر زواج
لكن لما يعتبر اهانه
كايت لي شرطها مليون و مصحف


نقضو على العنوسة وتحل البركة بلاواحد مايغيضو الحال لاالعريس لالعروسة فكلاهما استغنى عن شيئ باهض الثمن المهر والشورة

وسؤال
لي تزوجت بمليون ومصحف دات معاها شورة ودارت تصديرة وعرس و ولامادارتش؟

[baalache]

ههههههههههههه
هكذا تتزوج 2-3 بنات و تقضو علي عنوسة و تاخر زواج
لكن لما يعتبر اهانه
كايت لي شرطها مليون و مصحف
اختي انا قصدت بالاهانة انها لن تحدث ابدا خاصة بالغرب الجزائري وانا خوك كي تصيبي وحدة تتزوج بمليون ومصحف وريهالي تدي فيا اجر:1:

[ام ايمان16]

راني فاهمك اختي انت تقصدين التخفيف من الجانبين وانا راني معاك لكن هدا لن يكون واقع الامر كي جي ف الصح يتشرطو و يتشرطو غالي

بالصح كون انتا تسبق تقوللهم نعطيلكم 1000دج ومانسحق بنتكم تجيبلي والوفي الشورة انتاعها ؟وشوف واش يقولك ساعتها؟

لانو اكيد اب العروسة كون تقولو نعطيلك 1000دج وتسكت اكيد رايح نقولك ماعنديش باش نجهزهالك ونشريلها الشورة؟
بالصح كي تسبق تقولهالو انتا مانضنش راح يرفض ؟

[rose de sable s]

الله غالب الاخ راني بعيد عليك
تخاف تقلي بزاف عليك خسارة تنقل

[baalache]

بالصح كون انتا تسبق تقوللهم نعطيلكم 1000دج ومانسحق بنتكم تجيبلي والوفي الشورة انتاعها ؟وشوف واش يقولك ساعتها؟

لانو اكيد اب العروسة كون تقولو نعطيلك 1000دج وتسكت اكيد رايح نقولك ماعنديش باش نجهزهالك ونشريلها الشورة؟
بالصح كي تسبق تقولهالو انتا مانضنش راح يرفض ؟
انا مستعد نعطيها 100000 وما جيبلي والو الحمد لله بصح صدقيني في ولايتي على الاقل اقل من 150000دج لن تتزوج حتى لو طلبت من الزوجة عدم احضار اي شيئ

[oum imane83]

ياريت ينقصو ويتخلاو عن المصتريف الزايدة .... كاين الي يروحو للدين باش يعمل عرس يتباهى به وسط الناس وهومش عارف ان هداك الدين رايح يلتف حول رقبته والي يتبع كلام الغير هو الي رايح يندم لان ارضاء الناس غاية لا تدرك ..

[rose de sable s]

كل ولايه و عاداتها
ابحث خارج ولايتك
هنا عندنا كل واحد و ظروفو
ربي يفرج علينا

[baalache]

الله غالب الاخ راني بعيد عليك
تخاف تقلي بزاف عليك خسارة تنقل
مشكورة اختي فعلا بسكرة بعيدة جدا

[nihal159]

كاين ناس لي مايشرطوش عليهم وتلقايهم يكلفو في رواحهم ويديرو في لكريدي.

[ام ايمان16]

انا مستعد نعطيها 100000 وما جيبلي والو الحمد لله بصح صدقيني في ولايتي على الاقل اقل من 150000دج لن تتزوج حتى لو طلبت من الزوجة عدم احضار اي شيئ

جرب وشوف حتى من باب اخذ الراي فقط من قبل اهلك او اصحابك في هاذاالقول فرما تجد من ترضى بهاذا الكلام

وايضا حاول ان تقصد ابواب ناسها عقلاء وليس من يحبون المضاهر والعنطزة

[baalache]

كاين ناس لي مايشرطوش عليهم وتلقايهم يكلفو في رواحهم ويديرو في لكريدي.
اختي ف البحبوحة بالك راه التقشف وما شكيتش هدا النوع انقرض:1:

[ام ايمان16]

ياريت ينقصو ويتخلاو عن المصتريف الزايدة .... كاين الي يروحو للدين باش يعمل عرس يتباهى به وسط الناس وهومش عارف ان هداك الدين رايح يلتف حول رقبته والي يتبع كلام الغير هو الي رايح يندم لان ارضاء الناس غاية لا تدرك ..


فعلا لي تبع كلام الناس مايربحش
لانو المصيبة الناس تهدر تهدر سواء كان العرس مكلف او عادي

كاين ناس لي مايشرطوش عليهم وتلقايهم يكلفو في رواحهم ويديرو في لكريدي.

صح كاين ناس هوما لي حبو يشقو رواحم
لكن هاذو يااما عندهم دراهم زيادة ماحبوش يبخلو يااما حشمو من هدرة الناس؟

[آسيا 25]

بارك الله فيك أخت أم إيمان فعلا لازم ينحيو المآدب و الولائم اللي بزاف لأنو الناس تاع درك ما فيهمش الخير ياكلو الغلة و يسبو الملة و إرضاء الناس غاية لا تدرك!إذن من الأفضل العريسان يوفران نقودهما لشراء المنزل أو تعميره بدلا من إنفاقه على هته التفاهات, و قد اقترحت من قبل في موضوع آخر أن يتم إنقاص قيمة المهر (إعطاء مبلغ رمزي فقط كما تفضلت 1000 دج مثلا) مع إلغاء الشورة التي تأخذ 3 أضعاف قيمة المهر .
و الله أفضل حل يا أختي أن يأتي الرجل لبيت أهل الزوجة مع والديه فقط لرؤية العروس و حين يتم القبول من الجانبين مباشرة يحددون موعدا لدى كل من البلدية و المسجد لعقد القران الشرعي و المدني و في ذات اليوم يكون عشاء خفيف(طبق واحد لا غير) للعائلة و المقربون ثم يأخذ الرجل زوجته و يمضيان لحياتهما و الله لو يطبق المجتمع هذا سنعيش بسلام.
بارك الله فيك على موضوعك القيم أختي.

[سر التقى]

و الله كاين ظاهرة عندنا في الجنوب و هي الزواج الجماعي و تتكفل جمعية بتنظيم الزواج كل عام وتكاليف العرس عليها و هذا بمساهمة المحسنين من الكوستيم نتاع لعريس و للحلويات حتى للشمرة نتاعوا و يكون حفل جماعي واحد و عشاء واحد و في مناطق وصل عدد العرسان الى 170 عريس و من كل المستويات يعني ما يكونش فيه غير ابناء الفقراء بل يكونوا مخلطين اغنياء و متوسطين و فقراء اما العرائس يكون العرس كل وحدة في دارهم . هادي تنقص بزاف من مصاريف العرس.

[ام ايمان16]

بارك الله فيك أخت أم إيمان فعلا لازم ينحيو المآدب و الولائم اللي بزاف لأنو الناس تاع درك ما فيهمش الخير ياكلو الغلة و يسبو الملة و إرضاء الناس غاية لا تدرك!إذن من الأفضل العريسان يوفران نقودهما لشراء المنزل أو تعميره بدلا من إنفاقه على هته التفاهات, و قد اقترحت من قبل في موضوع آخر أن يتم إنقاص قيمة المهر (إعطاء مبلغ رمزي فقط كما تفضلت 1000 دج مثلا) مع إلغاء الشورة التي تأخذ 3 أضعاف قيمة المهر .
و الله أفضل حل يا أختي أن يأتي الرجل لبيت أهل الزوجة مع والديه فقط لرؤية العروس و حين يتم القبول من الجانبين مباشرة يحددون موعدا لدى كل من البلدية و المسجد لعقد القران الشرعي و المدني و في ذات اليوم يكون عشاء خفيف(طبق واحد لا غير) للعائلة و المقربون ثم يأخذ الرجل زوجته و يمضيان لحياتهما و الله لو يطبق المجتمع هذا سنعيش بسلام.
بارك الله فيك على موضوعك القيم أختي.

بارك الله فيك على ردك القيم

نعم لوحصل كماتفضلتي لحلت مشاكلالاموال

لكن يجب التطبيق من الجهتين جهة العريس والعروس؟

لكن الاغلبية يطالبون بالغاء المهر دون مراعاة تكاليف الشورة والتصديرة للعروس؟

[لحن الحياة.]

جميل ...احنا استغنينا على الحلويات ولينا نديرو مسمن فقط
لعقوبة للتكاليف الاخرى تنقص

[ام عبد الواحد 2016]

لو يعرف أهل العروس أن قيمة ابنتهم ليس في المهر الغالي و التفاخر و التباهي و التبذير من المحرمات آه لو يعرف أهل العريس أن كل ما تحضره العروس ليس ذا قيمة في مقابل الأخلاق العالية . كم أتمنى ان احضر عرس من أعراس زمان

[3ahmed3]

اضن ان الأعراس قريبا ستندثر. لان اليوم راهم على طريقة الغرب...عرس صغير المهتمين عرس.وايضا اليوم الناس لا تتظر إلا للحلال من كثرة. الحرام....
نحن في قبائل البويرة.....كاين اعراس ضخمة وكاين اعراس عادية جدا...يعني لا نتاثر. بالتبذيرات..

[naima10]

الناس ثاني كي تروح تخطب تروح تشوف فوقها وتقول شرطولي
كيما قال الأخ حنا في البويرة مازالت الدنيا بخير كاين وكاين
أنا وحدة لوكان يرزقني ربي بوليد الفاميليا من نهار لول نقولو حتى نهار تديني ندير عشا للأقارب و نصدق للجامع ولا للمجانين دنيا ومافيها
لعراس ولات نتاع زوخ ومظاهر ربي يهدينا

[kifok]

موضوع مهم جدا فعلا اصبحت تكاليف العرس عالة على الشباب

فاصبح معدل العنوسه يدق ناقوس الخطر


المفروض تكون توعيه للاهالي في هذه المواضيع

بالنسبه لينا شيئ عادي الاستغناء عن المهر

خلتي المهر نتاعها كان 3 مصاحف واحد ليها وواحد لراجلها وواحد للجامع

يعني مساعده ولو بسيطة للعريس

وفي الاخير الخسائر هذيك تجيب العين وتخرج غير ف العرسان

[ام ايمان16]

نعم لازم توعية كبيرة للتقليل من المضاهر الكذابة في الاعراس

[malikdz01]

انا قررت ما نديش عرس ...لكن هل تقبل الفتاة زواج بعرس رمزي فقط ممكن اجابة

[ام ايمان16]

انا قررت ما نديش عرس ...لكن هل تقبل الفتاة زواج بعرس رمزي فقط ممكن اجابة

هاذا يكون بالتفاهم مع الفتاة واهلها مع التنازل لبعض الامور من الطرفين
بعمنى التنازل عن العرس يكون مقابل تنازل اخر منك

بالتوفيق

[rose de sable s]

انا عن نفسي اريد عرس وليمة صغير مثل مصريين او اجانب احسن مهم هناء